14/09/2026
Nach dä Summerferiä simmer mit viel neuem Elan ih Turnstundä gstartet⛹️♀️😊. Ä paar wuchä nach dem Start hemmer bereits eusä Tolli Vereinsusflug am Sunntig 13.09.2026 dörfä Erlebä☀️🏃♀️ Zerst simmer mitem Auto ihd Waldegg Teufen AR gfahrä- tolli Gspröch hend debi nöd dörfä fehlä😄 nah het scho dä Ernst vum Lebä wieder ahgfangä- zrugg ihd Schuel👩🏫 Zrugg ih die 4 Klass zum Max Bünzli😅. Schuel wie 1950- Schnüerlischrift und Appezellerdütsch lernä isch gar nöd so eifach. Bi Mathe sind den vieli gscheiteret und so hets gheisse etz singemer :Det äne am Bergli.🎶 Nachdem Dschueljahr durä gsi isch -diä einte zrugg ih die 3. Klass hend m**e die andere ih die 6. Hend dörfä, hemmer ä feins Zmittag gnossä wo ahgregti gspröch und viel Lacher nöd hend dörfe fähle. Nah hets gheisse Händ wäsche und Biberli Bachä - gschmacklich hend alli überzoge, bim eint oder andere het mr S'Bild ufem Biberli nachem Bache nömm gseh. Zum Abschluss het en feine Dessert nöd dörfä fehlä und so simmer den nacheme glungige und Abwechsligsrichä Tag mit viel lustige und schönä Moment zrugg ihd Heimat gfahre. 🥳❤️
