16/10/2026
#چھپرمشتی ویلفیئر آرگنائزیشن
📢 پشاور کا دلخراش سانحہ اور اورکزئی میں لٹکتی ہوئی موت: چھپرمشتی ویلفیئر آرگنائزیشن کی طرف سے حکامِ بالا کی توجہ کی فوری طالب!
پشاور کی دیر کالونی میں اسکول کی خستہ حال چھت گرنے کے الم ناک حادثے نے ہر ذی شعور انسان کو ہلا کر رکھ دیا ہے۔ اس غم ناک واقعے نے یہ ثابت کر دیا کہ تعلیمی اداروں کی بوسیدہ عمارتیں اور انتظامی غفلت کس طرح پھول جیسے معصوم بچوں کی زندگیوں کی دمن سمیٹ دیتی ہیں۔
سچی بات یہ ہے کہ یہ صرف پشاور کے ایک اسکول کا معاملہ نہیں ہے، بلکہ ہر ضلعے میں درجنوں سرکاری اسکول ایسی ہی مخدوش حالت میں موجود ہیں جو کسی بھی وقت بڑے حادثے کا سبب بن سکتے ہیں۔
اورکزئی کے معصوم بچوں پر لٹکتی موت کا سایہ:
چھپرمشتی ویلفیئر آرگنائزیشن اپنے علاقے چھپرمشتی (دری خوالئے مماخیل) میں واقع گورنمنٹ پرائمری اسکول زوڑچھپر کی زبوں حالی پر شدید تشویش کا اظہار کرتی ہے۔ ان منسلک تصاویر میں دیکھا جا سکتا ہے کہ اسکول کی چھت، شہتیر اور پلستر کس طرح ٹوٹ پھوٹ کر تباہ ہو چکے ہیں۔ یقین مانیں کہ بغیر بارش اور طوفان کے بھی اس عمارت کے نیچے بیٹھتے اور جاتے ہوئے ڈر لگتا ہے!
چھپرمشتی ویلفیئر آرگنائزیشن (CWO) کے مطالبات:
* فوری تعمیری اقدامات: محکمہ تعلیم اور حکومتِ خیبر پختونخوا سے مطالبہ ہے کہ پشاور جیسے کسی مزید سانحے اور جانی نقصان کا انتظار کیے بغیر گورنمنٹ پرائمری اسکول زوڑچھپر کی ہنگامی بنیادوں پر ری کنسٹرکشن اور مرمت کی منظوری دی جائے۔
* محفوظ تعلیمی ماحول: ہمارے بچوں کا حق ہے کہ وہ خوف کے بجائے ایک محفوظ اور معیاری تعلیمی ماحول میں پڑھائی جاری رکھ سکیں۔
* فوری تکنیکی معائنہ: ضلع اورکزئی کی انتظامیہ اسکول کی عمارت کا فوری معائنہ کر کے خطرے کا تدارک کرے۔
تعلیم ہر بچے کا بنیادی حق ہے، لیکن بچوں کو خطرناک عمارتوں میں بیٹھنے پر مجبور کرنا کھلی غفلت ہے!
منجانب:
چھپرمشتی ویلفیئر آرگنائزیشن (CWO)
عوامی مفاد و فلاحِ معاشرہ
Deputy Commissioner Orakzai Higher Education Commission, Pakistan KPEducation #
