Pfadi St.Laurentius

Startseite
Schweiz
Flawil
Pfadi St.Laurentius

📍Pfadiheim Flawil
⏰ Samstags, 13:45 - 16:15 Uhr
🦫Biberstufe 5-6 Jahre
🐺Wolfstufe 6-10 Jahre
⚜️Pfadistufe 10-14 Jahre
⚜️Piostufe 14-17 Jahre

10/05/2026

Merry Christmas everyone!🎄✨️ dPfadistufe isch am Samstig schomol in Winter 2026 greist und het mitem Christkind Wiehnachte gfiiret. Damit si am Schluss di heilig Kerze dörfed zruggneh, hends i 4 Gruppe di schönste und tollste Wiehnachtsbäum gschmückt womer je gshe hend;) Zum as Material cho hends Bändelirupfe gspielt und es het nebedbi chlineri Poste wie Casino, Nümmerlilese oder Musik verote geh, wo ine Geld für de Shop gliferet het. 🎁 S Christkind isch hocherfreut gsi über die schöne Bäum und so hemer d Kerze dörfe heineh!

03/05/2026

D Pfadistufe het am Samstigmorge di nögsti Zitreis🕰️ ahtrette ka. Mir sind bi de Kleopatra glandet und hend ihre m**e helfe d Pyramide fertig baue, damit mir s heilige Fläschli als Requisite für üsi Zitmaschine übercho hend.
Mir hend üs ih de Turnhalle wacker gschlage und üsi Mission erfüllt ✅.

03/05/2026

De samstig hend d wölf am morge aktivität gha😊. Wills no so früeh gsi isch isch de Pumuckl no am schlofe gsi😴, drum hemmeren zerscht m**e wecke. Leider simmer debii so fescht ghüpft dass grad sis bett kaputt gange isch 🛏️. D wölf hend drum imne gländgame mit verschidene pöste chöne materialie verdiene zum ihm es neus bett baue🪵🔨

26/04/2026

Nocheme Istigsspiel mit allne zeme sind d Pfader gest durch d Ziit greist und bi üsne alte Fründe im 1291 acho. Wie au dozmol en Schwur abgleit worde isch hend üsi PfaderInne i ihrne Patrouille en Pakt gschribe, versproche das si sich *meistens* dra halte werded und d Fläsche zeme verbudlet;) Aschlüssend het jedi Patrouille eiges Programm, gstaltet vo ihrem Pat.Gotti-oder Götti, gha. Unter anderem hets Smores am Füür geh oder s Schoggispiel 😋 Zum Schluss hend di alte weise Männer nomel an Pakt appelliert und üs d Bundesverfassig als Adenke hinterloh!

22/03/2026

Bide Schnupperaktivität am Samstig hend d Wölf am Asterix und Obelix müese zeige, dass sie immerno vertrauenswürdig sind. Sie hend sich drum ide Diszipline Kapplaturm baue, Kubb, Pfadifuessball⚽️, Frisbee und Blachevolleyball🏐 bewiese. Ufgrunde vo ihrne super Leistige isch s Vertraue wieder ufbaue worde💪. Und de Asterix und Obelix hend sogar no für alli en feine Zvieri debii gha😋

14/03/2026

Bide Schnupperaktivität de Samstig hend sich d Wölf gstärkt mitem Zaubertrank ufd Suechi nochem Idefix gmacht🔎. Unterwegs hends dörfe zeige wie schnell und luut dass etz sind. Leider hends de Idefix nöd gfunde (seb hend zum Glück defür d Biber gschafft🥳). Defür hends de sageumwobeni Römerschatz gfunde🤩. Nur blöderwiis isch eine vode Leiter ufem Heiweg eifach demit weggrennt😱

Drum mömmer nöchscht Wuche nomol zahlriich erschiine, damitmer am Asterix und Obelix chönd zeige, dass sie üs glich no chönd vertraue!!🤝

07/03/2026

De Samstig isch di erscht Schnupperaktivität gsi🥳. Ganz viel Wölf hend sich im Pfadiheim troffe, bereit zum de Idefix go sueche. Leider het de Zaubertrank wo üs di nötig chraft💪 sött geh nüme glanget. Drum hemmer m**e mit erspieltem Geld Zuetate🌿 chaufe, damit de Miraculix wieder en neue Trank braue chan.

Mir freued üs druf, wemmer nöchschte Samstig wieder ganz viel Chind dörfed begrüesse, damitmer denn gstärkt mitem frische Zaubertrank zeme chönd de Idefix go sueche!!☺️

25/01/2026

Ade Aktivität het d Elsa de Wölf biichtet, dass sie ihri Chräft nüm unter Kontrolle gha het und de Pingu igfrore het🐧❄️. Zum sis Herz wieder uftaue hendses drum m**e zude Troll schaffe. Für das hends e komplizierti Landschaft mit zahlriiche Hinderniss wie Lawine, Erdbebe oder Flüss m**e überwinde 🌊⛰️ indems Ufgobe zu Pfadithemene glöst hend🪢🗺️⛑️

11/01/2026

Am Samschtig het d Wolfsstufe Bsuech vode Elsa und em Olaf gha.⛄️ De Schnee wo die beide mitbrocht hend het natürli müese usgnutzt werde.❄️🛷 Und wer chalt gha het het dine fliisig gholfe e Stadt für chlini Olaf-Figürli z baue!

14/12/2025

Gest obig hend de Blauring Flowil und d Pfadi St. Laurentius zeme d Waldwiehnacht 2025 dörfe fiire 🎄 Gross und chli het teilgno amene Postelauf wos unter anderem hend chöne Drahtstern bastle oder Kerze verziere. Aschlüssend isch mo zemecho am füür und het mit Punsch und Guetzli id Wiehnachtsziit igstumme. Es isch wunderschön gsi und mir danked allne wo cho sind, dass mitgholfe hend mitenand en besinnliche Obig zverbringe ✨️
Mir wünsched wiiterhin e frohi Adventsziit und freued üs uf vieli neui Erlebniss im nögste Johr. Bis bald! ⭐️

06/12/2025

D Pfadistufe het hüt Bsuech vom Samichlaus und sine zwei Schmutzlis übercho.🎅🏼 Nochdem mir d Säck vom Samichlaus blündered hend, hend mir üs zum Schluss no bimene Brennball mit Bändelirupfe ustobed.🏐

Adresse

Riedern
Flawil
9230

Webseite

http://www.laurentius.ch/

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Pfadi St.Laurentius erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.