Kulturverein Iliria Friedrichshafen OJF.

18/09/2026

Të dashur prindër,

sot zhvillohet ora e parë e mësimit të gjuhës shqipe në shkollën Pestalozzi, nga ora 14:30 deri në orën 16:00.

Të gjithë fëmijët janë të ftuar ta fillojnë vitin shkollor jo vetëm me mësimin e gjuhës gjermane, por edhe me mësimin e gjuhës shqipe dhe ta përfundojnë atë me një dëftesë për të cilën mund të jetë krenare e gjithë familja.

Shoqata dëgjon nga disa prindër se fëmijët e tyre dinë tashmë shqip dhe se nuk kanë nevojë për mësim. Fëmijët ndërkohë dinë edhe gjermanisht mirë, por megjithatë ndjekin dhe duhet të ndjekin mësimin e gjuhës gjermane.

Të qenit dygjuhësh nuk është pengesë, por një privilegj, i cili nuk duhet të çojë në lënien pas dore të gjuhës dhe kulturës sonë.

Për këtë arsye, shoqata rekomandon me këmbëngulje që prindërit të kujdesen dhe t’i inkurajojnë fëmijët e tyre të ndjekin mësimin e gjuhës shqipe.

Ju dhe familja juaj do të jeni krenarë për atë që do të mësojë fëmija juaj. Me krenari mund të thoni se në fund të vitit shkollor fëmija juaj do të marrë një dëftesë të vlefshme zyrtarisht dhe do ta përfundojë me sukses shkollën shqipe.

15/09/2026

📚🇦🇱 Të dashur prindër,

Me shumë kënaqësi ju njoftojmë se mësimi plotësues i gjuhës shqipe do të fillojë këtë javë, të premten, më 18.09.2026.

Me këtë rast, u urojmë të gjithë fëmijëve shqiptarë një vit të mbarë shkollor, plot suksese, dije dhe momente të bukura në rrugën e tyre të të mësuarit. 📖🌟

Shqipja është më shumë se një gjuhë. Ajo është ura që i lidh fëmijët tanë me familjen, rrënjët, kulturën dhe traditat shqiptare. ❤️🇦🇱

Nëpërmjet mësimit të gjuhës shqipe, fëmijët jo vetëm mësojnë të lexojnë e të shkruajnë shqip, por edhe njihen më mirë me gjuhën, kulturën dhe prejardhjen e tyre.

🌿 Ta ruajmë së bashku gjuhën shqipe dhe t’ua përcjellim brezave të rinj me dashuri dhe krenari!

Ju mirëpresim në Shkollën Shqipe Iliria! 🇦🇱📚

📍 Grundschule – Pestalozzi Schule
Allmandstraße 15, 88045 Friedrichshafen

👩‍🏫 Mësuese: Hedie Suma
🗓️ Çdo të premte, 14:30–16:00
📞 +49 177 299 34 27
📧 [email protected]

08/09/2026

Të dashur bashkatdhetarë, edhe Shoqata Iliria në Friedrichshafen është një nga organizatoret e mësimit shqip në diasporë – na gjeni në linkun më poshtë:

https://qbd.gov.al/shkollat-shqipe-ne-diasp/

Për të gjithë të interesuarit, regjistrimi ka filluar! 🇦🇱🇽🇰

🇦🇱📚 REGJISTROHU NË SHKOLLAT SHQIPE NË DIASPORË! 📚🇦🇱

Ftojmë të gjithë prindërit shqiptarë që jetojnë jashtë vendit të regjistrojnë fëmijët e tyre në shkollat/kurset e gjuhës shqipe në diasporë!📚🇦🇱
🌍 Mësimi organizohet në shumë vende të botës dhe është një mundësi e shkëlqyer për fëmijët që të lidhen me gjuhën, kulturën dhe rrënjët e tyre shqiptare.

📅 Regjistrimet janë hapur!
🔗 https://qbd.gov.al/shkollat-shqipe-ne-diasp/

21/07/2026

Nga Zemra ❤️ Nga Shpirti Vargje e Melodi 🇦🇱🇽🇰🇦🇱 ❤️
Nuk besoj se është dikush kunder,,,
https://fb.watch/IuT1wWAyi_/

09/07/2026

Të dashur bashkatdhetarë,

Roeli është një fëmijë nga Kosova, i cili ka pasur një aksident të rëndë dhe ka nevojë për operacion urgjent. Meqë trajtimi i nevojshëm nuk ishte i mundur në Kosovë, Roeli u dërgua me avion në Turqi, ku është operuar tashmë njëherë.
Kostot totale të trajtimit arrijnë rreth 95.000 €.

Për këtë arsye, familja po mundohet të mbledhë ndihma me përkrahjen e njerëzve të tjerë.
Çdo kontribut, sado i vogël, do ta ndihmojë shumë familjen.

Ju lutemi, kush ka mundësi të ndihmojë për këtë rast, mund ta bëjë përmes GoFundMe:
🔗 https://gofund.me/c37302bc8

Ju faleminderit!

09/07/2026

Shoqata Kulturore Shqiptare “Iliria” pjesë e “Kulturenfest”

Shoqata Kulturore Shqiptare “Iliria” në Friedrichshafen, në landin e Baden-Württembergut, vazhdon me përkushtim të ruajë dhe promovojë gjuhën, kulturën, traditat dhe identitetin shqiptar, duke edukuar brezat e rinj me dashurinë për atdheun dhe trashëgiminë kombëtare. Në kuadër të festës tradicionale “Kulturenfest”, shoqata u prezantua me një program të pasur artistik e kulturor, duke sjellë para publikut bukurinë e folklorit, muzikës dhe artit shqiptar.

Grupi i vallëzimit interpretoi me shumë sukses “Dasmën e Halilit” dhe vallen e Anamoravës, nën udhëheqjen e mësueses së vallëzimit Fitore Selimi, të cilat u mirëpritën dhe u duartrokitën nga publiku. Grupi i teatrit, me fëmijët shqiptarë, u prezantua me këngë dhe pjesë teatrore nën drejtimin e mësueses Njonza Sheqiri, duke përcjellë vlera edukative e kulturore.

Lexo shkrimin e plotë në linkun në koment 👇

07/07/2026

Festa Ndërkulturore e Qytetit përfundoi me sukses!

Faleminderit të gjithëve që na ndihmuan dhe mbështetën gjatë dy ditëve të festës — me gatime, sh*tje dhe përgatitje.

Një përgëzim i veçantë për Zyrën e Integrimit për organizimin e shkëlqyer të festës, ne veçanti per Frau Waibel, si organizatore e Interkulturelles Stadtfest.

Përgëzime gjithashtu për grupin e vallëzimit, grupin e fëmijëve të teatrit dhe grupin e fëmijëve të mësimit plotësues, për paraqitjen e tyre të shkëlqyer në skenë — një përfaqësim vërtet dinjitoz që na bëri krenarë!

Për të gjithë ata që ndihmuan: gratë që gatuan, ata që paguan Fli e Burek për shoqatën, ata që ndihmuan ne sh*tje dhe djemtë te grilli, të dielën në orën 10:00 do të organizojmë një takim të shkurtër, ku do të shkëmbejmë mendime dhe ide për festën e këtij viti.
Po ashtu ne kete takim do te bejme bilancin perfundimtar te festes.
Ju mirepresim!

06/07/2026

Disa Momente nga Interkulturelles Stadtfest 2026 Friedrichshafen

27/05/2026

Shoqata ILIRIA të gjithë besimtarëve muslimanë u uron Festën e Kurban Bajramit!
Urojmë të keni shëndet e të gjitha të mirat në familjen tuaj!
Kryesia e Shoqatës ILIRIA

18/04/2026

Të dashur anëtarë,
ju kujtojmë se nesër, më 19 Prill 2026, mbahen zgjedhjet për Kryesinë e Shoqatës.
🕑 Ora: 14:00
📍 Vendi: Otto-Lilienthal-Straße 2, Friedrichshafen
Luteni të jeni të pranishëm të paktën 15 minuta më herët.
Nëse dikush nuk ka marrë ende ftesën, nuk ka problem – na kontaktoni dhe do t’ju dërgojmë ftesën online ose personalisht në shtëpi.
Faleminderit dhe shihemi nesër! 🙏
Kryesia – Shoqata ILIRIA