14/02/2026
Fjala përshëndetse e kryesisë me rastin e 15 vjetorit të themelimit të Shoqatës „Pavarësia“
Të nderuar të pranishëm
Të nderuar miq gjermanë z. Reiner Wieland, ish nënkryetar Parlamentit Europian,
z. Jens Kuderer, kryetar i Shoqatës gjermano-kosovare. Të nderuar, përfaqësues të pjesës së qytetit Stuttgart Zuffenhausen. Josias Richter ,Emeran Onana dhe Luciana Kariqi
I nderuar, zoti Rexhë Biberaj, kryetar i bashkisë Tropojë, i nderuar zoti Imer Lladrovci, ish udhëheqës i Konsullatës së Kosovës në Stuttgart,
z Izet Abdyli redaktor, dhe znj. Jeta Abdyli, lektore nga Art Club "Rifat Kukaj",
të nderuar aktivistë dhe përfaqësues të shoqatave në Shtuttgart dhe rrethinë, z. Xhafer Leci, z. Taxhidin Bakija, nga Shoqata Kadri Zeka
Nürtingen,
z. Can Tahiri nga Shoqata Parlamenti Paqësor i Kombit Shqiptar,
nga Shoqata "Bashkimi Kombëtar" z. Betim Voci, z. Hasan Hadërgjonaj, nga Instituti i Kujtesës Kombëtare Shqiptare, z. Naser Vrella, z. Idriz Morina, të nderuar përfaqësues të Studentëve dhe akademikëve shqiptarë në Shtuttgart, z. Arbër. Osmansj dhe Arbër Guri, i nderuari dr. Bekim Balidemaj, z. Nue Lekaj, të nderuar z. Nazim Kukaj, z. Bekim Elshani, z. Hetem Llapatinca, poetë të nderuar, zonja Ilirjane Lladrovci, z. Halit Haliti, z. Beqir Cikaqi. Të dashur anëtarë të Shoqatës „Pavarësia“
Ju falënderojmë përzemërsisht për praninë tuaj në këtë vit jubilar.
Rrugëtimi ynë si mërgimtarë ka qenë i lidhur me sakrifica, por edhe me shpresë. Në këtë përvjetor, shprehim mirënjohjen tonë të thellë për shtetin dhe popullin gjerman, të cilët në kohë të vështira ofruan strehim, siguri dhe mundësi për integrim e bashkëjetesë.
Sfida më e madhe për ne si mërgimtarë ka qenë gjithmonë ruajtja e identitetit — të mos harrojmë kush jemi dhe nga vijmë. Pikërisht si përgjigje ndaj kësaj sfide lindi Shoqata “Pavarësia”, e inicuar nga disa veprimtarë , me synimin për të ruajtur dhe promovuar gjuhën, kulturën dhe traditën shqiptare në mërgatë. Sot, kjo është një histori 15-vjeçare që udhëton me ne dhe që, me besim, do të vazhdojë edhe me brezat që vijnë.
Në këtë rrugëtim, falënderojmë çdo anëtar e vullnetar që ka kontribuar me kohën, përkushtimin dhe zemrën e tij për ta mbajtur këtë shoqatë të gjallë e aktive.
Një falënderim i veçantë u shkon zonjave të shoqatës, të cilat gjithmonë kanë qenë shtylla e organizimeve tona. Me gatimet tradicionale, gjithmonë pasurojnë tryezën tonë të përbashkët. Pa ju, shumë prej sukseseve tona nuk do të ishin të mundshme.
Në këto 15 vite, kemi realizuar aktivitete të shumta e të paharrueshme, si:
1. Koncerte të përvitshme për nder të Pavarësisë së Kosovës dhe Shqipërisë, ku kultura dhe krenaria kombëtare janë shprehur përmes këngës, valles dhe fjalës artistike.
2. Pjesëmarrje dinjitoze në festivalet për fëmijë dhe të rritur në Stuttgart, nën organizimin e Forum der Kulturen, ku fëmijët tanë kanë pasur mundësinë të shfaqin talentin dhe trashëgiminë shqiptare para publikut ndërkombëtar.
3. Vizita zyrtare dhe kulturore në qytete dhe institucione me rëndësi si:
- Berlin, ku patëm kënaqësinë të vizitojmë Parlamentin Gjerman,
- Vjenë, të pritur nga diplomatët kosovarë,
- Parisi dhe Kështjella e Paqes në Versajë,
- Strasburg ,me vizitë në Parlamentin Europian dhe në rezidencën e nënkryetarit Reiner Wiland ,që gjithmonë ka treguar respekt dhe interesim për çështjen shqiptare.
4. Veçanërisht krenarë jemi për konferencën “Kosova – 10 vite pavarësi, pikëpamje dhe vështrime”, e organizuar në bashkëpunim me dy shoqata gjermane: Education Limited e.V. dhe Junge Europäer-JEF e.V.. Në këtë konferencë morën pjesë personalitete të larta si:
- Reiner Wiland, nënkryetar i Parlamentit Europian,
- Bernd Thran, zëvendës shef i EULEX-it,
- përfaqësues diplomatikë të Kosovës nga Vjena dhe Stuttgarti, si dhe figura të shumta gjermane e shqiptare.
5. Organizimi i shumë ekskursioneve dhe aktiviteteve atraktive me anëtarët dhe valltarët tanë – që përveç argëtimit, kanë forcuar miqësitë dhe ndjenjën e bashkësisë.
6. Kemi pasur nderin të organizojmë edhe promovime librash dhe veprimtari intelektuale, që i kanë dhënë shoqatës sonë një dimension më të gjerë kulturor.
7. kemi pasur nje bashkpunim të shkelqyer në vazhdimsi me konsullatën e RKS në Stuttgart. Njëherit bashkëpunim kishim edhe me shoqatën e Studentëve dhe Akademikëve shqipëtarë ne Stuttgart
Vlenë të theksohet Gala mbrëmje e donacioneve
8. Nuk mund të lëmë pa përmendur organizimin e turnirit sportiv, për nder të heronjve Fehmi dhe Xhevë Lladrovci, duke kombinuar edukimin patriotik me sportin dhe bashkimin rinor.
9. Pjesmarrja né Festivalin Folklorik Mbarkombëtar në Luassanne të Zvicrës ku valltarët tanë u nderuan me çmimin „Grupi i valltarëve më të mirë“.
Të gjitha këto arritje nuk do të ishin të mundshme pa besimin e anëtarëve, mbështetjen e familjeve, bashkëpunimin me institucione gjermane dhe shqiptare, dhe mbi të gjitha – dashurinë për vendlindjen
Shoqata “Pavarësia” mbetet një urë lidhëse ndër breza dhe ndër kultura, duke i edukuar të rinjtë tanë me dashuri për gjuhën, historinë dhe traditën shqiptare, por edhe me frymën e bashkëjetesës dhe respektit në një shoqëri të hapur si ajo gjermane
Në këtë 15-vjetor, le të festojmë me krenari të kaluarën dhe të angazhohemi me përkushtim për të ardhmen. Sepse rruga jonë vazhdon!
Gëzuar 15 vjetorin
https://m.youtube.com/watch?v=HW6GiWHXZdc&fbclid=IwRlRTSAQxVG1mZGlkFlA5ekdWYX60-y89tVwtz6ILvDa5zwtleHRuA2FlbQIxMQBzcnRjBmFwcF9pZAo2NjI4NTY4Mzc5AAEeT8xi6KHE0Cfj3yuwQKfUCwIp8Xbsz11tHfBS-vVPYpfawGb0NqcYNFHbYQw_aem_E4xN2P_moqxGb_eJeXsvig&d=n
Te gjitha te drejtat mbrohen nga RTV FontanaAll rights reserved by RTV Fontanahttps://www.facebook.com/Radiofontana.orghttps://www.instagram.com/rtvfontanah...
