PTM Calgary Committee / د پښتون ژغورنې غورځنګ د کلګري څانګه

08/04/2026

دغه فیسبوک پاڼه لینک شریکوو دتحریک دملګروده مهرباني وکړي دغه پاڼه درسره شیر اوفالوکړي ترڅو دپاڼي نشرات ترډیرو خلګو ورسیږي مننه.

08/03/2026

د کاناډا د کالګري ښار کې د پښتون ژغورنې غورځنګ (PTM) میاشتنۍ غونډه ترسره شوه!

د کاناډا د البرټا ایالت د کالګري ښار کې د پښتون ژغورنې غورځنګ (PTM) د فعالانو او خواخوږو میاشتنۍ غونډه په دوستانه او ملي فضا کې ترسره شوه.
په دې غونډه کې د غورځنګ د روانو فعالیتونو، د سیمې د اوسنیو حالاتو، د مبارزې د لا پیاوړتیا، او د راتلونکو پروګرامونو په اړه هر اړخیز بحثونه وشول. ګډونوالو یو ځل بیا ژمنه وکړه چې د حق، عدالت او انساني کرامت لپاره به خپل غږ ژوندی ساتي او د خپلو مظلومو خلکو ملاتړ به دوامداره وي.
د غونډې په پای کې د ګډونوالو د هڅو، همکارۍ او ژمنتیا د ستاینې په موخه ځانګړي یادګاري ګیلاسونه (Mugs) د ډالۍ په توګه ووېشل شول. پر دغو ګیلاسونو د پښتون ژغورنې غورځنګ د مشر منظور احمد پشتین، د غورځنګ د ارواښاد مبارز ګیله‌من وزیر او د بلوڅ ملت د حقونو فعاله ډاکټر ماهرنګ بلوچ انځورونه چاپ شوي وو، چې د مبارزې، یووالي او ملي شعور سمبولونه ګڼل کېږي.
د کالګري د PTM ملګرو یو ځل بیا خپل هوډ تازه کړ چې په بهر کې به هم د خپلو خلکو غږ د نړۍ تر غوږونو رسوي او د حق غوښتنې مبارزه به په سوله‌ییز او منظم ډول روانه ساتي.

07/29/2026

🇦🇫 د افغانستان د ملي بیرغ ورځ مو مبارک!
نن هغه ورځ ده چې د خپل ملي بیرغ درناوی او ارزښت تازه کوو. ملي بیرغ د هېواد د تاریخ، یووالي، عزت او ملي هویت سمبول دی او زموږ د ګډو ارزښتونو استازیتوب کوي.
راځئ چې د خپل هېواد د سولې، یووالي، پرمختګ او روښانه راتلونکي لپاره په ګډه هڅه وکړو او خپل ملي ارزښتونه ژوندۍ وساتو.
د ملي بیرغ ورځ دې ټولو افغانانو ته مبارک وي! 🇦🇫❤️ #افغانستان

07/26/2026

ګران او ویاړلی ملګری جلال خان صاحب!

​د Community Peace Officer (CPO) له ویاړلې دورې څخه ستا په فارغېدو او مسلکي بریا خورا ډېر خوشحاله شو.
​په نوي وطن کې د قانون، نظم او د ټولنې د خدمت لپاره دا ویاړلی مقام ترلاسه کول د ټولې افغاني ټولنې او په ځانګړي ډول د پښتون ژغورنې غورځنګ (PTM) د کورنۍ او مبارزې د ملګرو لپاره د لوی ستاینې او ویاړ ځای دی. تا ثابته کړه چې زموږ ځوانان هر چېرې وي، د صداقت، عدالت او انسانیت د خدمت بېلګې دي.
​په یونیفورم کې ستا لیدل موږ ټولو ته خورا لوړه انګېزه او افتخار بخښي. درته د زړه له کومې مبارکي وایو او لویه بریا، ډاډمن او له روغتیا ډک خدمت درته غواړو.

​په خورا ډېر احترام او افغاني مینې
د کالګري د پښتون ژغورنی غورځنګ .

07/25/2026

د پښتون ژغورنې غورځنګ ـ متحده ایالات، د واشنګټن ډي سي څانګه

په ډېر درنښت ټولو افغانانو، پښتنو او د حق او عدالت پلویانو ته بلنه ورکول کېږي چې د جولای میاشتې په ۲۶مه نېټه زموږ سره د ملي شهید ګېله‌من د دوهم تلین او د افغانستان د کرېکټ ملي اتل شاپور ځدراڼ او د افغان ستورمزلي عبدالاحد مومند د فاتحې په مراسمو کې ګډون وکړي.

دا یوازې یوه غونډه نه ده، بلکې د خپلو ملي اتلانو، قربانیو او ویاړونو د درناوي، د یووالي د پیغام او د خپل تاریخي مسؤولیت د تازه کولو شیبه ده. راځئ چې په خپل پراخ حضور وښیو چې خپل شهیدان، اتلان او ملي شخصیتونه هېڅکله نه هېروو، او د هغوی یاد به تل زموږ په زړونو کې ژوندی وي.

The Pashtun Tahafuz Movement (PTM) – United States, Washington, D.C. Chapter warmly invites all members of the Afghan and Pashtun community to join us in commemorating the Second Death Anniversary of shaheed Gilaman Wazir.

On this occasion, we will also hold Fatiha prayers for Afghanistan’s national cricket hero Shapoor Zadran and Afghanistan’s first astronaut Abdul Ahad Momand.

Let us come together to honor their memories with prayers, unity, and respect.

Date: Sunday, July 26, 2026
Time: 2:00 PM EST

Venue: Fort Hunt Park

Address: 8999 Fort Hunt Rd, Alexandria, VA 22308