Deutsche Esperanto-Jugend

Deutsche Esperanto-Jugend Die Deutsche Esperanto-Jugend verbindet junge Esperanto-Sprecher in Deutschland.

Germana Esperanto-Junularo estas la organizo de junaj esperantistoj en Germanio.

13/12/2025

Ankoraŭ aliĝu al JES!!
👉 jes.esperantojugend.de

Jam mezo de decembro, sed vi ankoraŭ ne havas planojn por silvestro?

Ne zorgu! Ĉar ni havas la perfektan planon por vi: Venu al Junulara E-Semajno (JES) en Burg (Spreewald), Germanio. Kaj spertu semajnon de amuzo, ĝojo, festado, kaj amikoj en Esperantujo! ☃️ La evento okazos de 28 dec. 2025 ĝis 4 jan. 2026.

⚠️ Atentu: La kvara aliĝperiodo finiĝos morgaŭ (14 dec.). Post tiu dato, estos pli alta krompago al via kotizo. Do ŝparu iom da mono kaj tuj aliĝu ankoraŭ dum tiu ĉi semajnfino! Aŭ konvinku viajn amikojn finfine aliĝi nun! 😉

Krome, se vi estas junulo (ĝis 30 jaroj) loĝanta en Francio aŭ Germanio, vi povas partopreni en subvenciita muzika projekto, kiu okazos kadre de JES. 🎶 Tio ebligos al vi ricevi rabaton de 175€ al via aliĝkotizo, kaj krome partan repagon de viaj vojaĝkostoj.

Informoj pri la projekto:
👉 mallonge.net/jes-muziko

02/12/2025

Tuttaga ekskurso dum JES je la 2a de januaro: La vizito al la Memorejo Sachsenhausen en Oranienburg estas profunde reflekta travivaĵo. En tiu iama koncentrejo, funkciinta inter 1936 kaj 1945, oni povos lerni pri la historio de la viktimoj de nazia perforto kaj pri la rolo de la loko dum la postmilita periodo. Ni veturos kune de Burg al Oranienburg.

Buldfonto: Greg Schechter, Sachsenhausen_2, CC-BY-2.0
https://commons.wikimedia.org/wiki/File:Sachsenhausen_2_-_Flickr_-_GregTheBusker.jpg

24/11/2025

JES-retejo kaj -aliĝilo:
🔗 jes.esperantojugend.de

Informoj pri ekskursoj (kaj aliĝilo):
🔗 jes.esperantojugend.de/ekskursoj

Duontaga ekskurso je la 2a de januaro: Se vi serĉas ripozon kaj bonfarton, elektu la Spreewald-Therme en Burg. La varmakvaj banejoj, saŭnoj kaj salĉambroj ofertas idealan eblon por malstreĉiĝi post la intensa JES-programo. Tiu duontaga ekskurso taŭgas por ĉiuj aĝgrupoj, aparte por tiuj, kiuj preferas trankvilan tagon sen longaj promenadoj. Surloke estos helpanto por gvidi la grupon kaj certigi, ke ĉiuj komforte alvenas kaj revenas al la kongresejo.

Venu al JES por povi partopreni tiun ĉi ripozigan ekskurson! Per la retejo de JES, vi jam povas aliĝi al tiu aŭ aliaj ekskursoj

Junulara E-Semajno (JES) estas granda junulara Esperanto-evento ĉirkaŭ silvestro. Ĝi okazos de la 28 decembro ĝis 4 januaro 2026 en Burg (Spreewald), Germanio.

15/11/2025

Gijom' koncertos ĉe JES la 1 januaro! 🎶

Informoj kaj aliĝilo: 🔗 jes.esperantojugend.de

Gijom' (Guillaume Armide) kantas kaj pianludas siajn proprajn kantojn kaj elfrancigojn kun emocio, progresemaj ideoj kaj ironio.

Aliĝu al JES en Burg (Spreewald), kiu okazos de 28 decembro ĝis 4 januaro, por ne maltrafi tiun ĉi koncertojn kaj aliajn mojosajn aktivaĵojn!

09/11/2025

i.d.c. koncertos ĉe JES la 29 decembro! 🎶

Informoj kaj aliĝilo: 🔗 jes.esperantojugend.de

i.d.c. estas muzikprojekto fondita de Éric Languillat bazita en Offenbach-ĉe-Majno (Germanio).

La artisto miksas influojn de alternativa popo kaj elektronika muziko por krei buntan melankolian popmuzikon, en kiu akustikaj gitaroj dancas kun spicaj drummaŝinoj kaj prasinteziloj el alia jarcento.

La koncertoj kutime enhavas sinkronizitajn videofilmojn, kaj estas ankaŭ okazoj prezenti akustikajn versiojn de la kantoj.

Aliĝu al JES en Burg (Spreewald), kiu okazos de 28 decembro ĝis 4 januaro, por ne maltrafi tiun ĉi koncerton kaj aliajn mojosajn aktivaĵojn!

02/11/2025

JES-retejo kaj -aliĝilo: 🔗 jes.esperantojugend.de

Tuttaga ekskurso je la 2a de januaro: Malkovru la historion de Esperanto en la ĉefurbo de Germanio! Dum ĉi tiu ekskurso ni promenos tra la centra Berlino kaj vizitos lokojn ligitajn al la historio de la lingvo kaj al la pli larĝa internacia kultura movado. Oni rakontos pri gravaj eventoj, renkontiĝoj kaj personoj, kiuj kontribuis al la evoluo de Esperanto en la urbo. Post la oficiala parto, eblos resti en Berlino por propra esplorado aŭ por sperti la faman noktan etoson de la urbo.

Venu al JES por povi partopreni tiun ĉi belegan ekskurson! Baldaŭ aperos aparta aliĝilo por ekskursoj.

Junulara E-Semajno (JES) estas granda junulara Esperanto-evento ĉirkaŭ silvestro. Ĝi okazos de la 28 decembro ĝis 4 januaro 2026 en Burg (Spreewald), Germanio.

Bildfonto:
ArildV, Berlin Mitte June 2023 01, CC BY-SA 4.0 https://commons.wikimedia.org/wiki/File:Berlin_Mitte_June_2023_01.jpg

01/11/2025

Aliĝilo kaj informoj: 🔗 jes.esperantojugend.de

La tria aliĝperiodo de JES finiĝos morgaŭ (2 novembro)! Do se vi ŝatus ŝpari iomete da mono je via aliĝkotizo, tiu ĉi semajnfino estas la perfekta momento por aliĝi al JES! ☃️

JES estas granda junulara Esperanto-evento ĉirkaŭ silvestro. Ĉi-jare ĝi okazos de 28 dec. 2025 ĝis 4 jan. 2026. Venu kaj ni kune festu la jarŝanĝon en esperantista etoso!

Kaj aparta oferto: Se vi estas junulo loĝanta en 🇫🇷 aŭ 🇩🇪, vi povos veni kun granda rabato al JES (inkl. parta repago de vojaĝkostoj). Kondiĉo estas ke vi partoprenos en muzika projekto, subvenciita de Franc-Germana Junular-Oficejo (DFJW/OFAJ). Por kandidatiĝi por tiu ĉi oportuno, vizitu: 🔗 mallonge.net/jes-muziko

31/10/2025

Aliĝu al JES: 🔗 jes.esperantojugend.de

Se vi havas proponon pri subtekstigita filmo, sendu ĝin al ni retpoŝte je ✉️ jes(ĉe)esperanto.de!

De 28 dec. ĝis 4 jan. okazos JES en Burg (Spreewald). Dum kelkaj vesperoj, estos ofertita Nokta Kinejo! Kiuj volas, povos kune spekti kaj ĝui diversajn filmojn! 🍿📽️

Ni volas prezenti ĉiujn filmojn kun Esperantaj subtitoloj. Tial ni bezonas vian helpon: Se vi konas filmon, kiun vi tre ŝatas kaj volus kundividi kun viaj esperantistaj amikoj, skribu al ni! Ni invitas vin prepari Esperantajn subtitolojn por ĝi, por povi montri ĝin en la Nokta Kinejo ĉe JES.

30/10/2025

Kandidatiĝu por la projekto ĉi tie:
🔗 mallonge.net/jes-muziko

Kaj aliĝu al JES:
🔗 jes.esperantojugend.de

Ĉu vi estas aĝas ĝis 30 jaroj, loĝas en 🇫🇷 aŭ 🇩🇪, kantas aŭ ludas muzikilon (hobinivele aŭ duonprofesie), amas muzikon aŭ simple volas kolekti novajn spertojn kaj pasigi semajnon kun aliaj muzikemuloj? Tiam ĉi tiu projekto estas ĝuste por vi!

Dank' al subvencio de la FraGeJO, t.e. Deutsch-Französisches Jugendwerk (DFJW), vi povas partopreni unikan muzikprojekton en la Esperanto-mondo dum JES en Burg (Spreewald), kiu okazos de 28 dec. 2025 ĝis 4 jan. 2026!

Grave: La subvenciota partopreno dependas de tri kondiĉoj:
✅ Vi loĝas en Germanio aŭ Francio kaj estas ne pli aĝa ol 30 jaroj.
✅ Vi aktive partoprenas la muzikprojekton.
✅ Vi helpas surloke kun malgrandaj taskoj rilate la organizadon de la evento.

Kune kun spertaj Esperanto-muzikistoj kiel Platano kaj Gijom' vi povos partopreni laborgrupojn pri muziko.

Vi kreos novajn kantojn en Esperanto, muzikumos kune kaj fine de la semajno prezentos ilin dum granda koncerto!

Kion vi ricevas kiel partoprenanto?

✔️ rabato de 175€ al via JES-aliĝkotizo
✔️ (parta) repago de viaj vojaĝkostoj
✔️ profesiaj laborgrupoj kun muzikistoj el la Esperanto-mondo
✔️ kreema semajno kun junuloj el tuta Eŭropo

Ĉu vi interesiĝas?

27/10/2025

JES-retejo kaj -aliĝilo: 🔗 jes.esperantojugend.de

Duontaga ekskurso: Por la aventuremaj, ni proponas unikan sperton: vintra kanuumado en Lübbenau! Sub gvido de lokaj spertuloj, partoprenantoj povos gliti tra la silentaj kanaloj de la Spreewald inter frostaj arboj kaj nebulecaj herbejoj. Specialaj vestaĵoj kaj sekurecaj ekipaĵoj estos provizitaj. Kiu volas povos poste transiri al la proksima akvoparko por varmiĝi kaj ripozi.

Venu al JES por povi partopreni tiun ĉi belegan ekskurson! En novembro aperos aparta aliĝilo por ekskursoj.

Junulara E-Semajno (JES) estas granda junulara Esperanto-evento ĉirkaŭ silvestro. Ĝi okazos de la 28 decembro ĝis 4 januaro 2026 en Burg (Spreewald), Germanio.

Bildfonto:
https://www.spreewald-info.de/winter/winterpaddeln/

26/10/2025

JES-retejo kaj -aliĝilo: 🔗 jes.esperantojugend.de

Tuttaga ekskurso je la 2a de januaro 2026: Amantoj de naturo povos ĝui 20-kilometran marŝadon el Burg ĝis Lübbenau tra la biosfera rezervejo Spreewald, konata pro siaj kanaloj, betuloj kaj malnovaj lignaj pontoj. Dumvoje ni haltos ĉe panoramaj punktoj kaj informtabuloj pri la loka flaŭro kaj faŭno. Post la marŝado, partoprenantoj povos ripozi en la Spreewelten-akvoparko, kie oni naĝas apud pingvenoj malantaŭ vitra muro! Estas grup-tarifo kun rabatoj por studentoj kaj lernantoj. Por tiuj, kiuj preferas pli mallongan tagon, eblas veni per trajno aŭ buso nur por la posttagmeza parto.

Venu al JES por povi partopreni tiun ĉi belegan ekskurson! En novembro aperos aparta aliĝilo por ekskursoj.

Junulara E-Semajno (JES) estas granda junulara Esperanto-evento ĉirkaŭ silvestro. Ĝi okazos de la 28 decembro ĝis 4 januaro 2026 en Burg (Spreewald), Germanio.

Bildfontoj:
Bomenius, Im Spreewald 03, CC BY-SA 4.0
https://de.m.wikipedia.org/wiki/Datei:Im_Spreewald_03.jpg
https://spreewelten.de/visioncontent/bilderdatenbank/spreewelten_badewelt_04.jpg

24/10/2025

Ilegala Homatako (a.k.a. Illegaler Menschenangriff) koncertos por ni ĉe JES vespere la 2an de januaro! 👯

Ilia muziko estas miksaĵo de elektro-punka tekno – kun sinteziloj, gitaro, kantado (ankaŭ en Esperanto) kaj kelkaj memfaritaj instrumentoj (neniu ludilo estas sekura antaŭ ili). Ĉio estas ludata tute vive, kun eta prezentado, ĉiam dancema kaj celas esti precipe amuza.

Se vi ne volas maltrafi tiun ĉi tekno-spektaklon, aliĝu tuj al JES: 🔗 jes.esperantojugend.de

Junulara E-Semajno (JES) estas granda junulara evento ĉirkaŭ silvestro. Ĝi okazos de la 28 decembro ĝis 4 januaro en Burg (Spreewald), Germanio!

Adresse

Katzbachstraße 25
Berlin
10965

Öffnungszeiten

Dienstag 10:00 - 14:00
Mittwoch 14:00 - 18:00
Donnerstag 10:00 - 14:00
Freitag 14:00 - 17:00

Telefon

030 42857899

Webseite

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Deutsche Esperanto-Jugend erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.

Die Organisation Kontaktieren

Nachricht an Deutsche Esperanto-Jugend senden:

Verknüpfungen

Teilen

Kategorie