Camara de Comercio e Industria de Timor-Leste

07/08/2026

"Prezidente CCI-TL rekomenda ba Governu atu estabelese estratéjia nasionál ba ekonomia verde"

Prezidente CCI-TL rekomenda ba Governu atu estabelese estratéjia na...

06/08/2026

𝐏𝐫𝐞𝐳𝐢𝐝𝐞𝐧𝐭𝐞 𝐂𝐂𝐈-𝐓𝐋 𝐒𝐚𝐢 𝐎𝐫𝐚𝐝𝐨́𝐫 𝐢𝐡𝐚 𝐒𝐞𝐦𝐢𝐧𝐚́𝐫𝐢𝐮 𝐒𝐞𝐦𝐚𝐧𝐚 𝐌𝐚𝐭𝐚𝐤 𝟐𝟎𝟐𝟔

Díli, 6 Agostu 2026 – Prezidente Câmara de Comércio e Indústria de Timor-Leste (CCI-TL), Sr. Jorge Manuel de Araújo Serrano, partisipa hanesan oradór iha Semináriu no Painél Diskusaun Semana Matak 2026, ne’ebé organiza husi Komisaun Organizadora Eventu Estratéjiku Nasionál 2026. Ne'ebé realiza iha Salão China, Palásiu Prezidensiál, Díli.

Tema iha Semináriu ne'e maka "Ekonomia Verde, Ambiente no Resiklajen – Harii Futuru Sustentável ba Timor-Leste", hanesan parte ida husi programa Dili Internasional Maratona 2026, ho lema "Hadomi Ita Nia Floresta no Balada Fuik".

Programa ne'e organiza hamutuk husi Prezidénsia Repúblika no IX Governu Konstitusionál, ho objetivu atu hametin konsiénsia kona-ba protesaun ambientál, dezenvolvimentu sustentável no inovasaun verde. Iha painél ida ne'e, Prezidente CCI-TL fahe hanoin no esperiénsia kona-ba dezenvolvimentu ekonomia verde, papel setor privadu, no estratéjia atu promove negósiu sustentavel iha Timor-Leste.

Partisipasaun CCI-TL iha eventu nasionál ida-ne'e hatudu komprimisu organizasaun atu kontinua serbisu hamutuk ho Governu no parseiru sira hodi promove dezenvolvimentu ekonomia sustentável, protesaun ambientál no oportunidade foun ba mikro, ki'ik no média empreza sira iha Timor-Leste.

https://cci.tl/tl/media-cci/komunikadu-imprensa/prezidente-cci-tl-sai-orador-iha-seminariu-semana-matak-2026

Camara de Comercio e Industria de Timor-Leste berat

29/07/2026

𝐂𝐂𝐈-𝐓𝐋 𝐧𝐨 𝐈𝐏𝐓𝐋 𝐀𝐬𝐢𝐧𝐚 𝐌𝐞𝐦𝐨𝐫𝐚𝐧𝐝𝐮 𝐄𝐧𝐭𝐞𝐧𝐝𝐢𝐦𝐞𝐧𝐭𝐮 𝐀𝐭𝐮 𝐇𝐚𝐦𝐞𝐭𝐢𝐧 𝐊𝐨𝐨𝐩𝐞𝐫𝐚𝐬𝐚𝐮𝐧 𝐄𝐧𝐭𝐫𝐞 𝐄𝐝𝐮𝐤𝐚𝐬𝐚𝐮𝐧 𝐧𝐨 𝐒𝐞𝐭𝐨𝐫 𝐏𝐫𝐢𝐯𝐚𝐝𝐮

Díli, 29 Jullu 2026– Câmara de Comércio e Indústria de Timor-Leste (CCI-TL) no Instituto Politécnico de Timor-Leste (IPTL) sei hametin kooperasaun estratéjika liuhosi Memorandu Entendimentu (MoU) ida ne'ebé ho objetivu atu liga liu tan edukasaun tékniku ho nesesidade merkadu traballu no setor privadu iha Timor-Leste. Memorandu ne'e asina husi Prezidente CCI-TL, Sr. Jorge Manuel de Araújo Serrano, no Prezidente IPTL, Sr. Alcino da Costa Isaac A. Fernandes, M.Ed.

Kooperasaun ne'e sei fó oportunidade ba estudante sira atu halo estájiu iha empreza membru CCI-TL, fasilita oportunidade servisu ba graduadu sira, organiza formasaun, semináriu, workshop, no dezenvolve peskiza aplikadu atu responde ba dezafiu ekonomia no dezenvolvimentu nasional. Dokumentu ne'e mós prevê kolaborasaun iha área prioridade hanesan jestaun emprezarial, enjenharia, teknolojia informasaun, agrikultura, turizmu, no inovasaun.

Liu husi parceria ida ne'e, CCI-TL no IPTL hakarak prepara rekursu umanu ne'ebé kualifikadu, promove empregabilidade juventude, no kontribui ba kresimentu ekonomia sustentável Timor-Leste, liuhosi relasaun ne'ebé metin entre instituisaun edukasaun no komunidade empresáriu.

Camara de Comercio e Industria de Timor-Leste berat Instituto Politécnico de Timor Leste - IPTL

https://cci.tl/tl/media-cci/komunikadu-imprensa/cci-tl-no-iptl-asina-memorandu-entendimentu-atu-hametin-kooperasaun-entre-edukasaun-no-setor-privadu

29/07/2026

𝐂𝐂𝐈-𝐓𝐋 𝐇𝐚𝐦𝐞𝐭𝐢𝐧 𝐊𝐨𝐨𝐩𝐞𝐫𝐚𝐬𝐚𝐮𝐧 𝐑𝐞𝐣𝐢𝐨𝐧𝐚́𝐥 𝐋𝐢𝐮𝐡𝐨𝐬𝐢 𝐏𝐚𝐫𝐭𝐢𝐬𝐢𝐩𝐚𝐬𝐚𝐮𝐧 𝐢𝐡𝐚 𝐀𝐒𝐄𝐀𝐍 𝐓𝐞𝐜𝐡 𝐒𝐮𝐦𝐦𝐢𝐭 𝟐𝟎𝟐𝟔

Manila, 28 Jullu 2026.- Vise Prezidente Câmara de Comércio e Indústria Timor-Leste (CCI-TL), Asuntu ASEAN no WTO, Sr. Sidonio Trindade da Costa Freitas, Reprezenta Prezidente CCI-TL partisipa iha Simeira Teknolojia ASEAN iha Manila tinan- 2026 (𝑨𝑺𝑬𝑨𝑵 𝑻𝒆𝒄𝒉 𝑺𝒖𝒎𝒎𝒊𝒕 𝑴𝒂𝒏𝒊𝒍𝒂 2026) no sai mos hanesan panelista. Eventu ne’e realiza iha loron 28–29 Jullu 2026 iha Marriott Newport World Resorts, Manila, Filipinas.

Enkontru rejionál ida-ne'e lori tema "Hari'i Ekonomia Dijitál ASEAN nian: Seguru, Sustentável, Inkluzivu, Laiha Limite", "𝑩𝒖𝒊𝒍𝒅𝒊𝒏𝒈 𝑨𝑺𝑬𝑨𝑵’𝒔 𝑫𝒊𝒈𝒊𝒕𝒂𝒍 𝑬𝒄𝒐𝒏𝒐𝒎𝒚: 𝑺𝒆𝒄𝒖𝒓𝒆, 𝑺𝒖𝒔𝒕𝒂𝒊𝒏𝒂𝒃𝒍𝒆, 𝑰𝒏𝒄𝒍𝒖𝒔𝒊𝒗𝒆, 𝑩𝒐𝒓𝒅𝒆𝒓𝒍𝒆𝒔𝒔", no sei halibur hamutuk lider sira husi governu, setor privadu, teknolojia, finansa no inovasaun husi nasaun ASEAN no parseiru internasional sira.

Partisipasaun CCI-TL reflete komitmentu instituisaun nian atu haforsa kooperasaun rejionál, promove transformasaun dijitál, no fó kontribuisaun ba dezenvolvimentu ekonomia dijitál iha ASEAN. Iha forum ida-ne'e, Sr. Sidonio Trindade da Costa Freitas fahe esperiénsia no hanoin kona-ba oportunidade no desafiu sira iha área inovasaun, finansa dijitál, seguransa siber no dezenvolvimentu negósiu sustentável.

CCI-TL fiar katak partisipasaun iha ASEAN Tech Summit Manila 2026 sei fortalece relasaun entre Timor-Leste ho komunidade negósiu ASEAN, loke oportunidade foun ba investimentu, inovasaun no kooperasaun ekonomika ba dezenvolvimentu sustentável Timor-Leste.

Camara de Comercio e Industria de Timor-Leste berat TopFans pengikut

https://cci.tl/tl/media-cci/komunikadu-imprensa/cci-tl-hametin-kooperasaun-rejional-liuhosi-partisipasaun-iha-asean-tech-summit-2026

28/07/2026

𝐏𝐫𝐞𝐳𝐢𝐝𝐞𝐧𝐭𝐞 𝐂𝐂𝐈-𝐓𝐋 𝐏𝐚𝐫𝐭𝐢𝐬𝐢𝐩𝐚 𝐢𝐡𝐚 𝐋𝐚𝐧𝐬𝐚𝐦𝐞𝐧𝐭𝐮 𝐎𝐟𝐢𝐬𝐢𝐚́𝐥 𝐒𝐞𝐫𝐯𝐢𝐬𝐮 𝐊𝐨𝐦𝐞𝐫𝐬𝐢𝐚́𝐥 𝐂𝐚𝐛𝐨𝐬 𝐝𝐞 𝐓𝐢𝐦𝐨𝐫-𝐋𝐞𝐬𝐭𝐞, 𝐄.𝐏.

Díli, 28 Jullu 2026 – Prezidente Câmara de Comércio e Indústria de Timor-Leste (CCI-TL), Sr. Jorge Manuel de Araújo Serrano, partisipa iha serimónia 𝑪𝒐𝒎𝒎𝒆𝒓𝒄𝒊𝒂𝒍 𝑳𝒂𝒖𝒏𝒄𝒉 ba servisu komersiál Cabos de Timor-Leste 𝑪𝑻𝑳, 𝑬.𝑷., ne'ebé realiza iha Sede CTL, Bebonuk,Dili.

Serimónia lansamentu ofisiál servisu komersiál 𝑪𝑻𝑳, 𝑬.𝑷., hanesan pasu importante ida hodi hametin infraestrutura komunikasaun dijitál no konektividade Timor-Leste ba mundu. Lansamentu ba servisu ofisiál ida ne’e halo diretamente husi Sua Exelénsia Primeiru-Ministru Maun Boot Kay Rala Xanana Gusmão ne’ebé maka halo ativasaun simbólika ba servisu komersiál, no vizita ba Sentru Operasaun Rede.

Partisipasaun Prezidente CCI-TL iha eventu ne'e hatudu kompromisu CCI-TL atu kontinua apoiu dezenvolvimentu infraestrutura dijitál nasional no promove ambiente negósiu ida ne'ebé modernu, inovativu no kompetitivu. Inisiativa ida ne'e sei fó oportunidade foun ba setor privadu, aumenta asesu ba servisu dijitál, no kontribui ba kresimentu ekonomia sustentável iha Timor-Leste.

Camara de Comercio e Industria de Timor-Leste berat pengikut

https://www.linkedin.com/posts/multimedia-cci-tl-728720376_%F0%9D%90%8F%F0%9D%90%AB%F0%9D%90%9E%F0%9D%90%B3%F0%9D%90%A2%F0%9D%90%9D%F0%9D%90%9E%F0%9D%90%A7%F0%9D%90%AD%F0%9D%90%9E-%F0%9D%90%82%F0%9D%90%82%F0%9D%90%88-%F0%9D%90%93%F0%9D%90%8B-%F0%9D%90%8F%F0%9D%90%9A%F0%9D%90%AB%F0%9D%90%AD-ugcPost-7487790148202471424-eJJ7/?utm_source=share&utm_medium=member_desktop&rcm=ACoAAF0C2hABvMRQ9tGDIHZ4Lr6XA7W2EQpyw2k

28/07/2026

𝐕𝐢𝐜𝐞 𝐏𝐫𝐞𝐳𝐢𝐝𝐞𝐧𝐭𝐞 𝐂𝐂𝐈-𝐓𝐋 𝐑𝐮𝐢 𝐂𝐚𝐬𝐭𝐫𝐨 𝐏𝐚𝐫𝐭𝐢𝐬𝐢𝐩𝐚 𝐢𝐡𝐚 𝐃𝐢𝐚𝐥𝐨𝐠𝐮 𝐍𝐚𝐬𝐢𝐨𝐧𝐚𝐥 𝐊𝐨𝐧𝐚-𝐛𝐚 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐒𝐞𝐭𝐨́𝐫 𝐀𝐠𝐫𝐢𝐤𝐮𝐥𝐭𝐮𝐫𝐚

Díli, 28 Jullu 2026 – Vice Prezidente CCI-TL ba Asuntu Agrikultura, Sr. Rui Castro, partisipa iha Dialogu Nasional ho tema “𝑺𝒐𝒓𝒖𝒎𝒖𝒕𝒖 𝒂𝒕𝒖 𝑹𝒆𝒇𝒍𝒆𝒕𝒂 𝑯𝒂𝒎𝒖𝒕𝒖𝒌 𝑲𝒐𝒏𝒅𝒊𝒔𝒂𝒖𝒏 𝑹𝒆𝒂𝒍 𝑨𝒔𝒖𝒏𝒕𝒖 𝑨𝒈𝒓𝒊𝒌𝒖𝒍𝒕𝒖𝒓𝒂 𝑯𝒐𝒅𝒊 𝑩𝒖𝒌𝒂 𝑫𝒂𝒍𝒂𝒏 𝑯𝒂𝒕𝒂𝒏 𝒃𝒂 𝑫𝒆𝒛𝒂𝒇𝒊𝒖 𝑺𝒊𝒓𝒂”, ne'ebé organiza husi Asosiasaun HAK iha Salaun HAK Farol, Díli.

Dialogu ne'e ho objetivu atu refleta kondisaun atual setór agrikultura iha Timor-Leste, identifika dezafiu no oportunidade sira, no buka estratéjia hodi hasa'e produtividade, sustentabilidade no seguransa ai-han. Atividade ne'e mós sai fórum ida ba fahe esperiénsia entre governu, agrikultór sira, akademiku, organizasaun sosiedade sivíl, parseiru dezenvolvimentu no setor privadu.

Iha sesaun aprezentasaun, Sr. Rui Castro hato'o tema “Progresu no Dezafiu iha Involvimentu CCI-TL ba Dezenvolvimentu Setór Agrikultura iha Timor-Leste”, ne'ebé esplika papel CCI-TL iha promove investimentu, fortalece kooperasaun entre setor privadu no governu, no fó apoiu ba dezenvolvimentu agrikultura hanesan setór estratéjiku ba ekonomia nasional.

Vise Prezidente ne’e mos koalia kona-ba esforsu no desafiu sira ne’eb’e CCI-TL halo ona liga ho asuntu Agrikultura, rekomenda mos ba iha Asosiasaun HAK atu kontinua programa diskusaun sira ne’e bebeik hodi nune bele iha diskusaun klean entre seitor sira hotu no husu atu bele halo diskusaun ba asuntu agrikultura diak liu halo iha terenu hodi nune ita bele identifika nia problema no hamosu nia solusaun, ita labele hatoman a’an halo semináriu no diskusaun sira iha AC laran tamba sei la fo resultadu diak ba ita hotu.

Asuntu agrikultrua kompleksu tebes, hanesan setor privadu halo ona esforsu barak,identifika problema oi’oin no hetan mos nia solusaun liu-liu ba asuntu halo natar no hasa’e kuantidade hare no minimiza exportasaun fos husi rai liur. Maibe to ohin loron seidauk bele lao ho diak tamba laiha kooperasaun ida diak entre parte hotu ne’ebé iha papel importante ba desenvolvimentu setor agrikultura iha Timor-Leste.

Partisipasaun CCI-TL iha programa ida ne'e hatudu komitmentu organizasaun atu kontinua kontribui ba dezenvolvimentu setór agrikultura, hodi hametin seguransa ai-han, kria oportunidade ekonomia ba agrikultór sira no hasa'e kresimentu sustentável iha Timor-Leste.

Camara de Comercio e Industria de Timor-Leste Asosiasaun HAK Timor-Leste

https://cci.tl/tl/media-cci/komunikadu-imprensa/vice-prezidente-cci-tl-rui-castro-partisipa-iha-dialogu-nasional-kona-ba-dezenvolvimentu-setor-agrikultura

28/07/2026

𝐒𝐫𝐚. 𝐇𝐞𝐫𝐠𝐮𝐢 𝐋𝐮𝐢𝐧𝐚 𝐅𝐞𝐫𝐧𝐚𝐧𝐝𝐞𝐬 𝐀𝐥𝐯𝐞𝐬 𝐋𝐢𝐝𝐞𝐫𝐚 𝐑𝐞𝐩𝐫𝐞𝐳𝐞𝐧𝐭𝐚𝐬𝐚𝐮𝐧 𝐂𝐂𝐈-𝐓𝐋 𝐛𝐚 𝐏𝐫𝐞𝐩𝐚𝐫𝐚𝐬𝐚𝐮𝐧 𝐈𝐧𝐯𝐞𝐬𝐭 𝐓𝐢𝐦𝐨𝐫-𝐋𝐞𝐬𝐭𝐞 𝐈𝐧𝐢𝐭𝐢𝐚𝐭𝐢𝐯𝐞

Dili, 28 Julhu 2026 – Vice-Prezidente Câmara Comércio no Indústria Timor-Leste (CCI-TL) ba área Promosaun no Kooperasaun, Sra. Hergui Luina Fernandes Alves, partisipa iha Misaun Ofisiál ba Darwin, Austrália, ne’ebé realiza husi loron 21 to’o 23 Julhu 2026, hanesan parte preparasaun ba iniciativa Invest Timor-Leste. Partisipasaun ida-ne’e tuir konvite ofisiál husi Embaixada Austrália iha Timor-Leste no nomeasaun ofisiál husi Prezidente CCI-TL.

Iha misaun ida-ne’e, Sra. Hergui Luina representa CCI-TL no setor privadu Timor-Leste atu hametin relasaun ekonomia entre Timor-Leste no Austrália, liuliu ho entidade sira hanesan Property Council of Australia no komunidade investidor sira. Objetivu husi enkontru ida-ne’e mak atu promove potensiál investimentu Timor-Leste, buka oportunidade kooperasaun foun, no atrai investimentu privadu ne’ebé sustentável ba dezenvolvimentu ekonomia nasaun.

Hanesan membru Steering Committee Invest Timor-Leste Initiative, Sra. Hergui Luina durante ne’e fó kontribuisaun importante iha planeamentu, koordenasaun no dezenvolvimentu estratéjiku ba programa refere. Nia mos kontinua halo servisu hamutuk ho Governu, parseiru dezenvolvimentu no setor privadu atu promove komérsiu, investimentu no kooperasaun internasionál.

CCI-TL konsidera partisipasaun ida-ne’e nu’udar oportunidade importante atu hasa’e konfiansa investidor internasionál sira ba Timor-Leste, habelar oportunidade negósiu, no reforsa relasaun ekonomia bilateral entre Timor-Leste no Austrália. CCI-TL mos agradese ba Embaixada Austrália tanba kontinua apoia dezenvolvimentu setor privadu no promove kooperasaun ekonomika entre nasaun rua ne’e.

Camara de Comercio e Industria de Timor-Leste berat Associação Empresarial das Mulheres de Timor-Leste AEMTL

https://cci.tl/tl/media-cci/komunikadu-imprensa/sra-hergui-luina-fernandes-alves-lidera-reprezentasaun-cci-tl-ba-preparasaun-invest-timor-leste-initiative

28/07/2026

𝐂𝐂𝐈-𝐓𝐋 𝐏𝐚𝐫𝐭𝐢𝐬𝐢𝐩𝐚 𝐢𝐡𝐚 𝐄𝐧𝐤𝐨𝐧𝐭𝐫𝐮 𝐄𝐬𝐭𝐫𝐚𝐭𝐞́𝐣𝐢𝐤𝐮 𝐏𝐫𝐨𝐣𝐞𝐭𝐮 𝐈𝐧𝐭𝐞𝐠𝐫𝐚𝐬𝐚𝐮𝐧 𝐑𝐞𝐣𝐢𝐨𝐧𝐚́𝐥 𝐧𝐨 𝐊𝐨𝐦𝐞́𝐫𝐬𝐢𝐮

Díli, 27 Jullu 2026 – Câmara de Comércio e Indústria de Timor-Leste (CCI-TL), liu-husi Vise Prezidente Asuntu importasaun no esportasaun, Sra. Claricia Lay, partisipa iha, Enkontru projetu "Timor-Leste: Apoiu ba Integrasaun no Komérsiu Rejionál ba daruak husi Comité Orientadora Projeto (PSC) ", (2𝑛𝑑 𝑃𝑟𝑜𝑗𝑒𝑐𝑡'𝑠 𝑆𝑡𝑒𝑒𝑟𝑖𝑛𝑔 𝐶𝑜𝑚𝑚𝑖𝑡𝑡𝑒𝑒 (𝑃𝑆𝐶) 𝑀𝑒𝑒𝑡𝑖𝑛𝑔 𝑏𝑎 𝑝𝑟𝑜𝑗𝑒𝑡𝑢 "𝑇𝑖𝑚𝑜𝑟-𝐿𝑒𝑠𝑡𝑒: 𝑆𝑢𝑝𝑝𝑜𝑟𝑡 𝑡𝑜 𝑅𝑒𝑔𝑖𝑜𝑛𝑎𝑙 𝐼𝑛𝑡𝑒𝑔𝑟𝑎𝑡𝑖𝑜𝑛 𝑎𝑛𝑑 𝑇𝑟𝑎𝑑𝑒"), ne'ebé finansiadu husi União Europeia (EU) no implementadu husi International Trade Centre (ITC). Enkontru ne'e realiza iha Salão Nobre Ministériu Negósius Estranjeirus no Kooperasaun (MNEC), ho partisipasaun husi Governu Timor-Leste, União Europeia, parseiru dezenvolvimentu no reprezentante sira husi setor privadu.

Partisipasaun CCI-TL iha enkontru ida ne'e hatudu komitmentu organizasaun atu kontinua apoia dezenvolvimentu setor privadu, hasa'e kapasidade empreza sira Timor-Leste no promove integrasaun ekonomia nasional ba merkadu rejionál no internasionál. Iha reuniaun ne'e, membru sira halo avaliasaun ba progresu implementasaun projetu, diskute planu servisu ba tinan 2026 no determina pasu estratéjiku atu fortalece preparasaun Timor-Leste ba integrasaun iha ASEAN, WTO no oportunidade komersial sira seluk.

Prezensa CCI-TL iha plataforma importante ida ne'e reforsa papel CCI-TL nu'udar lia-na'in setor privadu, ne'ebé kontinua serve hanesan ponte entre Governu, parseiru internasionál no komunidade empresáriu sira atu kria ambiente negósiu ne'ebé kompetitivu, inkluzivu no sustentável ba Timor-Leste.

Camara de Comercio e Industria de Timor-Leste berat

24/07/2026

𝐂𝐂𝐈-𝐓𝐋 𝐏𝐚𝐫𝐭𝐢𝐬𝐢𝐩𝐚 𝐢𝐡𝐚 𝐂𝐡𝐢𝐧𝐚 (𝐆𝐮𝐚𝐧𝐠𝐱𝐢)–𝐓𝐢𝐦𝐨𝐫-𝐋𝐞𝐬𝐭𝐞 𝐌𝐢𝐧𝐢𝐧𝐠 𝐂𝐨𝐨𝐩𝐞𝐫𝐚𝐭𝐢𝐨𝐧 𝐂𝐨𝐧𝐟𝐞𝐫𝐞𝐧𝐜𝐞 𝐚𝐭𝐮 𝐏𝐫𝐨𝐦𝐨𝐯𝐞 𝐈𝐧𝐯𝐞𝐬𝐭𝐢𝐦𝐞𝐧𝐭𝐮 𝐌𝐢𝐧𝐞𝐫𝐚́𝐥 𝐧𝐨 𝐊𝐨𝐨𝐩𝐞𝐫𝐚𝐬𝐚𝐮𝐧 𝐁𝐢𝐥𝐚𝐭𝐞𝐫𝐚́𝐥.

Díli, 24 Jullu 2026 – Câmara de Comércio e Indústria de Timor-Leste (CCI-TL), liu-husi Vise Prezidente Asuntu importasaun no esportasaun, Claricia Lay, partisipa iha China (Guangxi) – Timor-Leste Mining Cooperation Conference, ne'ebé organiza husi China (Guangxi) – ASEAN Mining Cooperation Conference (CAMCC) Secretariat hamutuk ho Autoridade Nacional dos Minerais (ANM), iha Palm Springs Hotel, Díli.

Konferénsia ida ne'e hala'o atu hametin kooperasaun bilateral entre Timor-Leste no Repúblika Popular Xina iha área minerál, liu husi promosaun investimentu, troka koñesimentu, no dezenvolvimentu sustentável ba setor minerál. Eventu ne'e halibur reprezentante governu rua, empresa sira husi Xina, titular lisensa minerál iha Timor-Leste, no parseiru importante sira husi setor minerál.

Liu husi partisipasaun ida ne'e, CCI-TL reafirma nia kompromisu atu apoia dezenvolvimentu setor privadu no atrai investimentu estratéjiku ba Timor-Leste. Konferénsia ne'e mós sai oportunidade importante atu harii rede negósiu, buka parseria foun, no promove kolaborasaun entre komunidade empresáriu Timor-Leste ho investidór internasionál.

CCI-TL hein katak rezultadu husi konferénsia ida ne'e bele kontribui ba dezenvolvimentu responsável setor minerál, aumenta oportunidade investimentu, no fó benefísiu ba kresimentu ekonomia nasional.

Camara de Comercio e Industria de Timor-Leste Claricia Lay

23/07/2026

𝐏𝐫𝐞𝐳𝐢𝐝𝐞𝐧𝐭𝐞 𝐂𝐂𝐈-𝐓𝐋 𝐏𝐚𝐫𝐭𝐢𝐬𝐢𝐩𝐚 𝐈𝐡𝐚 𝐒𝐞𝐫𝐢𝐦𝐨́𝐧𝐢𝐚 𝐋𝐚𝐧𝐬𝐚𝐦𝐞𝐧𝐭𝐮 𝐏𝐫𝐨𝐣𝐞𝐭𝐮 𝐄𝐧𝐞𝐫𝐣𝐢𝐚 𝐑𝐞𝐧𝐨𝐯𝐚́𝐯𝐞𝐥 𝐢𝐡𝐚 𝐌𝐚𝐧𝐚𝐭𝐮𝐭𝐨.

Prezidente Kámara Komérsiu no Indústria Timor-Leste (CCI-TL), Sr. Jorge Manuel de Araújo Serrano, partisipa iha serimónia ofisiál lansamentu Projetu Manatuto Solar PV no Battery Energy Storage System (BESS), ne'ebé realiza iha Munisípiu Manatuto.

Eventu importante ida-ne'e mos marka prezensa Sua Exelénsia Prezidente Repúblika Demokratika Timor-Leste, Dr. José Ramos-Horta no Sua Exelénsia Primeiru-Ministru RDTL, Maun Boot Kay Rala Xanana Gusmão, ne'ebé ofisialmente halo lansamentu ba projetu enerjia renovável refere.

Partisipasaun Prezidente CCI-TL hatudu kompromisu setor privadu Timor-Leste atu apoia dezenvolvimentu infraestrutura enerjia sustentável, atrai investimentu estranjeiru, no hamenus obstákulu ba kresimentu ekonomia nasional. Projetu ida-ne'e konsidera hanesan pasu importante ida atu hasa'e seguransa enerjia nasional, promove utilizasaun enerjia renovável, no kria oportunidade foun ba investimentu no empregu iha Timor-Leste.

CCI-TL kontinua servisu hamutuk ho Governu, parseiru dezenvolvimentu no investidór sira atu fó apoiu ba ambiente negósiu ne'ebé favorável no sustenta dezenvolvimentu ekonomia nasional liuhusi investimentu estratéjiku no inovasaun iha setor enerjia.

EDTL, E.P Camara de Comercio e Industria de Timor-Leste berat pengikut