Esperanto-urbo Herzberg

10/05/2026

09.05. Enkadre de tutsemajna regiona projekto (Mach Mit!=Kunagu!) Esperanto-Centro Herzberg starigis informtablon sur la ĉefplaco, proksime al la urbodomo por prezenti la internacian lingvon kaj Esperantlingvajn broŝurojn pri Herzberg am Harz - la Esperanto-urbo. Sabatantaŭtagmeze staris tie la kutimaj vendobudoj kaj eĉ estis publika koncerto. Je la fino de la programo ni transdonis stokon de la varbiloj al la turisma oficejo. Dankon al ĉiuj kunhelpantoj!

05/05/2026

06.05.2026 - 15-18h: Tag der offenen Tür im Esperanto-Centro Herzberg (Grubenhagenstr. 6). MachMit! Woche - Bonvenon!

03/05/2026

Esperanto-informtablo ĉe la printempa stratfesto en Herzberg am Harz - la Esperanto-urbo. La regiona gazeto Harz Kurier aparte menciis ĝin en la granda, tutpaĝa artikolo. Dankon al ĉiuj klubanoj, kunlaborantoj de Esperanto-Centro Herzberg pro la aktiva partopreno!

28/04/2026

28.04.2026 - 19h: Buntaj Vesperoj en Herzberg. Ĉeftemo: Ekovilaĝoj kaj komuna loĝado. Kiel aranĝi, kiel solvi tion? Kiujn avantaĝojn, malavantaĝojn oni povas havi? Ĉu vi scias pri sukcesaj projektoj? Detaloj, ligilo:

mardo, 28 aprilo 2026 (Reta) | Ekovilaĝoj kaj komuna loĝado - ĉu sencohavaj?

04/04/2026

Agrablan Paskon, belan printempon ni deziras el Esperanto-Centro en Herzberg am Harz - la Esperanto-urbo!

24/03/2026

24.03.2026 - 19h: Buntaj Vesperoj en Herzberg. Ĉeftemo: Esperanto-ekzamenoj. Niveloj, postuloj, diplomoj. Ĉu vi jam trapasis Esperanto-ekzamenon? Rakontu pri viaj spertoj! Ĉu vi ŝatus ekzameniĝi kaj havas demandojn? Ni lernu unu de la aliaj! https://eventaservo.org/e/08ff12

09/02/2026

Multaj Esperanto-eventoj, lingvokursoj, kunvenoj, seminarioj, ktp., kaj 2 festeventoj en 2026 en Herzberg am Harz - la Esperanto-urbo: Esperanto-urbo Herzberg fariĝos 20-jara, Esperanto-Societo Südharz 50-jara.
Detala programo, kursofertoj, aliĝiloj ĉe eventaservo.org kaj ĉe esperanto-urbo.de - Bonvenon!

24/12/2025

Agrablan Kristnaskon kaj feliĉan novan jaron! Kun nova tutjara programo, pluraj lingvokursoj, Esperanto-eventoj, klubkunvenoj, festoj, kulturaj okazaĵoj, ktp. de Esperanto-Centro Herzberg ni invitas, atendas ĉiujn Esperanto-parolantojn, interesiĝantojn al Herzberg am Harz - la Esperanto-urbo! Bonvenon!
La nova Esperanto-programkalendaro baldaŭ aperos ĉe http://esperanto-urbo.de

22/12/2025

Okaze de la Zamenhof-tago nova ZEO estis inaŭgurata en Herzberg am Harz - la Esperanto-urbo. Esperanto-Centro Herzberg pretigis novan germanlingvan informtabulon, kiu ekde nun apud la Zamenhof-monumento klarigas pri la aŭtoro de Esperanto, pri la pretigo de la monumento kaj pri la Zamenhof-placo, kie la busto staras. Tiu mallonga ceremonio estis bela fino de tutjara agado de la Centro kaj la klubanoj en 2025.

08/12/2025

mardo, 9 decembro 2025 (Herzberg am Harz - Germanio) | Escepta klubkunveno en la urbodoma korto por Esperanto-parolantoj, lernantoj, geamikoj