Project STOP

02/12/2023

Повторно злоупотреба на малолетнички

Жена од Скопје принудувала две малолетни девојчиња да даваат сексуални услуги. Полицијата соопшти дека таа е приведена рано изутрината и се сомничи дека овозможувала на возрасни лица да имаат сексуални односи со две малолетнички, при што односите биле и снимани.

Но повеќе детали за случајот МВР не соопштува. Истрагата сè уште трае и полицијата трага по мажите кои имале сексуални односи со двете девојчиња. Не е позната ниту нивната точна возраст, ниту возраста на женската личност со иницијали Г.Р. Детали ќе бидат соопштени дури откако истрагата ќе заврши.

Но ова не е ниту прв, ниту единствен случај. Пред нешто повеќе од два месеци започна судскиот процес против 13 велешани кои вршеле полови дејствија врз 14-годишно девојче. Кога во јануари Јавното обвинителство го обелодени случајот, соопшти дека 25-годишен велешанец преку социјалната мрежа Инстаграм ја довел во заблуда дека ќе почнат љубовна врска, но откако направил порнографски материјал, тој бил користен како закана за да ја присили да дава сексуални услуги.

Тука е и случајот „Јавна соба“ кој сè уште нема епилог. Во група на Телеграм во два наврати масовно се ширеше порнографска содржина, а често таа беше од малолетници.

Но како државата може да ги заштити децата? Од првата детска амбасада, Меѓаши велат дека многу е важен пристапот и на самите родители, но и на службите во училиштата.

- Одредено несоодветно однесување на децата може да се детектира или во домот или во училиште. Тука имаат голема задача и стручните служби, наставникот, класниот, да навреме детектира и дојави. Секако Центрите за социјална работа се клучните кои треба да влезат во домот и да детектираат дали станува збор за нарушени семејни односи и навреме да се разговара со детето за да не влезе во мрежата на малолетничка проституција, вели Драги Змијанац од првата детска амбасада, Меѓаши.

Живееме во време кога целиот живот го чуваме во мобилниот телефон. Социјалните медиуми играат голема улога во развојот на децата и затоа потребен е поголем надзор на нивното користење. Затоа Змијанац вели дека важно е децата да бидат едуцирани за да можат самите да се заштитат.

-Она што е неопходно е децата да препознаваат несоодветно однесување на возрасните, несоодветни понуди, да си ги знаат не само правата на приватност, туку и правата околу користење на социјалниот простор. Да кажат „не“, да дојават доколку некој ги вознемирува и никако да споделуваат лозинки и никако да споделуваат со непознати или познати одредени делови од своето тело, вели Змијанац.

Даниел Василев

01/12/2023

Тема на денот со Драги Змијанац
Македонија на нозе - се трага по исчезнатата Вања, 14-годишното девојче кое се изгуби во Центарот на Скопје.

30/11/2023

ПОТРАГАТА ПО ВАЊА ВЛЕГУВА ВО ЧЕТВРТИОТ ДЕН: По што се разликува „Амбер алерт“ и зошто е толку ефикасен

И по 72 часа од исчезнувањето на 14-годишната Вања Ѓорчевска од центарот на Скопје нема ниту трага. Нејзината фотографија не се симнува од медиумите и од социјалните мрежи, а за нашето девојче веќе се добро упатени и во соседните земји. Објавата е напишана и на англиски и на српски јазик, за жал досега нема никаква информација.

Во изјава за Фактор, мајката на Вања, Зорица Ѓорчевска, вели дека е во постојан контакт со полицијата и дека цврсто верува дека ќе ја најдат нејзината ќерка.

-Полицијата интензивно работи. Јас не сакам да се сомневам во ништо и во овие моменти мора да останам силна. По неколку пати во денот сум во контакт со полицијата, на се што можам да се сетам, се што сметам дека е важно за истрагата им го кажувам и тие буквално работат деноноќно. Секако дека се надевам на најдоброто, вели Зорица за Фактор.

Иако, во Македонија го немаме американскиот систем за брзо пронаоѓање на ис­чез­на­ти малолетни ли­ца, наречен „Ам­бер алерт“, на нозе се кренати сите надлежни ниституции во земјава, а за исчезнувањето на Вања, веќе е алармирана и информирана Европската организација за исчезнати деца.

-Како Меѓаши сметаме дека и во Македонија е неопходно да се имплементира системот „Амбер Алерт“ кој е наменет за пронаоѓање на деца кои се жртви на киднапирања заради разни причини и особено поради фактот што тој има посебен начин на функционирање. Она што сакам да го истакнам е дека посебно се залагаме и за воведување на линијата 116000, исто така за исчезнати деца и на овој начин да се вмрежиме со останатите земји каде што функционира ова, односно да бидеме во иста мрежа со Србија, Грција, Албанија и Бугарија. Во оваа насока, сакам да потенцирам дека за исчезнувањето на Вања стаоивме и во контакт со две организации за исчезнати деца во Белград и во Тирана и практично ги мобилизиравме, вели Dragi Zmijanac од Прва детска амбасада Меѓаши / First Children's Embassy Megjashi

И на телефонскиот број 112 има огромен број јавувања од страна на граѓани кои сакаат да помогнат.

-На овој број навистина се јавуваат голем број граѓани и јас навистина ги охрабрувам сите кои имаат каква било информација за Вања да се јават на 112. Истрагата секако ја води полицијата, и ЦУК сите овие јавувања ги пренасочува во МВР.

Но, по што се разликува „Амбер алерт“ и зошто е толку ефикасен во брзо пронаоѓање на исчезнати деца.

Ста­ну­ва збор за систем со кој пре­ку СМС, об­ја­ви на те­ле­ви­зи­ја, из­ве­сту­ва­ња на ае­ро­дро­ми, хо­те­ли, гра­нич­ни пре­ми­ни се да­ва­ат по­да­то­ци на ис­чез­на­ти де­ца за нив­но бр­зо про­на­о­ѓа­ње. Од скоро Амбер алерт функционира и во соседна Србија.

-Во слу­чај на ис­чез­ну­ва­ње на ма­ло­лет­но де­те, се ис­пра­ќа ит­но из­ве­сту­ва­ње во ме­ди­у­ми­те на се­кои 30 ми­ну­ти. Пред­ви­де­но е ме­ди­у­ми­те да ја пре­ки­нат про­гра­ма­та и да об­ја­ват фо­то­гра­фи­ја од ис­чез­на­то­то де­те со ос­нов­ни ин­фор­ма­ции. По­тоа мо­бил­ни­те опе­ра­то­ри испраќаат пораки на сво­и­те ко­рис­ни­ци за ис­чез­на­то­то де­те, за­ед­но со линк до веб-стра­ни­ца­та на Ми­ни­стерс­тво­то за вна­треш­ни ра­бо­ти. Во рам­ки­те на овој си­стем е пред­ви­де­но ЈП „Па­ти­шта Ср­би­ја“, ае­ро­дро­мот „Ни­ко­ла Тес­ла“, авто­бу­ски­те и же­лез­нич­ки­те ста­ни­ци на сво­и­те екра­ни да об­ја­ву­ва­ат ин­фор­ма­ции за ис­чез­ну­ва­ње­то на де­те­то. Си­сте­мот се акти­ви­ра ко­га жи­во­тот на де­те­то ќе би­де во опас­ност, а ќе функ­ци­о­ни­ра та­ка што те­ле­ви­зи­ски­те про­гра­ми ќе се пре­ки­ну­ва­ат на се­кој по­ло­ви­на час во пр­ви­те осум ча­са по ис­чез­ну­ва­ње­то.

По тие осум ча­са, до исте­кот на 48 ча­са од при­ја­ву­ва­ње­то на ис­чез­ну­ва­ње­то, еми­ту­ва­ње­то на об­ја­ва­та ќе мо­ра да про­дол­жи на се­кој час. По­тоа ме­ди­у­ми­те по­ве­ќе не се об­вр­за­ни да ги об­ја­ву­ва­ат ин­фор­ма­ци­и­те, освен ако по­ли­ци­ја­та не го по­ба­ра тоа. Но, не се об­ја­вува се­кое ис­чез­на­то де­те. Спо­ред си­сте­мот, во оние си­ту­а­ции ко­га об­ја­ву­ва­ње­то по­да­то­ци за ис­чез­ну­ва­ње де­те го отеж­ну­ва слу­ча­јот, се ме­ша во ра­бо­та­та на по­ли­ци­ја­та и прет­ста­ву­ва опас­ност за жр­тва­та, на­чал­ни­ци­те на по­ли­ци­ски­те упра­ви ќе на­пра­ват од­лу­ка за акти­ви­ра­ње на си­сте­мот врз ос­но­ва на јас­но де­фи­ни­ра­ни по­ра­ки.

Де­вој­че­то по кое е име­ну­ван си­сте­мот Си­сте­мот „Ам­бер алерт“ (Amber alert), врз ос­но­ва на кој е соз­да­ден „Фајнд ми“ (Find Me), е соз­да­ден во САД во 1996 го­ди­на, а го до­бил име­то по Ам­бер Ха­гер­ман, де­ве­тго­диш­но де­вој­че од Те­ксас кое би­ло кид­на­пи­ра­но и уби­е­но. Во­о­би­ча­е­на­та по­ли­ци­ска пра­кти­ка во све­тот бе­ше по­тра­га­та по ис­чез­на­ти ли­ца, вклу­чу­вај­ќи и де­ца, да за­поч­не по 24 или 48 ча­са, за да им се да­де шан­са на оние што во афект по­бег­на­ле од до­ма да се вратат. На овој на­чин по­ли­ци­ја­та за­ште­ду­ва­ла ре­сур­си, но тра­гич­ни­от на­стан ги про­ме­нил си­те про­це­ду­ри и све­тот го до­бил си­сте­мот „Ам­бер алерт“, кој во го­ле­ма ме­ра ги зго­ле­му­ва шан­си­те за про­на­о­ѓа­ње на ис­чез­на­ти­те де­ца.

Анита Буховски ФАКТОР

И по 72 часа од исчезнувањето на 14-годишната Вања Ѓорчевска од центарот на Скопје нема ниту трага. Нејзината фотографија не се симнува од медиумите и од социјалните ....