05/15/2024
Parastina zimanê Kurdî û li hev nizîkkirina zaraveyên wê, yekbûna me ya neteweyî xurttir d**e!
Loma, bila hemû rojên salê roj û cejna zimanê kurdî be
Bi şêweyekî sembolîk rojên 14, 15 û 16 ê gulanê weke cejna zimanê Kurdî hatiye naskirin. Gelê me bi aheng û şahî van rojên zimanê Kurdî bibîr tîne. Bi vê helkeftê em wek Civaka Kurd a Kanadayê cejin û rojên zimanê kurdî pîroz dikin û bila hemû rojên salê bibine roj û cejna zimanê Kurdî.
Zimanê kurdî di dirêjahiya dîrokê de nasname û sedemeke jibo man û hebûna gelê me ye. Jiber ku zimanê me xwedî taybetmendîya rêzimana zimanê xwe ye û li hember wan êrîşên ku ser gelê kurd hatine kirin, zindîtî û resentîya ziman bi hêztirîn çekê karîgerê parastin û berevanîyê bûye.
Parvekirina axa Kurdistanê piştî şerê cîhanî yê yekem, dewlet û neteweyên serdest (Êran,Tirkiya, Sûriya û Iraq) siyaseta înkarkirina ziman û hewlên bişavtina neteweya kurd peyrew kirin. Lê li hember wê li bakur, başûr, rojava û rojhelatê Kurdistanê xebat û tekoşînên bênavber dan meşandin. Kovar û rojnameyên cor bi corên bi zimanê kurdî derxistin ku rola wan di zindîhiştina ziman û parastina taybetmendiyên neteweyî da hebûn.
Mixabin heta roja îro li Tirkiya û Êranê Kurd ji wan mafên gerdûnî û yasayiyên bikaranîna zimanê xwe yê dayikê bê par mane. Sererayîfişarên berdewam û nebûna derfetên bikaranîna zimanê şîrînê Kurdî li Tirkiya û Êranê, bi hewl û xebatên kedkar û zimanhezên Kurd, Îro zimanê me di astekî bilind de ye û têkelî dinyaya pêşkeftî ya teknelojiya serdem bûye, qonaxên metirsîdar pir baş jî derbaz kirine û sûd ji amorên elektronî wergirtin e.
Di vê boneya taybet da, em spas û pêzanînan ji bo hemû hewl û têkoşîna takekesî û sazîyiyên ku di vîwarî da ked dane dikin.
Cejna Zimanê Kurdî pîroz be û em hêvî dikin ku zimanê me her dem di asta zimanên cîhanê de parastî bimîne
Giyanê cangorî, pêşeng û perwerdekarên zimanê Kurdî hemû parêzvanên ziman û peyva resena Kurdî şad be!
