06/07/2026
Gradisimentu na Wendell Muelen pa 35 Aniversario den e Mundu Sindikal UGTK "CADMU"
Ku hopi aprecio i respet, nos ta felicitá Wendell Muelen ku e logro ekstraordinario di 35 aña di dedikashon i servisio den e mundo sindikal, representando UGTK "CADMU".
Durante tur e añanan aki, bo a traha ku kompromiso, perseveransia i kurashi pa defendé e derechonan di trahadónan, promové hustisia sosial i kontribuí na mihó kondishonnan di trabou. Bo entrega i determinashon a inspirá hopi hende i a laga un marka duradero den nos komunidat i den e movimiento sindikal.
Masha danki pa bo liderasko, bo entrega sin deskanso i bo amor pa e kausa sindikal.
Bo kompromiso ku bienestar di trahadónan ta un ehèmpel di servisio i solidaridat ku ta merece nos mas haltu aprecio.
Nos ta deseá bo hopi salú, Bendishonnan i forsa pa sigui sirbi ku e mesun pashon i dedikashon. Ku e próksimo añanan ta yen di éksito, satisfakshon i logronan nobo.
Felisitashon ku bo 35 aniversario di servisio den e mundu sindikal! Ku bo legado sigui inspirá e generashonnan presente i futuro, i ku bo kontribushon keda un fuente di orguyo pa UGTK "CADMU" i pa tur trahadó ku bo a representá.
