10/12/2025
PERMATIL Implementa projetu "Salvaguarda Komunidade Rural no sira-nia Patrimoniu Fiziku husi Dezastre Induzidu husi Klima iha Timor-Leste" ho finansiamentu husi UNDP ne'ebé implementa iha fulan Agostu 2024 to'o agora. Projetu ne'e implementa iha Munisipiu Likisa hodi halo atividade reflorestasaun no Aflorestasaun hanesan estratéjia xave ba reziliensia.
Agora ami-nia ekipa halo monitorizasaun iha area alvu tomak hodi haree progresu implementasaun iha terenu, rezultadu monitorizasaun indika katak nivel sobrevivénsia ai-oan mak 91%. Nune'e ami sente orgullu atu fahe katak ekipa halo ona manutensaun ho susesu ba ai-horis hamutuk 23,331.
Atividade ne'e hala'o iha Postu Administrativu Bazartete, kobre Suku Lauhata - espesifikamente aldeia Pissu Craic, Camalehou, no Pissu Lete - no mós Suku Fatumasi iha aldeia Durubassa. Halo mós manutensaun adisionál iha Postu Administrativu Likisa Vila, iha Suku Dato nia laran, espesifikamente iha aldeia Quirilelo. Esforsu sira-ne'e halo parte iha projetu Fundu Klima Verde.
Servisu manutensaun ida-ne'e sai posivel liu husi partisipasaun ativu husi agrikultór feto no mane sira, ne'ebé sai hanesan benefísiu no administradór sira iha liña oin husi projetu ida-nee. Sira-nia dedikasaun la'ós de'it atu hasa'e reziliensia komunidade maibé mós kontribui ba restaurasaun ambientál no adaptasaun klimatika ba tempu naruk. Hamutuk, ita kontinua kuda bee, proteje ita-nia rai, no harii futuru ne'ebé seguru liu, matan liu ba komunidade rurál sira iha Timor-Leste.
===PERMATIL====
