ოზურგეთის სახელმწიფო დრამატული თეატრი - Ozurgeti State Drama Theatre

03/08/2026

ლაშა ჩხარტიშვილი

ადამიანი, თოჯინა და ერთგულების ისტორია

​

ნოდარ დუმბაძის ტექსტების მთავარი ძალა დრამატულ მოვლენებში კი არა, ადამიანურ ურთიერთობებში, ხასიათებში, იუმორსა და სევდას შორის არსებულ იმ ზღვარშია, რომელიც მხოლოდ ზუსტი რეჟისორული ინტუიციით შეიძლება გადაიტანო სცენაზე. ოზურგეთის ალექსანდრე წუწუნავას სახელობის სახელმწიფო დრამატულ თეატრში ნიკოლოზ საბაშვილი ამ ამოცანას ორიგინალური ფორმით პასუხობს. მისი „ძაღლი“ შერეული პლანის წარმოდგენაა, სადაც ცოცხალი მსახიობი და თოჯინა ერთმანეთის პარტნიორებად გვევლინებიან. არც ერთი მათგანი მეორეს არ ემსახურება. პირიქით, ისინი ერთიან თეატრალურ ენას ქმნიან, რომელიც დუმბაძის სამყაროს ორგანულად ერწყმის.

​

სცენოგრაფიული გადაწყვეტა სპექტაკლის ერთ-ერთი ყველაზე ძლიერი კომპონენტია. ნიკა საბაშვილი სივრცეს სამ პლანად აწყობს, რაც მოქმედებას სიღრმესა და მრავალშრიანობას სძენს. წინა პლანზე პერსონაჟებისა და თოჯინების უშუალო სამოქმედო არეა, შუა პლანი დრამატული ეპიზოდების განვითარებას ეთმობა, ხოლო უკანა პლანზე გაშლილი ყანა მუდმივად არსებობს, როგორც სოფლის, ბუნებისა და დროის სიმბოლო. ეს არ არის მხოლოდ დეკორაცია, არამედ ცოცხალი გარემო, რომელშიც ადამიანები ცხოვრობენ. ყანის სხვადასხვა სიმაღლე, ფერთა ბუნებრივი გამა და განათების ცვლილებები სივრცეს მუდმივად გარდაქმნის. ზოგჯერ იგი ბავშვობის იდილიურ სამყაროს ჰგავს, ზოგჯერ კი მარტოობისა და დანაკარგის მეტაფორად იქცევა. ამავე სივრცეში ჩნდება სოფლის კონტურებიც, რაც მოქმედების ადგილს კონკრეტულობას ანიჭებს, თუმცა მთლიანობაში სცენოგრაფია პირობითობის ფარგლებში რჩება და ნოდარ დუმბაძის სამყაროს პოეტურ ბუნებას ზუსტად გამოხატავს.

​

სპექტაკლის ერთ-ერთი მთავარი ღირსება ვახო ქორიძის მიერ შექმნილი თოჯინებია. პატარა, ნატიფი, სკულპტურულად დამუშავებული ფიგურები მხოლოდ ლამაზად შესრულებული ობიექტები არ არის. თითოეულ მათგანს საკუთარი ხასიათი აქვს. მსახიობები მათ ისეთი სიზუსტით აცოცხლებენ, რომ თოჯინები სტატიკურ საგნებად აღარ აღიქმება. ისინი სუნთქავენ, რეაგირებენ, გამოხატავენ ემოციას, ურთიერთობენ ერთმანეთთან და მაყურებელთან. განსაკუთრებით შთამბეჭდავია ძაღლის მხატვრული სახე. იგი არც ერთ სიტყვას არ ამბობს, მხოლოდ წკმუტუნებს, მაგრამ კუდის მოძრაობით, ყურების ცქვეტით, თავის დახრითა და სხეულის პლასტიკით მაყურებელს იმდენ ინფორმაციას აწვდის, რომ სიტყვა სრულიად ზედმეტი ხდება. მისი „ენა“ რეაქციაა, შეფასებაა, ქმედებაა და სწორედ ამიტომ პერსონაჟი ცოცხლდება. ეს ყველა დეტალი გათვლილი აქვს რეჟისორს, რომელსაც სიზუსტით ასრულებენ მსახიობები.

​

სპექტაკლის მთხრობელი გიორგი დოლიძეა, რომელსაც ბოლო წლებში ოზურგეთის თეატრის რეპერტუარში სრულიად განსხვავებული ამპლუის როლებში ვიხილეთ. აქ იგი მთხრობელიცაა, მონაწილეც და თითქოს თავად ნოდარ დუმბაძის სამყაროს გამტარიც. გიორგი დოლიძის სამსახიობო ბუნებაში ერთი საინტერესო თვისებაა: იგი თითქმის ყველა პერსონაჟს კეთილად ხატავს. ყველაზე წინააღმდეგობრივ ადამიანშიც კი პირველ რიგში მის ადამიანურ მხარეს ეძებს. ნოდარ დუმბაძე თუ კეთილი მწერალია, გიორგი დოლიძე, შეიძლება ითქვას, კეთილი მსახიობია. ამიტომ მისი თხრობა მორალიზატორული არასოდეს ხდება. იგი მაყურებელს არ კარნახობს, ვინ არის კარგი და ვინ ცუდი, არამედ ადამიანების გაგებას ცდილობს.

​

დავით კვერღელიძის ბაბუა სპექტაკლის ერთ-ერთი ყველაზე დასამახსოვრებელი სახეა. სიბერის სიმძიმე, ცხოვრების გამოცდილება და ამ ყველაფრის მიუხედავად შეუნელებელი ოპტიმიზმი მსახიობს მცირე დეტალებით მოაქვს. ბაბუას ღიღინი, მოძრაობა, სიტყვების წარმოთქმის მანერა, ყოველდღიური ქცევები იმ ადამიანის პორტრეტს ქმნის, რომელმაც ბევრი გამოიარა, მაგრამ ცხოვრების სიყვარული მაინც არ დაუკარგავს. რეჟისორი პერსონაჟებს ძირითადად სწორედ დეტალებში ხატავს. ერთი მოძრაობა, ერთი პაუზა, ერთი მზერა ან კონკრეტული მოვლენის შეფასება ხშირად უფრო მეტს ამბობს მათზე, ვიდრე გრძელი მონოლოგი.

​

თეა კეჭაყმაძის ბიჭუნა ბუნებრივი და უშუალოა. მის შესრულებაში არ იგრძნობა ხელოვნურად შექმნილი ბავშვურობა. იგი გარემოსთან ერთად იზრდება, იცვლება, სწავლობს, განიცდის და მაყურებელიც ამ ცვლილებას თვალს ადევნებს. გიორგი ჩავლეშვილი განსაკუთრებით საინტერესოა მედუქნესთან დიალოგის ეპიზოდში. ბოლო წლებში მსახიობი თანდათან ყალიბდება გამორჩეულ ტიპაჟურ არტისტად, რომელსაც სრულიად განსხვავებული ამპლუების შესრულება შეუძლია. ლუკა მეგრელაძე, ჯაბა მორჩილაძე, ანა ზასლავსკა და თეატრალური სტუდიის მოსწავლეები: ქრისტინე დოლიძე, ნინი მეგრელიძე, ნინი მუშტაშვილი, ცისია ყაზაიშვილი საერთო ანსამბლის ორგანულ ნაწილებად იქცევიან. საგულისხმოა, რომ პროფესიონალი მსახიობებისა და სტუდიელების მუშაობას შორის ხარისხობრივი ზღვარი თითქმის არ იგრძნობა. ისინი ერთ ორგანიზმად მოქმედებენ და სწორედ ამ ერთიანობით იქმნება წარმოდგენის ატმოსფერო.

​

ნიკოლოზ საბაშვილის ერთ-ერთი ყველაზე ზუსტი რეჟისორული გადაწყვეტილება ძალადობის პირდაპირ ჩვენებაზე უარის თქმაა. მებუფეტეს მიერ ძაღლის მდუღარე წყლით დაწვის სცენას მაყურებელი არ ხედავს. არც იმ მომენტს ვუყურებთ, როდესაც ბიჭუნა ქვის სროლას აპირებს. რეჟისორი შედეგს გვაჩვენებს და არა პროცესს. ამით იგი მაყურებლის ემოციით მანიპულირებას გაურბის. სისასტიკის ეფექტის ნაცვლად, წარმოსახვის სივრცეს გვიტოვებს, რაც ხშირად ბევრად ძლიერ შთაბეჭდილებას ახდენს, ვიდრე ნატურალისტური გამოსახვა.

საინტერესოდაა გადაწყვეტილი ბაზრის ეპიზოდიც, სადაც მასობრივი სცენები ჩრდილების თეატრის გამოყენებით ცოცხლდება. მცირე სივრცე მოულოდნელად ფართოვდება, ხოლო ჩრდილები მოქმედებას პირობითობის ახალ ხარისხს სძენს. ამ ხერხით რეჟისორი ერთი მხრივ, მასშტაბს ქმნის, მეორე მხრივ, კი მთლიანად ინარჩუნებს წარმოდგენის სტილისტიკურ ერთიანობას.

​

სპექტაკლის ემოციური კულმინაცია ბაბუას გარდაცვალებისა და ქელეხის ეპიზოდებია. განსაკუთრებით დასამახსოვრებელია სცენა, როდესაც სამგლოვიარო ტრაპეზის დროს გოგიტა თეფშში მოკუნტული ზის. ეს მხოლოდ ბავშვის მწუხარება აღარ არის. იგი თითქოს საკუთარ ნაჭუჭში იკეტება. სხვებთან ერთად იმყოფება, მაგრამ მაინც სრულიად მარტო რჩება. რეჟისორი ამ მარტივ, მაგრამ ზუსტ მეტაფორაში მთელი ტრაგედიის კონცენტრირებას ახერხებს. სიტყვები აქ თითქმის აღარ არის საჭირო.

​

ფინალში, ბაბუას გარდაცვალების შემდეგ, ძაღლი ისევ ბიჭუნასთან ბრუნდება. თოვლი მოდის, დრო გადის, მაგრამ ერთგულება არ იცვლება. ეს ეპიზოდი სენტიმენტალურობის ზღვარზე დგას, თუმცა რეჟისორი ამ საფრთხესაც წარმატებით არიდებს თავს. ემოცია აქ იბადება არა ხელოვნური ეფექტებით, არამედ მთელი წარმოდგენის განმავლობაში დაგროვილი ურთიერთობებიდან. სწორედ ამიტომ, ფინალი ბუნებრივად სრულდება და მაყურებელთან დიდხანს რჩება.

​

მიუხედავად იმისა, რომ სპექტაკლის მსახიობთა უმრავლესობა ბუნებრივი და ზომიერია ემოციებში, მცირე შენიშვნა მაინც მაქვს, რომელიც განსაკუთრებით უფროსი თაობის მსახიობებს ეხება. მრავალწლიანი გამოცდილების მიუხედავად, ზოგიერთ ეპიზოდში იგრძნობა ტექსტისა და ემოციის ზედმეტად გათამაშების ტენდენცია. ფრაზის, სიტყვისა თუ ინტონაციის აქცენტირება ზოგჯერ ბუნებრივობის ხარჯზე ხდება და პერსონაჟის შინაგანი მდგომარეობის ნაცვლად მსახიობური ოსტატობის ჩვენების შთაბეჭდილებას ტოვებს. სწორედ აქ გადის ის ბეწვის ხიდი, რომლის ერთ მხარეს ცოცხალი, ორგანული არსებობაა, ხოლო მეორე მხარეს – თეატრალურობა, რომელიც წარმოდგენის რეალისტურ ატმოსფეროს ოდნავ აშორებს. ამიტომ ასეთ ეპიზოდებში მეტი სიფრთხილე და შინაგანი სიმარტივე სპექტაკლის საერთო ხარისხს კიდევ უფრო გააძლიერებდა.

​

ნიკოლოზ საბაშვილის „ძაღლი“ კიდევ ერთხელ ადასტურებს, რომ თოჯინა მხოლოდ საბავშვო თეატრის ატრიბუტი არ არის. სწორად გამოყენების შემთხვევაში იგი ისეთივე ძლიერი დრამატული გამომსახველობითი საშუალებაა, როგორც ცოცხალი მსახიობი. ოზურგეთის თეატრის ახალ დადგმაში თოჯინა და მსახიობი ერთმანეთს ავსებენ, ერთმანეთის შესაძლებლობებს აფართოებენ და ერთიან მხატვრულ სისტემას ქმნიან. სწორედ ამ ჰარმონიულ თანაარსებობაშია სპექტაკლის მთავარი ღირებულება. რეჟისორი ნოდარ დუმბაძის ტექსტს ზედმეტი თეატრალური ეფექტებით არ ტვირთავს, არამედ მის მთავარ სათქმელს, ადამიანურობას, ერთგულებასა და თანაგრძნობას, თეატრის ენით, მშვიდად და ღირსეულად აცოცხლებს.





როგორც გურია განუყოფელია ნოდარ დუმბაძის შემოქმედებისგან, ისეა ოზურგეთის თეატრიც ამ მწერლის მხატვრულ სამყაროსთან. ამ ტრადიციის ჩამოყალიბებასა და შენარჩუნებაში განსაკუთრებული წვლილი თეატრის სამხატვრო ხელმძღვანელს, ვასო ჩიგოგიძეს მიუძღვის, რომელიც ჯერ კიდევ გასული საუკუნის 70-იანი წლებიდან სისტემატურად უბრუნდება ნოდარ დუმბაძის პროზას. თუმცა ამ პროცესის მთავარი ღირსება მხოლოდ მისი საკუთარი დადგმები არ არის. ვასო ჩიგოგიძე ამ ავტორის ინტერპრეტაციის შესაძლებლობას სხვა რეჟისორებსაც აძლევს, რაც ტრადიციას სიცოცხლისუნარიანს ხდის. სწორედ მუდმივი განახლება, განსხვავებული რეჟისორული ხედვების თანაარსებობა და ერთი ავტორის მრავალფეროვანი წაკითხვა ქმნის განვითარების საფუძველს. ტრადიცია მხოლოდ მაშინ ცოცხლობს, როცა იგი მოძრაობს და იცვლება, და არა მაშინ, როცა ერთსა და იმავე ფორმას იმეორებს.

​

ფოტო: ნათია მუქერია

ნოდარ დუმბაძის ტექსტების მთავარი ძალა დრამატულ მოვლენებში კი არა, ადამიანურ ურთიერთობებში, ხასიათებში, იუმორსა...

03/08/2026

ზუკა ნემსაძე

„ძაღლი“ - გურული ემოციისა და თოჯინური თეატრის სინთეზი

ოზურგეთის სახელმწიფო დრამატულმა თეატრმა 158-ე თეატრალური სეზონი ნოდარ დუმბაძის მოთხრობის მიხედვით დადგმული სპექტაკლის - „ძაღლი“ - პრემიერით დახურა. წარმოდგენა, რომელიც თეატრის მცირე სცენაზე გაიმართა, რეჟისორმა ნიკოლოზ საბაშვილმა განახორციელა. ინსცენირება, რეჟისურა და მუსიკალური გაფორმება თავად რეჟისორს ეკუთვნის, თოჯინების მხატვარი ვახო ქორიძეა, რეჟისორის ასისტენტი - გიორგი დოლიძე, ხოლო ტექნიკური რეჟისორი - ირაკლი ვადაჭკორიაა.

ნოდარ დუმბაძე იმ ავტორთა შორისაა, რომელთა შემოქმედება ქართულ თეატრში განსაკუთრებული სიცოცხლისუნარიანობით გამოირჩევა. მისი ტექსტები სხვადასხვა ეპოქაში არაერთხელ გამხდარა სასცენო ინტერპრეტაციის საფუძველი, როგორც საქართველოში, ისე მის ფარგლებს გარეთ. ნოდარ დუმბაძის პერსონაჟები და მათ მიერ დასმული მორალური, სოციალური თუ ადამიანური კითხვები/დილემები დროის ცვლილებას ადვილად უძლებს, რის გამოც მისი პროზა დღემდე ინარჩუნებს აქტუალობას. სწორედ ამ კონტექსტში განსაკუთრებულ მნიშვნელობას იძენს ის ფაქტი, რომ „ძაღლი“ საქართველოში პირველად სწორედ ოზურგეთის სახელმწიფო დრამატულ თეატრში დაიდგა.

სპექტაკლში ოზურგეთის თეატრის მსახიობებთან ერთად, მონაწილეობენ თეატრთან არსებული სტუდიის ახალგაზრდებიც: ქრისტინე დოლიძე, ნინი მეგრელიძე, ნინი მუშტაშვილი და ცისია ყაზაიშვილი. აღსანიშნავია, რომ მათი მონაწილეობა ფორმალურ ჩართულობას არ ჰგავს - ისინი სრულფასოვნად ერთვებიან სპექტაკლის მხატვრულ ქსოვილში და ქმნიან დამაჯერებელ სასცენო სახეებს, რომლებიც გამოცდილ მსახიობებთან ერთად ორგანულ ანსამბლს აყალიბებს.

ნიკოლოზ საბაშვილის მიერ დადგმული „ძაღლი“ იმ იშვიათ წარმოდგენათა რიგს მიეკუთვნება, სადაც რეჟისორული ჩანაფიქრი, ფორმა და შინაარსი ერთიან მხატვრულ სისტემად ყალიბდება. სპექტაკლის კონცეფცია თავიდანვე მკაფიოდ განსაზღვრულია და იგი არც ერთ ეტაპზე არ კარგავს შინაგან ლოგიკას. რეჟისორი ნოდარ დუმბაძის ტექსტს არ აღიქვამს მხოლოდ ლიტერატურულ პირველწყაროდ; იგი მას სცენურ ენად გარდაქმნის და ქმნის წარმოდგენას, რომლის ერთ-ერთი მთავარი მამოძრავებელი ძალა გურული ხასიათი, ემოცია და იუმორია. სწორედ გურული ემოციური ტემპერამენტი იქცევა სპექტაკლის ლაიტმოტივად, რაც წარმოდგენას განსაკუთრებულ რიტმს, სითბოსა და შინაგან ენერგიას ანიჭებს.

ამ კონცეფციის ერთ-ერთი ყველაზე მნიშვნელოვანი საყრდენი ვახო ქორიძის მიერ შექმნილი თოჯინებია. ისინი მხოლოდ ვიზუალური ელემენტები არ არიან; თითოეული თოჯინა ატარებს ხასიათს. მათი პლასტიკა, გამომსახველობა და სახასიათო დეტალები საოცარი სიზუსტით უახლოვდება გურულ ტიპაჟებს, რის შედეგადაც სცენაზე იქმნება სამყაროს ილუზია, რომელიც ერთდროულად რეალურიც არის და პირობითიც. ვახო ქორიძის ნამუშევარი სპექტაკლის მხატვრული ღირებულების ერთ-ერთი უმნიშვნელოვანესი კომპონენტია და ნათლად აჩვენებს, რამდენად დიდი მნიშვნელობა აქვს თოჯინის, როგორც სრულფასოვანი სასცენო პერსონაჟის შექმნას.

ნიკოლოზ საბაშვილი, ზუსტად გრძნობს ლიტერატურული მასალის შინაგან ბუნებას და ახერხებს ტექსტი დამოუკიდებელ თეატრალურ მოვლენად აქციოს. „ძაღლში“ განსაკუთრებით შთამბეჭდავია მისი უნარი, ემოციური სიზუსტე, იუმორი, ტრაგიზმი და ეროვნული ხასიათის ნიშნები ერთიან რეჟისორულ კონცეფციაში გააერთიანოს. რეჟისორი, ქმნის წარმოდგენას, რომელიც არ ცდილობს მაყურებელზე ხელოვნური ეფექტებით ზემოქმედებას; პირიქით, იგი ნდობას ამყარებს სცენურ ენასთან, მსახიობთან, თოჯინასთან და იმ კულტურულ მეხსიერებასთან, რომელსაც ნოდარ დუმბაძის სამყარო ატარებს. სწორედ ეს ინტელექტუალური და ემოციური სიზუსტე აქცევს მის დადგმას გამორჩეულ თეატრალურ გამოცდილებად.



სპექტაკლის ერთ-ერთ მნიშვნელოვან მხატვრულ ღირსებას სცენოგრაფია (თავად რეჟისორს ეკუთვნის) წარმოადგენს, რომელიც თემატიკის, მოქმედების გარემოსა და რეჟისორული კონცეფციის ორგანულ გაგრძელებად იქცევა. გურული ოდა, ბუხარი და სივრცის სხვა დეტალები მხოლოდ ეთნოგრაფიული დეკორაცია არ არის; ისინი ქმნიან ატმოსფეროს, რომელიც გურული ყოფის, მეხსიერებისა და ემოციური სამყაროს გამომხატველად გვევლინება. სცენური გარემო გამოირჩევა ესთეტიკური სიზუსტით, ვიზუალური დახვეწილობითა და ფერთა ჰარმონიით, რის შედეგადაც წარმოდგენა განსაკუთრებულ მხატვრულ მთლიანობას იძენს. ამ მთლიანობაში მნიშვნელოვან როლს ასრულებს ნიკოლოზ საბაშვილის მუსიკალური გაფორმება, რომელიც სპექტაკლის რიტმს, განწყობასა და ემოციურ ტონალობას ზუსტად მიჰყვება და სცენურ მოქმედებას დამატებით სიღრმეს ანიჭებს. ასევე აღსანიშნავია განათების გადაწყვეტა, რომელიც განსაკუთრებული სიზუსტით არის ორგანიზებული და თითოეულ ეპიზოდს შესაბამის ემოციურ აქცენტს სძენს.



სპექტაკლის ერთ-ერთი უმნიშვნელოვანესი კომპონენტი მისი სამსახიობო ანსამბლია. ოზურგეთის სახელმწიფო დრამატული თეატრის მსახიობები - დავით კვერღელიძე, გიორგი დოლიძე, თეა კეჭაყმაძე, გიორგი ჩავლეიშვილი, ლუკა მეგრელაძე, ჯაბა მორჩილაძე და ანა ზასლავსკა - ქმნიან ანსამბლს, რომელიც სცენაზე ერთიანი რიტმით, ურთიერთგაგებითა და შინაგანი სიზუსტით მოქმედებს. წარმოდგენის ჰიბრიდული ბუნება, სადაც თოჯინური და დრამატული თეატრის გამომსახველობითი საშუალებები ერთმანეთთან ორგანულად ერთიანდება, მსახიობებისგან განსაკუთრებულ პროფესიულ კონცენტრაციასა და ტექნიკურ მომზადებას მოითხოვს. სწორედ თოჯინებისა და ცოცხალი მსახიობების ერთობლივი არსებობა ქმნის იმ მრავალშრიან სცენურ ენას, რომელიც სპექტაკლის მხატვრულ ეფექტს მნიშვნელოვნად აძლიერებს.



თითოეული მსახიობი განსაკუთრებული სიზუსტით ქმნის გურული ხასიათის მხატვრულ სახეს. მათ მიერ შესრულებული პერსონაჟები არ ეფუძნება გარეგნულ ტიპაჟურობას; პირიქით, თითოეული მათგანი შინაგანად გააზრებული და ემოციურად დამაჯერებელია. ამ ანსამბლში არ ჩანს ხელოვნური აქცენტები ან ფორმალური შესრულება - მსახიობები ერთიანი მხატვრული სისტემის ნაწილებად არსებობენ და სწორედ ამიტომ ინარჩუნებს წარმოდგენა შინაგან სიმთლიანეს.



განსაკუთრებით აღსანიშნავია გიორგი დოლიძის სამსახიობო ნამუშევარი. იგი განსაკუთრებული სიზუსტით გადის პერსონაჟის გარდასახვის პროცესს და ქმნის მხატვრულ სახეს, რომლის განვითარება სცენურ მოქმედებასთან ერთად, თანმიმდევრულად იკვეთება. მისი შესრულება გამოირჩევა ემოციური კონტროლით, სახასიათო დეტალების ზუსტი გამოყენებითა და პერსონაჟის შინაგანი მდგომარეობის თანმიმდევრული გახსნით, რაც მის როლს სპექტაკლის ერთ-ერთ მნიშვნელოვან სამსახიობო მიღწევად აქცევს.



თეა კეჭაყმაძე განსაკუთრებული სიფაქიზითა და ბუნებრიობით ქმნის გურული ბავშვის მხატვრულ სახეს. გამოირჩევა უშუალობით, ემოციური სიზუსტითა და იმ შინაგანი სინატიფით, რომელიც თოჯინურ პერსონაჟს განსაკუთრებულ სიცოცხლეს ანიჭებს.



ლუკა მეგრელაძის მიერ შექმნილი, ანზორი გამორჩეული გურული ტიპაჟია. მსახიობი პერსონაჟის ხასიათს მხოლოდ იუმორზე არ აგებს; იგი ხმით მის შინაგან ადამიანურ ბუნებას, გულწრფელობასა და ცხოვრებისეულ უშუალობას წარმოაჩენს, რის გამოც ანზორი სცენაზე მრავალგანზომილებიან და დასამახსოვრებელ მხატვრულ სახედ ყალიბდება. ლუკა მეგრელაძე, გვაფქირებს, რომ მიუხედავად, ანზორის მოთხოვნებისა, მისი პერსონაჟსაც აქვს თავისი სიმართლე.



განსაკუთრებით აღსანიშნავია გიორგი ჩავლეიშვილის სამსახიობო ნამუშევარი, რომელიც სპექტაკლის ერთ-ერთ ყველაზე დასამახსოვრებელ მხატვრულ მიღწევად შეიძლება შეფასდეს. მსახიობი განსაკუთრებული სიზუსტით ქმნის გურული ხასიათის მრავალფეროვან და შინაგანად გამართულ სახეს. მისი შესრულება გამოირჩევა ბუნებრიობით, ემოციური სიღრმითა და სახასიათო დეტალების ზუსტი ფლობით, რის შედეგადაც პერსონაჟი სცენაზე ცოცხალი, დამაჯერებელი და ადამიანურად ახლობელი ხდება. მსახიობი, ახერხებს, მის მიერ განსახიერებული ყველა პერსონაჟის (ეს იქნება თოჯინური თუ არა თოჯინური) იუმორი, გულწრფელობა, სითბო და შინაგანი ღირსება ერთმანეთთან ორგანულად დააკავშიროს, რაც მის მიერ შექმნილ მხატვრულ სახეებს განსაკუთრებულ სიცოცხლესა და სიმართლეს ანიჭებს.



განსაკუთრებულ ყურადღებას იმსახურებს ის ფაქტიც, რომ დრამატული თეატრის მსახიობები თოჯინებს პროფესიული სიზუსტით ფლობენ. თითოეული მოძრაობა, პაუზა, ჟესტი და ემოციური აქცენტი თოჯინასთან სრულ სინქრონში არსებობს, რაც რთული თეატრალური ტექნიკის მაღალ დონეზე დაუფლებაზე მეტყველებს. სწორედ ამ კოორდინირებული მუშაობის შედეგად თოჯინა და მსახიობი ერთიან სასცენო ორგანიზმად აღიქმება, რაც, უდავოდ, ნიკოლოზ საბაშვილის ზუსტი რეჟისორული მუშაობისა და შემოქმედებითი პროცესის შედეგია.



„ძაღლი“, პირველ ყოვლისა, ადამიანურ ღირსებაზე, სიყვარულზე, ერთგულებასა და მეხსიერებაზე გვესაუბრება. ეს არის ამბავი, რომელიც ემოციური სიმძაფრითა და შინაგანი ტკივილით მაყურებელს მუდმივად ახსენებს, რომ ერთგულება მხოლოდ ურთიერთობის ფორმა კი არა, ზნეობრივი არჩევანიც არის. ნოდარ დუმბაძის ტექსტში ძაღლი მხოლოდ მეგობრობის სიმბოლო არ არის; იგი ადამიანურობის, თანაგრძნობისა და პასუხისმგებლობის მეტაფორად იქცევა, რაც სპექტაკლის ემოციურ საფუძველს განსაზღვრავს.



სპექტაკლში საინტერესოდ იყო გადაწყვეტილი ეპიზოდი, როდესაც ბაბუის გარდაცვალების შემდეგ, ერთგული ძაღლი, რომელსაც გურული „ბაღანე” არ კლავს, კვლავ უკან ბრუნდება. სწორედ ამ სცენაში აღწევს წარმოდგენა თავის უმაღლეს ემოციურ წერტილს. მაყურებლის რეაქცია ამ ეპიზოდზე განსაკუთრებით მეტყველი იყო - პარტერში ისმოდა ცრემლის, ოხვრისა და ჩუმი ქვითინის ხმა. ეს კი იმას ნიშნავს, რომ სპექტაკლმა ყველაზე რთული ამოცანა შეასრულა: გულგრილი არავინ დატოვა. თუ რეჟისორმა - „ძნელად ასატირებელი” გურულების აცრემლება შეძლო, ეს იმაზე მეტყველებს, რომ, ნიკოლოზ საბაშვილმა - „გურული გულის” ყველაზე ფაქიზ კარსაც მიაგნო.



ბოლო წლებში ოზურგეთის სახელმწიფო დრამატული თეატრი ერთ-ერთ ყველაზე აქტიურ და თანმიმდევრულ რეგიონულ თეატრად ჩამოყალიბდა, რაც, ერთმნიშვნელოვნად თეატრის ხელმძღვანელის, ვასო ჩიგოგიძის მენეჯერულ ხედვასა და სარეპერტუარო სტრატეგიას უკავშირდება. თეატრის სარეპერტუარო პოლიტიკა არ შემოიფარგლება მხოლოდ კლასიკური ტექსტების დადგმით; იგი მუდმივად ეძებს ახალ რეჟისორულ ხელწერებს, თანამედროვე თეატრალურ ფორმებსა და იმ მხატვრულ ექსპერიმენტებს, რაც რეგიონულ თეატრს სრულიად განსხვავებულ მნიშვნელობას სძენს. განსაკუთრებით აღსანიშნავია, რომ თეატრს სეზონის განმავლობაში არა ერთი მნიშვნელოვანი პრემიერა ჰქონდა, რაც მის შემოქმედებით ინტენსივობასა და პროფესიულ ამბიციაზე მეტყველებს. ვასო ჩიგოგიძე გამორჩეულია იმითაც, რომ განსაკუთრებულ ყურადღებას უთმობს ახალგაზრდა მსახიობებთან, სტუდენტებთან, რეჟისორებთან და თეატრთან არსებული სტუდიის სახით მომავალ თაობასთან თანამშრომლობას. ეს არ არის მხოლოდ ფორმალური მხარდაჭერა; ოზურგეთის თეატრში ახალგაზრდები რეალურად ერთვებიან შემოქმედებით პროცესში და პროფესიული განვითარების შესაძლებლობას იღებენ. ასეთი მიდგომა რეგიონული თეატრისთვის განსაკუთრებით მნიშვნელოვანია, რადგან იგი არა მხოლოდ მიმდინარე რეპერტუარს აძლიერებს, არამედ მომავალ თეატრალურ პროცესსაც ქმნის. დღეს ოზურგეთის თეატრი ერთ-ერთი გამორჩეული რეგიონული თეატრია, რომელსაც ქართული თეატრის რუკაზე საკუთარი, მკაფიოდ გამოკვეთილი ადგილი უკავია. იგი გამოირჩევა როგორც ძლიერი სარეპერტუარო პოლიტიკით, ისე იმ მხატვრული იდენტობით, რომელიც თანაბრად ეფუძნება ტრადიციის პატივისცემას, თანამედროვე თეატრალური აზროვნების განვითარებასა და რეგიონული კულტურული სივრცის გაძლიერებას.

ფოტო ნათია მუქერია

ოზურგეთის სახელმწიფო დრამატულმა თეატრმა 158-ე თეატრალური სეზონი ნოდარ დუმბაძის მოთხრობის მიხედვით დადგმული სპე.....

02/08/2026

🎭ოზურგეთის სახელმწიფო დრამატულმა თეატრმა 158-ე სათეატრო სეზონი
ნოდარ დუმბაძის “ძაღლის” მიხედვით შექმნილი სპექტაკლის პრემიერით დახურა.

სპექტაკლის ინსცენირების, რეჟისურის, სცენოგრაფიისა და მუსიკალური გაფორმების ავტორია საქართველოს თოჯინების პროფესიული სახელმწიფო თეატრების გაერთიანების დირექტორი ნიკოლოზ საბაშვილი. თოჯინების მხატვარია ვახო ქორიძე, რეჟისორის ასისტენტი – გიორგი დოლიძე, ტექნიკური რეჟისორი – ირაკლი ვადაჭკორია.
წარმოდგენა ოზურგეთის სახელმწიფო დრამატული თეატრის მსახიობებისა და თეატრთან არსებული თეატრალური სტუდიის მოსწავლეების ერთობლივი ნამუშევარია.

პრემიერას ესწრებოდნენ ოზურგეთის მუნიციპალიტეტის მერის მოადგილე, საქართველოს შოთა რუსთაველის თეატრისა და კინოს სახელმწიფო უნივერსიტეტის რექტორი, საზოგადოებრივი მაუწყებლის აჭარის ტელევიზიისა და რადიოს დირექტორი, თეატრმცოდნეები, რეჟისორები, კულტურის სფეროს წარმომადგენლები და თეატრის ერთგული მაყურებელი.

სპექტაკლი „ძაღლი“ ერთგულების, სიკეთისა და ადამიანური ღირებულებების შესახებ გვიამბობს.
სპექტაკლის დასრულების შემდეგ ოზურგეთის სახელმწიფო დრამატული თეატრის დირექტორმა და სამხატვრო ხელმძღვანელმა, ვასო ჩიგოგიძემ, თეატრის შემოქმედებით და ტექნიკურ პერსონალს 158-ე სათეატრო სეზონის წარმატებით დასრულება მიულოცა. მან ასევე დააანონსა 159-ე სათეატრო სეზონის გახსნის კვირეული, რომელიც 11–16 სექტემბერს გაიმართება.

🎭 Ozurgeti State Drama Theatre closed its 158th theatre season with the premiere of the performance “The Dog”, based on the work of Nodar Dumbadze.

The author of the adaptation, direction, scenography, and musical arrangement of the performance is Nikoloz Sabashvili, Director of the Union of Professional State Puppet Theatres of Georgia. The puppet designer is Vakho Khoridze, the assistant director is Giorgi Dolidze, and the technical director is Irakli Vadachkoria.
“The Dog” is a joint creative work of the actors of Ozurgeti State Drama Theatre and the students of the theatre studio affiliated with the theatre.

The premiere was attended by the Deputy Mayor of Ozurgeti Municipality, the Rector of S***a Rustaveli Theatre and Film Georgia State University, the Director of Adjara Television and Radio of the Public Broadcaster, theatre critics, directors, representatives of the cultural sector, and loyal theatre audiences.

The performance “The Dog” tells a story about loyalty, kindness, and human values, offering the audience a special emotional perspective on the world created by Nodar Dumbadze.
After the performance, Vaso Chigogidze, Director and Artistic Director of Ozurgeti State Drama Theatre, congratulated the theatre’s creative and technical teams on the successful completion of the 158th theatre season.

He also announced the opening week of the 159th theatre season, which will take place on September 11–16.

02/08/2026

🎭 ოზურგეთის სახელმწიფო დრამატულმა თეატრმა 158-ე სათეატრო სეზონი
ნოდარ დუმბაძის “ძაღლის” მიხედვით შექმნილი სპექტაკლის პრემიერით დახურა.

სპექტაკლის ინსცენირების, რეჟისურის, სცენოგრაფიისა და მუსიკალური გაფორმების ავტორია საქართველოს თოჯინების პროფესიული სახელმწიფო თეატრების გაერთიანების დირექტორი ნიკოლოზ საბაშვილი. თოჯინების მხატვარია ვახო ქორიძე, რეჟისორის ასისტენტი – გიორგი დოლიძე, ტექნიკური რეჟისორი – ირაკლი ვადაჭკორია.

წარმოდგენა ოზურგეთის სახელმწიფო დრამატული თეატრის მსახიობებისა და თეატრთან არსებული თეატრალური სტუდიის მოსწავლეების ერთობლივი ნამუშევარია.
პრემიერას ესწრებოდნენ ოზურგეთის მუნიციპალიტეტის მერის მოადგილე, საქართველოს შოთა რუსთაველის თეატრისა და კინოს სახელმწიფო უნივერსიტეტის რექტორი, საზოგადოებრივი მაუწყებლის აჭარის ტელევიზიისა და რადიოს დირექტორი, თეატრმცოდნეები, რეჟისორები, კულტურის სფეროს წარმომადგენლები და თეატრის ერთგული მაყურებელი.

სპექტაკლი „ძაღლი“ ერთგულების, სიკეთისა და ადამიანური ღირებულებების შესახებ გვიამბობს.
სპექტაკლის დასრულების შემდეგ ოზურგეთის სახელმწიფო დრამატული თეატრის დირექტორმა და სამხატვრო ხელმძღვანელმა, ვასო ჩიგოგიძემ, თეატრის შემოქმედებით და ტექნიკურ პერსონალს 158-ე სათეატრო სეზონის წარმატებით დასრულება მიულოცა. მან ასევე დააანონსა 159-ე სათეატრო სეზონის გახსნის კვირეული, რომელიც 11–16 სექტემბერს გაიმართება.

🎭 Ozurgeti State Drama Theatre closed its 158th theatre season with the premiere of the performance “The Dog”, based on the work of Nodar Dumbadze.

The author of the adaptation, direction, scenography, and musical arrangement of the performance is Nikoloz Sabashvili, Director of the Union of Professional State Puppet Theatres of Georgia. The puppet designer is Vakho Khoridze, the assistant director is Giorgi Dolidze, and the technical director is Irakli Vadachkoria.

“The Dog” is a joint creative work of the actors of Ozurgeti State Drama Theatre and the students of the theatre studio affiliated with the theatre.

The premiere was attended by the Deputy Mayor of Ozurgeti Municipality, the Rector of S***a Rustaveli Theatre and Film Georgia State University, the Director of Adjara Television and Radio of the Public Broadcaster, theatre critics, directors, representatives of the cultural sector, and loyal theatre audiences.

The performance “The Dog” tells a story about loyalty, kindness, and human values, offering the audience a special emotional perspective on the world created by Nodar Dumbadze.

After the performance, Vaso Chigogidze, Director and Artistic Director of Ozurgeti State Drama Theatre, congratulated the theatre’s creative and technical teams on the successful completion of the 158th theatre season.
He also announced the opening week of the 159th theatre season, which will take place on September 11–16.

02/08/2026

დღეს, 🎟️ პრემიერა 🐕 „ძაღლი“
✨ 158-ე სათეატრო სეზონის დახურვა
📅 2 აგვისტო 🕖 19:00 საათი
📍 მცირე სცენა
📖 ნოდარ დუმბაძის ამავე სახელწოდების ნაწარმოების მიხედვით
🎬 ინსცენირება, რეჟისურა, სცენოგრაფია, მუსიკალური გაფორმება – ნიკოლოზ საბაშვილი
🎭 თოჯინების მხატვარი – ვახო ქორიძე
🎬 რეჟისორის ასისტენტი – გიორგი დოლიძე
🎛️ ტექნიკური რეჟისორი – ირაკლი ვადაჭკორია

🎭 მონაწილეობენ:
დავით კვერღელიძე, გიორგი დოლიძე, თეა კეჭაყმაძე, გიორგი ჩავლეშვილი, ლუკა მეგრელაძე, ჯაბა მორჩილაძე, ანა ზასლავსკა

თეატრალური სტუდიის მოსწავლეები:
ქრისტინე დოლიძე, ნინი მეგრელიძე, ნინი მუშტაშვილი, ცისია ყაზაიშვილი

📝 ნოდარ დუმბაძის ამავე სახელწოდების ნაწარმოების მიხედვით შექმნილი სპექტაკლი „ძაღლი“ ერთგულების, სიკეთისა და ადამიანური ღირებულებების თემებს ეძღვნება. თოჯინური და ცოცხალი პლანის სინთეზით შექმნილი დადგმა ოზურგეთის სახელმწიფო დრამატული თეატრის მსახიობებისა და თეატრთან არსებული თეატრალური სტუდიის მოსწავლეების კოლაბორაციის შედეგია. სპექტაკლი საინტერესო და შთამბეჭდავი სანახაობაა როგორც უფროსი, ისე უმცროსი მაყურებლისთვის.

🎟️ ბილეთის ფასი: 15 ₾ | 20 ₾
🎫 სალარო: 📞 557 77 85 19
ℹ️ დამატებითი ინფორმაციისთვის: 📞 551 383 850

Today 🎟️ Premiere. 🐕 "The Dog"✨
Closing of the 158th Theatre Season
📅 2 August 🕖 7:00 PM
📍 Small Stage
📖 Based on the short story "The Dog" by Nodar Dumbadze
🎬 Adaptation, Direction, Scenography & Musical Design: Nikoloz Sabashvili
🎭 Puppet Designer: Vakho Koridze
🎬 Assistant Director: Giorgi Dolidze
🎛️ Technical Director: Irakli Vadachkoria

🎭 Cast:
David Kvergelidze, Giorgi Dolidze, Tea Kechakmadze, Giorgi Chavleshvili, Luka Megreladze, Jaba Morchiladze, Anna Zaslavska

Theatre Studio Students:
Kristine Dolidze, Nini Megrelidze, Nini Mushtashvili, Tsisia Qazaishvili

📝 The performance "The Dog," based on Nodar Dumbadze's work of the same name, explores the themes of loyalty, kindness, and enduring human values. Combining puppetry with live performance, the production is the result of a creative collaboration between the actors of the Ozurgeti State Drama Theatre and the students of the theatre's studio. It offers an engaging and memorable experience for audiences of all ages.

🎟️ Ticket Prices: 15 GEL | 20 GEL
🎫 Box Office: 📞 +995 557 77 85 19
ℹ️ For More Information: 📞 +995 551 383 850

01/08/2026

✨ 158-ე სათეატრო სეზონის დახურვა
📅 2 აგვისტო 🕖 19:00 საათი
🎟️ პრემიერა. 🐕 „ძაღლი“
📍 მცირე სცენა
📖 ნოდარ დუმბაძის ამავე სახელწოდების ნაწარმოების მიხედვით
🎬 ინსცენირება, რეჟისურა, სცენოგრაფია, მუსიკალური გაფორმება – ნიკოლოზ საბაშვილი
🎭 თოჯინების მხატვარი – ვახო ქორიძე
🎬 რეჟისორის ასისტენტი – გიორგი დოლიძე
🎛️ ტექნიკური რეჟისორი – ირაკლი ვადაჭკორია

🎭 მონაწილეობენ:
დავით კვერღელიძე, გიორგი დოლიძე, თეა კეჭაყმაძე, გიორგი ჩავლეშვილი, ლუკა მეგრელაძე, ჯაბა მორჩილაძე, ანა ზასლავსკა

თეატრალური სტუდიის მოსწავლეები:
ქრისტინე დოლიძე, ნინი მეგრელიძე, ნინი მუშტაშვილი, ცისია ყაზაიშვილი

📝 ნოდარ დუმბაძის ამავე სახელწოდების ნაწარმოების მიხედვით შექმნილი სპექტაკლი „ძაღლი“ ერთგულების, სიკეთისა და ადამიანური ღირებულებების თემებს ეძღვნება. თოჯინური და ცოცხალი პლანის სინთეზით შექმნილი დადგმა ოზურგეთის სახელმწიფო დრამატული თეატრის მსახიობებისა და თეატრთან არსებული თეატრალური სტუდიის მოსწავლეების კოლაბორაციის შედეგია. სპექტაკლი საინტერესო და შთამბეჭდავი სანახაობაა როგორც უფროსი, ისე უმცროსი მაყურებლისთვის.

🎟️ ბილეთის ფასი: 15 ₾ | 20 ₾
🎫 სალარო: 📞 557 77 85 19
ℹ️ დამატებითი ინფორმაციისთვის: 📞 551 383 850

✨ Closing of the 158th Theatre Season
📅 2 August 🕖 7:00 PM
🎟️ Premiere. 🐕 "The Dog"
📍 Small Stage
📖 Based on the short story "The Dog" by Nodar Dumbadze
🎬 Adaptation, Direction, Scenography & Musical Design: Nikoloz Sabashvili
🎭 Puppet Designer: Vakho Koridze
🎬 Assistant Director: Giorgi Dolidze
🎛️ Technical Director: Irakli Vadachkoria

🎭 Cast:
David Kvergelidze, Giorgi Dolidze, Tea Kechakmadze, Giorgi Chavleshvili, Luka Megreladze, Jaba Morchiladze, Anna Zaslavska

Theatre Studio Students:
Kristine Dolidze, Nini Megrelidze, Nini Mushtashvili, Tsisia Qazaishvili

📝 The performance "The Dog," based on Nodar Dumbadze's work of the same name, explores the themes of loyalty, kindness, and enduring human values. Combining puppetry with live performance, the production is the result of a creative collaboration between the actors of the Ozurgeti State Drama Theatre and the students of the theatre's studio. It offers an engaging and memorable experience for audiences of all ages.
🎟️ Ticket Prices: 15 GEL | 20 GEL
🎫 Box Office: 📞 +995 557 77 85 19
ℹ️ For More Information: 📞 +995 551 383 850

30/07/2026

✨ 158-ე სათეატრო სეზონის დახურვა
📅 2 აგვისტო 🕖 19:00 საათი
🎟️ პრემიერა. 🐕 „ძაღლი“
📍 მცირე სცენა
📖 ნოდარ დუმბაძის ამავე სახელწოდების ნაწარმოების მიხედვით

🎬 ინსცენირება, რეჟისურა, სცენოგრაფია, მუსიკალური გაფორმება – ნიკოლოზ საბაშვილი
🎭 თოჯინების მხატვარი – ვახო ქორიძე
🎬 რეჟისორის ასისტენტი – გიორგი დოლიძე
🎛️ ტექნიკური რეჟისორი – ირაკლი ვადაჭკორია
🎭 მონაწილეობენ:
დავით კვერღელიძე, გიორგი დოლიძე, თეა კეჭაყმაძე, გიორგი ჩავლეშვილი, ლუკა მეგრელაძე, ჯაბა მორჩილაძე, ანა ზასლავსკა

თეატრალური სტუდიის მოსწავლეები:
ქრისტინე დოლიძე, ნინი მეგრელიძე, ნინი მუშტაშვილი, ცისია ყაზაიშვილი

📝 ნოდარ დუმბაძის ამავე სახელწოდების ნაწარმოების მიხედვით შექმნილი სპექტაკლი „ძაღლი“ ერთგულების, სიკეთისა და ადამიანური ღირებულებების თემებს ეძღვნება. თოჯინური და ცოცხალი პლანის სინთეზით შექმნილი დადგმა ოზურგეთის სახელმწიფო დრამატული თეატრის მსახიობებისა და თეატრთან არსებული თეატრალური სტუდიის მოსწავლეების კოლაბორაციის შედეგია. სპექტაკლი საინტერესო და შთამბეჭდავი სანახაობაა როგორც უფროსი, ისე უმცროსი მაყურებლისთვის.

🎟️ ბილეთის ფასი: 15 ₾ | 20 ₾
🎫 სალარო: 📞 557 77 85 19
ℹ️ დამატებითი ინფორმაციისთვის: 📞 551 383 850

✨ Closing of the 158th Theatre Season
📅 2 August 🕖 7:00 PM
🎟️ Premiere. 🐕 "The Dog"
📍 Small Stage
📖 Based on the short story "The Dog" by Nodar Dumbadze
🎬 Adaptation, Direction, Scenography & Musical Design: Nikoloz Sabashvili
🎭 Puppet Designer: Vakho Koridze
🎬 Assistant Director: Giorgi Dolidze
🎛️ Technical Director: Irakli Vadachkoria

🎭 Cast:
David Kvergelidze, Giorgi Dolidze, Tea Kechakmadze, Giorgi Chavleshvili, Luka Megreladze, Jaba Morchiladze, Anna Zaslavska

Theatre Studio Students:
Kristine Dolidze, Nini Megrelidze, Nini Mushtashvili, Tsisia Qazaishvili

📝 The performance "The Dog," based on Nodar Dumbadze's work of the same name, explores the themes of loyalty, kindness, and enduring human values. Combining puppetry with live performance, the production is the result of a creative collaboration between the actors of the Ozurgeti State Drama Theatre and the students of the theatre's studio. It offers an engaging and memorable experience for audiences of all ages.

🎟️ Ticket Prices: 15 GEL | 20 GEL
🎫 Box Office: 📞 +995 557 77 85 19
ℹ️ For More Information: 📞 +995 551 383 850