Fondi Humanitar Preshevë, Bujanoc, Medvegjë

27/05/2026

Të dashur anëtarë, miq e dashamirë

Me rastin e festës së shenjtë të Kurban Bajramit, Fondi Humanitar për Preshevë, Bujanoc e Medvegjë-Zvicër, ju shpreh urimet më të përzemërta, duke ju dëshiruar shëndet, paqe, mirësi dhe begati në familjet tuaja.

Gëzuar!

25/05/2026

🌙 Kurban Bajrami

Mundësi për të kryer obligimin tuaj në Fondin Humanitar për Preshevë Bujanoc e Medvegjë-Zvicër

Allahu thotë:
“Tek Allahu nuk arrin as mishi e as gjaku i tyre, por te Ai arrin devotshmëria juaj.”
Kurbani është një akt i lartë adhurimi, sakrifice dhe përkushtimi ndaj Allahut (xh.sh.), që simbolizon bindjen dhe sinqeritetin, ashtu siç na mëson shembulli i hazreti Ibrahimit (a.s.) dhe hazreti Ismailit (a.s.).

✅ Fondi Humanitar ju ofron mundësinë që këtë obligim ta kryeni përmes tij, duke ndihmuar njëkohësisht familjet në nevojë.
Shuma e caktuar për një kurban:
150 CHF

Përmes kësaj forme:
Kryeni obligimin tuaj fetar

Ndihmoni ata që kanë më shumë nevojë

Përhapni gëzimin e Bajramit

Le ta bëjmë së bashku këtë vepër të mirë dhe ta ndajmë mirësinë!

Fondi Humanitar PBM

19/05/2026

📣 FTESË për Anëtarët dhe Mbështetësit e Fondit

Të nderuar anëtarë dhe mbështetës,
Ju ftojmë përzemërsisht që të bëheni pjesë e një eventi unik – “Lugina Day”, një organizim i realizuar me shumë punë, përkushtim dhe pasion nga Kryesia e Lidhjes së Shoqatave nga Lugina LSHPMBZ ose LUGINAS.
🌟 Kjo ditë do të jetë një përjetim i veçantë, ku do të shijoni një atmosferë të pasur me vlera kulturore, traditë dhe frymë të Luginës – por jo vetëm!
👉 Ju inkurajojmë të siguroni biletat tuaja sa më shpejt dhe të vini sa më masovikisht për të treguar mbështetjen tonë të përbashkët.
📍 Vendi: Stadthalle Dietikon
Data: 7 Qershor

Le ta bëjmë këtë ngjarje sa më të suksesshme me praninë tuaj!
Mirë se vini dhe ju presim me padurim! 🙌
-Fans Fol Shqip Show
Luginas.ch

Linkun për biletat:
https://eventfrog.ch/fr/p/concerts/pop-rock/luginas-day-7443405340949884076.html?fbclid=IwY2xjawR4WANleHRuA2FlbQIxMABicmlkETFnMWZJWE02NmR3SnV3NlFFc3J0YwZhcHBfaWQQMjIyMDM5MTc4ODIwMDg5MgABHlLjx6ybEjafSl1YHbcxy5zqiHc0vDZsLBWm5wkWcCbSGtBWnS0cvSyL9H7l_aem_2kIhFC-Sb3j29Sr_G-1ecQ

L'événement du 07.06.2026 à Dietikon. Qëndro afër. Një natë që mbështet komunitetin Luginas ne Zvicërr

08/05/2026

Presheva, Bujanoci dhe Medvegja kanë nevojë për mbështetjen tonë sot më shumë se kurrë. 🇦🇱

Mbështetja jonë nuk duhet të jetë e përkohshme, por e vazhdueshme, e palëkundur dhe me zemër.
Vetëm duke qëndruar të bashkuar dhe duke kontribuar secili sipas mundësive, sigurojmë që trojet shqiptare atje, të lëna amanet nga të parët tanë, të i ruajmë dhe ti kemi brez pas brezi.
Mos të harrojmë: forca jonë është uniteti! 💪

18/04/2026

Një ndejë e mbushur me mendim, dije dhe frymëzim.

Ishte një kënaqësi e veçantë të qëndronim me dy personalitete të jashtëzakonshme të mendimit shqiptar:
Prof. Dr. z. Astrit Q. Memia Memia dhe Prof. Dr. z. Lisen Bashkurti.
Të diskutosh zhvillimet politike rajonale dhe botërore me njerëz të këtij niveli është privilegj i rrallë.
Qasja e tyre akademike, thellësia e analizës dhe qartësia e vizionit të ndihmon ta shohësh realitetin përtej zhurmës mediatike dhe narrativave sipërfaqësore.
Një moment i veçantë ishte edhe dhurimi nga Prof. Dr. Lisen Bashkurti i dy librave të tij më të fundit: “Gjeopolitika Imperiale e rrethit të mbyllur” dhe “Serbia dilematike” – vepra që ndihmojnë të kuptojmë më qartë strategjitë, politikat dhe diplomacinë e shteteve që historikisht kanë pasur qasje antishqiptare.
Këta libra tashmë pasurojnë bibliotekën e Fondit dhe do të jenë në shërbim të anëtarëve të tij.

Mirënjohje dhe respekt për mendimin e lirë, dijen dhe kontributin e vyer kombëtar.

15/04/2026

Përfaqësues të Fondit morën pjesë në Samitin e IV të Diasporës Shqiptare në Botë

Anëtarët e Kryesisë së Fondit, me Adnan Imeri në cilësinë e kryetarit, Skender Destani si sekretar dhe Idriz Dizi Sylejmani si anëtar, morën pjesë në Samitin e IV të Diasporës Shqiptare në Botë, i organizuar në nivel qeveritar.
Samiti përfshinte 19 panele diskutimi dhe u hap me një ceremoni solemne të organizuar në Sallën e Operës, e cila u vlerësua për nivelin e lartë organizativ.
Gjatë ditëve pasuese, përfaqësuesit e Fondit zhvilluan takime të shumta me pjesëmarrës nga diaspora shqiptare në mbarë botën, duke shkëmbyer përvoja dhe ide mbi angazhimet në fusha të ndryshme shoqërore, kulturore dhe humanitare.
Në kuadër të samitit u realizuan takime me përfaqësues të institucioneve vendore nga Lugina, si dhe me ministra dhe Kryeministrin, ndërkohë që ritakimet me aktivistë të hershëm u shoqëruan me krijimin e kontakteve të reja dhe bashkëpunimeve të mundshme.
Një nga takimet më të rëndësishme ishte njohja dhe koordinimi për bashkëpunim konkret me znj. Emine Çunmulaj, modelja shqiptare me renome ndërkombëtare, e njohur për përkushtimin e saj në kauza humanitare.

Po ashtu, përfaqësuesit e Fondit ishin ftuar në darkën zyrtare të organizuar nga z. Mark Gjonaj, kryetar i Këshillit Koordinues të Diasporës Shqiptare në Botë.
Gjatë gjithë samitit u zhvilluan takime të shumta me personalitete të njohura nga bota e politikës, kulturës, biznesit dhe medias.
Një moment i veçantë ishte shoqërimi me prof. Dr. Astrit Q. Memia, si dhe vizita e përbashkët te z. Lisen Bashkurti, e cila u vlerësua si një përjetim me rëndësi të veçantë.
Pjesëmarrja në këtë samit përbën një hap të rëndësishëm drejt forcimit të lidhjeve me diasporën dhe krijimit të mundësive të reja për bashkëpunime konkrete në të ardhmen.
-Fans Enis Jusufi Omer Nura Shyqëri Bytyqi Shefki Sh Jonuzi Enkel Rexhepi Arbër Pajaziti Kronika.com Xhimi Xhim Presheva Guxim Alushi Vaxhid Sejdiu Mirela Mezani Florim Useini Altin Marku

15/04/2026

Samiti i IV i Diasporës Tiranë

09/04/2026

Dorëzim çelësash për familjen Emini – Bujanoc
Sot, në Bujanoc, anëtarët e Kryesisë së Fondit dorëzuan çelësat e banesës për familjen e Abdullah Eminit.
Kryetari i Fondit, Adnan Imeri, së bashku me nënkryetarin Ahmet Bektashi, sekretarin Skender Destani dhe koordinatorët Selmon Bektashi dhe Enver Sylejmani, në prani të pronarit të objektit z. Nexhmedin Limani, realizuan pranimin dhe dorëzimin zyrtar të banesës dhe çelësave familjes Emini.
Dini Limani
Familja Emini shprehu mirënjohje të thellë dhe falënderime për të gjithë kontribuuesit që mundësuan këtë akt solidariteti dhe humanizmi.
Vazhdojmë me projekte të tjera në shërbim të popullatës në vendlindje!

20/03/2026

Gëzuar e me shëndet ju qoftë Bajrami për të gjithë anëtarët dhe mbështetësit e Fondit!
Në këtë ditë të shenjtë, zemrat tona mbushen me mirënjohje për besimin, përkrahjen dhe zemërgjerësinë që tregoni ndaj misionit tonë të përbashkët.

Faleminderit që na keni qëndruar pranë dhe keni bërë të mundur që shumë fëmijë jetim, fëmijë me aftësi të kufizuara dhe familje skamnore të marrin veshmbathje të reja dhe dinjitoze për Bajram.
Çdo buzëqeshje e tyre është fryt i mirësisë suaj.

Zoti ua shpërbleftë me shëndet, paqe dhe begati në familjet tuaja.
Bajrami ju ndriçoftë zemrat dhe shtëpitë!

Në emër të Fondit Humanitar për Preshevë Bujanoc e Medvegjë
Adnan Imeri
kryetar

19/03/2026

Edhe fëmijët në komunën e Medvegjës u gëzuan në me veshmbathje të reja për Bajram!
https://www.facebook.com/share/1CHXx5DynL/

80 NXËNËS BUZËQESHIN NË BAJRAM – FONDI HUMANITAR SJELL SHPRESË NË PRESHEVË, BUJANOC DHE MEDVEGJË

Fondi Humanitar për Preshevë, Bujanoc dhe Medvegjë, në prag të Fitër Bajramit, ka sjellë buzëqeshje dhe shpresë për 80 nxënës në këto treva. Përmes shpërndarjes së veshmbathjeve, ky akt human nuk është vetëm ndihmë materiale, por një mesazh i fuqishëm solidariteti dhe dashurie për fëmijët tanë.

Kryetari i fondit për Austri, Dul Krasniqi nga Sfirca e Medvegjës, në një prononcim për portalin MEDVEGJASOT.com, theksoi se ky gjest është një përpjekje modeste për të lehtësuar jetën e familjeve në nevojë dhe për t’u dhënë fëmijëve ndjenjën e barazisë dhe gëzimit në ditët e shenjta të Bajramit.

Në një kohë kur sfidat janë të shumta, ky veprim dëshmon se humanizmi dhe bashkimi nuk shuhet kurrë. Është një kujtesë e fortë se, kur zemrat bashkohen, edhe dhimbja zbutet dhe shpresa ringjallet. Bajrami nuk është vetëm festë – është ndarje, kujdes dhe dashuri për njëri-tjetrin. / MEDVEGJASOT.com