06/03/2026
Në emër të SHBSHKs, dëshirojmë të shprehim mirënjohjen tonë më të sinqertë për këtë festival të jashtëzakonshëm që bashkoi komunitetin shqiptar në një atmosferë kaq të ngrohtë dhe festive.
Një falënderim i veçantë shkon për Ambasadën e Shqipërisë dhe Konsullatën e Përgjithshme për mbështetjen dhe përkushtimin e tyre në organizimin e këtij aktiviteti të rëndësishëm për komunitetin tone, dhe gjithë grupit të punës së palodhur për vizionin, iniciativën dhe realizimin me sukses të këtij festivali madhështor.
Ishte një kënaqësi e veçantë për SHBSHK/ACCA të ishte pjesë e këtij organizimi, së bashku me shumë shoqata të tjera që kontribuan në këtë sukses të përbashkët.
Gjatë festivalit, patëm kënaqësinë të shijojmë ushqime të mrekullueshme tradicionale shqiptare të përgatitura nga bizneset dhe sh*tësit tanë të talentuar, duke e bërë përvojën edhe më të pasur dhe autentike për të gjithë pjesëmarrësit.
Atmosfera u gjallërua nga muzika e bukur e artistëve tanë të njohur dhe nga vallet plot jetë që sollën energji, emocion dhe krenari në çdo moment të festivalit. Ishte një festë e vërtetë e kulturës dhe identitetit tonë shqiptar.
Mirënjohje të veçantë për koordinatorët, stafin në skenë dhe prapa saj, artistët, grupet performuese, shoqatat dhe gjithë komunitetin për pjesëmarrjen aq të madhe dhe për energjinë e jashtëzakonshme gjatë gjithë aktivitetit.
Një falënderim i sinqertë shkon gjithashtu për sponsorët dhe bizneset tona të dashura, të cilët janë shtylla kryesore e komunitetit tonë dhe mbështetësit më të mëdhenj të aktiviteteve tona. 👏
Së bashku jemi më të fortë - bashkimi ynë mbetet forca që ruan gjuhën, kulturën dhe shpirtin shqiptar kudo që jemi.
#
