شهيوات أم وليد

شهيوات أم وليد سنحاول افادتكم بمختلف الوصفات التقليدية والعصرية

مملحات مقرمشين وخفاف و إقتصادين ________تحضير العجينة_______في إناء حطي 3 كيسان فرينة و زيدي عليهم م ص خميرة الخبز و ...
20/09/2026

مملحات مقرمشين وخفاف و إقتصادين

________تحضير العجينة_______
في إناء حطي 3 كيسان فرينة و زيدي عليهم م ص خميرة الخبز و م ص سكر نصف م ص ملح نخلطهم مع بعض ونزيد نصف م ص خميرة الحلوى وخلطيهم زيدي نصف كاس زيت نبسسهم باليد باش تجيك العجينة هشوشة ولمي العجينة بالحليب دافئ تدريجيا( او بالماء و م ك حليب غبرة ) حتى نتحصل على عجينة متماسكة وعجنيها غير دقيقة برك غطيها و خليها تريح 30 دقيقة
_________الحشو لكم الاختيار _______
في صحن حطي 3 حبات بيض مغليين و مسكرفجين و علبتين تونة مصفي من الزيت و الفرماج (الجبن) وخلطيهم تحبي ديري دجاج اللحم مفروم طايب الزيتون المقطع ديري واش عندك تقدري تزيدي معدنوس مقطع للحشوة
التشكيل والطياب_________
افتحي العجينة على شكل مستطيل كبير بالحلال ولازم تكون رقيقة قطعيها بالجرارة على 3 أجزاء بطول و 3 أجزاء بالعرض( قطعيه بالطول والعرض إلى مستطيلات )
حطي الحشوة في وسط كل حبة واغلقيها وضغطي ببالفرشيطة على الجوانب من كل جهات حطيهم في بلاطو على ورق الطهي
ادهنيهم بالبيض( ما تحبيش ريحة البيض ديرلو شويا خل )
رشيهم بسانوج او جلاجلان من الفوق طيبيهم في فور مسخن مسبقاً على 200 درجة يطيبو ويحمارو بصحتكم، تخرج مقرمشة وتشهي 🇩🇿
#وصفات #مملحات #منقولة #مطبخ

مملحات مقرمشين ساهلين وسريعيم _________تحصير الحشو ______في مقلاة ندير شويا زيت مع حبة بصل مقطعة مربعات صغيرة نقليها ون...
20/09/2026

مملحات مقرمشين ساهلين وسريعيم
_________تحصير الحشو ______
في مقلاة ندير شويا زيت مع حبة بصل مقطعة مربعات صغيرة نقليها ونزيد فلفل اخضر مقطع صغير و نخليهم يذبالو نزيد لهم كمية من الدجاج المرحي او لحم مفروم نزيد الملح وفلفل اسود وفلفل أحمر وتوابل الجبن نخلطهم ونخليه بطيبو من بعد نزيدلهم جبن طري وكريمة سائلة ونخلط
________تشكيل المملحات ________
نجيب ورقة خبز تورتيلا نقسمها 4 شرائط
نحط شريط كبير ونزيد فوقو شريط صغيرة ➕( شريط صغير تاع الجنب)
نحط م ك من الحشوة كما موضح في الصور ونطويه إلى مربعة ( نطوي من فوق ونطوي جوانب تاع شريط صغيرة راح يتشكل مربع ونكمل نطويه حتى لخر)
نرمدهم في البيض ثم في شابلور اذا حبيتوهم مقرمشين بزاف عاودو مردوهم في بيض وشابلور
نقليهم في زيت سخون على نار متوسطة حتي يحمارو ونقدمهم مع اي صوص
منقولة
#منقولة #وصفات #مطبخ #مملحات

وصفة الخضرة صوتي مع الدجاج المحمر المقاديربطاطا صغيرة، جريوات (كوسة)، سنارية (جزر)، بصلة، ولوبيا ماشطو. فخاد دجاج، بصل، ...
20/09/2026

وصفة الخضرة صوتي مع الدجاج المحمر

المقادير
بطاطا صغيرة، جريوات (كوسة)، سنارية (جزر)، بصلة، ولوبيا ماشطو.
فخاد دجاج، بصل، ثوم، عصير نص حبة قارص، معدنوس، زيت، ومايونيز (تقدري تعوضيها بموطارد).
التوابل: ملح، فلفل كحل، فلفل عكري (أحمر)، راس الحانوت، كمون، ونصف مغرف كبيرة طماطم مصبرة.
مغرف سمن، وشوية مايزينة (باش تخثري المرقة).

_________طريقة التحضير__________
نقي الخضرة تاعك، اللوبيا نحيلها غير الأطراف، والبطاطا والجريوات والسنارية خليهم ملاح، وفوريهم واحد ربع ساعة برك باش يطيبوا ويقعدوا شادين روحهم
________ تتبيلة الدجاج________
في الاشوار ارحي البصل والثوم، زيدي عليهم التوابل، المعدنوس، القارص، الزيت والمايونيز. اثقبي الفخاد تاع الدجاج بالمزس باش تدخلهم التتبيلة مليح وخليهم يتبل في الفريجيدار نص ساعة.
________طياب الدجاج _________
: في الكوكوط ديري مغرف سمن، وقلي الدجاج مع التتبيلة مليح واحد 20 دقيقة. على نار متوسطة من بعد مرقي بالماء حتى يتغطى الدجاج واغلقي الكوكوط حتى يطيب زبدة. كي يطيب، نحيه وحمريه في مقلة فيها شوية زيت.
_______ الخضرة صوتي ________
بعد ما طابت الخضرة، قطعيها دوائر . في المقلة اللي حمرتي فيها الدجاج، ديري سنينات ثوم يتقلاو، زيدي الخضرة، ملح، فلفل كحل ومعدنوس، وقلبيهم غير بالعقل باش ما يتفتتوش حتى يتحمروا شوية.
________التقديم _________
المرقة اللي بقات صفيها وزيدي لها مغرف صغيرة مايزينة باش تختار، وقدمي الدجاج مع الخضرة صوتي والصلصة، بالصحة والراحة! 🇩🇿
#وصفات #مملحات #منقولة #مطبخ

مملحات محشية بعجينة قطنية و حشوة بدون لحوم في اناء نحط 3 كيسان فرينة و م ك خميرة الخبز ة م ك سكر وملعقة صغيرة ملح و بيا...
19/09/2026

مملحات محشية بعجينة قطنية و حشوة بدون لحوم
في اناء نحط 3 كيسان فرينة و م ك خميرة الخبز ة م ك سكر وملعقة صغيرة ملح و بياض بيضة و زيت نلم العجينة بالحليب دافئ ندلك العجينة لمدة 2 د حتى تولي رطبة ندهنا بالزيت ونغطيها ونخليها تخمر ويضاعف حجمها
__________الحشوة لكم الاختيار ______
في مقلاة نحط شويا زيت و حبة بصل و حبة فلفل مقطعين
نزيد عليهم ثوم مرحي ملح ونذبلهم ونزيد التونة و زيتون اخضر مقطع نخلطهم ونطفي عليهم
___تشكيل مملحات_______
بعد ما تخمر العجينة نقسمها إلى قسمين ( 2 خبزات) نرش الفرينة. و نفتح العجينة بالحلال على شكل مربع نحط بجنب شويا صلصة طماطم جبن مبشور الحشوة والجبن موزاريلا نطوي العجينة نحي العجين زائد بالجرارة نغلقها مليح بالفرشيطة من كل جوانب نفس طريقة مع عجينة الاخرى
نحط الخبزات في بلاطو على ورق الطهي نقطعهم خفيف إلى مثلثات ندهنهم بصفار البيض و نرشهم بسانوج او جلاجلان ندخلهم الفرن يطيبو على 230 درجة. وبصحتكم

#وصفات #مطبخ #منقولة #مملحات

فطيرة محشية بحجم عائلي المقادير:العجينة: * كاس ونص حليب دافي * مغرفة صغيرة سكر * مغرفة كبيرة خميرة الخبز * فنجان( تاي...
19/09/2026

فطيرة محشية بحجم عائلي
المقادير:
العجينة:
* كاس ونص حليب دافي
* مغرفة صغيرة سكر
* مغرفة كبيرة خميرة الخبز
* فنجان( تاي) غير ربع زيت
* مغرف صغيرة ملح
* الفرينة (حسب العجينة) صفار البيض
الحشو:
* حبة بصل كبيرة مقطعة
* فلفل حلو (حبة خضراء وحبة حمراء)
* نص صدر دجاج مقطع مربعات متوسطين (تقدروا تديروا فيونداشي ولا تستغناو عليه)
*2 حبات طماطم متوسطة مقشرة ومقطعة مربعات
* الملح والفلفل الكحل ثوم بودرا اعشاب عطرية
* فرماج رابي (جبن مبشور)
_______________تحضير العجينة______________
في اناء نحط كاس ونص حليب دافي، نزيدوا عليه الخميرة والسكر والزيت ونخلطو مليح بالفوي
نزيدوا الملح والفرينة بالتدريج حتى تتلم العجينة وتحصلوا على عجينة تكون تتلاصق شويا
نعجنوها بيدينا حوالي 5 دقائق حتى تولي العجينة رطبة وطرية متماسكة
نغطيوها بالبابيي فيلم ونخليوها تخمر وتتضاعف الحجم تاعها حوالي 45 دقيقة.الى ساعة
___________تحضير الحشو____________
في مقلة فوق النار، نديروا القليل من الزيت ونحطوا البصل والفلفل الأخضر والأحمر يتقلاو مليح.
بعد ما يتقلاو، نزيدوا عليهم قطع الدجاج والتوابل (الملح والفلفل الكحل ثوم بودرا واعشاب عطرية ) ونحركوا.
نزيدوا الطماطم المقطعة ونخليوا الحشو يطيب وينشف شويا ، وبعد ما يطيب نحيوه ونخليوه يبرد.
___________ تشكيل الفطيرة والطهي_________
بعد ما تخمر العجينة، نهبطولها الخمور ونقسموها على 2 كرات متساويين.
__ نرشو الفرينة ونحلو الكرة الأولى بالحلال على حساب السنيوة تاعنا ( سنيوة 35 / 25 سم تكون مدهونة بالزيت ولا فيها ورق الطهي).
__ نحطوا الطبقة الأولى تاع العجين في السنيوة، ونفرغوا فوقها الحشو ونمشيوها مليح، ونزيدوا نديروا فوقه الفرماج رابي.
_ نحلو الكرة الثانية تاع العجين ونغطيو بيها الحشو من الفوق، ونغلقوا الحواشي (الأطراف) مليح باش ما يتفتحوش نثقبها بالكوردون و .نخليها نزيد تخمر نطراسي الحبات بحواف الاصابع ( 12 حبة )
ندهنوا الفطيرة من الفوق بصفار البيض مخلط بشويا خل نرش عليها سانوج وجلاجلان. من فوق
ندخلوها تطيب في فرن مسخن من قبل على 200 درجة، نشعلولها من تحت حتى تحمار، ومن بعد نشعلولها من الفوق تحمار وتدي لون شباب، ونحيوها نخليها تبرد ونقطعها
#مطبخ #مملحات #وصفات #منقولة

ليكيش بحشوة و عجينة رائعة _________تحضير العجينة _________ 2 علب يغورت طبيعي و 2 علب مارغارين ذاىبة ( كيلو بعلبة اليغ...
19/09/2026

ليكيش بحشوة و عجينة رائعة
_________تحضير العجينة _________
2 علب يغورت طبيعي و 2 علب مارغارين ذاىبة ( كيلو بعلبة اليغورت) نخليطهم مليح بالفوي نزيلهم م ص ممسوحة خميرة الخبز و م ص سكر ونلم بالفرينة و م ص ملح حتى نتحصل على عجينة طرية ومتماسكة نغلفها بلاستيك نخليها تريح 1 إلى 2 ساعات قد ما ترتاح تجي شابة
_______نحضر الحشوة_______
في مقلاة مع شويا زيت نحط حبة بصل مقطعة مربعات صغيرة نذبلها ونزيد نصف صدر دجاج مرحي و ملح وفلفل اسود كركم وكيري نقليهم كي يطيبو نزيدلهم جبن طري
نحي حشوة مفرمجة ماشي ناشفة

________تشكيل ميني كيش ________
نفتح العجينة بالحلال رقيقة نطبعها إلى دوائر على حسب القوالب
نحط دوائر العجينة في لي مول ونفتحها ونطلعها من الجوانب و نثقبهم بالفرشيطة نعمرهم بملعقة إلى ملعقة ونصف من الحشو
نخلط 2 بيضات مع شويا كريمة وفلفل اسود وملح نضربهم ونفرغ ملعقة من الخليط فوق ليكيش
_______الطياب والتقديم ________
ندخلهم الفرن مسخنا مسبقا على 220 درجة يطيبو من تحت نخرحهم نحطلهم الجبن المبشور من فوق ورجعهم يطيبو من فوق 🇩🇿
#وصفات #منقولة #مطبخ #مملحات

غراتان دجاج وبيشمال بحجم عائلي المقادير:حوالي بطاطا 4 حبات متوسطين قطعـ.يهم مربعات صغيرة واقليهم نص صدر دجاج مرحي تتبيلة...
19/09/2026

غراتان دجاج وبيشمال بحجم عائلي

المقادير:حوالي بطاطا 4 حبات متوسطين قطعـ.يهم مربعات صغيرة واقليهم
نص صدر دجاج مرحي
تتبيلة الدجاج: نص حبة بصل مفرومة او مقطع مربعات صغيرة ، معدنوس، حبة بيض، 2 مغارف كبار لاشابلير، ملح، فلفل أسود، سنة ثوم، زنجبيل وتوابل الدجاج .او شاورما

طريقة التحضير:
خلطي الدجاج المرحي مع البصل والمعدنوس والبيض ولاشابلير والتوابل ثوم ، وشكليهم كريات متوسطة عاوني يدك بالماء
اقلي لي بولات( كريات دجاج ) في نفس المقلاة اللي قليتي فيها البطاطا على نار ناقصة ثم نحيهم، وفي نفس المقلاة ذبلي النص اللي بقى من البصل سنة ثوم ، زيدي فلفل اسود ملح توابل دجاج كسبر وملح (بنفس توابل لي دراهم في دجاج ) ومرقي بكاس ماء سخون، ورجعي لي بولات يكملوا طيابهم في المرق 3 او 4 د
3. الكريمة (البيشاميل):
في كسرونة، ذوبي مغرف كبيرة زبدة مع مغرف كبيرة فرينة، نحمصهم على نار قليلة زيدي كاس من المرق اللي طاب فيه الدجاج ( صفيها) وكاس حليب. خلطي بالفوي حتى تخثار، وزيدي من ك الفرماج شويا توابل دجاج
4. المونتاج:
ديري البطاطا المقلية في المول، فرغي فوقها شوية من بيشمال ، زيدي ستفي لي بولات تاع الدجاج، فوقهم شوية فرماج، وغطيهم كامل بالكريمة
زيدي شوية فرماج مبشور من الفوق ودخليها للفرن تتحمر
#وصفات #مملحات #مطبخ #منقولة

طاجين الفرماج بالزيتون : في طنجرة او كوكوط نضع م ك مارغرين طرية، 2 م ك زيت نباتي، نصف حبة بصل مرحية مع 2 سنينات ثوم مسك...
19/09/2026

طاجين الفرماج بالزيتون
: في طنجرة او كوكوط نضع م ك مارغرين طرية، 2 م ك زيت نباتي، نصف حبة بصل مرحية مع 2 سنينات ثوم مسكرفجين ونقلي مليح. كمية من الفطر المعلب ونقلي مليح. كمية من الزيتون الأخضر مغلي. شوية معدنوس أخضر مقطع. ملح. فلفل أسود. كركم. زنجبيل. م ص كاري ونغطي على الطنجرة ونخلي الزيتون يتقلى مدة 20د من بعد نمرق ب الماء ونغطي على الزيتون ونخليه يطيب ويتجمر ونطفي عليه.
في مقلاة نضع م ك مارغرين طرية، 2 م ك زيت نباتي، نصف صدر دجاج مرحي ونقليه شوية ونزيد نصف حبة بصل مرحية، 2 سنينات ثوم مسكرفجين، ملح، كركم، زنجبيل، فلفل أسود، كاري، م ص توابل الدجاج. شوية معدنوس أخضر مقطع ونقليه مليح ثم نحطوا في صحن ونزيد حوالي 3 بيض ونخلط بعدها نفرغ الخليط في قالب الكيك يكون مفرش ب ورق الطهي ونسويه جيداا!!! ونخليه ب جهة وفي نفس الوقت في طاس نضع 2 بيض، 2 م ك جبن الطلي، شوية جبن مبشور ونمكسي مليح ب الميكسر حتى نتحصل على صوص نفرغها مباشرة فوق خليط الدجاج. شوية معدنوس أخضر مقطع وندخل القالب للفرن مسخن مسبقاً ونخلي الدجاج يتحمر مليح ويتقرا الجبن ونخرجوا نقسموا طروفش ونزينوا ب الزيتون الأخضر ونقدمو مع مرقة الزيتون وطرونش
الليمون وشوية معدنوس أخضر مقطع وبالصحة والهنا
#وصفات #مملحات #منقولة #مطبخ

خبيزات محشيين قطنيين المكونات: * خليط الخميرة: * كاس ونص حليب دافي * مغرف كبيرة خميرة الخبز * مغرف كبيرة سكر * الع...
18/09/2026

خبيزات محشيين قطنيين
المكونات:
* خليط الخميرة:
* كاس ونص حليب دافي
* مغرف كبيرة خميرة الخبز
* مغرف كبيرة سكر
* العجينة:
* 500 غرام فرينة (طحين)
* 50 غرام زبدة ولا مارغرين دايبة (باش تجيك العجينة هشيشة وبنينة)
* ملح
* الحشو:
* حشوة دجاج مع الفرماج (وتقدري ديري شش تحبي)
* للتلميع (بعد الطياب):
* شوية زبدة دايبة + ثوم ومعدنوس مقطعين رقيق
طريقة التحضير:
__________ تحضير العجينة__________
خلطي كاس ونص حليب دافي مع المغرف تاع السكر والمغرف تاع الخميرة.
في كاسرونة ذوبي 50 غرام تاع الزبدة.
في اناء نحطو 500 غرام فرينة، نزيدو عليها خليط الحليب والخميرة، والزبدة الدايبة، وما ننساوش الملح.و نعجنو العجينة غير بيدينا ولازم نخليوها طرية.
نغطيوها ونخليوها تخمر مليح حتى يتضاعف الحجم تاعها.
________تحضير الحشوة لكم الاختيار _________
في مقلاة نحط شويا زيت نذبل البصل وفلفل مقطعين مربعات صغيرة نزيد كمية من الدجاح مفروم نزيد عليهم ملح وفلفل اسود و فلفل احمر وتوابل دجاج سنات ثوم مسكرفجين نخلطهم نخليهم يطيبو. نزيد جبن طري ومعدنوس نخلطهم و نخلي الحشوة تبرد
________ التشكيل والحشو________
بعد ما تخمر العجينة، نقسموها لـ 10 كريات (نلوزوهم) ونغطيوهم باش ما ينشفوش.
نبدأ ونفتحو بالوحدة: نجرحوها بالموس من جهة، والجهة التانية نحطو فيها الحشوة تاع الدجاج والفرماج.
نلفو لفة ونغلقو الحوافي مليح باش ما يخرجش الحشو، ونزيدو نلفو نكمل الدورة.
_______الطياب_______
ندهنهم بالبيض ندخلوهم يطيبو في فرن على 180 درجة حتى يتحمروا وياخدو لون شباب.
غير يخرجوا، ندهنوهم من فوق بخليط الزبدة الدايبة مع الثوم والمعدنوس باش يعطيوهم لمعة وبنة روعة.
#وصفات #مملحات #منقولة #مطبخ

طبق لابيري مع صلصة _________تحضير لابيري _______ * جيبوا البطاطا مقطع على مربعات ديروها في الكوكوطة وغطيوها بالماء وش...
18/09/2026

طبق لابيري مع صلصة
_________تحضير لابيري _______
* جيبوا البطاطا مقطع على مربعات ديروها في الكوكوطة وغطيوها بالماء وشويا ملح
* زيدوا عليها مكعب جومبو مرق دجاج ( اختياري )
* بلعوا الكوكوطة وديروها على نار متوسطة. غير تبدأ تصفر حسَبولها 10 دقائق وحلوا عليها.
* خلوا فيها غير شوياااااا تاع ماء (ما تنشفوهاش كامل)، *وزيدوا عليها 2 حبات فرماج.2 مغارف كبار مارغرين ولا زبدة.
* اضربوا كلش بالباتور حتى تتحصلوا على بيري خفيفة وبنينة.
_______تحضير جاج وصلصة الشامبينيون_______
* في مقلة، ديروا شوية زبدة وشوية زيت، وقليوا الدجاج مقطع. مربعات على نار عالية.
* زيدولهم التوابل ملح وفلفل اسود وتوابل دجاج ، وغير يطيبوا ويدوا تحميرة خفيفة نحوهوم وحطوهم على جهة.
_____تحضير لاصوص________
* في نفس المقلة، قليوا كمية تاع بصل مقطع مع الشامبينيون (الفطر).
* زيدولهم نفس التوابل اللي درتوهوم للدجاج.
* كُونوا موجدين على جهة كاس ماء مخلط مع مكعب جومبو دجاج، ومرقوا بيه هذاك البصل والشامبينيون.
* رجعوا هذاك الدجاج للمقلة، وفي الأخير زيدوا كاس كريمة سائلة (Crème fraîche).
* زيدوا فوقها شوية فرماج رابي (اختياري) ورشة معدنوس.
* حطوا البيري تاعكم في الصحن وزيدوا فوقها الدجاج بالصلصة وبصحتكم
#مطبخ #مملحات #وصفات #منقولة

Adresse

Algiers

Site Web

Notifications

Soyez le premier à savoir et laissez-nous vous envoyer un courriel lorsque شهيوات أم وليد publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Catégorie