Xhamia e Tuttlingenit

16/06/2026

Shenjat e moralit të mirë (Husnul-Huluk)

Ka thënë Yusuf ibn Esbat (Allahu e mëshiroftë):

Shenja e moralit të mirë janë dhjetë cilësi:

1. Pakësimi i kundërshtimeve dhe i grindjeve.
2. Drejtësia dhe paanshmëria në gjykim.
3. Lënia e kërkimit të gabimeve të njerëzve.
4. Interpretimi në mënyrë të mirë i asaj që duket si e keqe.
5. Kërkimi i arsyetimit (gjetja e justifikimit) për të tjerët.
6. Durimi ndaj dëmit dhe ofendimeve.
7. Kthimi i qortimit te vetja (vetëllogaritja para se të fajësosh të tjerët).
8. Të merret me njohjen e të metave të veta, jo të të tjerëve.
9. Të jetë me fytyrë të qeshur dhe të hapur ndaj të vegjëlve e të mëdhenjve.
10. Të flasë me butësi si me ata që janë më poshtë se ai, ashtu edhe me ata që janë më lart se ai.

Këto cilësi përmbledhin shumë nga virtytet e sjelljes së mirë islame: drejtësi, durim, përulësi, butësi dhe respekt ndaj njerëzve

15/06/2026

15/06/2026

“Sikur biri i Ademit të kishte një luginë plot me ar, do të dëshironte të kishte dy lugina; dhe gojën (epshin, lakminë) e tij nuk e mbush asgjë përveç dheut (kur të vdesë e të varroset). Dhe Allahu ia pranon pendimin atij që pendohet.”

Ky hadith përcjell mësimin se njeriu priret të jetë i pangopur ndaj pasurisë dhe të mirave materiale, ndërsa fundi i kësaj lakmie vjen vetëm me vdekjen. Megjithatë, hadithi përfundon me një mesazh shprese: Allahu e pranon pendimin e atij që kthehet sinqerisht tek Ai.

15/06/2026

Këshillë e artë

Kush kërkon një mik pa të meta,
do të jetojë i vetmuar.

Kush kërkon një martesë pa probleme,
do të jetojë beqar.

Dhe kush kërkon një të afërm të përsosur,
do të jetojë duke i ndërprerë lidhjet farefisnore.

Kuptimi: Askush nuk është i përsosur. Pranimi i të metave dhe toleranca ndaj gabimeve të të tjerëve janë të nevojshme për të ruajtur miqësitë, martesën dhe marrëdhëniet familjare.

25/05/2026

Tekbiret e Teshrikut

Duke filluar nga dita e martë (nesër), 9 Dhul-Hixhxhe 1447 hixhri (26.05.2026) – dita e Arafatit, që nga namazi i sabahut, e deri në namazin e ikindisë të ditës së katërt të Kurban Bajramit, e shtunë, 13 Dhul-Hixhxhe 1447 hixhri (30.05.2026), është vaxhib që pas çdo namazi farz të këndohen tekbiret e teshrikut.

Forma e tekbirit është si vijon:

اللّٰهُ أَكْبَرُ اللّٰهُ أَكْبَرُ، لَا إِلٰهَ إِلَّا اللّٰهُ
اللّٰهُ أَكْبَرُ اللّٰهُ أَكْبَرُ، وَلِلّٰهِ الْحَمْدُ

All-llahu Ekber, All-llahu Ekber, Lâ ilâhe il-lAll-llah,
All-llahu Ekber, All-llahu Ekber, ve lil-lâhil-hamd.

23/05/2026

N J O F T I M

FESTA E KURBAN BAJRAMIT
E MËRKURË – 27.05.2026

MANIFESTIMI QENDROR MBAHET NË XHAMIN TONË

PROGRAMI:

Falja e namazit të sabahut –
ora 04:50
Falja e namazit te kurban Bajramit-
Ora 06:15
Ju mirëpresim

ME FAT FESTA E KURBAN BAJRAMIT!

22/05/2026

“Askush prej jush nuk do të mbetet pa iu drejtuar Allahu drejtpërdrejt; nuk do të ketë ndërmjetësues (përkthyes) mes tij dhe Allahut, dhe as perde që ta pengojë.”

19/05/2026

Trasmeton Ebu hurejra se i dërguari a.s ka thënë“Njeriu i parë që do të thirret Ditën e Kiametit është Ademi. Pasardhësit e tij do t’i paraqiten dhe do t’u thuhet: ‘Ky është babai juaj, Ademi.’
Ai do të thotë: ‘Të përgjigjem dhe jam në shërbimin Tënd, o Zot.’
Atëherë Allahu do t’i thotë: ‘Nxirr grupin e banorëve të Xhehenemit nga pasardhësit e tu.’
Ademi do të pyesë: ‘O Zoti im, sa të nxjerr?’
Allahu do të thotë: ‘Nga çdo njëqind, nxirr nëntëdhjetë e nëntë.’”
Sahabët thanë:
“O i Dërguari i Allahut, nëse nga çdo njëqind prej nesh merren nëntëdhjetë e nëntë, çfarë do të mbetet prej nesh?”
Ai tha:
“Ummeti im në krahasim me popujt e tjerë është si një qime e bardhë në një dem të zi.”

18/05/2026

Ai që dëshiron rrëzimin tënd e nuk mund të të rrëzojë vetë ai, nis dhe nxit të tjerët që të të urrejnë ty.

Kjo sjellje shpjegohet me ndjenjën e inferioritetit që ka ai ndaj teje, kjo e bën të provojë nga larg ta shtrembërojë të vërtetën tënde, sepse nuk guxon të ballafaqohet me ty drejtpërdrejt për shkak të epërsisë sate.

Kjo është rregull krejt e moçme e sjelljes "njerëzore", nuk po e theksoj që ti ta urresh tipin e tillë, por që ta kesh interpretimin e saktë të asaj që ndodh kur kjo të ketë të bëjë me ty.

- Ilmi Rexhepi