29/07/2026
Mirëmbajtësi i fshatit Bilaç, Shaqir Jahiu, pajiset me një makinë për kositje
Për t'ia lehtësuar punën mirëmbajtësit të fshatit në mirëmbajtjen e hapësirave të mëdha publike, Shoqata Bilaçi ka siguruar një makinë për kositje.
Kjo makinë është financuar nga Fondi i Shoqatës Bilaçi në Zvicër, është transportuar në Bilaç dhe këto ditë i është dorëzuar mirëmbajtësit të fshatit, z. Shaqir Jahiu.
Shpresojmë që kjo pajisje do t'ia lehtësojë punën në kositjen dhe mirëmbajtjen e sipërfaqeve të gjera, duke kontribuar në një ambient më të pastër, më të rregullt dhe më të këndshëm për të gjithë banorët.
Shprehim mirënjohjen tonë për z. Shaqir Jahiu për punën e palodhshme dhe bashkëpunimin e vazhdueshëm me Shoqatën gjatë këtyre nëntë viteve. I urojmë shëndet, mbarësi dhe suksese të mëtejshme në punën e tij.
Një falënderim i veçantë u takon të gjithë anëtarëve të Shoqatës Bilaçi, të cilët me kontributet e tyre ndër vite kanë bërë të mundur realizimin e shumë projekteve dhe investimeve në fshatin Bilaç.
Shpresojmë që edhe në të ardhmen të kemi një mbështetje edhe më të madhe, si nga bashkatdhetarët tanë në diasporë, ashtu edhe nga banorët rezidentë të fshatit Bilaç, në mënyrë që së bashku të vazhdojmë zhvillimin dhe përmirësimin e fshatit tonë.
Me respekt,
Kryesia e Shoqatës Bilaçi
