Trachtenverein Miesbach, Schlierseer Str. 10, Miesbach (2026)

05/11/2025

🪩 B A R M E M O R I E S 🪩

29/10/2025

🎺 G A U F E S T 🎺

Im Trachtenjahr a des is gwieß, da Gauhoamatdog as Highlight is. Über 5000 Trachtler von Nah und Fern, dean zum Oberlandler Gauverband ghern. 🙌🏻

An dem Dog zoang se olle mitanand, in eanam scheenstn Trachtengwand.

Für a Feldmess, ja des war richtig schod, as Weda leider ned ghoitn hod. Doch für unsa Geistlichkeit war ganz klar, a Mess im Zelt werd a wunderbar. Würdevoll und oiwei as Weda im Blick, hod da Pfarrer Manhart predigt mit vui gschick. ⛪️

Denn es hod se dann bewiesen, dass da Hergott a Bayer is gwes‘n. Da Himme hod aufdo, ganz schee in weiß- blau, drumm hama uns aufgstaid für‘n Festzug, des war echt a Schau. Durch d‘Stod sams marschiert ca. oanahoib Stund, ja unser Festdog is glaffa ganz rund. 🥹

Vergelt‘s Gott dean mia zu olle song, de uns durch olle Tage ham drong. Mia dean ned olle beim Namen nenna, damit ma kosn vagessn kennan. 🫶🏼

Egal wos für a Arbeit, des war echt krass, auf jeden oanzlna war Verlass!!

Drum dankschee nummoi an olle Leid, a jede Hilfe hod uns narrisch gfreid! 🥹🫶🏼

Und wer woas scho wos duad duad sei in a paar Jahr, vielleicht seng ma uns wieder ois Helferschaar…

22/10/2025

💃G A U P R E I S P L A T T L N & T R A C H T E N M A R K T 🪡

Am Samsdog, hoffentlich habt‘s es ned vergessn, ham sie olle Plattlagruppm gmessn.
Bei 65 Gruppm des is ganz gwieß, unsana Musi ned langweilig woan is.
Vergelt‘s Gott für‘s Aufspuin, ihr seits echt genail, und natürlich für uns immer 1. Wahl ! 🎶🎺

Als Zelt war voi, des war grandios, am Trachtenmarkt war a richtig vui los.
Über 40 Aussteller mit vui Liebe zum Detail, do war wirklich für jeden wos dabei ! ⚒️🪡

Und aa am Samsdog, des is doch klar, is ganz lang gfeiert woan an da Bar ! 🪩🥳

15/10/2025

🕊️T O T E N G E D E N K E N & G A U H E I M A T A B E N D💃

Ganz würdig grod so wia ses gherd, ham mia unsre verstorbenen Mitglieder geehrt.
Drum san ma am Freidog um simme aufd Nocht, an oberen Markt marschiert und ham an Kranz obe brochd. 🥀

A jeder der duad uns jetzt frong, dean mia de Werte weiterdrong, von unsre Ahndln des is gwieß, de uns zoagt ham wos Vereinslem is. 🕊️

Für olle Gäste aus Nah und Fern war danoch a bärige Musi zum hean.
Gsunga is woan und musiziert, des ois hod da Fischer Dieter moderiert.
Unsane Plattla von ganz gloa bis groß, ham aufdanzd, des war wirklich grandios ! 🤩

Und so hamma olle bis spät in die Nochd, an richtig scheena Omd verbrochd. 😍

15/07/2025

Was lange währt, wird endlich gut…🙈

Noch a paar Feinschliffe, san unsere Sponsoren für unser Fest 2025 endlich komplett!! 🥳🙌🏻

Hiermit meng ma uns nummoi bei unsere Sponsoren bedanken!! 🤝🏻☺️

Ohne eich war des Fest‘l so ned möglich!! 🥳

Adresse

Schlierseer Str. 10
Miesbach
83714

Webseite

http://trachtenvereinmiesbach.de/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Trachtenverein Miesbach erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Die Organisation Kontaktieren

Nachricht an Trachtenverein Miesbach senden:

Trachtenverein Miesbach