25/04/2026
ချက်သမ္မတနိုင်ငံရောက် မြန်မာပြည်သူများ၏ ဝန်းရံမှုဖြင့် ပရာဟာတော်လှန်သင်္ကြန်ပွဲအား အောင်မြင်စွာ ကျင်းပပြုလုပ်နိုင်ခဲ့ပါသည်။
ကြေညာထားသည့်အတိုင်း ၄င်းပွဲမှ ရရှိသော အလှုငွေများကို စစ်ဘေးရှောင်များ၊ လိုအပ်နေသူများအား လှုဒါန်းနိုင်ခဲ့ပါသည်။
ပွဲအတွင်း ရရှိသော အလှုငွေများ၊ ပွဲပြင်ပမှ လာရောက်လှုဒါန်းမှုများ အပါအဝင် စုစုပေါင်း ခရိုနာ ၃၂ ၉၇၅ (သုံးသောင်း နှစ်ထောင် ကိုးရာ ခုနစ်ဆယ့်ငါး) ရရှိခဲ့ရာ NUGPay မှ တဆင့် ပြည်တွင်းသို့ ငွေလွှဲပို့ခဲ့ပြီး မြန်မာကျပ် ၆ ၃၂၃ ၀၄၀ (ခြောက်ဆယ့် သုံးသိန်းကျော်) ရန်ပုံငွေရရှိခဲ့ပါသည်။
၄၈ သိန်းကျပ်အား သင်္ကြန်အတက်နေ့တွင် လေကြောင်းတိုက်ခိုက် ခံရသော ပေါက်မြို့နယ်ရှိ အိမ်ထောင်စု (၄၁)စု လူဦးရေ (၁၆၇) ဦးအတွက် အိမ်ထောင်စု တစ်စုလျှင် (၁)သိန်းကျပ်နှုန်းဖြင့်(၄၁)သိန်းကျပ် ကိုယ်လက်အင်္ဂါဆုံးသူ (၃)ဦးအတွက် (၂)သိန်းကျပ်နှုန်း ပြင်းထန်ထိခိုက်ဒဏ်ရာရသူ တစ်ဦးအတွက် (၁)သိန်းကျပ် စုစုပေါင်း (၄၈)သိန်းကျပ်ကို အမျိုးသားညီညွတ်ရေးအစိုးရ တာဝန်ရှိ အဖွဲ့အစည်းများမှ တဆင့်လှုဒါန်းနိုင်ခဲ့ပါသည်။
ထို့ပြင် ကရင်နီပြည်နယ်ရှိ စစ်ရှောင် စာသင်ကျောင်းကိုလည်း ၁၅ သိန်းကျပ် လှုဒါန်းခဲ့ပါသည်။
မြန်မာနိုင်ငံနှင့် ဝေးရာတွင် ပညာသင်ရင်း၊ အလုပ်လုပ်ရင်း၊ အချိန်နှင့် ငွေအားကို စိုက်ထုတ်၍ သင်္ကြန်ပွဲတော်သို့ လာရောက်ချီးမြှင့်ပေးကြသူများ၊ ရန်ပုံငွေလှုဒါန်းပေးခဲ့ကြသူများ အားလုံးကို အထူးပင် မှတ်တမ်းတင် ကျေးဇူးတင်အပ်ပါသည်။
