https://www.facebook.com/107001364967302/

Story Of An Ex Convict, Gaborone (2026)

27/08/2026

E tla are mo bekeng e e latelang ke nne le puisanyo le ba Lesedi Television. Setlhogo ke kago sesha ya magolegwa, poelo ya bone mo sechabeng le seabe same mo sechabeng jaaka motshwarwa wa pele yo o fetotseng ditiro.

Maikutlo ame a nthaya are se ke monyetla wame wa go thathologa jaaka tlhale o tshotswe ke nkwatle . Go bitsa garawe garawe, mme e se go kgoba kgotsa go sotla lephata, e le go tsibosa sechaba le go matshwenyego a a golang le malatsi go bona ngwana wa mosimane a jewa ke bodiba bo neng bo re jele,go sena tharabololo , bogolo jang ngwana wa mosimane yo ene a akanyang gore gongwe ka borukutlhi le ditagi o tlaa atlega mo botshelong jo. Yo bo mmata ba ba setseng ba kile ba tshwarwa ba ya kgolegelong ba mo akeditseng bare kgolegelo ga e lefifi jaaka re godile re utlwa. Ke ya go supa gore ebile nnete ke gore e lefifi go feta jaaka re rutilwe.

Poisanyo e, e tlhoka go lebelelwa thata bogolo jang ke bana ba lona. E tlhoka go lebelelwa bogolo jang ke botsadi jwa bana le bogogi jwa lefatshe, jwa dikgolegelo. Eseng gore ke mongwe yo a botlhokwa ka sepe, mme e le gore se ke tlaa se buang ga se selo modiro se buiwa . Ke phitlhela kgomo ya serotswana.

Ke tlaa dirisa sekai sa botshelo jwame ko kgolegelong le morago ga yone. Ke tlaa dirisa gape sekai sa ga Mpho yo o batliwang ke Mapodise mabapi le polao ya bobedi ya motho ko Thamaga. Mo puisanyong eo monana o tlaa ithuta gore di tla morago tsa ditshwetso tsa motho di mo setse morago. Gore monana ga gona ope yo a tla tlang go mo inola mo bothateng jo a lebaganeng le jone fa e se ene ka sebele. Lelwapa le tikologoo di tlaa ithuta gore di na le seabe mo botshelong jwa ngwana wa mosimane, eseng fela fa a dira bontle mo botshelong, le fa a fetoga sera, ke ntse ke ene ngwana wa bone. Ko bofelong batho ba tla ithuta gore phetogo e a tshela, ebile e bula dikgoro tse disha. Jaaka lo tlaabo lo ntheeditse, lo ntebeletse, lo tlaa lemoga sengwe se sesha. Phetogo e tlhoka kamogelo le kemonokeng. Maiteko a tlhoka go lemogiwa. Nnete e tlhoka go seegelwa tsebe ka jaana e golola.

Se gape e tlaa nna monyetla wa go leboga le go ngoka barotloetsi ba ba nang le kgatlhego mo phetogong ya motho. Go ba lemotsha gore ka kemo nokeng ya bone, ke iphitlhela ke le Rre yo o pharologanyo mo go yo o boileng ngwaga tse lesome le bobedi tse di fitileng. Ka bone ke ithutile, ke dirile diphoso jaaka motho, mme ba ne ba sa nkgatela monwana. Ke dira dilo botoka gobane ke lemoga gore ke rwele sekano sa bone le nna gope fela ko ke teng. Ka thuso ya bone ke a fola, ke dira dilo botoka ebile ke lemoga mosola le botlhokwa jwame.

24/08/2026

Go goroga ga gangsterism mo dikgolegelong tsa Botswana kgatlhanong le kakanyetso ya Puso ya go emisa katlholelo leso!

Go nnete gore dikgolegelo tsa rona jaanong di na le digongwana tse di kgethileng tsela ya botshelo e tshololo ya madi e leng tsela ya go gapa maemo le go itirela leina . Digongwana tse di dumela mo go direng madi ka borukutlhi, gore jang ga ba kgathale, gore e ka nna ka tshololo ya madi kgotsa polao mo go bone ga gona pharologanyo. Ba dirisa puo e e bofitlha e e utlwiwang ke bone fela. Puo e, fa o e bua fela mme o se mo lekgotlaneng le, o a bo o dirile molato o goyang ka bone o tshwanelwang ke go busediwa mo tseleng ka thupa. Mme fela tota bone ba dumela thata mo polaong ya motho.

Dikgolegelo tsa rona jaanong di fetogile ko go diriwang madi teng ka ntata ya dikenke tse. Batshwarwa ba reka ditsha le dikoloi go feta nna le wena, mme bone bantse ba tshwerwe. Seo wetsho, se raya gore fa motho wa mofuta yo a gololwa, jaanong a bo a fitlhela go sa tobetsege jaaka ka kwa, go nna bonolo thata gore a tholole madi mme a busediwa ko a tla jang a dutse gape teng . Bana ba ya kwa ba sa itse sepe ka dinomoro le dikenke, mme fa ba boa kwa, ba itse ka tsone ebile ba mo go tsone. Batshwarwa ba ba gololwang gompieno ba pharologanyo thata le ba maloba.

Jaanong jaaka puso e akanyetsa go emisa katlholelo leso la babolai, nthusa foo go akanyetsa gore go tlaa nna jang mo Botswana fa batshwarwa bangwe ba bulelwa kwa ka kitso ya gore polao ya motho jaanong ke botshelo jotlhe eseng leso. Batshwarwa le badisa ba bone jaanong ba tlaabo ba ntse mosima wa phika ka marago ruri.

Erile fa di goroga mo Botswana prisons digongwana tse, kgotsa tsela e ya botshelo... kgolegelo ya First offenders e ne ya amega thata ka jaana e ne ka nako eo e eteletswe pele ke Rre yo o bonolo tota. Botshelo jwa rona bo ne jwa tsena mo kotsing e kgolo. Ke gakologelwa go le ntwa ya dira ga di bonwe gotwe yone kenke e yare motho o buile puo ya bone jaanong o a kitikiwa, batshwarwa ba bangwe bare ' le go ka!!'. Materase a ne bontsi a tletse digaria, di phone e le selo modiro. Ko ntlung lefalafala gone go sa tlhole go dirisiwa kgoro, go tlolelwa ka matlhabaphefo. Matanyola one a jelwa ka bodipa go bapa le wena. A bo gotwe o lebe fela tse di mo spacing sa gago. Mongwe le mongwe o itletse.

Nthusang foo betsho go akanya Botswana mo dingwageng tse masome a mabedi go tloga fano fa puso e ka atlega mo go emiseng katlholelo leso. Fa puso gape e ka seka ya dira sepe ka dikenke mo dikgolegelong di ise di kekele.

Sb Ramoruswana

20/08/2026

Jaaka re baakanyetsa go simolodisa semmoso podcast ya Rona, mongwe wa bao ke nang le keletso ya go mo botsolosa ke Mme Rachel Sebinyane of Untold Stories With Rachel Sebinyane.

Mmogo mo nakong e e fitileng re nnile le dithuto se ka dipuisano tse di neng tsa ngoka go tlhoafetswe kgatlhego ya sechaba. Jaanong ke nako ya go fetola lewa, re tlaabo jaanong re bona an ex convict a botsolotsa mmega dikgang wa dikgang tsa borukutlhi le kgolegelo ka itemogelo ya gagwe mo loetong Leo la gagwe le le kgethegileng, ebile mo lefatsheng la rona le sa tloelesega.

19/08/2026

Modimo Mothatayotlhe go lebega a rometse mosamarea yo o molemo....

Re e bitsa re reng 'podcast'' ?

Please help me thank the leader who wants to pay for the podcast equipment 😊🙏🎯

18/08/2026

Ke na le keletso ya go simolola go laletsa exceptional ex convicts and victims of crime to share their difficult-to believe life stories. Go bodiwa dipotso tse di tseneletseng ... Koore go sala go rile tuuu !!!untold and unbelivable crime and prison stories of BOTSWANA.

Ke mang yo ka re tlang?

19/06/2026

Ke itse Rre yo fela thata, ke mo fitlhetse ko Mmadikgolegelo Maximum ka ngwaga wa 2006. Fa ke sa fose, o ne a kiba katlholo ya petelelo.

Go utlwisa botlhoko go bona dikgolegelo tsa rona di retelelwa ka tsela e e ntseng jaana go aga batswana sesha. Ke fitile fa kgolegelong ya Molepolole maloba jale, ke bone bontsi jwa borre ba ba neng ba kiba kgolegelo le nna, ba boile ba koo gape...mme se se botlhoko ke gore ba boa jaana ba tlogela dintho mo pelong tsa Batswana.

Potso ke gore, 'batswana ba amogela jang batshwarwa fa ba gololwa jaaka puso e bua fa gontse jaana?".

A ga se gore yone mme puso e na le lebaka le yone e le itseng le le tiileng go tshola menwana ya batshwarwa ba pele le fa ba feditse katlholo? Ke eng bone ba dikgolegelo ba gana ba ba golotsweng ba etela kgolegelo? Ke eng Ba sa amogelesege koo morago ga go fetsa dikatlholo? Ba ba tshabang naare? A nka se amogelesege ko kentseng ke agiwa sesha teng?

31/05/2026

Setshwantsho se se nkgopotsa dilo tse di utlwisang botlhoko. Se nkgopotsa nnete e e teng mo botshelong.

Ntwa ke sengwe sa ditiragalo tse di diregang kgapetsakgapetsa mo kgolegelong. Mme dintwa tse, bontsi jwa nako go dirisiwa dibetsa di tshwana le mechanyelo , dithoko le di garia tsa dithipana , dinxola. Go dirisiwa le nako mo ntweng tse fa o shakoba mmaba wa gago, o tlhopha nako e o ka mo ratelang ka yone wa mo tsidifatsa ka sengwe se se bogale kgotsa se se bokete .

Dingwe tsa dinako tseo ke fa mmaba a santse a Ile ntlwaneng ya boitiketso. Fa a santse a re o araba pitso ya tlholego, a utlwe ka modumo wa setswalo se ragiwa ka mashetla se feta fa pele ga gagwe ka lebelo. Fa a tsosa matlho a santse a kgaotswe pelo ke modumo wa lebati, a kopane le mochanyelo o fofa mo phefong o wela fa gare ga phogwana ya gagwe. Fa o sa go itaya gore o nyere, wa go digiwa ke marokgwe a a ko malenganeng a itshasa boloko jwa setho a leka go lebotsa phokojwe , a lebetse le gore ga a ise a golotse marokgwe le go itshotlha .

Nako nngwe ba go letela o tsena mo ntlung ya matlhapelo, a go fe nako o apole o tsene mo metsing o tlhape. Fela jaaka o itshasa sesepa mo tlhogong, o tlaa utlwa fela ka batho ba kua ba sia...fa a sa go tlhabe ka thipa a go pege one mochanyelo mo tlhogong. Fa o sa nyera wa go lemoga gore ga o a apara o le ko dikantorong o dutla madi.

Fa gongwe fa le nna mmogo mo celeng, o go tlogela fela le tlhotse le tlhokile kutleisisano. E re fela jaaka dipone tsa cell di tloga di timiwa, o bo o bona a mena mapai a gagwe a a alolola. Go alolola mapai go robalwa ke go supa gore go na le ntwa bosigo joo. Mme kana jaaka o bona a mena dikobo jaana, ke gore o batlile le digaria . Monna o tlaa kokorala foo o ipotsa gore a le wena ke o seka wa robala, wa tshokana o tlhabilwe ke legodu o thulametse.

Kgotsa o letela nako ya dijo. Fa go fodilwe mola wa dijo a netefatse gore o bone fa o teng mo moleng oo. Fela fa a sena go tsaya ntichi o tletse motogo o kgabakgaba ka ba o tshola o bela. A menolole ntichi eo mo sefatlhegong sa gago. Le fa gotwe wena o bodipa, eseng mo motogong o bela. Wa go thula Batho gotlhe le ditirata tse di mitlwa tlhogo e eme go dira metsotswana. Botlhoko jwa molelo bo noelela.

Ga o ipotse gore ke eng batho ba ba tswang kwa ba tshabelelwa ke bogale le bogoma? Mme legale eseng botlhe.

Se nne mongwe wa dipalo tse!

30/05/2026

Mmega dikgang tsa borukutlhi le dikgolegelo Mme Rachel Sebinyana le modira melato le motshwarwa wa pele Rre Seabe Sulayman Ramoruswana.

Thamaga Women Conference Day themed 'focusing on the forgotten ones' .

29/05/2026

Pudi ya tsela e supa gore kgang ya dipula tse di masome a matlhano , lekgotla le e utlwile mo iphemelong ya motshwarwa ko ga Mochudi. Mme lekgotla le wetse ka gore iphemelo eo ke kakanyo ya morago, ditsiabadimo. Go utlwala gore iphemelo e e tsile ko morago jaanong motshwarwa a sena go tshwarwa ke ditlhatlhobo tsa DNA. Semenogane seo se pateleditswe ke maduo a ditlhatlhobo tseo go ya ka lekgotla.

Go ya ka bosupi jwa botlhotlhomisi, iphemelo ya mmelaelwa ko tshimologong e ne e le gore, ene bosigo jo bo bolelwang joo, ga a s**e a tlhakanele dikobo gotlhelele le mongongoregi. Ditlhotlhomiso di wetse sepodise se utlwile polelo ya motshwarwa gore are nnyaa o bopelwa fela kgomo ya mmopa ke mongongoregi.

Bosupi jo b**gwe jo lekgotla le bo utlwileng ke gore motshwarwa o ne a ikgatholosa ' ga ke batle' ga mmogo le go 'kgaramediwa ' ke mongongoregi fa a simolola , le fa a tsweletse a pechetsa terekere mo letsatsing jalo . Go a bonala bosupi jo bo netefatsang petelelo jo, motshwarwa o paletswe ke go bo ganetsa.

Nnyaa tswelelang le koleke fela betsho ga ke lo itse go dira jalo. Bobelo ntle le mowa wa go thuso o siame. Fela re seka ra iphitlhela re dirisa madi a rona a re segofaditsweng ke Modimo ka one go rotloetsa tlolo molao le borukutlhi. Fa e le gore gongwe ke kgang ya go tlhoka tshepho le tumelo mo makgotleng a rona, a re tleng ka tsela e e kà dirang makgotla a rona botoka gore tekatekano le tshiamo e nne bokao jwa makgotla a rona. Esere gongwe kamoso dirukutlhi tsa tlola molao mme ba sianele go ipaya botoka mo maranyaneng, ra tloga ra tshabisa batswa setlhabelo go ikuela, ba boifa go tloga ba bitswa maina a diphologolo.

Fela, ke letetse gore ke tle ke bogele bokgoni jwa ga setatalala Rre Jonase... a mantswitswidi yo wa molao yo, o tlaa kgona go supa gore nnyaa iphemelo ya motshwarwa ga se kakanyo ya morago. A bokgoni jwa gagwe bo tlaa pateletsa lekgotla go fetola tshwetso e ya lekgotla le le botlana. Kgotsa koleke ya batswana e olelwa fela ka motlhobodika go ntse go libilwe.Fa go ka nna jalo, a fetola tshwetso ya lekgotla gore nnyaa iphemelo ya motshwarwa ga se kakanyo ya morago.Ke ka mo rolela tlhoro Rre Jonase.

Go ntsha motho mo kgolegelong go letela tsheko ko ntle ke tshwanelo ya ope fela yoo libisiwang molato, jalo setatalala ga sena mmereko yo o kalo go golola motho go letela tsheko a se mo kgolegelong. Bogolo jang fa ditlhotlhomiso di wetse, mmelaelwa e se motswakwa kgotsa a se borai mo basuping kgotsa bosupi. Nnyaa o gololwa phakela ebile bogolo jang a emetswe.

Mmueledi ene o tshwanelwa ke go rolelwa tlhoro fela fa a na le bokgoni jwa go fenya ko tshekong kgotsa ko boikuelong ....

28/05/2026

Mo tshekong ya molato wa pelaelo kgotsa ipelaetso ya go tseelwa dikobo ka dikgoka...go pechetsa terekere mo letsatsing , kgotsa go ràlala toropo ka tonki jaaka basimane ko lapeng le le ba bitsa molato yo. Lekgotla le na le tiro ya go rurifatsa dintlha di le tharo.

Gore a mme go nnete go nnile le tlhakanelo dikobo. Lekgotla le dira jalo ka go reetsa mosupi e b**g ngaka ya kokelo e mongongoregi a thusitseng teng morago ga tiragalo eo. Fa a s**e a bonwe ke ngaka ope, ga gona molato wa petelelo fa pele ga lekgotla. Fa ngaka a mmone mme a sa rurifatse tlhakanelo dikobo. Ga gona
kgetsi.

Ntlha ya bobedi ke gore a mme tlhakanelo dikobo eo, a e ne e dumalanwe ke bobedi joo, kgotsa yo mongwe o dirisitswe a sa batle. Ntlha e, ga e supe gore molato wa petelelo ke fela fa o dirisitse dikgoka. Yare go nne le tumalano magareng ga bobedi joo. Ntlha e e ka netefadiwang ke ba gongwe ba boneng mmelaelwa a goga goga mongongoregi. Kgotsa ba ba utlwileng mongongoregi a kua kgotsa a lela . Ngaka le yone e ka netefatsa polelo e, fa mongongoregi a nnile le dikgobalo ka nako ya tiragalo. Mme ke tlhalose gore le kontle ga basupi ba, le kontle ga go kua le go lela, lekgotla le ka dirisa fela polelo ya mongongoregi ga mmogo le ya ngaka go go bona molato wa petelelo.

Ntlha ya boraro ke gore a mme modiri wa tiro eo ke ene yo a emeng fa pele ga lekgotla, mmelaelwa. Seo se ka netefadiwa ke maduo a ditlhatlhobo tsa ba b**gaka ga mmogo le polelo ya mongongoregi. Basupi le bone ba ka tiisa polelo ya mongongoregi fa gongwe ba bone mmelaelwa a goga goga kgotsa a na le mongongoregi. Le fa bone e se gantsi o ka fitlhela ba bone tiragalo ka bo yone ka gore ke tiro tsa sephiri.

Mo kgetsing ya Rre yo o mo setshwantshong se, go lebega lekgotla le kgotsofetse gore tlhakanelo dikobo e nnile teng ka nako e e buiwang. Ke dumela gore lekgotla ga le a nna le tiro e ntsi go kgotsofala ka jaana le mmelaelwa a ne a sa ganetse gore o tlhakanetse dikobo le mongongoregi ka tsatsi le le buiwang. Go lebega gape lekgotla le kgotsofetse gore mmelaelwa ke ene a tlhakanetseng dikobo le mongongoregi. Seo le sone e ne e se tiro e ntsi mo lekgotleng ka jaana mmelaelwa a setse a dumetse gore ee go nnete o robetse le mongongoregi.

A mme tumalano e ne e le teng?

Seo ke sone re sa se itseng. Lekgotla le ba ba utlwileng bosupi jwa mongongoregi le iphemelo ya mmelaelwa ke bone fela ba ka re thusang go itse gore a mme go ya bosupi Jo bo duleng, a naa go nnile le tumalano.

Ga kere mang o phepa mang o molato betsho, e sere gongwe wa nkutlwa ka tsa ga morakile . Ebile ga ke mmueledi betsho...ke motswana fela yo o nathoganang le bagaabo itemogelo ya loeto la botshelo.

Story Of An Ex Convict

27/08/2026

24/08/2026

20/08/2026

19/08/2026

18/08/2026

19/06/2026

31/05/2026

30/05/2026

29/05/2026

28/05/2026

Address

Opening Hours

Telephone

Website

Alerts

Contact The Organization

Shortcuts

Share

Category

Listing takedown request