15/06/2026
“ДАЙЧОД ХУРАХ ШАШИН НОМЫН ЁСЛОЛ” БҮСИЙН НААДАМ
✅️Ялгуусан хутагт Ялгасан гэгээний 17 дугаар дүр Данзинванчүг гэгээнтний санаачилгаар “Дайчод хурах шашин номын ёслол” бүсийн наадам 2026 оны 6 дугаар сарын 26–28-ны өдрүүдэд Архангай аймгийн Цахир суманд зохион байгуулагдах гэж байна.
✅️Энэхүү арга хэмжээ нь Содномдаржаа хайрханд орших Өвгөн багш Гэсэр лам Чүлтэмжамц, түүний шавь Аграмба Санжаажав нарын үйлс зохионгуйг дэлгэрүүлэх, шашин номын уламжлалыг мөнхжүүлэх, түүх, соёлын өвийг хадгалан хамгаалах, олон нийтэд түгээн дэлгэрүүлэх эрхэм зорилготой юм.
✅️Дайчод хурах шашин номын ёслолын хүрээнд Өвгөн багш Гэсэр лам Чүлтэмжамц, шавь Аграмба Санжаажав нарын лагшин, үйлс зохионгуйг дэлгэрүүлэхэд “Дайчод хурах” ерөөл өргөнө.
✅️ Монголын бурхан шашинтны төв Гандантэгчэнлин хийдийн Хичээнгүй зүтгэлт XXIX Хамба Номун Хан, гавж Дэмбэрэлийн Чойжамц хурсан олонд "Бурхан Ном Хуварга" гурван эрдэнийг хүндлэн дээдлэх, Багш Аав Ээж гурван ачтаныг хайрлан асархуй талаар түмэн олондоо сургаал номлол айлдана.
✅️“Сайн ноён хан аймгийн Далай Чойнхор вангийн хошуу: Түүх, соёл, шашин, байгаль” сэдэвт эрдэм шинжилгээний бага хурал зохион байгуулагдана.
✅️Бүсийн наадмын хөтөлбөрийн хүрээнд Монголын үндэсний өв соёлын дараах арга хэмжээнүүд болно. Үүнд:
- Наадмын нээлтийн үйл ажиллагаа
- Хурдан морины бүх насны уралдаан;
- Хүчит 64 бөхийн барилдаан;
- Үндэсний сурын харваа;
- Морьдын цол дуудах,бай шагнал, гардуулах ёслол;
- Хүндэтгэлийн хүлээн авалт;
- Наадмын хаалтын үйл ажиллагаа;
✅️Энэхүү шашин, соёл, өв уламжлалыг хослуулсан арга хэмжээ нь Монголын бурхан шашны үнэт өвийг хойч үедээ өвлүүлэн үлдээх, үндэсний ёс заншлыг түгээн дэлгэрүүлэх томоохон үйл явдал болохоороо онцлог юм.
Хамтран зохион байгуулагч:
Архангай аймгийн Засаг даргын Тамгын газар
Архангай аймгийн Цахир сумын Засаг даргын Тамгын газар
Ялгуусан Хутагт Сан
Ялгуусан Хутагт /шавь нар/
Ялгуусан Хутагт ༆ ཡིལ་ཀོག་སན་ཧུ་ཐག་ཐུ །། Гунгааданжайлин хийд
