02/09/2025
Mia san immer no überwältigt, fasziniert und sprachlos zu gleich
Es war wirklich unglaublich....
Mim Wetter ham ma desmoi wirklich Glück g'habt 😅 Es war einfach traumhaft schön☀️
Soid i Eich moi wos verraten ....?
Wisst's ihr eigentlich....?
Das unser Papa Hermann und unsere Mama Hilde jedes Jahr vorm Oldtimertreffen auf Altötting fahrn?
Se zünden a Kerzal o und bitten um Herrgott's Seng,dass ois guad geht, nix passiert und es bittesche ja ned regnet.
Mia song DANKSCHEE bei olle Oldtimer de sich zu uns auf'm Weg g'macht ham.🤗 und a den Stau auf sich g'numma ham😅
Uns hod's narrisch g'freid, dass ihr do wart's.😍
Mia song a DANKSCHEE bei olle Besucher und Zuschauer. A ihr habts den Stau in Kauf gnumma.
Und fast olle ham Verständnis zoagt beim warten auf's Essen und Dringa. Ihr habt's gseng, dass mia unser bestes gem.Und dafür Dank ma Eich recht sche.
Mia song a DANKSCHEE bei oll unsere Helfer ohne Eich dad's einfach ned geh.
Ihr habts olle sauber g'schwitzt🥵 und g'werkt💪
A jeder woas guade Leid, san oft ned leicht zum finden
Desweng...
San mia wirklich sau froh, dass mia Eich ham.🥰
Mia song a DANKSCHEE bei unsere Teilemarktstandler
Ihr machts Eich oft scho ganz früh aufm Weg und mia san jedes Jahr froh, wenn ma Eich wieder sehn.
A recht großes DANKSCHEE a an unsere Vorstände Hermann Prechtl und Fritz Georg Zeitz 💪 ihr zwoa seits a super Team und machts des mit ganz vui Liebe & Leidenschaft.
Man sieht de Oldtimer san einfach euer Lem.
A recht großes und vorallem persönliches😅 DANKSCHEE geht an mei Familie😍
A jeder woas vor so an Fest liegen de Nerven oft mal blank.
So manches Mal können da schon mal de Fetzen fliegen, aber wia ma des Jahr moi wieder gseng hod....
Egal wos is und wenns mitten unterm herrichten is....
mia san olle füreinander do und hoidn ganz fest zam🫶
DANKSCHEE a an de DLRG OV Teisendorf ihr machts Eich jedes Jahr wirklich ganz vui Müh. Habts immer tolle Preise, guads Popcorn und zauberts de Kinder beim Kinderschminken immer ein Lächeln ins Gesicht.
DANKSCHEE a an de Privatbrauerei Wieninger , Metzgerei Reiter ,Fleischwaren & Wurstwaren Windfellner, der Weildorfer Bäckerei Noppinger,EDEKA Pfeilstetter und an Hannes mit seiner Familie vom Schweizerhof.
DANKSCHEE a an die Familie Schneider und dem Trachtenverein Waging GTEV D` Mühlberger Waging am See für den Grillwagen und de Bar.
DANKSCHEE a bei Marina, Regina&Felix Prechtl und bei Andreas Pöllner und seiner Familie ohne Eich wär des gar ned möglich und no dazu hätten mia gar koan Platz für so vui Leut und Fahrzeuge.
DANKSCHEE a bei unsere Nachbarn das ihr des ois mitmachts
DANKSCHEE für euer Verständnis.
Mia san wirklich froh, dass ma so a guade Dorfgemeinschaft ham.
DANKSCHEE a bei unsere fleißigen Kuchenbäckerinnen😋
DANKSCHEE a an unseren Nachbarn Dominik Fritzenwenger für's Foto und Video macha.
DANKSCHEE a an olle andern für de tollen Fotos.
So seng unsere fleißigen Helfer a wos ois schens geboten war.
Vor lauter werkeln ham de nämlich oft go koa Zeit zum schaun.
DANKSCHEE a an unser Musi Trauntal Express ihr habt's wieder für super Stimmung g'sorgt.
DANKSCHEE einfach bei Olle.
Oiso dann machts es guad bleibt's g'sund und bis nächst Jahr.
Eure Helga von de Oldtimerfreunde Mehring
