Drop Charitable Foundation, Drop Charitable Foundation, Ettlingen (2026)

08/08/2026

பாஞ்சாலி உன்னிடத்தில் சேலை கேட்டாள்
அந்தப் பார்த்தனவன் உன்னிடத்தில் கீதை கேட்டான்
நானிருக்கும் நிலையில் உன்னை என்ன கேட்பேன்
இன்னும் நன்மை செய்து துன்பம் வாங்கும்
உள்ளம் கேட்பேன் ...
கண்ணதாசன்
ஜெர்மனி கால்ஸ்ரூக நகரில் வசிப்பவரும் எமது மன்ற அங்கத்தவர்களுமான ஸ்ரீதாஸ் தயாளினி குடும்பத்தினர் தாயகம் சென்றிருந்த போது 15மூதாதையர்களுக்கு உலருணவுப்பொருட்கள் வழங்குவதற்கு ஏற்பாடு செய்துதருமாறு எம்மிடம் கேட்டிருந்தனர்.அதற்கேற்ப எம்மால் முத்தையன்கட்டு,உருத்திரபுரம்,பரந்தன் ஆகியஇடங்களில் இருந்து தெரிவு செய்துகொடுக்கப் பட் ட 15 மூதாதையர்களுக்கு 08.08.2026 சனிக்கிழமையன்று ஒவ்வொருவருக்கும் தலா 5756ரூபா பெறுமதியிலான உலருணவுப்பொதிகளை ஸ்ரீதாஸ் தயாளினி குடும்பத்தினர் வழங்கியதுடன், வந்த மூதாதையர்களுக்கு மதிய உணவினையும் வழங்கியிருந்தனர். தூர இடமான முத்தையன்கட்டில் இருந்தது வந்தவர்களுக்கான வாகன செலவினையும் கொடுத்துதவியிருந்தனர்.ஸ்ரீதாஸ் தயாளினி குடும்பத்தினர்தாயகம் செல்லும்போதெல்லாம் எமது மன்றத்தினுடாக தாயகஉறவுகளுக்கு எதாவது சிறு உதவியாவது செய்துவருவது வழமை அவர்களின் இன் நற்செயலுக்காக எமது மன்றம் சார்பில் மனமார்ந்த நன்றிகள்.

31/07/2026

இல்லாதவர்க்கு கொடுக்கின்றோம் என்றால்
எங்களிடம் நிறைய இருப்பதாக அர்த்தம் அல்ல....
முன்பு நாங்கள் ஒன்றுமில்லாத வலியை அனுபவித்திருக்கின்றோம் என்பதால்தான்.

கனடா ரொறன்ரோவில் வசிக்கும் திரு நடராசா சாந்தரூபன் அவர்கள் எமது மன்றத்தின் வங்கிக்கணக்கிற்கு அனுப்பியிருந்த 65 யூரோவில் இருந்து மட்/களவாஞ்சிக்குடியில் இயங்கிவரும் நந்தவனம் முதியோர் இல்லத்தில் இருக்கும் 10 முதியவர்களுக்காகன ஒரு நாள் உணவுத்தேவைக்கான பணமான 10000ரூபா வழங்கியததுடன், மீதிப்பணத்திலிருந்து அவர்களின் அன்றாட பாவனைக்கு தேவையான சவர்க்காரம், பால்மா,சீனி போன்ற பொருட்களும் வாங்கிவழங்கியிருந்தோம். இவ் உதவியினை செய்வதற்கு பணஉதவிசெய்த திரு நடராசா சாந்தரூபன் அவர்களுக்கு மன்றம் சார்பில் மிக்க நன்றிகளை தெரிவித்துக்கொள்கின்றோம்.நிகழ்வினை நல்லமுறையில் செய்துமுடித்த எமது மன்றஉறுப்பினர் தம்பி பிரியதர்ஷன் அவர்களுக்கும் நன்றிகள்.

20/07/2026

பழியஞ்சிப் பாத்தூண் உடைத்தாயின் வாழ்க்கை
வழியெஞ்சல் எஞ்ஞான்றும் இல்
(குறள் 44)

எமது முன்னோர்கள் வாழ்ந்த காலங்களில் எம்மை எவ்வளவோ போற்றி,பாதுகாத்து வளர்த்து இந்த அளவிற்கு எம்மை கொண்டு வந்தது எமது முன்னோர்களாகிய அப்பா, அம்மா, தாத்தா, பாட்டி தான்.எம்மை போற்றி பேணிக்காத்தவர்களுக்கு இறந்த பிறகும் நன்றி செலுத்துவது எமது கடமையாகும்,இதை நாம் எல்லோரும் உணரவேண்டும்.லண்டனில் வசிக்கும் செல்வன் மோகனதாஸ் பிரகாஸ் அவரின் அம்மம்மாவாகிய
அமரர் சண்முகம் மகேஸ்வரி அவர்களின் 84 வது பிறந்த நாளினை நினைவுகூர்ந்து,அவரின் நிதிப்பங்களிப்புடன் 19.07.2026சனிக்கிழமையன்று 11முதியவர்களுக்கு ஒவ்வொருவருக்கும் தலா 5661ரூபா பெறுமதியிலான உலருணவு பொதிகள் வழங்கியதுடன் அன்றைய தினம் வந்தவர்கள் அனைவருக்கும் மதிய உணவும் வழங்கிவைத்தோம்.செல்வன் மோகனதாஸ் பிரகாஸ் அவர்களுக்கு எமது மன்றம் சார்பில் நன்றிகளை தெரிவித்துக்கொள்கின்றோம்.மேலும் இன் நிகழ்வினை நடாத்த உதவிபுரிந்த அனைவருக்கும் மன்றம் சார்பில் மனமார்ந்த நன்றிகள் ,

20/06/2026

நல்ல மனம் வாழ்க
நாடு போற்ற வாழ்க
சுவிஸ் நாட்டின் Luzern மாநிலத்தின் Ressbühl நகரில் வசிக்கும் ச.பவ அனுஜா அவர்களின் 62வது பிறந்த நாள் 19.06.2026 வெள்ளிக்கிழமை, இந்நாளினை நினைவு கூரும் நல்ல மனம் கொண்ட ச.பவ அனுஜா இன் இனிய நாளில் ஒரு நல்லவிடயம் செய்திட வேண்டும் என்றெண்ணி எமது மன்றத்தின் வங்கிக்கணக்கிற்கு அனுப்பிவைத்திருந்த 150 யூரோவில் இருந்து தனிமையில் வாழ்ந்துவரும் 10மூதாதையர்களுக்கு20.06.2024 சனிக்கிழமையன்று சிற்றுண்டி வழங்கியதுடன் ஒவ்வொருவருக்கும் தலா 4987ரூபா பெறுமதியிலான உலருணவு பொதிகள் வழங்கிவைத்தோம், இறைவன் ஆசியுடன் வாழ்க வளமுடன் என ச.பவ அனுஜா அவர்களை மன்றம் சார்பில் வாழ்த்துகின்றோம்,மேற்படி நிகழ்வு இடம்பெற உதவிய அனைவருக்கும் நெஞ்சார்ந்த நன்றிகள்.

10/06/2026

சாதி இரண்டொழிய வேறில்லை சாற்றுங்கால்
நீதி வழுவா நெறிமுறையின் – மேதினியில்
இட்டார் பெரியார் இடாதார் இழிகுலத்தார்
பட்டாங்கில் உள்ள படி. _ நல்வழி,ஔவையார்

அக்கரையான் ஆரோக்கியபுரத்தில் இயங்கிவரும் திருக்குடும்ப முன்பள்ளி 05.06.2026 வெள்ளிக்கிழமையன்று மழலைகள் விளையாட்டு விழா நிகழ்வினை நடத்தியிருந்தனர் அன்றையதினம் சிறுவர்களுக்கான பரிசில்களாக கற்றலுக்கு தேவையான பொருட்களை வழங்குவதற்கு முன்பள்ளி ஆசிரியர்களான திருமதி ஜெ.அனுராதா,திருமதி சே.சுகுமாரி ஆகியோர் இணைந்து எமது மன்றத்திடம் கேட்டிருந்தனர்.அதற்கேற்ப ஒவ்வொரு மாணவர்களுக்கும் சுமார் 3600ரூபா பெறுமதியிலான கற்றலுக்கு தேவையான பொருட்களை வழங்கியிருந்தோம். பரிசில் பொருட்களை வழங்குவதற்கு உதவியளித்த அனைவருக்கும் மன்றம் சார்பில் உளமார்ந்த நன்றிகளைத்தெரிவித்துக்கொள்கின்றோம்.

21/04/2026

பணம் இருக்கும் மனிதரிடம் மனம் இருப்பதில்லை
மனம் இருக்கும் மனிதரிடம் பணம் இருப்பதில்லை.
- கண்ணதாசன்
எவரின் உதவிகளுமின்றி தனிமையில் வாழும் 5முதியவர்களுக்கு எமது மன்ற காரியாலயத்தில் வைத்து ஒவ்வொருவருக்கும் தலா 5432 ரூபா பெறுமதியிலான உலருணவு பொதிகள் 19.04.2026 ஞாயிற்றுக்கிழமையன்று வழங்கியிருந்தோம். இவ் வழங்களுக்கு உதவி புரிந்த அனைவருக்கும் மன்றம் சார்பில் உளமார்ந்த நன்றிகளை தெரிவித்துகொள்கின்றோம்.

31/03/2026

காலத்தி னாற்செய்த நன்றி சிறிதெனினும்
ஞாலத்தின் மாணப் பெரிது. (குறள் 102)
கிளி/உருத்திரபுரத்தில் வசித்துவரும் ஒரு குடும்பத்தில் இரண்டு மனநிலை பாதிக்கப்பட்ட பிள்ளைகளை தொடர்ந்து பராமரித்து வந்த மனைவியாரும் அதேநிலைக்கு மாறிவிட்டார்.குடும்பத்தின் முதியவர் வயோதிபநிலையிலும் தன்னால் இயன்ற வேலைகளை செய்து தனது குடுபம்பத்தை பராமரித்து வந்த இந்த முதியவர் பல தடவைகள் எமது காரியாலயத்துக்கு துவிச்சக்கர வண்டியில் வந்து உலருணவு பொருட்களை பெற்றுச்சென்றிருக்கின்றார்.தற்போது முதுமையடைந்து இயலாத நிலமையில் இருப்பதனால் 02.03.2026 திங்கற்கிழமையன்று நாமே நேரில் சென்று 5800ரூபா பெறுமதியிலான உலருணவுப் பொருட்களை வழங்கியதுடன்,6300பெறுமதியிலான அவர்களுக்கு தேவையான உடைகளையும் வழங்கியிருந்தோம்.அன்றைய தினம் மற்றுமொரு உதவிசெயலாக, எதிர்பாராத விதமாக அகாலமரணமடைந்த இளம்குடும்பஸ்தரின் மூன்று பிள்ளைகளின் கல்விவளர்ச்சிக்காக 10000ரூபா பெறுமதியிலான கற்றலுபகரணங்கள் வழங்கியிருந்தோம்.உதவிபுரிந்த அனைவருக்கும் மன்றம் சார்பில் உளமார்ந்த நன்றிகள்.

25/03/2026

எமது பிள்ளைகளை வளர்தெடுக்க பாடசாலை கல்வி போன்று அறநெறிக்கல்விக்கும் முக்கியத்துவம் கொடுக்க வேண்டும்.அறநெறி கல்விமூலம் பிள்ளைகளுக்கு சிறு வயது முதல் சமய விழுமியங்கள் மற்றும் பண்பாட்டு விழுமியங்களை போதித்து அவர்களை சமூகத்தில் சிறந்த நற்பிரஜைகளாக உருவாக்கமுடியும்,எமது மன்றமானது கல்வியை ஊக்குவிக்கும் முகமாக பாடசாலை மாணவர்களுக்கு உதவிவருவதுபோல்,அறநெறி கல்வியையும் ஊக்கிவிக்கவேண்டும் என்ற நோக்கில் அறநெறி பாடசாலைகளுக்கும் எம்மால் இயன்ற உதவிகளை செய்து வருகின்றோம் அந்தவகையில்
பரந்தன் குமரபுரம் ஸ்ரீமுருகன் ஆலயத்தில் இயங்கிவரும் அறநெறி பாடசாலையில் கல்விபயிலும் 80 மாணவர்களுக்கான சீருடைகள் 01.03.2026 ஞாயிற்றுகிழமை அன்று வழங்கிவைத்ததுடன்,அன்றைய தின மதிய உணவிற்கான செலவான 15000ரூபாவும் வழங்கியிருந்தோம் .அன்றைய தினம் திருமதி கேதீஸ்வரன் அவர்களின் நெறிப்படுத்தலில் அறநெறி பாடசாலை மாணவிகள் சீருடையணிந்து இரு நடனநிகழ்வினை வழங்கியிருந்தனர் இந் நடனநிகழ்வு அனைவராலும் பாராட் டப்பட்டது. நிகழ்வின்போது அறநெறி பாடசாலை நிர்வாகத்தினர் மற்றும் ஸ்ரீ முருகன் ஆலய பரிபாலசபையினர் என அனைவரும் கலந்து சிறப்பித்திருந்தனர். கலந்து சிறப்பித்த அனைவருக்கும் மன்றம் சார்பில் மனமார்ந்த நன்றிகள்.

24/02/2026

நாமுண்டு, நம் குடும்பமுண்டு, நம்தொழிலுண்டென்று எல்லாரையும் போல ஒதுங்கிவிடாமல்..நம்மில் நாம் எப்படி அன்பு செலுத்துகிறோமோ, அதேபோல் மற்றவர்களிடத்திலும் அன்பு செலுத்தி வாழ்வோம்.

ஜெர்மனியின் Mörfelden-Walldorf நகரில் வசிக்கும் திரு.பாக்கியநாதன் அகிலன் அவர்கள் 09.02.2026ல் தனது 50வது பிறந்த தினத்தையிட்டும் ,அவரது மகனான அகிலன் சந்தோஷ் மற்றும் அகிலன் சஞ்சேய் ஆகியோரின் முறையே 22,02.2026ல் 19வதுபிறந்ததினத்தையிட்டும் 23.02.2026ல் 17வதுபிறந்ததினத்தையிட்டும் எமது மன்றத்திற்கு அன்பளிப்பு செய்திருந்த 300 யூரோ களில் இருந்து 23.02.2026 திங்கற்கிழமையன்று 18மூதாதையர்களுக்கு ஒவ்வொருவருக்கும் தலா 5432ரூபா பெறுமதியிலான உலருணவுப் பொதிகள் வழங்கிவைத்ததுடன்,அன்றையதினம் அவர்களுக்கு மதியஉணவும் வழங்கிவைத்து மகிழ்வித்தோம்.அகிலன் அவர்களுக்கும் அவரது பிள்ளைகளுக்கும் மன்றம் சார்பில் இனிய பிறந்தநாள் நல்வாழ்த்துகளை கூறிக்கொள்வதுடன் தனதும் ,தனது பிள்ளைகளினதும் பிறந்த தினத்தை முன்னிட்டு இவ் நற்தொண்டு செய்ய பணஉதவி செய்த திரு,பா.அகிலன் அவர்களுக்கு எமது மன்றம் சார்பில் மனமார்ந்த நன்றிகள் .

14/02/2026

நாங்கள் வாழும் காலம் அனைவருக்கும் உதவி செய்து மகிழ்ச்சியோடு வாழ வேண்டும். மகிழ்ச்சியில் மிகப் பெரிய மகிழ்ச்சி மற்றவரை ஆனந்தப்படுத்தி பார்ப்பது தான்.

ஜெர்மனியின் Mörfelden-Walldorf நகரில் வசிக்கும் பிரான்சிஸ், மதலினா தம்பதிகளின் செல்வப் புதல்வனும், எமது மன்றமான Drop Charitable Germany for Srilanaka e.V. ன் உறுப்பினர்களில் ஒருவருமாகிய செல்வன் கெவின் வலன்டையன் அவர்களின் 25
வது (14/02/2026 இன்று) பிறந்த நாளை முன்னிட்டு அவர்களின் நிதிப்பங்களிப்பின் மூலம் 10முதியவர்களுக்கு எமது காரியாலயத்தில் வைத்து மதிய உணவு வழங்கியதுடன், ஒவ்வொருவருக்கும் தலா 5710ரூபா பெறுமதியிலான உலருணவுப்பொருள் பொதிகளும் வழங்கிவைத்தோம்.வந்த முதியவர்கள் அனைவரும் செல்வன் கெவின் அவர்களுக்கு பிறந்த நாள் வாழ்த்துகளையும்,நன்றியினையும் தெரிவித்துக்கொண்டனர் .
செல்வன் கெவின் அவர்களுக்கு எமது மன்றம் சார்பில் இனிய பிறந்த நாள் நல்வாழ்த்துக்களை தெரிவித்துக்கொள்வதோடு தொடர்ச்சியாக ஆண்டு தோறும் தனது பிறந்தநாளுக்கு தாயக உறவுகளுக்கு தன்னால் முடிந்த எதாவது உதவிகளை செய்து வரும் நல்ல உள்ளம் கொண்ட செல்வன் கெவின் வலன்டையனுக்கும் அவரின் பெற்றோருக்கும் மன்றம் சார்பில் நன்றிகளைதெரிவித்துக்கொள்கின்றோம்.

Drop Charitable Foundation

08/08/2026

31/07/2026

20/07/2026

20/06/2026

10/06/2026

21/04/2026

31/03/2026

25/03/2026

24/02/2026

14/02/2026

Adresse

Telefon

Webseite

Benachrichtigungen

Die Organisation Kontaktieren

Verknüpfungen

Teilen

Kategorie

Antrag auf Entfernung des Eintrags