Was ist die Webseite?

https://www.facebook.com/109418325339458/

Afghanisches Koordinierungszentrum, Torstraße 190, Berlin (2026)

20/03/2026

کوچنی اختر مو مبارک شه 🎉
برلين مېشتو افغانانو د افغانانو د همغږۍ د مرکز په همکارۍ او د ښاغلي ذاهد يار صاحب په امامت د سولې او ورورولۍ په چاپېریال کې د کوچني اختر لمونځ ادا کړ.
دا د خوښۍ ځای دی چې په برلين کې د افغانانو شمېر ډېر شوی او په پراخه کچه په کلتوري او ديني مراسمو کې ګډون کوي.

د اختر له لمانځه وروسته ښاغلي ذاهد يار صاحب په وطن کې د پاکستان وروستي وحشيانه هوايي بريدونه وغندل او له خدايه يې شهيدانو ته فردوس جنت دعا وکړه.

د افغانانو د همغږۍ مرکز - برلين

#افغانان #افغان #اختر

22/10/2025

په شپاړسم اکتوبر د جرمني صدراعظم فريدرېش مېرڅ د کډوالۍ په اړه په يوه غونډه کې جنجالي څرګندونې وکړې چې د ولس له پراخو غبرګونونو سره مخ شوې.
فريدرېش مېرڅ د کډوالۍ په اړه وويل چې موږ له اګست ۲۰۲۴ څخه تر اګست ۲۰۲۵ پورې د پناه غوښتونکو شمېر ۶۰ سلنه را کم کړی دی خو اوس هم د ښار په بڼه کې ستونزه لرو.
البته «د ښار په بڼه کې ستونزه» يې غربت، بې کاري، بې کوري، د کار له امله د ډېرې مودې لپاره د سړکونو بندښت او نورې لسګونو ستونزې نه ښودلې بلکې په ښار کې د کډوالو ډېرښت يې ښوده. فريدرېش مېرڅ له دې ځوريږي چې ولې په ښار کې لا هم ډېر کډوال او بهرنيان ګرځي او دا ښاري بڼه د مېرڅ نه خوښيږي.

په پارلمان کې د مخالفو سياسي ګوندونو لکه د چپ لاسي ګوند (Die Linke) او د زرغون ګوند (Die Grüne) له کلکو غبرګونونو سره مخ شو او ترې وې غوښتل چې د خپلو څرګندونو له امله بخښنه وغواړي.

کاترينا درو‌ېګه د جرمني د پارلمان په غونډه کې په خپله وينا کې وويل: کله چې د جرمني د صدراعظم په توګه ته درېږې او د کډوالۍ په اړه وايې چې موږ اوس هم د ښار په بڼه کې ستونزه وينو. ستا مطلب څه دی؟ د خلکو د پوست له رنګ نه بغير ته کومه ستونزه وينې؟ زه له تا څخه دا تمه لرم چې دا جرات وکړې او د خپلو څرګندونو له امله بخښنه وغواړې. ځکه چې تا په دې هيواد کې ډېرو خلکو ته سپکاوی کړی.

څو ورځې وروسته مېرڅ د خلکو د پراخو غبرګونونو سربېره له خپلو څرګندونو دفاع وکړه او وې ويل: تاسې له خپلو لوڼو پوښتنه وکړئ چې زما څه مطلب و. زه له خپلو خبرو نه په شا کېږم او د کورنيو چارو وزير مخکې له مخکې په دې پلان کار کوي.

د خلکو پراخ غبرګونونه:
«له خپلو لوڼو مو وپوښتئ»
د مېرڅ د څرګندونو په غبرګون کې خلکو له خپلو لوڼو څخه پوښتنې وکړې او په ويډيويي بڼه يې په ټولنيزو رسنيو کې خپرې کړې.

مثلآ د مېرمن موريل په نوم يوې مور له خپلې لور سره يوه ويډيويي مکالمه خپره کړه.

لنډيز:
مور - پوهيږې مېرڅ څوک دی؟
لور - هو
مور - مېرڅ زمونږ صدراعظم دی او هغه ويلي دي چې زمونږ د ښار بڼه سمه نه ښکاري او بايد بدله شي. ډېرو خلکو دا څرګندونې سمې ونه ګڼلې او ترې غوښتل چې ستا له دې څرګندونو څخه څه مطلب دی؟ ايا ددۀ ريښتيا همدا مطلب و او که خپلې خبرې بېرته اخلي؟ خو مېرڅ وويل چې تاسې مو له لوڼو پوښتنه وکړئ.
لور - د ښار بڼه څه شي ته وايي؟
مور - دا پر څه چې ته يې شاوخوا وينې.
مور - اوس ته ووايه تاته د ښار په بڼه کې څه شی خوند نه درکوي؟ او څه شی غواړې چې بدل يې کړې؟
لور - چې موټرونه ډېر شور ونه کړي.
مور - نو ته بې غږه موټرونه غواړې که لږ موټرونه؟
لور - برقي موټرونه؛ نوره نه پوهيږم.
مور - که د شپې وغواړې چې دباندې ووځې. ايا وېرېږې؟
لور - هو
مور - له څه شي وېرېږې؟
لور - له نشه‌يانو څخه وېرېږم. داسې نه چې په ما څه وکړي.
مور - دا خلک څنګه ښکاري؟ د پوست رنګ يې څه ډول دی؟ ځانګړی رنګ لري؟ نارينه دي که ښځينه؟
لور - نوره نه پوهيږم خو نشه‌يان دي، ځانګړی پوست نه لري او هم نارينه وي، هم ښځينه خو ډېر وخت زه فکر کوم نارينه وي.
مور - که تا په جادويي ډول د ښار بڼه بدلولی شوای نو تا به څه بدلول؟
لور - چې په ښار کې ډېرې ونې وي ځکه زه فکر کوم ښار په ونو بوټو ښه ښکاري.
مور - يعني زرغون ښار؟
لور - هو

د شټانزل په نوم يوې بلې مور له خپلې لور سره مکالمه خپره کړې ده.

مور - زمونږ صدراعظم له موږ څخه غوښتي دې چې له تا پوښتنه وکړم. ايا ته د ښار له بڼې سره خوندي احساس کوې؟
لور - هو
مور - که تا ښار په بڼه کې بدلون راوستلای شوای څه بدلون به دې راووست؟
لور - که ما څه بدلولی شوای ما به د ښار بڼه يو څه رنګينه کړې وای.
مور - ايا ته په ښار کې د خونديتوب احساس کوې؟
لور - کله چې زه د خپلو ملګرو کره په بايسکل ځم نو موټر‌چلونکي موټرونه ډېر بې‌ احتېاطه چلوي. دوی نيم موټرونه د بايسکل په ځانګړې لار چلوي.
مور - نو ته د ښار په بڼه کې د بايسکل ځانګړې لار ازادې او ډيرې غواړې؟
لور - هو.

د فريدرېش مېرڅ څرګندونې داسې دي لکه د ښي لاسي ګوند AfD او له خبرو يې داسې ښکاري لکه د ښي لاسي ګوند صدراعظم چې وي.
مېرڅ پخوا هم ورته څرګندونې کړې دي مثلآ يو وخت يې په يوه غونډه کې په وينا کې ويلي و چې «وړوکي پاشاګان» البته د وړوکو پاشاګانو نه يې د مطلب په ښوونځيو کې د کډوالو او بهرنيانو ماشومان و. پاشا ترکي نوم دی او د عثماني خلافت چارواکي و. مطلب واړه پاشاګان چې د ښځينه ښوونکو په وړاندې بې ادبي کوي او مشران يې چې ښوونځي ته راشي نو ښوونکو او د ښوونځي کارکوونکو ته بدې خبرې کوي او دا ماشومان لکه واړه ديکتاتوران داسې چلند کوي.

د خلکو له غبرګونونو ښکاري چې د ښار بڼه د تنوع، انساني ارزښتونو او زرغونتيا له مخې تعريفيږي.

ليکنه: Muhammad Imran

03/06/2025

د لوی اختر د لمانځه خبرتیا

ټولو هغو درنو هېوادوالو ته چې په برلین او شاوخوا سیمو کې اوسېږي، د افغانانو د همغږۍ د مرکز او د پی ټی ایم د کور کمیټې د مشرتابه له خوا خبر ورکول کېږي ، چې د تېرو اخترونو په څېر به یو ځل بیا د اختر لمونځ په ګډه ادا کړو. هیله ده، ټول ګران وطنوال د اختر په ورځ د سهار په ۸:۴۰ بجو لاندې ذکر شوي ادرس ته د اختر لمانځه د اداینې لپاره راشئ.
نو ستاسو درنو وطنوالو څخه هیله کيږي چې ټاکلي وخت ته ځانونه راورسوئ.
-هیله ده د جومات او له جومات بیرون نظم مراعت کړي .

تاریخ ۰۶/۰۶/۲۰۲۵
ادرس : Lindower Str24 13347
Wedding S-Bahn 42
په درنښت
د افغانانو د همغږۍ مرکز
(اوریا)

30/03/2025

ټولو وطنوالو او په بهر کې مېشتو افغانانو ته د خوښیو ډک او د نېکمرغه اختر هیله لرو.
کوچنی اختر مو مبارک شه.

26/03/2025

د کوچنی اختر د لمانځه خبرتیا

ټولو هغو درنو هېوادوالو ته چې په برلین او شاوخوا سیمو کې اوسېږي، د افغانانو د همغږۍ د مرکز له خوا خبر ورکول کېږي، چې د تېرو اخترونو په څېر به یو ځل بیا د اختر لمونځ په ګډه ادا کړو. هیله ده، ټول ګران وطنوال د اختر په ورځ د سهار په ۸:۳۰ بجو لاندې ذکر شوي ادرس ته د اختر لمانځه د اداینې لپاره راشئ.
دا چې د یکشنبې ورځ عامه ترانسپورت ګرځنده وخت د کاري ورځو پرتله اوږديږي، نو ستاسو څخه هیله کيږي چې ټاکلي وخت ته ځانونه راورسوئ.
-هیله ده د جومات او له جومات بیرون نظم مراعت کړ.

تاریخ ۳۰/۰۳/۲۰۲۵
ادرس : Lindower Str. 24, 13347 Berlin
Wedding S-Bahn 42
په درنښت
د افغانانو د همغږۍ مرکز

23/02/2025

د جرمني پارلماني ټاکنې:

برلین - نن یکشنبه، د فبروري ۲۳مه، ۲۰۲۵، د جرمني خلکو د خپل فدرالي پارلمان (بوڼډسټاګ) د استازو د ټاکلو لپاره رایې واچولې. د لومړنیو پایلو له مخې، د فریدریش میرڅ په مشرۍ مسیحي دیموکرات اتحاد (CDU) او د هغه متحد مسیحي سوسیال اتحاد (CSU) د ۲۹ سلنه رایو په ترلاسه کولو سره تر ټولو مخکښ دی.

د ښي اړخ افراطي ګوند (AfD) د ۲۰.۵ سلنه رایو سره دویم مقام خپل کړی او خپل ملاتړ یې د ۲۰۲۱ ټاکنو په پرتله نږدې دوه برابره کړی دی. دا تاریخي پرمختګ د جرمني په سیاسي فضا کې د ښي اړخو د ودې نښه ده، خو نورو لویو ګوندونو له AfD سره د ایتلاف جوړولو امکان رد کړی دی.

اوسني واکمن سوسیال دیموکرات ګوند (SPD)، چې مشري یې اوسني چانسلر اولاف شولڅ کوي، د ۱۶ سلنه رایو سره درېیم ځای ته راټیټ شوی او نږدې ۱۰ سلنه ملاتړ یې له لاسه ورکړی دی. دا د SPD لپاره تر ټولو خرابې پایلې بلل کېږي. د شنو ګوند ۱۳.۵ سلنه او کيڼ اړخي ګوند (Die Linke) ۸.۵ سلنه رایې ترلاسه کړې، چې د پارلمان د ننوتو لپاره کافي دي.

د دې ټاکنو په اړه نظرپوښتنې ښودلې وې چې د ۵۹ میلیونو نه زیاتو واجدینو شرایطو خلکو ګډون کړی. کارپوهان وايي، دا پایلې به د جرمني او اروپا لپاره نوي سیاسي امکانات او ننګونې راوړي. اوس به فریدریش میرڅ د یو باثباته ایتلاف د جوړولو لپاره مذاکرات پیل کړي، خو د ګوندونو ترمنځ واټن دا پروسه ګرانولی شي.

د جرمني راتلونکی سیاسي لوری به د دې ټاکنو له پایلو او د ایتلافي حکومت له جوړښت سره روښانه شي.

23/02/2025

د جرمني ټاکنې: سیاسي بدلونونه!

نن د فبرورۍ ۲۳مه، د جرمني خلک د پارلماني ټاکنو لپاره خپلې رایې کاروي، چې په پایله کې کېدای شي د جرمني سیاستونو کې لوی تغیرات راشي. دا ټاکنې وروسته له هغه ترسره کېږي چې د صدراعظم اولاف شولڅ درې‌ګونی ائتلاف ړنګ شو، او اوس ښکاري چې محافظه‌کاران (CDU/CSU) د بیا واک ته رسېدو لپاره قوي چانس لري.

په دې ټاکنو کې یو له تر ټولو مهمو ټکو د مهاجرو ضد AfD ګوند وده ده، چې که دویم مقام ترلاسه کړي، دا به د جرمني په سیاست کې یو بې‌ساری بدلون وي. که څه هم اکثره سیاسي ګوندونه ورسره د ائتلاف مخالفت کوي، خو دې ګوند د مهاجرت ضد دریځونو له کبله پراخ ملاتړ موندلی. بل‌خوا، د سوسیال ډیموکرات ګوند (SPD) ملاتړ په کمېدو دی.

د ټاکنو رسمي پایلې به د شپې ناوخته یا سبا اعلان شي.

19/02/2025

!د برلین د عامه ترانسپورت بیاځلې اعتصاب

سبا پنجشنبه او جمعه، د برلین د عامه ترانسپورت (BVG) کارکوونکي اعتصاب کوي.

په دې جریان کې به بسونه، ټرمونه او U Bahn نه چلیږي. خو د S-Bahn، او Regional bahn خدمات به فعال وي.

نوټ: 106, 114, 118, 133, 161, 168, 175, 179, 204, 218, 234, 263, 275, 316, 318, 320, 326, 334, 349, 358, 363, 380, N12, N23, N35, N39, N53, N61, N63, N69, N84, N91, N95, N97 fahren. Die X36, 112, 124, 184, 744, 893 او N68 بسونه فعال دي.

مسافرین دې بدیلې لارې وپلټي او خپل سفرونه له مخکې تنظیم کړي!

13/02/2025

د یو افغان کډوال په برید کې ۲۸ کسانو ته مرګ ژوبله اوښتې!

نن د فبرورۍ ۱۳، د مونیخ ښار په Stiglmaierplatz سیمه کې یو موټر د مظاهره‌چیانو ډلې ته ننوت، چې له امله یې ۲۸ تنه ژوبل شول، چې ځینې یې مرګوني ټپونه لري. په دوی کې ماشومان هم شامل دي.

بریدګر یو ۲۴ کلن افغان کډوال و، چې د جرمني لخوا یې د پناه غوښتنه رد شوې وه، خو نه و ایستل شوی. هغه د نیولو پر مهال د پولیسو لخوا ویشتل شوی، خو ژوندی نیول شوی دی.

د پېښې انګېزه لا روښانه نه ده، خو چارواکي د ترهګرۍ او افراطیت احتمال څېړي. د مونیخ ښاروال دا ورځ د ښار لپاره "توره ورځ💔" بللې.

دا لومړی ځل نه دی چې د افغانانو له خوا دا ډول له وحشت ډکې پېښې ترسره کېږي. جرمني کې د مېشتو وطنوالو په وینا؛ لیرې نه ده چې په دې ټولنه کې افغانانو ته د نفرت په ډول وکتل شي.

09/02/2025

د برلین په عامه ترانسپورت کې بیاځلې اعتصاب

د سبا دوشنبې، فبرورۍ ۱۰، د سهار له ۳:۰۰ بجو څخه تر سه شنبې، د سهار تر ۳:۰۰ بجو پورې، د برلین د عامه ترانسپورت (BVG) کارکوونکي اعتصاب کوي.

په دې جریان کې به بسونه، ټرمونه او U Bahn نه چلیږي. خو د S-Bahn، او Regional bahn خدمات به فعال وي.

نوټ: 106, 114, 118, 133, 161, 168, 175, 179, 204, 218, 234, 263, 275, 316, 318, 320, 326, 334, 349, 358, 363, 380, N12, N23, N35, N39, N53, N61, N63, N69, N84, N91, N95, N97 fahren. Die X36, 112, 124, 184, 744, 893 او N68 بسونه فعال دي.

مسافرین دې بدیلې لارې وپلټي او خپل سفرونه له مخکې تنظیم کړي!

06/02/2025

په جرمني کې د پناغوښتنو کمېدل:

د ۲۰۲۵ کال د جنوري په میاشت کې د پناه غوښتنو شمېر د تېر کال په نسبت ۳۷ سلنه کم شوی دی، د ۲۰۲۴ کال په جنوري کې ۱۹,۶۱۱ پناه غوښتنې ثبت شوې وې، په داسې حال کې چې د ۲۰۲۵ کال د جنوري په میاشت کې دا شمېر ۱۲,۳۵۰ ته راټیټ شوی دی.

د دې کمښت لاملونه د سیاسي او اقتصادي شرایطو بدلونونه، د پناه غوښتنو د پروسو سختوالی، او د مهاجرت د قوانینو بدلونونه بلل کیږي. دا معلومات د BAMF ادارې له خوا خپاره شوي دي.

داسې ښکاري چې راتلونکي کلونه به جرمني د نوو او غیر مسلکي پناغوښتونکو له پاره غوره انتخاب نه وي.

02/02/2025

د برلین په زړه کې په زرهاوو کسان د ښي‌افراطیت پر ضد لاریون ته راووتل!

د فبروري ۲مه، په برلین کې شاوخوا ۱۶۰,۰۰۰ لاریون وال د براندنبورګ دروازې ته راټول شول، ترڅو د مهاجرینو ضد ګوند AfD او ښي‌افراطي سیاستونو پر ضد خپل غږ پورته کړي.

د لاریون شعار (wir sind die Brandmauer) و. (د آلمان دیموکراسي باید خوندي شي!) مظاهره‌چیانو پر سیاسي ګوندونو غږ وکړ چې له AfD سره هیڅ ډول همکاري ونکړي، ځکه دا ګوند د نفرت، وېش، او افراطي افکارو استازیتوب کوي.

د جرمني په مختلفو ښارونو کې د AFD په وړاندې لاریونونو وروسته له هغه زور اخیستی چې د CDU ګوند هم له AFD سره د مهاجر ضد پالیسیو کې همغږي وښوده او د میلیونونو کډوالو د جبري ایستلو پلانونه یې بحث ته وړاندې کړل.

Afghanisches Koordinierungszentrum

20/03/2026

22/10/2025

03/06/2025

30/03/2025

26/03/2025

23/02/2025

23/02/2025

19/02/2025

13/02/2025

09/02/2025

06/02/2025

02/02/2025

Adresse

Webseite

Benachrichtigungen

Die Organisation Kontaktieren

Verknüpfungen

Teilen

Kategorie