Kindercircus Piccolo

Startseite
Schweiz
Schwyz
Kindercircus Piccolo

Die Kinder sollen Circus-Luft schnuppern und ihre “Talente” ausleben, kreativ sein und als klein

Sinn und Zweck
Die Kinder sollen Circus-Luft schnuppern und ihre “Talente” ausleben, kreativ sein und als kleine Stars im Rampenlicht stehen können, dabei Hemmungen abbauen und Selbstvertrauen finden. Das gemeinsame Wirken und Schaffen, Rücksichtnahme, Toleranz, gegenseitiges Helfen sowie Mitverantwortung, Ausdauer und Konzentration sind ebenso wichtig, wie der kindliche Stolz auf die eigene Leist

ung. Unser Team hofft, mit dieser Zirkuszeit den Kindern etwas Positives auf den Weg mitzugeben. Ferienpass-Kindercircus
Der Kindercircus Piccolo, als Verein organisiert, bietet im Rahmen vom Ferienpass Schwyz und Umgebung alljährlich den beliebten Mitspielcircus für Kinder ab neun Jahren (Jahrgang ist entscheidend) an. In nur einer Woche wird mit ca. 60 Kindern ein Programm einstudiert und trainiert, Requisiten gebastelt, Kostüme genäht, das richtige Circuszelt aufgestellt und die Technik eingerichtet. Ende der ersten und in der zweiten Ferienwoche führen die frisch gebackenen Artistinnen und Artisten ihre atemberaubenden und faszinierenden Kunststücke an mehreren Daten einem Publikum von 300 Leuten vor. Sondergastspielgruppe
Nicht nur im Ferienpass im Sommer lässt der Piccolo die Circus-Fan-Herzen höher schlagen, sondern auch an zahlreichen Auftritten während des ganzen Jahres. Unsere Sondergastspielgruppe genannt SOGA kann für besondere Anlässe wie Jubiläen, Vereinsfeiern, Versammlungen oder Kinderfeste engagiert werden. Im SOGA-Programm sind unter anderem Seiltanz, Einrad, Jonglage, Akrobatik, Zaubereien, Skipping, Clownerie und auch eine Fakirshow enthalten. Falls es gewünscht wird, bieten wir zusätzlich nach der Vorstellung ein Animationsprogramm an, bei dem sich die Zuschauerkinder als Artisten probieren können.

10/04/2026

Mier segid DANKE! Danke für die riesigi Unterstützung bide Support My Camp Aktion vode Migros!

No bis am 15.04. gits d Vereinsbon ide Migros💛🩵

28/01/2026

Unterstütz abem 05.02. de Kindercircus Piccolo mit de Vereinsbons us de Migros. Die Aktion lauft bis am 22 April 2026!

Mier dankid für jedi Unterstützig für üses Lager!

15/12/2025

Am Samstig hemmer chönne in Effretikon vorme tolle Publikum üses Programm zeige. Nach üsem Uftritt hend üsi Piccolini auno ade zueluegende Chind es paar Trickli biibracht.

Das isch en mega coole Tag gsi😍

08/11/2025

Hüt vor zwei Wuche hemmer döffe am Hochziit vo üsere langjährige Leiterin und Direktorin vom Summerpiccolo, dr Leona, uftrette.

Liebi Leona und liebe Sämi, es isch üs en Ehr gsi, mit de SOGA en Teil vo üchem grosse Tag z'sii. Mier wünschet üch nume s beschte❤️

Danke für die wunderschöne Föteli😍

02/11/2025

Au das Jahr hemmer döffe im Gottesdienst vode Basler Herbstmess üses Programm zeige. Die ussergwöhnlichi Manege uf de Putschibahn isch jedes Mal es Highlight für d Piccolini.

S zweite Highlight ade Basler Herbstmess sind natürlich die viele coole Bahne, uf dene s'üs teilwiis richtig duregschüttlet und alles im Mage umdreiht het.

Es het mega Spass gmacht und mier freuid üüs, wenn mer au im nächste Jahr wieder döffet debii sii😍

05/10/2025

Piccolo-Lager Tag 7

A üsem letschte Lagertag isch es so wiit: Am Morge hemmer üsi Hauptprob gha und nomal alles guet agluegt.
Nachem Z'Mittag und em Packe isch es scho glii mit Frisiere und Schminke losgange.
Nah dis nah sind denne üsi Familie und Gäst acho und mier hend üs riesigs uf das Wiedersehe gfreut. Üsi Familie hemmer denn auno dur d Lagerstadt gfüehrt, bevors scho langsam is Grosse Chapiteau gange isch. Ganz ufgregt simmer gsi vor üsem Uftritt. Aber au umso stolzer und glücklicher, dass mer üsi Nummere hend chönne präsentiere.
Es isch en super Vorstellig gsi! Nachem Z'Nacht hets denn scho glii gheisse, Abschied z'näh, will s Lager au scho wieder fertig isch.
Mier freuid üs bereits ufs nächste Jahr, wemmer wieder is Lager chönd gah❤️

03/10/2025

Piccolo-Lager Tag 6

Im Morgesport mit de Mia und de Shela hemmer üs hüt guet dehnt und aschliessend üse Schlusstanz nomal richtig guet güebt.
Ide Trainings hend die letschte chliine Sache chönne verbessert und apasst werde, bevor mier am Namitag nomal en Durchlauf vo A bis Z gmacht hend.
Au am Namitag het üses Leiterteam vom Ischa Mugg en Füehrig durch d Zuekunfts-Plän vom becho. Es mega cools Projekt, wo mer unbedingt söll unterstütze. Unter folgendem Link erfahrsch no meh:
🔗 https://zukunft.mugg.ch

Mier freuid üs uf üsi Hauptprob vo morn und d Première vo üsem nüüe Programm😍

Ach ja, und zum Z'Mittag hets hüt feini Spaghetti mit verschiedene Sauce und zum Z'Nacht Burger gäh.

03/10/2025

Piccolo-Lager Tag 5

Agfange het de Tag mitem Morgesport und em erlerne vo üsem Schlusstanz. Das het mega Spass gmacht.
Üsi Nummere sind sowiit alli fertig, sodass mier am Namitag bereits en erste Durchlauf hend chönne mache. Es ist cool gsi, z'gseh, was die andere Gruppe i dem Lager erarbeitet hend.
Zum Z'Mittag hets Reste gäh und zum Z'Nachts es wiiters Highlight vom Lager: Pizza usem Tischgrill 🍕
Nachdem mier üüs üsi Büüch gfüllt hend, hets plötzlich gheisse, alli Chind müend is grosse Chapiteau.
Ganz heimlich het üses Leiterteam en eigeni chliini Nummere uf d Bei gstellt und de Piccolini präsentiert. So hemmer also mal d Rolle gwechslet: S Leiterteam ide Manege und d Piccolini im Publikum am zueluege und fötele 📸

01/10/2025

Piccolo-Lager Tag 4

Nachme strenge Morgesport mitem Andrin und enere feine Stärkig am Z'Morge mit Spiegeleier, hemmer i üse nächsti Trainingstag gstartet.
Einigi Nummere sind bereits fertig und müend jetzt nurno güebt und perfektioniert werde.

Ide Nebeprogramm chömmer üsi Skills wiitertrainiere, oder ab und zue mal wieder es Usfährtli mit de Einräder mache.

Au hüt simmer wieder vo üsem Chuchiteam mit feinem Piccata und Safranrisotto und Älplermagerone verwöhnt worde.

Morn Namitag möchid mer bereits zum erste Mal en zemefüehrig, damit mer für de Samstig ready sind.

30/09/2025

Piccolo-Lager Tag 3

Warm iipackt simmer hüt morge alli mitenand go jogge. Es het au paar Spieli als Abwechslig gäh, bevor mer üs vorem Z'Morge no echli dehnt hend.
Ide Trainings werdet üsi Nummere langsam konkreter. Mier üebet wiiterhin üsi Trickli und es klappet immer besser.
Als Abigprogramm hets hüt de Spieliabig gäh: Begriff erkläre, pantomimisch darstelle oder zeichne; als Gruppe en Form darstelle und a Tiermemory - en glunge Abig organisiert vo üsne neue Leiter.

Und für die, wo üse Menüplan interessiert: Üsi Chuchi het üs hüt zum Z'Mittag mit Penne Cinque Pi und zum Z'Nacht mit Riz Cazimir verwöhnt. So hemmer wieder Energie tankt und hend chönne wiiter trainiere.

29/09/2025

Piccolo-Lager Tag 2

Mitem Krafttraining vode Shela simmer i üse ersti richtige Trainingstag gstartet.
Bi wunderschönstem Wetter hemmer hüt dinne und dusse i üsne Nummere trainiert und a üsne Skills güebt.
Zum Z'Mittag hets Spätzli und Rahmschnitzel gäh. Super gstärkt isch es denn am Namitag mit meh Trainings wiitergange.
Als Z'Nacht hets hüt Raclette gäh. Es isch esooooo fein und soooo schnell weg gsi, dass es nid emal für nes Föteli glanget het.
Gmüetlich hemmer hüt de Tag mitme Friie Abig usklinge lah. Im Wagepark hend sich d Piccolini gegesiitig d Haar gflochte, Spieli gspielt oder eifach es bitzeli pläuderlet.

Adresse

Postfach 418
Schwyz
6431

Webseite

http://www.circus-piccolo.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Kindercircus Piccolo erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.