28/09/2025
#സേവനമാണ്ജീവിതം
✍🏻✍🏻✍🏻✍🏻✍🏻✍🏻✍🏻
ഹൃദയമിടിപ്പ് നിലയ്ക്കുന്ന നിമിഷങ്ങളും, പെട്ടെന്നുള്ള അപകടങ്ങളും—അറിയാതെ പോകുന്ന ആദ്യത്തെ മൂന്ന് മിനിറ്റുകൾ എത്രമാത്രം വിലപ്പെട്ടതാണെന്ന് നമ്മെല്ലാവർക്കും വീണ്ടും ഓർമ്മിപ്പിച്ചുകൊണ്ട്, ഇന്ന് നടന്ന പ്രഥമ രക്ഷാപരിശീലന പരിപാടി വലിയൊരു വിജയമായി മാറി.
തിരുവനന്തപുരം ചാക്ക ഫയർ & റെസ്ക്യു ടീംയും ഹാർട്ട് ബീറ്റ്സ് ട്രോമാ കെയർയും കൈകോർത്തു സംഘടിപ്പിച്ച ഈ പരിശീലനത്തിൽ Basic Life Support (BLS), Trauma Care, First Aid തുടങ്ങിയ മേഖലകളിൽ കുട്ടികൾക്കും അധ്യാപകർക്കും മാതാപിതാക്കൾക്കും വിലപ്പെട്ട അറിവും പ്രായോഗിക പരിചയവും ലഭിച്ചു.
മുട്ടത്തറയിലെ മാതൃക സൗജന്യ ട്യൂഷൻസെന്ററിൽ നടന്ന ഇന്നത്തെ പരിപാടി, മനുഷ്യജീവിതം രക്ഷിക്കാനുള്ള അറിവിന്റെയും കരുത്തിന്റെയും ഒരു പുതിയ തിരി തെളിഞ്ഞുവെന്ന് എല്ലാവരും അഭിപ്രായപ്പെട്ടു.
ഈ പരിപാടി വിജയകരമാക്കാൻ ത്യാഗവും പ്രയത്നവും നൽകിയ ഫയർ & റെസ്ക്യു ടീമിനും, ഹാർട്ട് ബീറ്റ്സ് ട്രോമാ കെയർ ടീമിനും, മാതൃകയിലെ അധ്യാപകർക്കും, വിദ്യാർത്ഥികൾക്കും, മാതാപിതാക്കൾക്കും ഹാർട്ട് ബീറ്റ്സ് കുടുംബത്തിൻ്റെ ഹൃദയം നിറഞ്ഞ നന്ദി.
തിരുവനന്തപുരം ജില്ലാ കോർഡിനേറ്റർ ആഷിഫിന്റെ അധ്യക്ഷതയിൽ മാതൃക സൗജന്യ ട്യൂഷൻ സെന്റർ പ്രിൻസിപ്പിൾ ശ്രീ : ശ്രീജിത്ത് സർ ഉത്ഘാടനവും, അധ്യാപകനായ ശ്രീ : രാജേഷ് കുമാർ സ്വാഗതം പറഞ്ഞ പരിപാടിയിൽ, ചാക്ക ഫയർ ഫോഴ്സ് ടീമിന്റെ നേതൃത്വത്തിൽ ശ്രീ ഷെറിൻ sir കുട്ടികൾക്ക് ക്ലാസ് നൽകി...., HBTC യുടെ സ്നേഹോപഹാരം ശ്രീമതി അൻസി ഷഫീക് കേരള ഫയർ & റെസ്ക്യു ടീമിനും മാതൃകസൗജന്യ ട്യൂഷൻ സെന്ററിനും നൽകി.
തുടർന്ന് കുട്ടികളുടെ ഭാഗത്തുനിന്നും ക്ലാസിനെക്കുറിച്ചുള്ള അഭിപ്രായങ്ങൾ രേഖപ്പെടുത്തി, മാതൃക അധ്യാപി ശ്രീമതി : സുനിമോൾ നന്ദി രേഖപ്പെടുത്തി.
ഹാർട്ട് ബീറ്റ്സ് ട്രോമാ കെയറിൻ്റെ ആത്മമിത്രങ്ങളായ ഷഫീർ, ശ്രീജിത്ത്, റാഷിദ്, മുഹമ്മദ്, സരോഷ്, രേഷ്മ, അക്ഷയ്, വോയ്സ് ഓഫ് ദി വോയ്സ് ലെസ്സ് ചെയർമാൻ അസർ പാച്ചല്ലൂർ, പ്രൊഫസർ ആദർഷ്, അഷ്കർ തോന്നക്കൽ, , ബ്ലസി എന്നിവർ പങ്കെടുത്തു.
ജീവൻ രക്ഷിക്കാനുള്ള അറിവ് പങ്കുവെക്കുന്നത് തന്നെ ഏറ്റവും വലിയ സേവനമാണെന്ന സന്ദേശം ഇന്നത്തെ ദിനം നമ്മെ പഠിപ്പിച്ചു.
❣️❣️❣️❣️❣️❣️❣️
#ഹാർട്ട്ബീറ്റ്സ്ട്രോമാകെയർ
#പ്രഥമരക്ഷാപരിശീലനം
