Komuniteti Musliman Shqiptar në Zvicër - DAIGS

16/10/2026

Xhuma të begatë dhe të pranuar!

12/10/2026

XHAMIA PAQJA NË BASEL URON KRYETARIN E KMSHZ-SË PËR DETYRËN E RE

Kryetari i Komunitetit Musliman Shqiptar në Zvicër (KMSHZ), Fehim ef. Abazi, njëherësh imam në Qendrën Shqiptare për Integrim, Kulturë dhe Religjion në Lozanë, së bashku me kryesinë e kësaj Qendre, mirëpriti në ambientet e saj kryesinë e Xhamisë Paqja në Basel, të udhëhequr nga kryetari z. Ramazan Xhaferi dhe imami dr. Muzafer ef. Ramadani.

Qëllimi i kësaj vizite ishte urimi i kryetarit Fehim ef. Abazi me rastin e marrjes së detyrës së re në krye të Komunitetit Musliman Shqiptar në Zvicër.

Gjatë takimit, z. Abazi shprehu falënderimet dhe mirënjohjen e tij të sinqertë për vizitën, urimet e përzemërta dhe gatishmërinë e shprehur për bashkëpunim. Ai theksoi rëndësinë e forcimit të lidhjeve ndërinstitucionale, të thellimit të bashkëpunimit të ndërsjellë dhe të angazhimit të përbashkët në shërbim të komunitetit tonë.

Nga ana e tyre, kryetari dhe përfaqësuesit e kryesisë së Xhamisë Paqja shprehën gatishmërinë e plotë për të vazhduar dhe thelluar bashkëpunimin me KMSHZ-në në të gjitha fushat e mundshme, me synimin për të forcuar unitetin, solidaritetin dhe frymën e bashkëpunimit ndërmjet institucioneve tona fetare.

Falënderime dhe mirënjohje të veçantë i shprehim gjithashtu Qendrës Shqiptare për Integrim, Kulturë dhe Religjion në Lozanë, për mikpritjen e ngrohtë, kujdesin e treguar dhe darkën e shtruar për nder të kryesisë dhe xhematit të Xhamisë Paqja. Kjo mikpritje e përzemërt i dha takimit një vlerë të veçantë, duke e shndërruar atë në një moment të bukur afrimi, respekti dhe vëllazërie.

Me respekt dhe mirënjohje,

Kryesia e Komunitetit Musliman Shqiptar në Zvicër (KMSHZ)

Cyrih, më 10 tetor 2026

06/10/2026

Vizitë dhe urim në Konsullatën e Përgjithshme të Republikës së Kosovës në Cyrih

Kryetari i Komunitetit Musliman Shqiptar në Zvicër, Fehim ef. Abazi, i shoqëruar nga anëtari i Kryesisë dhe përgjegjësi për Zvicrën frankofone, mr. Rijad ef. Aliu, u pritën zyrtarisht nga Konsulli i Përgjithshëm i Republikës së Kosovës në Cyrih, z. Vigan Berisha.

Qëllimi i vizitës ishte urimi i z. Berisha për ngritjen e Konsullatës së Republikës së Kosovës në Cyrih në nivelin e Konsullatës së Përgjithshme, si dhe për detyrën e tij të re si Konsull i Përgjithshëm.

Kryetari Abazi, në emër të Komunitetit Musliman Shqiptar në Zvicër, shprehu mirënjohje për mikpritjen, mbështetjen e vazhdueshme dhe punën e palodhur të Konsullit të Përgjithshëm me komunitetin shqiptar, shoqatat dhe organizatat shqiptare në Zvicër, si dhe për angazhimin e tij në forcimin e marrëdhënieve dhe bashkëpunimit me institucionet zvicerane.

Gjatë takimit u rikonfirmua gatishmëria e ndërsjellë për vazhdimin dhe thellimin e bashkëpunimit, me synim të përbashkët shërbimin dhe të mirën e komunitetit shqiptar dhe, në veçanti, të komunitetit musliman shqiptar në Zvicër.

Kryetari Abazi theksoi se Komuniteti Musliman Shqiptar në Zvicër do të jetë i gatshëm që edhe në të ardhmen të japë kontributin dhe mbështetjen e tij në çdo nismë që i shërben komunitetit dhe interesit të përgjithshëm.

Nga ana e tij, Konsulli i Përgjithshëm z. Vigan Berisha falënderoi për vizitën dhe urimet, duke shprehur gatishmërinë për vazhdimin e një bashkëpunimi edhe më të fuqishëm e të frytshëm në të ardhmen.

Një takim i përzemërt dhe konstruktiv, i cili dëshmoi edhe një herë rëndësinë e bashkëpunimit institucional dhe të ndërsjellë në shërbim të komunitetit shqiptar në Zvicër.

Cyrih, 5 tetor 2026

06/10/2026

XHAMIA DITURIA - GJENEVË URON KRYETARIN E KMSHZ-SË PËR DETYRËN E RE

Kryetari i Komunitetit Musliman Shqiptar në Zvicër, Fehim ef. Abazi, imam në Qendrën Shqiptare për Integrim, Kulturë dhe Religjion në Lozanë, i shoqëruar nga kryesia e kësaj Qendre, mirëpriti në zyrat e saj kryesinë e Xhamisë Dituria në Gjenevë, të udhëhequr nga imami i nderuar, mr. Rijad ef. Aliu, dhe kryetari z. Abdylkadir Bekteshi.

Qëllimi i vizitës ishte për ta uruar Kryetarin Abazi për detyrën e re në krye të Komunitetit Musliman Shqiptar në Zvicër. Me këtë rast, z. Abazi falënderoi për vizitën, urimet dhe gatishmërinë e shprehur për bashkëpunim, duke theksuar rëndësinë e një bashkëpunimi edhe më të ngushtë dhe më të thelluar në të ardhmen.

Nga ana tjetër, kryesia e Xhamisë Dituria shprehu gatishmërinë e plotë për të kontribuar dhe bashkëpunuar me Komunitetin Musliman Shqiptar në Zvicër në të gjitha fushat e mundshme, duke ofruar, sipas nevojës dhe mundësive, edhe mbështetje financiare.

Me këtë rast, për nder të kryesisë së Xhamisë Dituria, u shtrua edhe një darkë e veçantë, si shenjë respekti dhe mirënjohjeje për mbështetjen dhe kontributin e tyre të veçantë ndaj Qendrës Shqiptare për Integrim, Kulturë dhe Religjion në Lozanë.

Kryetari Abazi shprehu mirënjohje të veçantë për prezencën, mbështetjen dhe gatishmërinë e tyre për bashkëpunim, si dhe për kontributin e imamit mr. Rijad ef. Aliu, i cili njëkohësisht është edhe anëtar i Kryesisë së Komunitetit Musliman Shqiptar në Zvicër.

Një takim i përbashkët me mesazhe të qarta për unitet, bashkëpunim dhe forcim të mëtejshëm të jetës fetare dhe komunitare shqiptare në Zvicër.

Lozanë, më 02 tetor 2026

06/10/2026

DHURO NJË KUR’AN – NJË VEPËR QË VAZHDON

TWINT : https://donate.raisenow.io/kzfxz

KMSHZ ju fton të bëheni pjesë e projektit “Dhuro një Kur’an”, duke kontribuar në shpërndarjen e Kur’anit me përkthim dhe komentim në gjuhën shqipe.

Çdo kontribut është një mundësi për të bërë një vepër të mirë dhe për të lënë një vakëf në emrin tuaj apo të familjes suaj.

Për më shumë informacione, ju lutemi kontaktoni kryesinë e xhamive anëtare të KMSHZ-së.

🤲 Allahu i shpërbleftë të gjithë kontribuesit dhe ua shtoftë bereqetin!

KMSHZ - Komuniteti Musliman Shqiptar në Zvicër

29/09/2026

Mbrëmje plot vlerë në «Këndin e Lexuesve»:

Një bisedë e hapur mbi librin e Tamara Sonn

Mbrëmjen e djeshme, në kuadër të «Këndit të Lexuesve» të organizuar nga Departamenti për Kulturë dhe Veprimtari Botuese, u bënë bashkë në Zoom me 27 teologë e teologe për të diskutuar një temë sa të rëndësishme, aq edhe aktuale.
Në qendër të vëmendjes sonë ishte libri i autores Tamara Sonn, "A është Islami armik i Perëndimit?" (Is Islam an Enemy of the West?).

Teologu dhe studijuesi Mr. Rehan Neziri. i cili i ka shkruar këtij botimi në gjuhën shqipe edhe një parathënie mjaft të vlefshme, bëri një paraqitje të shkëlqyer të librit, i cili përmes një analize të thellë e dinjitoze zbërtheu idetë qendrore dhe argumentet e autores, duke ofruar një pasqyrë të thellë mbi raportet e ndërtuara historikisht dhe keqkonceptimet bashkëkohore rreth marrëdhënieve mes botës islame dhe asaj perëndimore.

Takimi u moderua nga Mr. Nehat Ismaili, i cili i dha bisedës një ecuri mjaft të qartë e të strukturuar.

Ajo që e zbukuroi akoma më shumë mbrëmjen ishte pjesa e dytë e takimit, ku të gjithë pjesëmarrësit u përfshinë në një diskutim mjaft të pasur e me nivel të lartë mendimi.

Edhe kjo mbrëmje tregoi se «Këndi i Lexuesve» po kthehet në një hapësirë mjaft të çmuar për të shkëmbyer ide, për të lexuar mbarë dhe për të kultivuar një dialog të matur mes nesh.

Departamenti për Kulturë dhe Veprimtari Botuese

KMSHZ/DAIG

25/09/2026

Diskriminierung hinterlässt Spuren, reden wir darüber, statt zu schweigen!

In diesem Video berichten Betroffene über ihre persönlichen Erfahrungen mit antimuslimischer Diskriminierung. Es ist wichtig, hinzuschauen, zuzuhören und nicht zu schweigen.
https://youtu.be/EHzRmeAxnbk?is=uYBfObAEaN4269mf

Niemand sollte mit Diskriminierung allein bleiben. Die FIDS bietet Betroffenen eine Anlaufstelle, bei der sie ihre Erfahrungen melden und Unterstützung erhalten können.

-‐----------------------------------------'

Diskriminimi lë gjurmë – le të flasim për të, në vend që të heshtim!

Në këtë video, persona të prekur tregojnë për përvojat e tyre personale me diskriminimin ndaj myslimanëve. Është e rëndësishme të mos i mbyllim sytë, por të dëgjojmë, të kuptojmë dhe të mos dhe të mos heshtim.

Askush nuk duhet të përballet i vetëm me diskriminimin.

FIDS u ofron personave të prekur një pikë kontakti, ku mund të raportojnë përvojat e tyre dhe të marrin mbështetjen e nevojshme.

FIDS ist Anlaufstelle.

https://fids.ch/anlaufstelle/?fbclid=IwdGRzaAUi7wljbGNrBSLvAGV4dG4DYWVtAjExAHBkb2YFc3J0YwZhcHBfaWQMMzUwNjg1NTMxNzI4AAEe477lbogEhnhs4PEVmk1lhm0vGuuPWCkFKpwxTbjRAUfTKuiIoizN_Wn0azg_aem_-icK3O5avRg7l64LJ4TlPQ&sfnsn=wa

Eine junge Frau gibt Einblick in eine persönliche Erfahrung mit Dis...