Fondi Humanitar Rahovica

27/05/2026

Urime Kurban Bajramin nga Fondi Humanitar “Rahovica”!
Në këtë ditë të bekuar, ju përcjellim urimet më të sinqerta për paqe, shëndet, begati dhe mirësi në familjet tuaja. Urojmë që sakrifica, solidariteti dhe dashuria për njëri-tjetrin të mbizotërojnë gjithmonë në zemrat tona.
Qoftë kjo festë një burim gëzimi, harmonie dhe afrimi mes njerëzve.
Me respekt,
Fondi Humanitar “Rahovica”

19/04/2026

Të nderuar bashkëfshatarë dhe anëtarë të Fondit Humanitar Rahovica,
Ju kërkojmë ndjesë për vonesën e publikimit të anëtarësisë për vitin 2025–2026. Faleminderit për mirëkuptimin dhe mbështetjen tuaj të vazhdueshme.
Me kënaqësi ju njoftojmë se Fondi Humanitar Rahovica vazhdon aktivitetin e tij me përkushtim të plotë edhe për këtë vit. Qëllimi ynë mbetet i njëjtë: të jemi pranë njëri-tjetrit në momentet më të nevojshme dhe të kontribuojmë për të mirën e komunitetit tonë.
Anëtarësia për vitin 2025–2026 është tashmë e hapur dhe ju ftojmë të bëheni pjesë aktive e fondit, sepse së bashku mund të bëjmë më shumë.
Faleminderit të gjithëve për besimin dhe kontributin tuaj!
Me respekt,
Fondi Humanitar Rahovica

28/03/2026

Sot u mbajt mbledhja e fondit, e cila për fat të keq u shpall e dështuar për shkak të mungesës së kuorumit. Mos-pjesëmarrja në këtë takim ishte për keqardhje.
Nga 14 persona të pranishëm, u arrit në përfundim që mbledhja të riorganizohet në njërën nga këto data:
E diel, më 26.04.2026, ora 15:00
Ose e diel, më 03.05.2026, ora 15:00
Diskutime nuk pati.
Lusim çdo mahallë që të ketë së paku një përfaqësues në mbledhjen e ardhshme. Ju lutemi të konfirmoni se cila nga këto data ju përshtatet më shumë.

27/03/2026

Nesër mbahen zgjedhjet e Fondi Humanitar Rahovica, dhe ne si kryesi do t’ia dorëzojmë me krenari mandatin atyre që do të zgjidhen me votim.
Shpresojmë nga zemra që edhe ju si anëtarë keni ndjerë përkushtimin, mundin dhe sinqeritetin tonë gjatë këtij mandati. Çdo hap që kemi bërë, e kemi bërë me dashuri për fshatin tonë dhe për njerëzit e tij.
Ne kemi dhënë maksimumin tonë dhe gjithmonë kemi pasur një qëllim të vetëm: që puna për komunitetin të mos ndalet dhe të vazhdojë edhe më fuqishëm në të ardhmen.
Ju falënderojmë nga zemra për besimin, përkrahjen dhe motivimin që na keni dhënë gjatë gjithë kësaj kohe. Ju jeni forca dhe arsyeja pse kemi vazhduar me zemër të hapur dhe me përkushtim të plotë.
Prandaj, ju ftojmë që nesër të merrni pjesë në votim dhe të jepni kontributin tuaj për të ardhmen e fondit tonë.

22/03/2026

Njoftim për Mbledhje
Të nderuar anëtarë të Fondi Humanitar Rahovica,
Ju njoftojmë se të shtunën, më 28 mars, duke filluar nga ora 15:00, do të mbahet mbledhja e radhës e fondit në këtë adresë:

Luzernerstrasse 92,
6333 Hünenberg, Zvicër (“Kanton Zug”)

Në këtë mbledhje ftohen të marrin pjesë të gjithë anëtarët e fondit.
Rendi i ditës:
Pasqyrimi dhe raportimi dyvjeçar i punës së kryesisë aktuale.
Zgjedhja e kryesisë së re të fondit.
Pjesëmarrja juaj është shumë e rëndësishme për funksionimin dhe vazhdimin e punës së fondit.
Me respekt,
Kryesia e Fondi Humanitar Rahovica

20/03/2026

🌙 Urime për Fundin e Muajit të Shenjtë të Ramazanit 🌙
Të dashur bashkëvendas dhe besimtarë,
Sot po përmbyllim muajin e bekuar të Ramazanit, një muaj sakrifice, përkushtimi dhe afrimi me Zotin. Gjatë këtij muaji kemi reflektuar më shumë, kemi ndihmuar njëri-tjetrin dhe kemi forcuar lidhjet tona shpirtërore dhe njerëzore.
Fondi Humanitar Rahovica ju falënderon të gjithëve për solidaritetin, humanizmin dhe kontributin tuaj gjatë këtij muaji të shenjtë. Falë jush, shumë familje në nevojë kanë ndjerë dorën e ndihmës dhe ngrohtësinë e komunitetit tonë.
Lutemi që Allahu t’jua ketë pranuar agjërimin, lutjet dhe çdo vepër të mirë, dhe që kjo frymë e mirë të na shoqërojë gjatë gjithë vitit.
🌙 Gëzuar Fitër Bajramin! 🌙
Me respekt,
Fondi Humanitar Rahovica

16/03/2026

Sot, me iniciativën e Fondi Humanitar Rahovica, është prerë një lopë për nder të Natës së Madhe – Natës së Kadrit. Mishi do të shpërndahet për familjet në nevojë.
Kostoja e lopës ka qenë 2000 Euro.
Prerjen dhe shpërndarjen e ka bërë Afrim Emini 150euro, në bashkëpunim me Forumin Rinor të Rahovicës.
Shuma e mbledhur nga donatorët është përdorur për këtë iniciativë, ndërsa pjesa tjetër është mbuluar nga fondi.
Falënderojmë donatorët për kontributin e tyre:
• Saudin Hasani – 1000 CHF
• Mërgim Abazi – 100 CHF
• Fadil Xhelili – 100 CHF
• M. S. – 100 CHF
Allahu i shpërbleftë të gjithë donatorët dhe kontribuuesit me të mira të shumta. 🤲

15/03/2026

Më datë 14 mars, për nder të muajit të bekuar të Ramazanit, Fondi Humanitar Rahovica realizoi shpërndarjen e 20 pakove ushqimore, secila në vlerë prej 70 euro.
Ky aktivitet u realizua në bashkëpunim me Forumin Rinor Rahovica, të cilët u angazhuan në shpërndarjen e pakove tek familjet në nevojë.
Falënderojmë të gjithë kontribuesit dhe të rinjtë që ndihmuan në këtë iniciativë humanitare. Urojmë që solidariteti dhe ndihma ndaj njëri-tjetrit të vazhdojë gjithmonë, veçanërisht në këtë muaj të shenjtë të Ramazanit.

15/03/2026

Para disa kohe pati reshje të mëdha shiu dhe ventili te penda ishte bllokuar. Pas kontrollit që bëmë në vendngjarje, e pamë të arsyeshme që të intervenojmë për ta rregulluar këtë problem.
Sot ventili është rregulluar dhe tashmë funksionon normalisht.
Falënderojmë shumë Naimin dhe Sabën për angazhimin dhe ndihmën e tyre në rregullimin e këtij problemi në të mirë të fshatit tonë Rahovicë.

11/03/2026