källerabstiig.ch
https://kaellerabstiig.ch/
https://grossbaslerkaellerabstiig.ch/
https://www.glaibaslerkaellerabstiig.ch/
APP für iPhone:
https://apps.apple.com/ch/app/k%C3%A4l D Organisatoore vom sälbetsmoolige Vorstadt-Källerabstiig hän gmerggt, ass kai Verzaichnis, kai Plattform und scho gar kai Lingg-Liste ze de verschiidene Käller und iiree Verantwortlige existiert. S isch nummen en Ordner v
orhande gsi, wo s vo de vorhäärige Joor schon e paar Daate dinn gha het, und au über die ainzelne Homepages het me sich kenne Informatione beschaffe. In erster Linie isch s Zyyl vo kaellerabstiig.ch, in dääre modäärne Wält dämm e weeneli veraltete Informationsfluss, neyi Energie yyzhuche. Källerabstiig, was isch das? Dr Källerabstiig het, egal ob im Gross- oder Glaibasel, die glyychi Ursprungsidee:
Will die aktive Fasnächtler wäared de drey scheenschte Dääg nit vyyl Meeglikkaite hän, zem die andere Käller z bsueche, het me entschiide, an aim Daag im Joor alli Käller uff z mache. Wo me friener usschliesslig mit ere perseenlige Yyladig oder mit emene ainhaitlige Tigget yyne ko isch, ka me hitzedaags ooni die `Sicherheitskontrolle` an aim Oobe, maischtens im Novämber, die verschiidenste Käller in ganz Basel go bschaue. Doodermit hänn alli Interessierte d Meegligkeit, in die Käller und Lokal vo de ainzelne Fasnachtsgruppierige abzdauche. Maischtens wird an däm Oobe no e kulinarischs Aagebot zemene ainhaitliche Bryys serviert, ass d Käller nit unterenander in e Konkurränzkampf grootet. Vorstadt, Gross- oder Glaibasel? Dr Källerabstiig findet im Glaibasel jedes Joor und im Grossbasel abwäggsligswyys in de Vorstedt und dr Innestadt statt. In den ungraade Joor ka me sich in de Vorstedt go verköstige, in de graade Joor in dr Innestadt. Um das ganze uff e Punggt z bringe:
Ume 5. Novämber umme pilgere d Menschemasse ins Glaibasel. Novämber umme goot me noon em Stadtlauf in d Vorstedt rsp. ind Grossbasler Innestadt. Gäll de kennsch my nit? D Organisation vo de ainzelne Abstiig wird vo Joor ze Joor enere andere Gruppierig iibergää. Die isch denn derfiir verantwortlig, ass e glaini Sitzig abghalte wird, wo me allfellygi Neyeryge, Winsch und Altbewäärts zämme diskutiert. Noo däm Palaaver wird eventuell no e weeneli Meedie- und Promotionsarbet betriibe und schlussändlig jedem Käller d Verantwortig und d Planig vom Abstiig im aigene Käller ibergää. Dr Organisaator, wie au die andere Gruppierige, sin aaghalte, kai Reglaame in aigener Sach, sondern nur fir dr Aaloss als Ganzes z mache. Doodrmit wird, wie mit em ainhaitlige Bryys, emmene allfellige Konkuränzkampf zwische de Gruppierige entgeege gwirgt. S Zyyl isch, ass jeede Käller e paar Gescht bi sich darf willkomme haisse. Eyre källerabstiig.ch
https://kaellerabstiig.ch/
Unseri App:
iPhone:
https://apps.apple.com/ch/app/k%C3%A4llerabstiig/id500891918?ign-itscg=30200&ign-itsct=apps_box
Android:
https://play.google.com/store/apps/details?id=ch.kaellerabstieg.Kaellerabstieg
