Јас Сум Жена

Јас Сум Жена 👩🇲🇰 Мрежа на успешни и реализирани жени во и надвор од Македонија
📆 Едукативни Настани • Конференции • ЖЕФ •

Во просториите на Фондацијата „Никола Кљусев“ вчера се одржа значаен настан за поврзување на жени од Македонија и Азербе...
02/06/2026

Во просториите на Фондацијата „Никола Кљусев“ вчера се одржа значаен настан за поврзување на жени од Македонија и Азербејџан. Настанот беше организиран од Фондацијата „Никола Кљусев“, професорката Јорданка Галева од УГД Штип и Ајѓун Ахамадова, основачка на Унијата за поддршка, надоградување и едукација на жени од Баку, Азербејџан.

👠 На настанот, се обрати и претседателката Ана Дукоска, која ја претстави мисијата и активностите на здружението „Јас Сум Жена“. Таа се заблагодари за можноста да го презентира здружението и изрази подготвеност за идни соработки со претставничките од Азербејџан.

🤝 „Нашата визија е да градиме општество во кое женската солидарност и меѓусебната соработка ќе бидат двигатели на позитивни промени, наместо конкуренција. Веруваме дека преку заеднички иницијативи можеме да создадеме силна мрежа која ќе ја поддржува секоја жена во нејзиниот личен и професионален развој,“ истакна Дукоска.

Во време кога традиционалните вредности се соочуваат со постојани предизвици, ваквите иницијативи имаат особено значење. Поддршката и вмрежувањето меѓу жените не само што создаваат простор за размена на искуства и знаења, туку и ја зајакнуваат нивната улога во општеството. Женската солидарност и меѓусебната соработка се клучни за градење на силни заедници кои ќе ги штитат и афирмираат вредностите што ја одржуваат општествената стабилност и културниот идентитет.

Меморијален центар Никола Кљусев

Почитувани,Споделуваме повик за бесплатна стручна и темелна обука за новинари, студенти и секој заинтересиран. Обуката т...
30/05/2026

Почитувани,

Споделуваме повик за бесплатна стручна и темелна обука за новинари, студенти и секој заинтересиран.

Обуката трае 10 дена и на крајот добивате сертификат.

Детали на линкот.

💙 На покана на Women in Tech Macedonia, претседателката на „Јас Сум Жена“, Ана Дукоска, беше дел од жирито на првите Wom...
27/05/2026

💙 На покана на Women in Tech Macedonia, претседателката на „Јас Сум Жена“, Ана Дукоска, беше дел од жирито на првите Women in Tech Awards, одржани под покровителство на претседателката Гордана Силјановска Давкова и во присуство на Ayumi Moore Aoki, претседателката на Women in Tech Global.

Голема е честа да се биде дел од ваков избор, особено кога одговорноста е значајна: да се препознаат најистакнатите, најпосветените и највлијателните жени во секоја категорија, во богатството од талент, потенцијал и квалитет што го носат жените во Македонија.

👏 Честитки до организаторите и до сите добитнички на наградите и признанијата!

👠 „Јас Сум Жена“ продолжува да ги поддржува иницијативите што ја истакнуваат женската сила во сите општествени сфери и ја градат културата на солидарност меѓу жените.

🤝 Женската солидарност е еден од најмоќните двигатели на општествена промена. Кога жените стојат една до друга, се создава простор каде стравот се претвора во храброст, а индивидуалниот успех во колективна победа.

Ana Dukoska
Monika Rizovska Tanevska
Women In Tech Macedonia

„Жените не молчат затоа што не знаат каде да одат. Жените молчат затоа што не веруваат дека некој ќе стои зад нив кога ќ...
16/05/2026

„Жените не молчат затоа што не знаат каде да одат. Жените молчат затоа што не веруваат дека некој ќе стои зад нив кога ќе тргнат.“

Денеска, претседателката на „Јас Сум Жена“, Ана Дукоcка, учествуваше на стручната трибина на тема „Борбата со семејното насилство и насилството врз жената како социјален предизвик: институционален, психосоцијален и вредносен одговор“, во организација на Форумот на жени на Социјалистичка партија на Македонија.

Во своето обраќање на тема „Реалноста на терен: поддршка, бариери и (не)доверба во системот – граѓански сектор, теренска перспектива“, таа говореше за суровата секојдневна реалност на жените кои преживуваат насилство, за празнините во системот, за недовербата што ја чувствуваат жртвите и за неопходноста од суштински, а не козметички промени.

Според ОБСЕ, 10% од жените во Македонија доживеале физичко или сексуално насилство од партнер, а 3.1% само во последната година. Но сите знаеме дека вистинските бројки се многу повисоки, затоа што најголемиот дел од насилството никогаш не се пријавува. И ова не е само наш проблем. Во регионот, состојбата е еднакво алармантна: во Србија 19% од жените доживеале физичко или сексуално насилство од партнер, во Бугарија 28% од жените пријавиле физичко или сексуално насилство во животот, во Албанија 52% од жените доживеале некаква форма на насилство, а во Косово 68% од жените доживеале психолошко насилство, а 30% физичко. Овие бројки се сведоштво дека насилството врз жените е регионален, културен и системски предизвик.

Дукоска упати апел: „Ова не е само професионална задача, ова е човечка обврска. Потребни се брзи реакции, јасни рокови, една точка на контакт за секоја жена што бара помош, траума-информирани професионалци и вистинска институционална одговорност. Само така ќе изградиме држава во која секоја жена ќе биде слушната, заштитена и поддржана.“

Дукоска нагласи дека поддршката мора да биде достапна, координирана и навремена, а институциите, обучени, одговорни и транспарентни. Граѓанскиот сектор, медиумите и институциите мора заедно да создадат систем што жените ќе можат да го наречат: „мојот систем, мојата заштита и со гордост мојата држава.“

👠 На покана на др. Индира Попадиќ, проектен менаџер на српската платформа „Оснажене“, која ги поврзува жените од сите би...
25/04/2026

👠 На покана на др. Индира Попадиќ, проектен менаџер на српската платформа „Оснажене“, која ги поврзува жените од сите бизниси и професии на Балканот, здружението „Јас Сум Жена“ беше претставено од ко-основачката Анета Механджијска. Таа учествуваше на панел-дискусијата на тема „Меѓурегионална соработка и механизми за поддршка на женско претприемништво“, каде го сподели македонското искуство и моделот на работа на здружението.

🎤 "Успешниот модел на вмрежување се темели на автентични односи, структурирана размена на знаење и создавање конкретни можности. Тоа значи средби каде жените не доаѓаат само да се појават, туку да се слушнат, да се поддржат и да иницираат реални партнерства. Во „Јас Сум Жена“ гледаме дека најголемите резултати се раѓаат кога просторот е безбеден, доверлив и воден од јасна цел: раст, влијание и солидарност. Таквото вмрежување создава долгорочни сојузништва, а не само контакти." – Анета Механджијска, ко-основачка на „Јас Сум Жена“.

🤝 Вмрежувањето, соработката и солидарноста меѓу жените се клучни за создавање одржливи промени во општеството. Кога жените се поддржуваат меѓусебно, се отвораат нови можности, се рушат бариери и се гради заедница што генерира колективна сила. Токму преку вакви регионални поврзувања се создаваат мостови што ја засилуваат видливоста, влијанието и претприемачкиот дух на жените на Балканот.

Денес претседателката на здружението за вмрежување на успешни жени, едуцирање и истражување „Јас Сум Жена“, Ана Дукоска,...
23/04/2026

Денес претседателката на здружението за вмрежување на успешни жени, едуцирање и истражување „Јас Сум Жена“, Ана Дукоска, оствари работна средба со градоначалникот на Општина Битола, Тони Коњановски.

📜 На средбата, Дукоска му врачи благодарница за досегашната поддршка и соработка со здружението — поддршка која веќе создаде видливи резултати и отвори простор за нови иницијативи во заедницата.

🤝 Со заедничка волја оваа соработка да продолжи и да се продлабочи, денес беше потпишан и Меморандум за соработка, со кој се поставуваат јасни основи за идни заеднички активности.

Посебен акцент беше ставен на жените во општината, нивната улога, потенцијал и потребата од континуирана поддршка. Разговаравме за создавање услови во кои жените од Битола ќе имаат повеќе можности за едукација, економско зајакнување, лидерство и активно учество во локалниот развој.

👠 „Јас Сум Жена“ продолжува да гради мостови меѓу институциите и жените во заедницата, со јасна цел: секоја жена да има простор, поддршка и глас што се слуша.

Претседателката, Ана Дукоска и амбасадорката за финансиска писменост, Јасмина Христовска, на здружението за вмрежување н...
24/03/2026

Претседателката, Ана Дукоска и амбасадорката за финансиска писменост, Јасмина Христовска, на здружението за вмрежување на успешни жени, едуцирање и истражување „Јас Сум Жена", денеска, учествуваа на Меѓународната конференција на високо ниво, во организација на Народната банка на Македонија: „Централното банкарство во услови на постојани светски промени“.

Во време на геополитички тензии, економски шокови и брз технолошки напредок, стабилноста и издржливоста на финансиските системи се клучни за секое општество. Токму затоа е важно жените да бидат дел од разговорите каде се креираат политики, се анализираат ризици и се градат стратегии за иднината.

Нашето присуство на вакви настани е потсетник дека економската стабилност, иновациите и одговорното лидерство се заедничка задача и дека женската перспектива е неопходна во секоја трансформација.

❤️ Уживавме во запознавањето на жени од различни сфери во општеството, нивното влијание, успешни и многу инспиративни пр...
19/03/2026

❤️ Уживавме во запознавањето на жени од различни сфери во општеството, нивното влијание, успешни и многу инспиративни приказни, во склоп на "Her Voice in Impact – Connecting Women, Creating Change" во организација на .

👠 Здружението Јас Сум Жена, активно ја поддржа иницијативата и се приклучи во организација на завршните 2 настани: петочна вечер за дружење и 4тиот Женски Економски Форум.

Петочната вечер, беше вечер на инспирација, охрабрување и нови можности, вечер што нè потсети дека секоја жена носи светлина и сила во себе.

🎤 Нашата Македонска гордост, прекрасниот Давид Темелков ја отвори вечерта со својата харизма и прекрасен глас, внесувајќи посебна енергија. Потоа, преку картите на Микроверзум, присутните се поврзаа на нов, забавен и несекојдневен начин.

💜 Донаторската кутија на здружението "Млади од семејна разновидност" беше потсетник дека заедно можеме да создадеме промена. Вечерта продолжи со насмевки, охрабрувачки зборови и нови сојузништва меѓу жени од различни области, секоја со своја приказна, секоја со своја сила.

💪 Кога жените се поврзуваат, светот се менува, затоа што нивната енергија е почеток на секоја промена.

💡Дали навистина знаеме како да ги користиме парите за да ја градиме нашата иднина, или тие тивко ја диктираат нашата сек...
12/03/2026

💡Дали навистина знаеме како да ги користиме парите за да ја градиме нашата иднина, или тие тивко ја диктираат нашата секојдневна реалност?

📊 Според студија за финансиска писменост во Македонија, само околу 35% од жените покажуваат високо ниво на финансиска писменост, што е значително помалку од мажите. Овој податок ја нагласува потребата за повеќе разговори, едукација и практични алатки за финансиска независност.

👠 Здружението за вмрежување на успешни жени, едуцирање и истражување „Јас Сум Жена“ ве поканува на 4тиот Женски Економски Форум на тема „Паметни разговори за парите“.

На форумот ќе ги слушнете инспиративните предавања на:

🎤 Јасмина Христовска
🎤 Кристина Краличин Павлеска
🎤 Ана Лабор
🎤 Костандина Зафировска

📅 Сабота, 14 март
🕛 12:00 – 14:00 часот
📍 Стартап Клуб Скопје

✅ Учество е бесплатно, но регистрацијата е задолжителна. Линк за регистрација: https://shorturl.at/lLE9w.

💪 Овој форум е можност да се надмине статистиката и да се започне нова приказна во која жените самоуверено управуваат со своите финансии.

Jasmina Hristovska
Kristina Kralichin Pavleska
Ana Labor

👠 Претседателката на „Јас Сум Жена“ Ана Дукоска, вчера го прими признанието „Создадена да создава“ во склоп на културна ...
08/03/2026

👠 Претседателката на „Јас Сум Жена“ Ана Дукоска, вчера го прими признанието „Создадена да создава“ во склоп на културна манифестација во организација на град Охрид каде 13 жени беа „Жени во фокусот“.

Со длабока благодарност, таа потсети дека жената е најсилна кога стои рамо до рамо со друга жена, а највредна кога создава можности за сите околу себе.

✨ Нека секоја жена биде храбра да чекори по свој пат, мудра да ги слуша сопствените инстинкти и достоинствена во секој избор што го прави.

Нека биде светлина што охрабрува, сила што создава, глас што не се плаши да прозбори и пример што инспирира генерации.

Нека секоја жена биде потсетник дека светот расте, се менува и станува подобар токму поради нејзината љубов, труд и непоколеблива верба во себе.

Честит 8ми Март.

Address

Novi Sad

Website

Alerts

Be the first to know and let us send you an email when Јас Сум Жена posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Јас Сум Жена:

Shortcuts

Share

Category