Blauring St.Gallenkappel

Startseite
Schweiz
Uznach, St. Gallen
Blauring St.Gallenkappel

Wegbeschreibung Website Kontaktieren Sie die Organisation

Blauring

15/09/2026

D'Ibrag0 isch am Samstig es letsts Mal bi üs glandet! 🚀👩🏼‍🚀

Am Lagerrückblick hemmer üs nomal zäme a üses super coole SOLA chönne zrug erinnere. 📸✨🪐

24/07/2026

Wie vill Unterhose hesch du im SOLA debi gha?👙

Danke a üses 15er-Team für das coole Video!
Isch da villicht öppis anders gfrögt worde...?😉🤭

23/07/2026

SOLA 26 - Tag 7 "Glitzer-Planet" 💖

Ufem Glitzer-Planet acho händ üs die Iiheimische direkt zumene Spielturnier iiglade.⚽️🥎🏈 Nach emene Morge voller Spiel & Spass isch au üse grimmigi "Big Brother" immer meh uftaut.

Mir sind denn zunere Glitzer-Party iiglade worde und händ natürlich bide Vorbereitg ghulfe. Üsi Astronautinne händ gkoched, bached und viel gschnipsled.🍪🍹🍡

De Abig hämmer denn so richtig zäme gnosse. Alli händ sich useputzt und mir händ Föteli vo üsere Sondereinheit gmacht.📸 Denn isch ganz viel tanzt, g'sunge und g'esse worde.🎶💃

De "Big Brother" und "Iches 3" händ inzwüsche gmerkt, dass Sterne klaue nöd die besti Idee isch. Sie händ nur müesse dra erinnered werde, wie schön s'Liecht und s'Lebe chönd sii und händ sich entschiede, ufem Glitzer-Planet z'bliibe.🌌🥳

21/07/2026

SOLA 26 - Tag 6 "Big-Brother-Planet" 👁

Am nächste Morge sind mir ufem Planet vo "Iches 3" glandet. Det händ mir natürlich nöd dörfe uffalle und händ ihne drum binere Mission ghulfe. D'Sterne händ mir denn aber für üs selber bhalte.😉

Denn sind mir vom "Big Brother", also em Afüehrer vo "Iches 3", no testet worde und händ all üses Wüsse über Planete und Sterne müesse fürehole.🪐🌎🌖 Em "Big Brother" sind mir denn au begegnet und händ gmerkt, dass er chli en Pessimistische isch und sogar Sterne hasst. Bimene Lagerfüürabig händ mir ihm denn zeigt, dass Liecht öppis Wunderschöns chan sii.✨️🎆

Er hät sich denn iiverstande erklärt, mit üs uf de Glitzer-Planet z'cho, wo d'Mensche alli immer mega fröhlich sind.🥳💖😁

21/07/2026

SOLA 26 - Tag 5 "4-Elemente-Planet" 🪐

Üse nächsti Halt händ mir ufem 4-Elemente-Planet gmacht. Damit mir üs wehre chönd, wenn mir üsne Bösewicht begegned, händ mir am Morge Selbstverteidigung güebt.🥋🤜🤛

Denn müend mir natürlich au so viel wie möglich über die vier Element lerne zum ufem Planet z'recht z'cho.🔥💧🌬🍃
Tatsächlich händ d'Astronautinne zruggbliebeni Mitglieder vo "Iches 3" gfunde, wo mit de böse Plän nöd ganz iiverstande sind. Sie händ üs usegforderet zum teste, ob mir würklich würdig sind, s'Universum z'rette.🌠

Am Schluss sind sie so beiidruckt gsi, dass sie üs zu ihrem Hauptquartier wiitergschickt händ. Jetzt wird's ernst! 🚀

17/07/2026

SOLA 26 - Tag 4 "Rote Planet" 🔴

Ufem rote Planet sind mir vode Königin in Empfang gno worde. 👑 De Morge händ mir i üsne Gruppi-Gruppene demit verbracht, de Planet mit verschiedene Spieli und Rätsel z'erkunde. Debii händ mir wiiteri Sterne gfunde, wo mir denn wieder in Himmel schüüsse chönd.

Will s'Gmüet vode Königin genauso wechselhaft isch wie s'Wetter vo dem Tag, händ mir sie nochli müesse unterhalte. Üsi Astronautinne händ drum ganz viel Tänz iistudiert und ihre vorgfüehrt.💃🎵

Ide Nacht hämmer denn de nächsti Notfall gha: Es paar Leiterinne händ en Leiterdessert mit Vulkanstaub vom rote Planet verwütscht und sind drum ganz komisch worde. Zum Glück sind im Huus Lüüchtstäbli verteilt gsi: So hämmer die chönne iisammle und en Heiltrank braue.🕯👻🧪

Nach dere Sabotage isch ganz klar: Mir müend unbedingt d'Einheit "Iches 3" wiiterverfolge und sie ufhalte! 🚀😈🪐

17/07/2026

01/04/2026

De Sunntig hett wieder üse jährlichi Spaghettiplausch stattgfunde. 🍝
Danke für eure zahlriiche Bsuech und danke allne Helferinne!💙

Adresse

Rickenstrasse 37
Uznach
8735ST.GALLENKAPPEL

Website

http://www.blauringstgallenkappel.ch/

Benachrichtigungen

Erfahren Sie als Erste/r von Neuigkeiten und Aktionen: Wir schicken Ihnen eine E-Mail, wenn Blauring St.Gallenkappel etwas veröffentlicht. Ihre E-Mail-Adresse wird für keinen anderen Zweck verwendet, und Sie können sich jederzeit abmelden.