DU chasch üs ganz liecht demit hälfe. lies doch jetzt eifach witer und du wirsch gseh das du mit ganz eifache mittel viel bewürke chasch. Dodezue muesch du au nid Mitglied bi üs si oder so. Will üsi Chueche Verkaufsaktion andr Kanti Sargans so guet glofe isch (mir händ 750.- ihgnoh!) und so viel Interesse gweckt het, hend mier denkt mier wänd na meh mache. Mir hend mit so wenig mittel viel meh chö
ne erreiche alsmer am ahfang fu dem ganz erwartet hend. das het üs de Ahsporn geh noh me z plane. Mit dene viele Plän simmer den uf d Idee cho en Verein z gründe. Do d Grund Idee fu dem ganze isch Hoffnig und es Lächle z schenke, hemmer beschlosse üse Verein "send a smile" z nenne. Mir möchted jedem d Möglichkeit geh üs z helfe, ohni daser Mitglied in üsem Verein isch und ohni Geld z spände. Du möchtisch öpis guets tue? Wotsch für üsi negschti chuecheaktion en chueche bache oder villicht im Verchauf mithälfe? Hesch eh gueti Bastelidee fürde Wiehnachtsmarkt? Möchtsch en schöne Brief an es afrikanisches Chind schribe? Villicht hesch no eh anderi Idee zum Gäld fürde gueti Zweck sammle? Denn meld dich bi üs! Du chasch üs es Mail schribe oder üs über üseri Homepage kontaktiere.
