St. Mary Armenian Apostolic Church

St. Mary Armenian Apostolic Church St. Mary Armenian Apostolic Church was established in 1983 under the Holy See of Cilicia. Mary Armenian Apostolic Church.
(1)

On May 27th, 1990, the newly built church was blessed and consecrated, officially naming it St. Twitter: www.twitter.com/stmarytoronto
LinkedIn: www.linkedin.com/stmarytoronto
YouTube: www.youtube.com/stmarytoronto

ՍԿԻԶԲ ԱՌԱՒ ԱՄԱՌՆԱՅԻՆ ՍՈՒՐԲ ԳՐՈՑ ՃԱՄԲԱՐԸ Երկուշաբթի, 24 Օգոստոս 2026-ին, կազմակերպութեամբ Թորոնթոյի Սուրբ Աստուածածին եկե...
08/25/2026

ՍԿԻԶԲ ԱՌԱՒ ԱՄԱՌՆԱՅԻՆ ՍՈՒՐԲ ԳՐՈՑ ՃԱՄԲԱՐԸ

Երկուշաբթի, 24 Օգոստոս 2026-ին, կազմակերպութեամբ Թորոնթոյի Սուրբ Աստուածածին եկեղեցւոյ Կիրակնօրեայ Դպրոցին, սկիզբ առաւ ամառնային Սուրբ Գրոց Ճամբարը։
Առաւօտեան ժամը 9։00-ին ճամբարի մասնակիցները հաւաքուեցան եկեղեցւոյ մէջ, ուր եկեղեցւոյ Հոգեւոր Տեսուչ՝ Գերպ. Տ. Գարեգին Ծ. Վրդ. Շխրտմեան, իր ողջոյնի խօսքով եւ հաւաքական աղօթքով կատարեց ճամբարի բացումը։ Ներկայ էին եկեղեցւոյ Հոգեւոր Հովիւ՝ Արժ. Տ. Տաթեւ Աւագ Քհնյ. Միքայէլեան, Կիրակնօրեայ Դպրոցի տնօրէնութիւնը, ուսուցչական կազմն ու կամաւորները։

Բացումէն ետք, կրտսեր տարիքի մասնակիցները բաժնուեցան խումբերու եւ, իրենց ուսուցիչներուն առաջնորդութեամբ, սկսան օրուան նախատեսուած յայտագիրը։

Իսկ բարձր դասարաններու աշակերտները ճամբայ ելան դէպի «The Valley of the Mother of God» վանքը, ուր Գերպ. Հայր Սուրբին, Տիկ. Սեւան Աթանոսեանի, Տիկ. Թամար Թոզճեանի եւ Օրդ. Աննա Անտոնեանի առաջնորդութեամբ, հինգ օրերու ընթացքին պիտի մասնակցին Սուրբ Գրային ուսուցումներով, աղօթքներով, հոգեւոր զրոյցներով եւ զանազան խմբային գործունէութիւններով հարուստ ճամբարի յայտագրին։

ՄՈՒՇԵՂ ԱՐՔԵՊԻՍԿՈՊՈՍ ԿԸ ՆԱԽԱԳԱՀԷ ԹՈՐՈՆԹՈՅԻ ՄԷՋԿիրակի, 23 Օգոստոս 2026-ին, Ս. եւ Անմահ Պատարագ մատուցեց Գերպ. Տ. Գարեգին Ծ...
08/24/2026

ՄՈՒՇԵՂ ԱՐՔԵՊԻՍԿՈՊՈՍ ԿԸ ՆԱԽԱԳԱՀԷ ԹՈՐՈՆԹՈՅԻ ՄԷՋ

Կիրակի, 23 Օգոստոս 2026-ին, Ս. եւ Անմահ Պատարագ մատուցեց Գերպ. Տ. Գարեգին Ծ. Վրդ. Շխրտմեան։ Ս. Պատարագին նախագահեց քաղաքս հիւրաբար գտնուող՝ Մեծի Տանն Կիլիկիոյ Կաթողիկոսութեան երիցագոյն անդամներէն Գերշ. Տ. Մուշեղ Ս. Արք. Մարտիրոսեան։ Ներկայ էր նաեւ Արժ. Տ. Տաթեւ Աւ. Քհնյ. Միքայէլեան։

Քարոզի ընթացքին, Հոգեւոր Տեսուչ Հայր Սուրբը ողջունեց Մուշեղ Արքեպիսկոպոսին ներկայութիւնը եւ բարի գալուստ մաղթեց անոր։ Գարեգին Ծայրագոյն Վարդապետ յանուն եկեղեցւոյ մեծ ընտանիքին, Մուշեղ Սրբազանին մաղթեց քաջառողջութիւն, արեւշատութիւն եւ եկեղեցանուէր ծառայութեամբ բեղուն երկար տարիներ։

ARCHBISHOP MOUSHEGH MARDIROSSIAN PRESIDES IN TORONTO

On Sunday, August 23, 2026, Right Reverend Father Karekin Shkherdemian celebrated the Divine Liturgy. His Eminence Archbishop Moushegh Mardirossian, one of the senior members of the Catholicosate of the Great House of Cilicia, who is visiting Toronto, presided over the Divine Liturgy. Also present was Archpriest Rev. Fr. Datev Mikaelian.

During the sermon, the Dean Shkherdemian welcomed Archbishop Moushegh. On behalf of the entire church family, Right Reverend Shkherdemian wished Archbishop Mardirossian good health, longevity, and many fruitful years of devoted service to the Church.

08/23/2026

Առաւօտեան Ժամերգութիւն Եւ Սուրբ Պատարագ - 23 Օգոստոս, 2026
Morning Service and Divine Liturgy Օգոստոս - August 23rd, 2026

08/22/2026

Կիրակնամուտքի Ժամերգութիւն - Evening Service - August 22nd 2026

ՍՈՒՐԲ ԱՍՏՈՒԱԾԱԾՆԱՅ ՔԵՐՄԷՍ 2026Ուրբաթ, 14 եւ Շաբաթ, 15 Օգոստոս 2026-ին, Սուրբ Աստուածածնայ Վերափոխման Տօնին առիթով, տեղի ...
08/19/2026

ՍՈՒՐԲ ԱՍՏՈՒԱԾԱԾՆԱՅ ՔԵՐՄԷՍ 2026

Ուրբաթ, 14 եւ Շաբաթ, 15 Օգոստոս 2026-ին, Սուրբ Աստուածածնայ Վերափոխման Տօնին առիթով, տեղի ունեցաւ Սուրբ Աստուածածին Եկեղեցւոյ տարեկան Քերմէսը Հայ Կեդրոնի շրջաբակին մէջ՝ համախմբելով մեծ թիւով հաւատացեալներ եւ հայորդիներ։

Քերմէսի երկու օրերուն ընթացքին ներկաները վայելեցին ճոխ գեղարուեստական յայտագիր մը։ Երգիչներ Աննա Հարպոյեան եւ Գէորգ Գատէհճեան իրենց կատարումներով ստեղծեցին ուրախ եւ խանդավառ մթնոլորտ, իսկ Անդրանիկ Մինասեան եւ Գէորգ Մանուկեան թմբուկի եւ զուռնայի կենդանի հնչիւններով աւելի աշխուժացուցին տօնական մթնոլորտը։ Ներկաներ նաեւ վայելեցին համեղ եւ աւանդական ճաշատեսակներ, որոնք պատրաստուած էին Եկեղեցւոյ Տիկնանց Միութեան եւ Հայ Կեդրոնի «Համով Հոտով» ճաշարանին կողմէ։

Ուրբաթ երեկոյեան, Քերմէսի պաշտօնական բացումը կատարեց Արժ. Տ. Տաթեւ Աւագ Քհնյ. Միքայէլեան։ Բացման խօսքով հանդէս եկաւ Փաթիլ Մկրտիչեան, բարի գալուստ մաղթելով ներկաներուն եւ յաջողութիւն մաղթելով Քերմէսի ձեռնարկներուն։

Շաբաթ երեկոյեան, ներկաները ողջունեց Փաթիլ Սիմոնեան, որ իր բացման խօսքին մէջ շնորհակալութիւն յայտնեց բոլոր ներկաներուն եւ հաճելի ու ուրախ ժամանց մաղթեց։

Քերմէսը ներկայ եղան եւ իրենց սրտի խօսքը փոխանցեցին Դաշնակցային Խորհրդարանի Պատգամաւոր Ժան Եիփ (Jean Yip), Օնթարիոյի Նահանգային Խորհրդարանի Պատգամաւոր Արիս Պապիկեան եւ Ճանըթըն Ցաօ (Jonathan Tsao)։

Իսկ Շաբաթ երեկոյեան Քերմէսին ներկայ գտնուեցաւ նաեւ Գանատայի Հայոց Թեմի Առաջնորդ Գերշ. Տ. Բաբգէն Ս. Արք. Չարեան, իր կողքին ունենալով Սուրբ Աստուածածին Եկեղեցւոյ Հոգեւոր Հայրերը՝ Գերպ. Տ. Գարեգին Ծ. Վրդ. Շխրտմեանն ու Արժ. Տ. Տաթեւ Ա. Քհնյ. Միքայէլեանը, ինչպէս նաեւ Հոգշ. Տ. Յակոբ Վրդ. Եագուպեանն ու Արժ. Տ. Նշան Քհնյ. Մանուկեանը, Հոգաբարձութեան անդամները եւ Ազգային Երեսփոխանները։

Սրբազան Հայրը իր հանդիսաւոր խօսքով շնորհաւորեց Սուրբ Աստուածածնայ Ուխտի Շաբաթը, ողջունեց հաւատացեալ ժողովուրդը եւ իր գնահատանքը յայտնեց Սուրբ Աստուածածին Եկեղեցւոյ այս գեղեցիկ նախաձեռնութեան համար, որ ամէն տարի առիթ կու տայ հայորդիներուն համախմբուելու եւ եկեղեցւոյ հովանիին ներքեւ միասին տօնելու Սուրբ Աստուածածնայ Վերափոխման տօնը։

Առաջնորդ Սրբազան Հայրը իր մասնաւոր գնահատանքը փոխանցեց նաեւ Քերմէսի Յանձնախումբի անդամներուն, կամաւորներուն, սարկաւագներուն, դպրաց դասին եւ բոլոր անոնց, որոնք իրենց ծառայութեամբ եւ նուիրումով նպաստեցին ուխտի շաբթուան եւ Քերմէսի յաջողութեան։

Այցելութեան ընթացքին Սրբազան Հայրը հանդիպեցաւ մատաղի պատրաստութեան աշխատանքները կատարողներուն, զրուցեց եւ խորհրդակցեցաւ ընտանիքներուն հետ, ապա այցելեց նաեւ Kids Zone-ը՝ մօտէն ծանօթանալու երեխաներուն համար պատրաստուած ծրագիրներուն եւ գործունէութիւններուն։

Սուրբ Աստուածածնայ Քերմէսը եւս մէկ անգամ առիթ հանդիսացաւ եկեղեցւոյ եւ համայնքի անդամներուն միասին համախմբուելու, պահպանելու մեր ազգային ու հոգեւոր աւանդութիւնները եւ Սուրբ Աստուածածնայ հովանիին ներքեւ ապրելու հայ համայնքային կեանքի ուրախութիւնն ու ջերմութիւնը։

ՍՈՒՐԲ ԱՍՏՈՒԱԾԱԾՆԱՅ ՎԵՐԱՓՈԽՄԱՆ ՏՕՆԻ ՆԱԽԱՏՕՆԱԿ ԵՒ ԱՂԻ ՕՐՀՆՈՒԹԻՒՆՇաբաթ, 15 Օգոստոս 2026-ի երեկոյեան, Սուրբ Աստուածածնայ Վեր...
08/19/2026

ՍՈՒՐԲ ԱՍՏՈՒԱԾԱԾՆԱՅ ՎԵՐԱՓՈԽՄԱՆ ՏՕՆԻ ՆԱԽԱՏՕՆԱԿ ԵՒ ԱՂԻ ՕՐՀՆՈՒԹԻՒՆ

Շաբաթ, 15 Օգոստոս 2026-ի երեկոյեան, Սուրբ Աստուածածնայ Վերափոխման Տօնի նախօրեակին, եկեղեցւոյ մէջ տեղի ունեցաւ Երեկոյեան Ժամերգութիւն, նախատօնակ եւ աղի օրհնութիւն, որմէ ետք սկսան Մատաղի պատրաստութեան աշխատանքները։

Եկեղեցական արարողութիւններուն նախագահեց Գանատայի Հայոց Թեմի Առաջնորդ՝ Գերշ. Տ. Բաբգէն Ս. Արք. Չարեան, իր կողքին ունենալով եկեղեցւոյ Հոգեւոր Հայրերը՝ Գերպ. Տ. Գարեգին Ծ. Վրդ. Շխրտմեան եւ Արժ. Տ. Տաթեւ Աւագ Քհնյ. Միքայէլեան։ Արարողութիւններուն իրենց մասնակցութիւնը բերին նաեւ Գերպ. Տ. Գեղարդ Ծ. Վրդ. Քիւսպէկեան, Հոգշ. Տ. Յակոբ Վրդ. Եագուպեան եւ Արժ. Տ. Նշան Քհնյ. Մանուկեան։

Երեկոյեան Ժամերգութենէն ու նախատօնակէն ետք, Սարկաւագաց Դասը, Թափօր կազմելով, եկեղեցականաց դասը առաջնորդեց դէպի եկեղեցւոյ շրջափակը, ուր կատարուեցաւ Աղի օրհնութեան արարողութիւնը՝ Սուրբ Աստուածածնայ Տօնի նախօրեակի աւանդական արարողութեանց ծիրէն ներս։

Յայտնենք, որ այս տարուան Մատաղի նուիրատուութիւնը կատարեցին Տէր եւ Տիկին Արա եւ Շահնազ Պետրոսեաններ՝ ի յիշատակ իրենց ծնողաց եւ հարազատներու հոգւոյն։

Արարողութենէն ետք սկսաւ Մատաղի պատրաստութիւնը։ Միաժամանակ, տօնական մթնոլորտը աւելի եւս խանդավառեցին թմբուկի եւ զուռնայի հնչիւնները, Անդրանիկ Մինասեան եւ Գէորգ Մանուկեան։

Ս. ՊԱՏԱՐԱԳ ԵՈՐՔ ԳԵՐԵԶՄԱՆԱՏԱՆ ՄԷՋԵրկուշաբթի, 17 Օգոստոս 2026-ին, Սուրբ Աստուածածնի Վերափոխման տօնին յաջորդող օրը, «Յիշատա...
08/18/2026

Ս. ՊԱՏԱՐԱԳ ԵՈՐՔ ԳԵՐԵԶՄԱՆԱՏԱՆ ՄԷՋ

Երկուշաբթի, 17 Օգոստոս 2026-ին, Սուրբ Աստուածածնի Վերափոխման տօնին յաջորդող օրը, «Յիշատակ Մեռելոց»ի առիթով, Եորք Գերեզմանատան մէջ բացօդեայ մատուցուեցաւ Սուրբ եւ Անմահ Պատարագը՝ ի յիշատակ ննջեցեալ հոգիներուն։

Սուրբ Պատարագը մատուցեց Թորոնթոյի Սուրբ Աստուածածին եկեղեցւոյ Հոգեւոր Հովիւ՝ Արժ. Տ. Տաթեւ Աւագ Քհնյ. Միքայէլեան։ Պատարագին սպասարկեցին եկեղեցւոյ բարեշնորհ սարկաւագներն ու դպիրները, իսկ երգեցողութիւնը կատարեցին ներկայ հաւատացեալները։

Յաւարտ Սուրբ եւ Անմահ Պատարագին, նախագահութեամբ եկեղեցւոյ Հոգեւոր Տեսուչ՝ Գերպ. Տ. Գարեգին Ծ. Վրդ. Շխրտմեանի, կատարուեցաւ Հոգեհանգստեան կարգ՝ ի յիշատակ ննջեցեալներուն։

Ապա, եկեղեցւոյ հոգեւոր հայրերը կատարեցին գերեզմանօրհնէք՝ օրհնելով ներկաներուն ննջեցեալ հարազատներուն, ծանօթներուն եւ բարեկամներուն շիրիմները եւ աղօթք բարձարցնելով անոնց հոգւոյ խաղաղութեան համար։

ՏՕՆ ՎԵՐԱՓՈԽՄԱՆ ՍՈՒՐԲ ԱՍՏՈՒԱԾԱԾՆԻ ԵՒ ՍՈՒՐԲ ԱՍՏՈՒԱԾԱԾԻՆ ԵԿԵՂԵՑՒՈՅ ԱՆՈՒԱՆԱԿՈՉՈՒԹԵԱՆԿիրակի, 17 Օգոստոս 2026-ին, Սուրբ Աստուա...
08/17/2026

ՏՕՆ ՎԵՐԱՓՈԽՄԱՆ ՍՈՒՐԲ ԱՍՏՈՒԱԾԱԾՆԻ ԵՒ ՍՈՒՐԲ ԱՍՏՈՒԱԾԱԾԻՆ ԵԿԵՂԵՑՒՈՅ ԱՆՈՒԱՆԱԿՈՉՈՒԹԵԱՆ

Կիրակի, 17 Օգոստոս 2026-ին, Սուրբ Աստուածածնայ Վերափոխման եւ Սուրբ Աստուածածին Եկեղեցւոյ անուանակոչութեան տօնին առիթով, ամբողջ գիշերուան ընթացքին բազմաթիւ ուխտաւորներու աղօթքներով ու շարականներով բացուեցաւ հոգեշունչ օր մը, որ իր գագաթնակէտին հասաւ առաւօտեան ժամը 10:30-ին մատուցուած Եպիսկոպոսական հանդիսաւոր Սուրբ եւ Անմահ Պատարագով, զոր մատուցեց Գանատայի Հայոց Թեմի Առաջնորդ՝ Գերշ. Տ. Բաբգէն Ս. Արք. Չարեան։

Առաջնորդ Սրբազան Հօր սպասարկեցին եկեղեցւոյ Հոգեւոր Տեսուչ՝ Գերպ. Տ. Գարեգին Ծ. Վրդ. Շխրտմեան եւ Հոգեւոր Հովիւ՝ Արժ. Տ. Տաթեւ Աւագ Քհնյ. Միքայէլեան՝ իրենց կողքին ունենալով Սարկաւագաց եւ Դպրաց Դասերը։ Սուրբ Պատարագի երգեցողութիւնը կատարեց «Զարեհ Ազնաւորեան» Դպրաց Դասը՝ Անուշ Գալստեանի ղեկավարութեամբ եւ Դալին Արթինեան Գըլըպոզեանի երգեհոնի ընկերակցութեամբ։
Սրբազան Հայրը իր քարոզին ընթացքին անդրադարձաւ Սուրբ Աստուածածնի անթառամ առաքինութիւններուն եւ անոր հաւատքի ու հնազանդութեան օրինակին՝ ընդգծելով Մարիամ Աստուածածնի բարեխօսութեան կարեւորութիւնը եւ աղօթքով հայցելով անոր բարեխօսութիւնը, ի մասնաւորի՝ հայ ազգին եւ Հայ Եկեղեցւոյ համար։

Հանդիսաւոր Սուրբ եւ Անմահ Պատարագի աւարտին կատարուեցաւ Խաղողի, Մատաղի եւ Ջուրի Օրհնութիւն։
Թող ընդունելի ըլլայ ուխտը բոլոր ուխտաւորներուն, որոնք իրենց ներկայութեամբ, աղօթքներով, նուիրատուութիւններով, մատաղի պատրաստութեամբ եւ այլ ծառայութիւններով իրենց հաւատքն ու նուիրումը արտայայտեցին։

Թող Սուրբ Աստուածածնի բարեխօսութեամբ Աստուած պահէ ու պահպանէ մեր եկեղեցին, ժողովուրդը եւ հայրենիքը՝ պարգեւելով խաղաղութիւն, առողջութիւն եւ հոգեւոր ամրութիւն։

08/16/2026

Սուրբ Պատարագ՝ Տօն Վերափոխման Սուրբ Աստուածածնի — Divine Liturgy on the Feast of the Assumption of St. Mary
— — — — —
Պատարագիչ՝ Գերշ․ Տ․ Բաբգէն Արք․ Չարեան Առաջնորդ՝ Գանատայի Հայոց Թեմի
— — — — —
Կիարկի 16 Օգոստոս 2026

08/16/2026

Ուխտի Օր Թորոնթոյի Սուրբ Աստուածածին Եկեղեցւոյ — Pilgrims Day at St. Mary Armenian Church Toronto - August 15th, 2026

Address

45 Hallcrown Place
Toronto, ON
M2J4Y4

Opening Hours

Monday 11am - 3pm
Tuesday 11am - 3pm
Wednesday 11am - 3pm
Thursday 11am - 3pm
Friday 11am - 3pm
Saturday 5pm - 6pm
Sunday 8:30am - 12:30pm

Telephone

+14164938122

Website

Alerts

Be the first to know and let us send you an email when St. Mary Armenian Apostolic Church posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to St. Mary Armenian Apostolic Church:

Shortcuts

Share

Category