FTV Wängi

21/11/2025

Helvetia-Skifit ❄️⛷️
Letzten Mittwochabend haben 22 Frauen in der Turnhalle gemeinsam geschwitzt – und sind nun ready für die Skisaison!
Danke, .schweiz , für den Power und den Teamspirit! 💪✨

16/11/2025

Frauenfelder 2025 🏃‍♀️🏃‍♀️🏃‍♀️🏃‍♀️🏃‍♀️🏃‍♀️
FTV Wängi kann auch laufen und fänen!
Ein kleines FTV-Grüppli startete heute am Frauenfelder Halbmarathon und wurde von einem grössen FTV-Grüppli an der ganzen Strecke angefeuert. Alle haben ihre Arbeit super gemacht. Das ist Verein 🥳

01/10/2025

Mir sind uf dä Suechi nach neuä Mitturnerinnä - drum öffned mir dä Herbst üsi Hallätürä und laded eui zum Schnuppertraining i. Chum eifach unverbindlich go ieluege, schwitz chli mit üs und lern üs und üsen Verein kennä. Mir freued üs über neui Gsichter für üsi beidä Turngruppä (ca. U50 und Ü50). 🏃‍♀️‍➡️🤸🏼‍♀️⛹🏼‍♀️

10/09/2025

Wills so schö gsi isch lueged mir no chli usfüehrlicher uf üsi Turnfahrt zrugg:

D Organisation vo sonere Turnfahrt isch bi üs gar nid mal so eifach: Mir sind Frauä vo Mitte 30 bis Ü80 (plus immer mal wieder äs paar Agschlagni) und alli sölläd chönä däbi si zum gemeinsam 2 tolli Täg z ha. Drum isch das Johr ä Region uf em Programm gstande wo u viel bütet und ä Wanderroute bestehend us 7 Etappä, wo jedi hät chöne selber entscheidä ob sie nur s "Pflichtstuck" lauft oder no s eint oder ander Stuck ahenkt. Bi herrlichem Wetter wie mir s bstellt hend ☺️🌤

Mit em Zug sind mir nach Kaiserstuhl OW greist, vo wo us alli Frauä nach Lungeren glaufä sind. Ei Gruppä isch aschlüssend uf em Jakobsweg wiiter uf dä Brünig gwanderet, wo s än gmeinsamä Zmittag mit dä Zugfahrerinnä gä hät. Am Namittag isch dä Abstieg bis nach Brienz uf em Programm gstande, wo sich alli i dä Jugi wieder troffä hend. Nacheme erfrischendä Bad im Brienzersee, amene feinä Znacht, äs paar Rundä Hosäabä und regem Ustuusch über di gsammlätä Wehwehlis bimene Gläsli Wii (oder zwei oder so) sind dänn all i ihri Bett kletteret zum am nächste Tag wieder fit z si.

Gstärkt vomene usgibigä Zmorgä und wieder top motiviert sind di erstä (wenigä) au scho wieder losgwanderet Richtig Giessbach, während dä Rest nach gmüetlichem käfälä zu Hosäabä mit em Schiff los isch. Di eintä händ dä Kahn in Giessbach verlah zum au wieder wandere, di anderä sind wiiter bis Iseltwald gfahrä, wo sich wieder alli zum Zmittag ässä und chli päusälä troffä hend. Am Sunntignamittag isch dänn no dä letscht Abschnitt Richtig Bönigen und vo det wiiter nach Interlaken z absolviere gsi. Team Schiff isch natürli - liecht verstärkt - wieder mit em Schiff wiiter bis nach Interlaken böötlät, wobi 4 Frauä scho in Bönigen usgstiege sind und s letscht Stückli am Wasser entlang no glaufä sind. Bi dä Wandergruppe hät sich än Teil in Bönigen für Glace und Bus entschiedä, aber doch 3 Frauä hend au no di letschtä 30 Minute z Fuess zrugggleit und sind so um di 40+ km und etlichi Höhemeter gewanderet i dene 2 Täg. Starki Leistig 👌🥳

Vo Interlaken isch äs schliesslich bitz müed aber happy retour mit em Zug nach Wängi gange.

23/06/2025

TURNFEST 2025 💪☀️
FTV und MR Wängi am ETF in Lausanne.

Was für ein Wochende voller Fun, Fitness und Teamspirit!
Bei traumhaftem Wetter haben wir alles gegeben und wurden mit einer tollen Note von 27.35 belohnt! 🌟
⚽️🏀🏑🏉🥏🥎🏓

Highlight des Wochendes? Die Stimmung – einfach unschlagbar!

01/05/2025

Bi herrlichäm Wätter hät hüt üsen traditionellä Maibummel stattgfunde - zur Abwechslig mol uf zwei Räder statt z Fuess. Mit Umweg simmer uf Märwil gradlät, wo äs super Zmorgäbuffet uf üs gwartet hät.
Mit einigä Zwüschestopps und Zuesatzschlaufä isch äs dänn wieder retour nach Wängi gangä. So häts nebed äs paar Gläsli Wiisswii doch au für alli dä eint oder ander (E-)Bike-Kilometer gä. Dankä a alli wo däbi gsi sind und ganz bsunders ä üsi Organisatorin fü di guet Idee! ☀️🚴🏼‍♀️🥂🤩👌🏻

24/12/2024

Dä FTV Wängi wünscht allnä ganz schöni Wiehnachtä, erholsami Festtäg und än guetä Start is neuiä Johr. Ab Mittwuch, 8. Januar sind mir am 20:15 wieder i dä Dammbühlhalle aztreffe - mir würed üs über äs paar neui Gsichter im neuiä Johr freuiä. Eifach verbi cho und d Festtäg wieder abtrainiere 😂🙈💪🏻🏃🏼‍♀️🏆

17/11/2024

Und scho isch si wieder dure, üsi Turnunterhaltig 2024. Gester sind mir nomal so richtig zur Höchstform ufgloffe, hend än super Uftritt higleit und ä fast perfekti Zuegob. Aschlüssend hend mir i dä Bar no idrücklich zeiget, was dä FTV so druf hät 🔥💃🏼👌🏻 Herzlichä Dank und MR Wängi für s super Teamwork und s absolut coole Weekend - so machts Spass! Ebefalls ganz än herzlichä Dank a für di coolä Latzhosä, für d Pneu und Roger & für s geilstä Werkzüüg ever 😂🔧💪🏻 Au Dank eui isch üsen Uftritt zu dem wordä wo er gsi isch: suuuper! Und nöd vergesse liebi FTV-Frauä: mir sind heiss - ganz egal wie verchehrt mir d Latzhosä ahend 😂🙈🔥

28/09/2024

07/09/2024

Scho isch sie wieder ä Wuchä her üsi Turnfahrt. Schö hemmers gha: am Samstig sind mir mit diversä Stopps vo Rehetobel nach Rorschach gwanderet, wo s äs verdients Bad im Bodäsee gä hät. Am Sunntig sind mir uf äm Witzweg vo Heiden nach Walzenhausen glaufä. Zum Glück isch üsi Stimmig nöd abhängig gsi vo dä Qualität vo dä Witz, sodass mir s schönä Summerwetter und die toll Ussicht usglassä hend chönnä gnüssä. Mit em Zahradbähnli, Schiff und Zug simmer schliesslich zrugg nach Wängi greist.