RAAMA RAAJYAM FOUNDATION

13/09/2026

శ్రీ కృష్ణుడు కంసుడిని చంపిన తర్వాత, అతని తల్లి తండ్రి అయిన వసుదేవ మరియు దేవకిని విడుదల చేయడానికి జైలుకు వెళ్ళాడు.

దేవకీ మాత ఆత్రంగా అడిగింది., “కృష్ణా., నువ్వే దేవుడివి. నీకు దైవిక శక్తులు ఉన్నాయి; అలాంటప్పుడు., కంసుడిని చంపి మమ్మల్ని విడుదల చేయడానికి పద్నాలుగు సంవత్సరాలు ఎందుకు పట్టింది..?”

శ్రీ కృష్ణుడు జవాబిచ్చాడు., “ అమ్మా., నన్ను క్షమించు., అయితే నా గత జన్మలో పద్నాలుగు సంవత్సరాలు నన్ను అడవికి ఎందుకు పంపించావు..?

దేవ్‌కి చాలా ఆశ్చర్యపోయి, “కృష్ణా., ఇది ఎలా సాధ్యం..? ఇలా ఎందుకు చెప్తున్నావ్..?"

శ్రీ కృష్ణుడు ఇలా జవాబిచ్చాడు. "అమ్మా.. నీ పూర్వజన్మ గురించి నీకు ఏమీ గుర్తు లేదు. కానీ నీ గత జన్మలో నువ్వు కైకేయివి మరియు నీ భర్త దశరథడు."

దేవ్కి చాలా ఆశ్చర్యంగా మరియు ఆసక్తిగా అడిగింది., "., ఇప్పుడు కౌసల్య ఎవరు..?"

దానికి శ్రీకృష్ణుడు, “ యశోద అప్పటి కౌసల్య. పద్నాలుగు సంవత్సరాల తల్లి ప్రేమను ఆమె తన చివరి జన్మలో కోల్పోయింది., ఆమె ఈ జన్మలో పొందింది..!"

*ప్రతి ఒక్కరు తమ కర్మ ఫలాలను భరించాలి., దేవుళ్లు కూడా దాని నుండి తప్పించుకోలేరు.*

*మీరు ఏ కర్మను కూడగట్టాలనుకుంటున్నారు అనే దానిపై ఒక కన్ను వేసి ఉంచండి.

11/09/2026

Life will never provide ‘Warranties & Guarantees’ it can only provide Possibilities & Opportunities’ to convert them into Success. Jai Sti Ram 🚩

09/09/2026

అందుకే భగవద్గీతలో శ్రీకృష్ణుడు—👇
🕉️ అహం వైశ్వానరో భూత్వా ప్రాణినాం దేహమాశ్రితః…
— భగవద్గీత 15.14

మన పెద్దలు చెప్పిన భోజన సంస్కారం గుర్తుంచుకోవాల్సిన 10 నియమాలు

🍚 మన సంప్రదాయంలో భోజనం అంటే కేవలం ఆకలి తీర్చుకోవడం కాదు… అన్నాన్ని పరబ్రహ్మ స్వరూపంగా గౌరవిస్తూ స్వీకరించడం. అందుకే ఎన్నో నియమాల్లో నేటికీ ఆచరించదగిన ముఖ్యమైన 10 సూత్రాలు ఇవి.

① శుచిత్వంతో భోజనం భోజనానికి ముందు చేతులు శుభ్రంగా కడుక్కోవాలి. భోజనం తరువాత చేతులు కడిగి, నోరు పుక్కిలించి భోజన ప్రదేశాన్ని శుభ్రం చేయాలి.

② భగవంతుణ్ణి స్మరించి మొదలుపెట్టాలి భోజనం ముందు క్షణమైనా భగవన్నామాన్ని స్మరించి, “ఈ అన్నాన్ని ప్రసాదించిన పరమాత్మకు కృతజ్ఞతలు” అనే భావంతో స్వీకరించాలి. ఉపనయనం అయినవారు తమ సంప్రదాయం ప్రకారం పరిషేచన/ఆపోశన విధిని పాటించవచ్చు.

③ అన్నాన్ని నిందించకూడదు రుచి తగ్గిందని ఆహారాన్ని దూషించడం, వండిన లేదా వడ్డించిన వారిపై కోపపడటం మంచిది కాదు.అన్నాన్ని విమర్శించే ముందు—అది మనకు లభించిన వరమని గుర్తుచేసుకోవాలి.

④ ఎంగిలి విషయంలో శుచిత్వం పాటించాలి
తింటున్న చేతితో సామూహిక పాత్రలను తాకకూడదు. మనం తిన్న లేదా తాకిన ఆహారాన్ని ఇతరులకు వడ్డించకూడదు.

⑤ ప్రశాంతంగా కూర్చుని భోజనం చేయాలి
నిలబడి, నడుస్తూ, హడావిడిగా తినడం కన్నా ఒకచోట కూర్చుని, మధ్యలో పదేపదే లేవకుండా ప్రశాంతంగా భోజనం చేయడం ఉత్తమం.

⑥ ఆహారాన్ని వృథా చేయకూడదు తినగలిగినంత మాత్రమే వడ్డించుకోవాలి. అన్నాన్ని కింద పడేయడం, కాళ్లతో తాకడం చేయకూడదు. 🌾 ఒక్క మెతుకు వెనుక రైతు శ్రమ నుంచి ప్రకృతి అనుగ్రహం వరకు ఎంతో ఉంది.

⑦ వడ్డనలో భేదభావం వద్దు కలిసి భోజనం చేస్తున్నవారిలో కావాలని ఒకరికి ఎక్కువ, మరొకరికి తక్కువ అనే వివక్ష చూపకూడదు. అతిథిని గౌరవంగా ఆదరించడం మన గృహస్థ ధర్మంలో ముఖ్యమైన సంస్కారం.

⑧ అతిగా తినమని బలవంతం చేయకూడదు
ఉపవాసం, దీక్ష, అనుష్ఠానంలో ఉన్నవారిని ఎక్కువగా తినమని ఒత్తిడి చేయకూడదు. ప్రతి ఒక్కరి ఆరోగ్యం, నియమాన్ని గౌరవించాలి.

⑨ వంటలో శుచిత్వం–సాత్విక భావం శుభ్రమైన శరీరం, పాత్రలు, ప్రదేశంతో వంట చేయడం ముఖ్యం. సాధ్యమైనప్పుడు భగవన్నామం, స్తోత్రం లేదా మంచి ఆధ్యాత్మిక భావంతో వంట చేయడం మన సంప్రదాయంలో శ్రేష్ఠంగా భావించబడింది.

⑩ అన్నాన్ని ప్రసాదంగా చూడాలి మనకు లభించిన ఆహారం వెనుక భూమి, నీరు, సూర్యుడు, రైతు, వంట చేసినవారు ఎందరో చేసిన సహకారం ఉంది.

అంటూ జీవుల దేహంలో వైశ్వానరాగ్నిగా ఉండి ఆహారాన్ని జీర్ణం చేస్తున్న పరమాత్మ తత్త్వాన్ని వివరిస్తాడు.

అందుకే మన పెద్దలు భోజనాన్ని కూడా ఒక చిన్న ఆరాధనగా చూశారు వండేటప్పుడు శుచిత్వం…వడ్డించేటప్పుడు ప్రేమ…తినేటప్పుడు కృతజ్ఞత…తిన్న తరువాత పరిశుభ్రత. అన్నం కేవలం ఆహారం కాదు… అన్నం పరబ్రహ్మ స్వరూపం అనే భావనతో గౌరవిద్దాం. మన ధర్మాన్ని తెలుసుకుందాం… దైవస్మరణను నిత్యజీవితంలో భాగం చేసుకుందాం. 🪷

08/09/2026

.ఈ శరీరం నేను కాదు" అని తెలుసుకునే వరకు శరీరం అవసరమే.

"దైవమే నేను" అని తెలుసుకునే వరకు తాను కొలిచే దైవం అవసరమే.....

ఆత్మ నివేదన ప్రపంచ కోలాహలంలో, కాలగతిలో... మనిషి తనను తాను వెతుక్కునే ప్రయాణమే ఆధ్యాత్మికం. ఇక్కడ భక్తి అంటే ఏదో ఒక రూపానికో, నామానికో పరిమితం కావడం కాదు. అది అనంతుడైన ఆ పరమాత్మలో తనను తాను లయం చేసుకునే అద్వితీయమైన అనుభూతి. చేసే పూజలు తాత్కాలికం కావచ్చు, కానీ అంతరాత్మలోని భక్తి శాశ్వతం కావాలి.

భక్తి అంటే బయట వెతికే ఆడంబరం కాదు. అంతరాలయంలో వెలిగే దీపం. గాలికి ఊగే దీపశిఖలా చంచలమైన మనసును, స్థిరమైన నిష్ఠతో పరమాత్మ పాదాలపై ఉంచడమే నిజమైన భక్తి. దానికి భాష లేదు. భావమే ప్రాణం. కన్నీటి బిందువులో భగవంతుణ్ని దర్శించడం, నిశ్శబ్ద ప్రార్థనలో ఆ పరాత్పరుడి శ్వాసను వినడం అలవాటు చేసుకోవాలి. ప్రేమ లేని భక్తి నీరు లేని నది వంటిదే. సృష్టిలోని ప్రతి అణువులోనూ, ప్రతి జీవిలోనూ ఆ విశ్వరూపాన్ని చూడగలిగినప్పుడే భక్తి పరిపూర్ణమవుతుంది.

కపటం లేని మనసు, గర్వం లేని మౌనం, అహం లేని అర్పణం.. ఇవే భక్తికి మూలస్తంభాలు. పనిని దైవకార్యంగా భావించినప్పుడు, బతుకు ఒక యజ్ఞమవుతుంది. మనలోని అహంకారం అనే హవిస్సును అందులో ఆహుతి చేయాలి. శ్రీమద్భాగవతం దశమ స్కంధంలోని ముచుకుందుడి వృత్తాంతం అహంకారాన్ని వీడి ఆత్మను పరమాత్మకు సమర్పించే పరమ పవిత్రమైన ఆత్మనివేదనకు నిలువెత్తు నిదర్శనంగా నిలిచింది. ఇక్ష్వాకు వంశ మహారాజు, పరాక్రమశాలి అయిన ఈ రాజర్షి దేవతల కోరికపై అసురులతో సుదీర్ఘకాలం పోరాడి అలసిపోతాడు.
తదనంతరం శ్రీకృష్ణ పరమాత్ముడి దివ్య లీలావిలాసంగా, గిరి గుహలో సుదీర్ఘనిద్ర నుంచి మేల్కొంటాడు.

ఆ క్షణంలోనే శంఖ, చక్ర గదాధారియై కోటి సూర్యప్రభ సమానమై నిలిచిన ఆ నల్లనయ్య దివ్యమంగళ స్వరూపాన్ని కనులారా వీక్షిస్తాడు ముచుకుందుడు. ఆ క్షణంలో అంతఃకరణ శుద్ధితో ఆ జగన్మోహనాకారుడి పాదపద్మాలను స్పృశించి ‘దేవా! నాడు కామ, క్రోధాది శత్రువులను గెలిచేందుకు పోరాడాను. కానీ నేడు నీ శరణాగతిలో నా సర్వస్వాన్ని విస్మరిస్తున్నాను. నా అహంకారాన్ని నీ పాదాలచెంత తృణీకరిస్తున్నాను.

రాజ్యభోగాలు వద్దు. స్వర్గసుఖాలు వద్దు. నీ నామస్మరణే నా జీవన పరమార్థం’ అంటూ ప్రార్థిస్తాడు. పరంధాముడికి ఆత్మ నివేదన చేస్తాడు.

నిత్యం మారని ధ్యాస, అసత్యం చేరని మాట ఇవే భక్తికి పట్టుగొమ్మలు. వెలుపల నుంచి తెచ్చే వేయిరకాల పూల కన్నా, అంతరంగంలో పూసే భక్తి అనే ఒక పుష్పం ఆ దేవుడికెంతో నచ్చుతుంది. అలాంటి భక్తితో బతుకు పంటను పండించుకోవాలి. నిశ్చలమైన ఆత్మ నివేదనతో పరమాత్మ సాన్నిహిత్యాన్ని పొందాలి.

30/08/2026

అమ్మవారి అరుదైన, ఉగ్ర రూపం ఎలా ఉంటుందో తెలుసా?

శవంపై కూర్చుని తలపై తేలు, బల్లితో దర్శనమిచ్చే తల్లి అలంపురం జోగులాంబ దేవి.

తెలంగాణ గడ్డపై వెలసిన అత్యంత శక్తివంతమైన క్షేత్రం అలంపురం. ఇక్కడ కొలువైన అమ్మవారిని చూస్తేనే ఒళ్ళు జలదరిస్తుంది, మనసులో భక్తి పొంగుతుంది.

మనం సాధారణంగా అమ్మవార్లను అందంగా, శాంత రూపంలో చూస్తాం. కానీ జోగులాంబ తల్లి రూపం చాలా భిన్నం, చాలా ప్రత్యేకం.

ఈ తల్లి చాముండీ దేవి రూపంలో ఉంటుంది.శవంపై కూర్చుని ఉంటుంది. కాళీమాతలాగా నాలుకను బయటకు చాచి ఉంటుంది. అత్యంత ఆశ్చర్యకరమైన విషయం ఏంటంటే... అమ్మవారి తలపై తేలు, కప్ప, బల్లి ఉంటాయి. ఇవి అమ్మవారి ఆభరణాలుగా భావిస్తారు. దుష్ట శక్తులను, విషాన్ని హరించే శక్తికి ఇది సంకేతం.

*జోగులాంబ అంటే అర్థం ఏమిటి?

చాలా మందికి తెలియని విషయం. 'జోగులాంబ' అనే పేరు తెలుగు పదం 'యోగుల అమ్మ' నుండి వచ్చింది. అంటే యోగులు, మహర్షులు, సాధువులందరికీ తల్లి. వారిని రక్షించే జగన్మాత ఈమె.

*ఈ క్షేత్ర చరిత్ర ఎంత గొప్పదో తెలుసా?*

1. శక్తి పీఠం: ఇది అష్టాదశ (18) శక్తి పీఠాలలో 5వ శక్తి పీఠం. దక్షయజ్ఞం తర్వాత సతీదేవి శరీరాన్ని శివుడు మోస్తుండగా, ఆమె పై దంతాలు ఇక్కడ పడ్డాయని పురాణం చెబుతోంది.

2. పురాతన ఆలయం: తుంగభద్రా నది ఒడ్డున ఉన్న ఈ ఆలయం 7వ శతాబ్దంలో చాళుక్యుల కాలంలో నిర్మించబడింది. ఎంతో చారిత్రక ప్రాధాన్యత కలిగినది.

3. బ్రహ్మ తపోభూమి:సృష్టికర్త అయిన బ్రహ్మ దేవుడు ఇక్కడే తపస్సు చేసి, ఇక్కడే సరస్వతీ నదిని సృష్టించాడని స్థల పురాణం చెబుతుంది. అందుకే ఇక్కడ తుంగభద్ర, కృష్ణా నదుల సంగమం కూడా ఎంతో పవిత్రమైనది. ఈ తల్లిని ఒక్కసారి దర్శిస్తే చాలు, జీవితంలోని సమస్త దోషాలు, శత్రు బాధలు, భయాలు తొలగిపోయి, అమ్మవారి రక్షణ లభిస్తుందని భక్తుల ప్రగాఢ నమ్మకం.

మీరు ఎప్పుడైనా అలంపురం జోగులాంబ తల్లిని దర్శించుకున్నారా? మీ అనుభవాన్ని కామెంట్ లో చెప్పండి.

జై జోగులాంబ తల్లీ! అందరినీ చల్లగా చూడమ్మా!

29/08/2026

29/08/2026

కేవలం గుడికి వెళ్లో, చర్చికి వెళ్లో మసీదుకు వెళ్ళో
పూజలు, ప్రార్థనలు చేసి మన సంస్కృతి సాంప్రదాయం అని పిల్లలకు అలవాటు చేస్తున్నాము అది మాత్రమే కాదు సాంప్రదాయం అంటే.. అలా అనుకోవడం కొంత పొరపాటు.

బాల వికాస్ అంటే ఏంటి? మనపిల్లల్ని ఎలా పెంచాలి?

పిల్లలు చెడిపోవడానికి అస్సలు కారకులు మనమే అని మనకు తెలుసా ?

పిల్లల్ని గరాబంగా చూసుకోవడం మంచిదే కానీ అది మరీ శృతిమించితే మొత్తానికే నష్టం వస్తుంది. పిల్లల పట్ల మనం చూపిస్తున్న అతి ప్రేమనే వారిని చాలా వరకు బద్దకస్తుల్ని చేస్తుంది ఇది ముమ్మాటికీ నిజం. వారిని సుకుమారంగా చూసుకోవాలి అనే ప్రీతిలో మనమే వారిని సోమరులుగా మారుస్తున్నారు ఇప్పుడు తరం పిల్లలు…..

🔥 మన కారు, బైక్ తుడవమంటే తుడవరు.
🔥 వారి సాక్సులు ఉతుక్కోమంటే ఉతకరు..
🔥 లంచ్ బ్యాగ్ లు శుభ్రం చేసుకోవడంలేదు..
🔥 కనీసం లోదుస్తులు ఉతుక్కోమన్నా ఉతకడం లేదు..
🔥 గట్టిగా మాట్లాడితే ఎదురుతిరగబడి సమాధానం చెబుతారు.
🔥 తిడితే వస్తువులను విసిరి కొడతారు

ఎప్పుడు అయినా దాచుకోమని డబ్బులు ఇస్తే ఫైవ్ స్టార్ లు, ఐస్ క్రీమ్ లు, కూల్ డ్రింక్ లు, నూడుల్స్ ప్యాకెట్లు, కొనుగోలు చేస్తున్నారు...

🔥 ఆడపిల్లలు అయితే తిన్న కంచం కూడా కడగటం లేదు..
🔥 ఇల్లు ఊడ్చమంటే కోపాలు వచ్చేస్తున్నాయి..
🔥 అతిథులు వస్తే కనీసం గ్లాసుడు మంచి ఇవ్వాలన్న ఆలోచన లేని అమ్మాయిలు కూడ ఉన్నారు..
🔥 డిగ్రీ చదువుతున్న ఆడపిల్లలకు వంట కూడా చేయడం రావటం లేదు..
🔥 బట్టలు పద్ధతిగా ఉండాలి అంటే ఎక్కడలేని కోపం వీరికి
🔥 కల్చర్, ట్రెండ్, టెక్నాలజీ పేరిట వింతపోకడలు వారిస్తే వెర్రి పనులు..

ఎందుకంటే మనమే పిల్లలచేత అవన్నీ చేయించడం లేదు..కానీ కారణం మనమే..ఎందుకంటే మనకు అహం, పరువు, ప్రతిష్టలు అడ్డొస్తున్నాయి..చూసేవాళ్లకు మనం మంచి హోదాలో ఉండాలి, రిచ్ నెస్, స్టేటస్ మెయింటైన్ చేయాలి అని భ్రమలో ఉన్నాం..గారభంతో పెరిగిన వారు మధ్యలో మారమంటే మారడం అస్సలు జరగదు..వారిని కష్ట పెట్టమని కాదు ఇక్కడ చెప్పేది.. కష్టం గురించి తెలిసేలా పెంచండి అని.. కష్టాలు, డబ్బు, సమయం, ఆరోగ్యం విలువ తెలియకపోతే.. వారికి జీవితం విలువ తెలియదు..

ప్రేమతో, గరాబంగా మనం చేస్తున్న తప్పుల వల్లే.. కొందరు యువత 15 ఏళ్లకే సిగరేట్స్, మందు, బెట్టింగ్, దొంగతనాలు, డ్రగ్స్, రేప్ లు, హత్యలు చేస్తున్నారు..

అభినయాలు కనపడం లేదు, అనుకువగా ఉండటం రాదు, సంస్కృతి, సంప్రదాయాలు పట్టించుకోవడం లేదు..ఇలాగే ఉంటే కొంత కాలానికి తల్లిదండ్రులను గౌరవించే పద్ధతి కూడా లేకుండా పోయిన ఆశ్చర్యపోవాల్సిన అవసరం లేదు..

భార్యకు వంట వండటం సరిగా రాదని నేటి యువత బిర్యానీలు, కర్రీ పాయింట్ ల వెంట పడుతూ చిన్న వయసు లోనే గ్యాస్టిక్ అల్సర్, గాల్ బ్యాడర్ స్టోన్స్ , కిడ్నీ స్టోన్ ల బారిన పడుతున్నారు

మరొక ఫ్యాషన్ ఏమిటంటే పెరుగు మజ్జిగ తీసుకుంటే వాంతులు చేసుకోవడం..కాలేజీ పిల్లలు అయితే సరిగ్గా ఒక పిడికిలి పట్టేంత టిఫెన్, బాక్సు రైస్..

గర్భవతులు అయిన తరువాత వారి బాధలు వర్ణనా తీతం టోటల్ మెడిసిన్ మీద డిపెండ్ అవడం, 100 లో 90 మంది సిజేరియన్ ద్వారా పిల్లల్ని కంటున్నారు అంటే వారి శారీరక పటుత్వం ఎంత పడిపోయిందో ఆలోచించండి..అలా ఉంటే పుట్టే పిల్లలు కూడాఏదో ఒక జన్యులోపంతో పుడుతున్నారు..3వ తరగతి పిల్లాడికి సోదబుడ్డి లాంటి కళ్ళద్దాలు..5వ తరగతి వారికి అల్సర్, బీపీ లు..10 దాటేలోపు సకల రోగాలు ఒంట్లోకి వచ్చేస్తున్నాయి..

వీటన్నికి కారణం మనం మన పిల్లలను సరైన పద్ధతిలో పెంచకపోవడమే..అందుకే తల్లిదండ్రులుగా మనం మారాలి..

రేపటి సమాజానికి ఏమి నేర్పుతున్నాం..? ఒక్క సారి ఆలోచన చేయండి....సంస్కృతి సాంప్రదాయం అంటే ఏమిటి?

ప్రధానంగా మనం పిల్లలకు నేర్పించే విషయాలు 👇

బాధ్యత, బరువు, మర్యాద, గౌరవం, కష్టం, నష్టం, ఓర్పు
సహనం, దాతృత్వం, ప్రేమ, అనురాగం, సహాయం, సహకారం, నాయకత్వం, మానసిక ద్రృఢత్వం, కుటుంబ బంధాలు, అనుబంధాలు, దైవం, దేశం.

ఇవి సంప్రదాయాలు అంటే..కొంచెం కష్టమైనా సరే ఇవి తప్పక పిల్లలకు అలవాటు చేయాలి..ఇవన్ని అలవాటు అయితే ఆరోగ్యం, మానసిక పరిస్థితి, సామాజిక సృహ, ఉత్తమ జీవన విధానం వారికి అందించిన వారమవుతాం..

మనం కూడా మమేకమవుదాం....

భావి తరాలకు ఒక మానవీయ, విలువలతో కూడిన, సత్సాంప్రదాయ కుటుంబాలను కలిగిన సమాజానికై బాటలు వేద్దాం..


సర్వేజనా సఖినో భవంతు 🙏

28/08/2026

ఒక ప్రత్యేకమైన వాగ్దానం కారణంగా కట్టబడిన తొలి రాఖీ
పాతాళ లోకం నుంచి ప్రారంభమైన రక్షాబంధనం

రక్షాబంధనం ఒక ప్రాచీన భారతీయ పండుగ. ఈ పండుగ ప్రారంభం గురించి అనేక కథలు ప్రచారంలో ఉన్నాయి. అయితే, ఈ రోజు మేము మీకు చెప్పబోయే కథను ఈ పండుగకు సంబంధించిన అత్యంత పురాతన కథగా భావిస్తారు. అన్నయ్య చేతికి రాఖీ కట్టే సంప్రదాయం కూడా ఈ కథ నుంచే ప్రారంభమైందని చెబుతారు.

రక్షాబంధనం పండుగను 2026 ఆగస్టు 28, శుక్రవారం జరుపుకోనున్నారు. ఏదైనా పండుగ సమీపిస్తే, ఆ పండుగకు సంబంధించిన కథలు, పురాణ గాథల గురించి తెలుసుకోవాలని కోరుకోవడం సహజమే. ఈ పండుగకు సంబంధించి ప్రతి ఒక్కరి మనసులో ఉండే ఒక ముఖ్యమైన ప్రశ్న ఏమిటంటే—అసలు ఈ పండుగ ఎలా ప్రారంభమైంది? చరిత్రలో తొలిసారిగా రాఖీని ఎవరు, ఎవరికి కట్టారు?

ఈ రోజు మన ప్రత్యేక కథనంలో మీ ఈ ప్రశ్నకు ఖచ్చితమైన సమాధానం తెలుసుకుందాం. రాఖీ సంప్రదాయం భూమిపై కాకుండా పాతాళ లోకం నుంచి ప్రారంభమైందని మీకు తెలుసా? పురాణ విశ్వాసాల ప్రకారం, రక్షాబంధనం పండుగను స్వయంగా మాతా లక్ష్మీదేవి ప్రారంభించారు. ఒక ప్రత్యేకమైన వాగ్దానం కారణంగా ఆమె రాజా బలిచక్రవర్తి చేతికి తొలి రాఖీని కట్టారు. రాఖీకి సంబంధించిన అత్యంత పురాతనమైన పురాణ కథను తెలుసుకుందాం.

రక్షాబంధనానికి సంబంధించిన అత్యంత పురాతన కథ

శ్రీమద్భాగవత పురాణం ప్రకారం, అసురరాజు బలిచక్రవర్తి ఎంతో పరాక్రమశాలి, దానశీలుడైన రాజు. తన తపోబలం, పరాక్రమంతో ఆయన మూడు లోకాలపై తన ఆధిపత్యాన్ని స్థాపించాడు. దీంతో భయపడిన దేవేంద్రుడు శ్రీమహావిష్ణువును శరణు కోరాడు.

అప్పుడు దేవతల రక్షణ కోసం శ్రీమహావిష్ణువు వామన అవతారం ధరించి రాజా బలి నిర్వహిస్తున్న యజ్ఞానికి వెళ్లారు. యజ్ఞానికి వచ్చిన వామనదేవుడిని చూసిన బలిచక్రవర్తి, తనకు కావాల్సిన దానాన్ని కోరుకోమని చెప్పాడు. అందుకు వామనదేవుడు కేవలం మూడు అడుగుల భూమిని దానంగా ఇవ్వమని కోరాడు.

రాజా బలి ఆ మూడు అడుగుల భూమిని ఇవ్వడానికి అంగీకరించగానే, వామనదేవుడు తన విశ్వరూపాన్ని ధరించాడు. రెండు అడుగులతోనే భూమి, ఆకాశం, స్వర్గలోకాలను కొలిచాడు. మూడవ అడుగు పెట్టడానికి స్థలం ఏదీ మిగలలేదు. అప్పుడు రాజా బలి తన తలను వామనదేవుడి పాదాల వద్ద ఉంచాడు.

బలిచక్రవర్తి భక్తికి, దానశీలతకు ప్రసన్నమైన శ్రీమహావిష్ణువు ఆయనను పాతాళ లోకానికి రాజుగా నియమించారు. అంతేకాక, ఏదైనా వరం కోరుకోమని బలిని కోరారు. అప్పుడు రాజా బలి ఒక అత్యంత ప్రత్యేకమైన వాగ్దానాన్ని కోరాడు.

“ప్రభూ! నేను ఉదయం నిద్రలేచినప్పుడు గానీ, రాత్రి నిద్రపోయేటప్పుడు గానీ మీరు ఎల్లప్పుడూ నా ఎదుటే ఉండేలా నాకు వరం ప్రసాదించండి. మీరు నా పాతాళ లోకానికి ద్వారపాలకుడిగా ఉండాలని నా కోరిక.”

రాజా బలి కోరిన వరాన్ని శ్రీమహావిష్ణువు అంగీకరించారు. ఆ తరువాత శ్రీమహావిష్ణువు వైకుంఠధామాన్ని విడిచిపెట్టి పాతాళ లోకంలో రాజా బలికి ద్వారపాలకుడిగా నివసించసాగారు.

శ్రీమహావిష్ణువును తిరిగి తీసుకురావడానికి మాతా లక్ష్మీ కట్టిన తొలి రాఖీ

శ్రీమహావిష్ణువు వైకుంఠధామాన్ని విడిచిపెట్టడంతో మాతా లక్ష్మీదేవి ఎంతో దుఃఖించసాగారు. అప్పుడు తన స్వామిని తిరిగి తీసుకురావడానికి ఒక ప్రణాళిక రచించారు. ఆ ప్రణాళికలో భాగంగా మాతా లక్ష్మీదేవి ఒక సాధారణ స్త్రీ రూపాన్ని ధరించి పాతాళ లోకానికి వెళ్లారు. ఆమె రాజా బలిని తన సోదరుడిగా భావించి, శ్రావణ పౌర్ణమి రోజున రాజా బలి మణికట్టుకు రక్షాసూత్రాన్ని కట్టారు. అలాగే రాజా బలి దీర్ఘాయుష్షుతో, సుఖసంతోషాలతో జీవించాలని ప్రార్థించారు.

ఇది చూసిన రాజా బలి హృదయం ప్రేమ, వాత్సల్యంతో నిండిపోయింది. తన ధర్మసోదరి తనను ఏదైనా కోరుకోవాలని ఆయన చెప్పాడు. అప్పుడు మాతా లక్ష్మీదేవి తన నిజ స్వరూపంలో ప్రత్యక్షమై ఇలా అన్నారు:

“రాజా! నాకు ధనం, సంపద ఏమీ అవసరం లేదు. నా స్వామిని నాకు తిరిగి అప్పగించండి.”

మాతా లక్ష్మీదేవి తన చేతికి కట్టిన పవిత్రమైన రక్షాసూత్రానికి రాజా బలి ఎంతో గౌరవం ఇచ్చాడు. వెంటనే తాను శ్రీమహావిష్ణువును తన ద్వారపాలకుడిగా ఉండమని కోరిన ఆ ప్రత్యేకమైన వాగ్దానం నుంచి ఆయనను విముక్తి చేశాడు. ఆ తరువాత మాతా లక్ష్మీదేవి శ్రీమహావిష్ణువును వెంటబెట్టుకుని తిరిగి వైకుంఠధామానికి చేరుకున్నారు.

ఈ సంఘటన జరిగిన తరువాతే రాఖీ పండుగ లేదా రక్షాబంధనం పండుగను జరుపుకునే సంప్రదాయం ప్రారంభమైందని పురాణాలు చెబుతున్నాయి.

అందరికీ రాఖీ పండగ శుభాకాంక్షలు 🎁

28/08/2026

శ్రీవేంకటేశ్వర రక్షా స్తోత్రం

1) చిదానందాత్మకచిద్విలాసవదనం
చిరాయుజీవనప్రదకరుణాంతరంగం
చిఛ్చక్తిదాయకశేషాచలేశ్వరం
శ్రీ వేంకటేశం రక్షతోమాం అనిశం ||

2) స్వర్భానుకేతుశుక్రగ్రహాదిపూజ్యం
స్వయంప్రకాశమానమాయాతీతం
సప్తస్వరాధీశసప్తచలాధీశం
శ్రీ వేంకటేశం రక్షతోమాం అనిశం ||

3) పద్మాసనాదిసురసంఘసేవితం
పద్మావతీహృత్కమలవాసినం
పరిణామశీలజగత్సాక్షీభూతం
శ్రీ వేంకటేశం రక్షతోమాం అనిశం ||

4) అరిషడ్వర్గాదిభంజనభవ్యకుఠారం
అసంఖ్యాకభక్తావళీరక్షాకరహస్తం
అంగీరసాదిమునిగణసేవితాంఘ్రిం
శ్రీ వేంకటేశం రక్షతోమాం అనిశం ||

5) సాలగ్రామతులసీమాలాధరం
సాలంకృతాభరణభూషితాంగం
సాయంకాలసహస్రదీపాలంకరణం
శ్రీ వేంకటేశం రక్షతోమాం అనిశం ||

6) సంవత్సరపక్షవారోత్సవవైభవం
సంయోగవియోగాతీతమానసం
సమానాధికవివర్జితతుల్యనాతీతం
శ్రీ వేంకటేశం రక్షతోమాం అనిశం ||

7) నందవ్రజస్థితగోగోపకాంతరక్షకం
నరకాసురాదిదానవభంజనహస్తం
నారదాదివంద్యనళినదళాయతాక్షం
శ్రీ వేంకటేశం రక్షతోమాం అనిశం ||
అన్నమార్యాదిభక్తాగ్రణ్యసేవితం
అర్కశశాంకకోటిప్రభాభాసురం
అకౄరవిదురాదిభక్తజనవందితం
శ్రీ వేంకటేశం రక్షతోమాం అనిశం ||
సర్వం శ్రీ వేంకటేశ్వర

దివ్యచరణారవిందార్పణమస్తు.ఓం నమో వేంకటేశ్వర నమో నమః🚩

25/08/2026

Srijivas Goud must apologies to this Sports Women