25/02/2025
Organizata e Aktivistëve REFORMA në Preshevë dënon ashpër bastisjen e hapësirave të organizatave joqeveritare Gradjanske Inicijative dhe CRTA nga autoritetet shtetërore.
Ky akt përfaqëson një sulm të drejtpërdrejtë ndaj shoqërisë civile, lirisë së asociimit dhe vlerave demokratike.
Në një kohë kur protestat studentore dhe qytetare po kërkojnë llogaridhënie dhe të drejta demokratike, veprimet e tilla tregojnë përpjekjen e pushtetit për të heshtur zërat kritikë dhe për të frikësuar shoqërinë civile.
Kjo qasje është e papranueshme dhe rrezikon të thellojë edhe më shumë krizën demokratike.
Ne shprehim solidaritetin tonë të plotë me organizatat "Iniciativat Qytetare" dhe "CRTA", e njëherit bëjmë thirrje për reagim të menjëhershëm nga faktori vendor dhe ndërkombëtar.
Është jetike që institucionet demokratike dhe organizatat ndërkombëtare të mbështesin mbrojtjen e të drejtave dhe lirive themelore dhe të ndalojnë përpjekjet për shtypjen e shoqërisë civile.
Organizata e Aktivistëve REFORMA – Preshevë
