Neema ya Kristo ya tosha

Neema ya Kristo ya tosha [email protected]

Permanently closed.
Un grand merci à mes nouveaux followers ! Eliane Nyiraneza, Milly Omuhinda
09/09/2026

Un grand merci à mes nouveaux followers ! Eliane Nyiraneza, Milly Omuhinda

25/08/2026

MAMBO YA KUTAFAKARI KILA MARA ILI YAKUFANYE KUWA IMARA KATIKA KRISTO.

Bwana YESU KRISTO Mwokozi atukuzwe rafiki.
Karibu Tujifunze Neno la MUNGU juu ya mambo ya kutafakari Kila mara Wewe Mteule wa KRISTO ili yakufanye imara Kiroho.

Zaburi 104:34 "Kutafakari kwangu na kuwe kutamu kwake; Mimi nitamfurahia BWANA."

◾Kutafakari ni Nini?

◼️Kutafakari ni kufikiri kwa umakini kuhusu jambo Fulani.

➡️Ni jambo zuri kutafakari ila Je unatafakari nini?

➡️Watu wengine hutafakari mambo yanayowaumiza tu kihisia na kiakili, hayo sio ya kutafakari.

➡️Kuna watu hutafakari maumivu au magumu tu na mambo mabaya yasiyo na Nafasi kwenye Maisha yao, hiyo haifai.

➡️Kuna watu hutafakari mambo ambayo ni dhambi, hiyo Ina hasara na sio faida kwao kiroho na kimwili.

◼️ Ndugu, Nakushauri uwe na tabia ya kudumu ya kutafakari hayo niliyokuandalia katika somo la Leo yanayotoka katika Neno la MUNGU wa Mbinguni.

◾Mambo 7 Muhimu zaidi ya kuyatafakari Kila Wakati ni haya.

1. Mtafakari YESU KRISTO Mwokozi.

Waebrania 3:1 "Kwa hiyo, ndugu watakatifu, wenye kuushiriki mwito wa mbinguni, mtafakarini sana Mtume na Kuhani Mkuu wa maungamo yetu, YESU,"

◼️Mtafakari Bwana YESU alivyokuokoa, alivyojitoa Msalabani kwa ajili yako.

Zaburi 63:6-8 " Ninapokukumbuka kitandani mwangu, Nakutafakari Wewe makesha yote ya usiku. Maana Wewe umekuwa msaada wangu, Na uvulini mwa mbawa zako nitashangilia. Nafsi yangu inakuandama sana; Mkono wako wa kuume unanitegemeza."

◼️Mtafakari Bwana YESU anakuandalia makao mazuri ya milele k**a ukibaki katika Wokovu wake hadi mwisho.

◼️ Ndugu, litafakari Jina la YESU KRISTO ambalo kwa Jina hilo umeokolewa na unashinda.

Malaki 3:16 "Ndipo wale waliomcha BWANA waliposemezana wao kwa wao. Naye BWANA akasikiliza, akasikia; na kitabu cha ukumbusho kikaandikwa mbele zake, kwa ajili ya hao waliomcha BWANA, na kulitafakari jina lake."

Ukiwa na muda mrefu Kila mara wa kumtafakari Mwokozi wetu YESU KRISTO hutakwama njiani, hutazimia Moyo Wala hutaacha Wokovu kamwe.

Waebrania 12:3 "Maana mtafakarini sana yeye aliyeyastahimili mapingamizi makuu namna hii ya watendao dhambi juu ya nafsi zao, msije mkachoka, mkizimia mioyoni mwenu."

2. Tafakari mambo Mema ya Kweli na ya Haki.

Wafilipi 4:8 "Hatimaye, ndugu zangu, mambo yo yote yaliyo ya kweli, yo yote yaliyo ya staha, yo yote yaliyo ya haki, yo yote yaliyo safi, yo yote yenye kupendeza, yo yote yenye sifa njema; ukiwapo wema wo wote, ikiwapo sifa nzuri yo yote, yatafakarini hayo."

➡️Mambo mema ya kutafakari katika Maisha Yako yapo mengi sana, baadhi ni haya.

◼️Tafakari kufunga Ndoa Takatifu hata k**a hauko katika Ndoa kwa Sasa au hata Mchumba hujapata.

◼️Tafakari kuzaa wazuri k**a uko kwenye Ndoa na unamcha MUNGU wa Mbinguni.

◼️Tafakari namna utakavyopangilia kazi zako na upate muda wa Ibada na Maombi Kanisani.

3. Tafakari Maajabu na Miujiza ambayo MUNGU amewahi kukutendea.

1 Nyakati 16:9 "Mwimbieni, mwimbieni kwa zaburi; Zitafakarini ajabu zake zote."

➡️Hakuna Mtu hajawahi kutendewa Miujiza na MUNGU.

Zaburi 119:95 "Wasio haki wameniotea ili kunipoteza, Nitazitafakari shuhuda zako."

◼️Hata kukulinda na kuwakataza Wachawi kukudhuru ni Miujiza yake.

Zaburi 77:12-13 " Pia nitaitafakari kazi yako yote; Nitaziwaza habari za matendo yako. Ee MUNGU, njia yako i katika utakatifu; Ni nani aliye mungu mkuu k**a MUNGU?

◼️Mfano hai mimi nimewahi kupata ajali zaidi ya Moja ila MUNGU wa Mbinguni akanilinda.
Niliwahi kuwa hospital na Daktari akasema damu yangu imechanganyikana na ubongo lakini pale pale Bwana YESU akanitokea na kuniponya, na mengine mengi sana hivyo ni lazima sana uiwe na tabia ya kutafakari Maajabu ya MUNGU kwenye Maisha Yako.

◼️Ndugu uwe na tabia ya kudumu ya kutafakari Maajabu ya MUNGU kwenye Maisha Yako.

4. Tafakari Njia zako ili sehemu isiyo sawa utengeneze.

Hagai 1:7" BWANA wa majeshi asema hivi, Zitafakarini njia zenu."

◼️Tafakari njia zako ili k**a Kuna kitu umekosea kwa MUNGU utengeneze, k**a Kuna sehemu umejisahau uweke mambo sawa mbele za MUNGU.

Zaburi 119:59 "Nalizitafakari njia zangu, Na miguu yangu nalizielekezea shuhuda zako."

◼️Kitu Pekee ambacho Biblia inakataza kukitafakari ni mabaya uliyotenda zamani hata ukatamani kutenda Tena.
Usitafakari mabaya ya zamani hata ukatamani kuyatenda.

Isaya 43:18 "Msiyakumbuke mambo ya kwanza, wala msiyatafakari mambo ya zamani."

5. Tafakari jambo la MUNGU au kazi ya MUNGU ili usishindane naye.

Mhubiri 7:13 "Tafakari vema kazi yake MUNGU; kwa sababu ni nani awezaye kukinyosha kitu kile alichokipotosha yeye?"

➡️Mfano Kuna Mtu ni wa Muhimu sana kwako ila amefariki na Wewe unaanza kusema "MUNGU kwanini umemuondoa"
Inawezekana Mtu huyo angeendelea kuishi angeikosa mbingu hivyo MUNGU akamuondoa kwa kumsaidia, au tu muda wake wa kuishi Duniani ulikuwa umeisha hivyo usishindane na MUNGU katika jambo lolote maana Wewe Mwanadamu hujui mengi.

➡️Kuna mambo mengi Yako k**a yalivyo kwa sababu ni MUNGU ameyatengeneza hivyo au ametaka yawe hivyo, hivyo Tafakari kazi ya MUNGU ili usishindane naye.
Mimi Mfano niliwahi kuhama mkoa fulani ghafla tu kwa sababu ya mambo ya ajira wakati huo, wakati nahama nilikuwa najua Maisha yangu yote ningekaa mkoa huo, na Sasa nilikohamia sikupapenda hata kidogo, kwa miezi mingi nilikuwa katika huzuni kuu lakini huko ndiko milango ilifunguka hata nikaanza kujisemea "kumbe heri ningekuja huku miaka mingi iliyopita"
Kwa akili za kibinadamu za kawaida unaweza hata kulalamika kwa MUNGU kumbe ni MUNGU anakupeleka sehemu Bora zaidi kwako.

◼️Ndugu, uwe na tabia za kutafakari kazi za MUNGU au mambo ambayo utagundua ni MUNGU ametaka yawe hivyo.

➡️Mfano Mwingine siku Moja nilienda kwenye Ibada fulani ambako Mhubiri alikuwa raia wa nje ya Tanzania ambaye ni mlemavu wa miguu, lakini Mhubiri yule alikuwa na nguvu za MUNGU za ajabu sana, Miujiza mingi ilifanyika na hadi vilema walipona lakini aliyewaombea ni kilema, wao wakapona na kushangilia na kutoa Shuhuda ila aliyewaombea bado ni kilema.
Kwa akili za kawaida unaweza kusema "Mbona MUNGU hamponyi kwanza huyu Mtumishi mwenye upako mkubwa hivi"
Ndugu Tafakari kazi za MUNGU ili usishindane naye, vipi k**a Mtumishi huyo asingekuwa kilema hata kwenye Ibada hiyo asingekuwepo au hata Kuokoka angekuwa hajaokoka bado, MUNGU hufanya baadhi ya mambo kwa sababu zake hivyo usishindane naye, Wewe mtukuze na mwelewe tu, na hiyo itakusaidia Ukiwa Mtu wa kutafakari kazi za MUNGU.

➡️Mfano Mwingine hujawahi kuona Mchungaji masikini ila unapompa Zaka akikuombea Wewe unafanikiwa sana kiuchumi?

Unaweza ukawaza mbona mwenyewe hajiombei ili awe tajiri, kwanini ana uwezo wa kuombea wengine wanakuwa matajiri ila yeye sio tajiri?

Ndugu Inawezekana naye Kuna wakati wake atafikia utajiri ila sio Sasa, Inawezekana MUNGU angempa utajiri sasa hata Uchungaji asingefanya, hivyo Ndugu mwelewe MUNGU Kwa kutafakari kazi zake hiyo itakusaidia usishindane naye.

6. Tafakari Neno la MUNGU.

Mithali 16:20 "Atakayelitafakari neno atapata mema; Na kila amwaminiye BWANA ana heri."

◼️Kuna faida kuu mno na nyingi kwenye kutafakari Neno la MUNGU.

◼️Ndugu, Tafakari Maandiko ya Biblia.

◼️Tafakari Mafundisho uliyofundishwa Kanisani au kwenye semina za Neno la MUNGU au kwenye majukwaa ya Watumishi wa KRISTO waaminifu mitandaoni.

◼️Tafakari Neno alilokwambia MUNGU kupitia Ufunuo wa ROHO MTAKATIFU .

Zaburi 119:97 "Sheria yako naipenda mno ajabu, Ndiyo kutafakari kwangu mchana kutwa."

◼️Tafakari kile Roho mtakatifu amekuambia kwa sauti

Zaburi 119:15 "Nitayatafakari mausia yako, Nami nitaziangalia njia zako."

7. Tafakari Neno la MUNGU katika kusoma, kuonya na kufundisha.

1 Timotheo 4:13-15 " Hata nitakapokuja, ufanye bidii katika kusoma na kuonya na kufundisha. Usiache kuitumia karama ile iliyomo ndani yako, uliyopewa kwa unabii na kwa kuwekewa mikono ya wazee. Uyatafakari hayo; ukae katika hayo; ili kuendelea kwako kuwe dhahiri kwa watu wote."

➡️Inawezekana Wewe ni Mtumishi wa MUNGU husika na mambo haya 3 katika kutafakari ili utimize kusudi la MUNGU kupitia Utumishi wako.

➡️ Inawezekana Wewe ni Mzazi tafakari Neno la MUNGU katika hayo 3 ili kuwasaidia Watoto wako na kizazi chako. `
Asante kwa kujifunza Neno la siku ya leo.

Ubarikiwe.

25/08/2026

JE UNATAKA KUPONA UGONJWA.

Bwana YESU KRISTO Mwokozi atukuzwe rafiki.
Karibu Tujifunze Neno la MUNGU.

➡️Kuna watu wanaumwa na wanatamani kupona, Jifunze Neno la MUNGU hili la Leo.

➡️ Kwenye ulimwengu wa roho magonjwa yote yanaweza kusikia maana ni roho kamili iwe ni ugonjwa wa kimwili au wa kiroho ni roho kamili.

◼️Mfano wa ugonjwa ni huu

Mathayo 8:6-7 " akamsihi, akisema, Bwana, mtumishi wangu amelala nyumbani, mgonjwa wa kupooza, anaumwa sana. YESU akamwambia, Nitakuja, nimponye."

➡️Kuna watu hawaumwi ila Kuna Ndugu zao au rafiki zao wanaumwa, Jifunze ujumbe huu na fanyia kazi.

Luka 8:50 "Lakini YESU aliposikia hayo, alimjibu, Usiwe na hofu, amini tu, naye ataponywa.''

◼️Katika ujumbe huu sijataja ugonjwa gani ila MUNGU wa Mbinguni anaweza kuponya magonjwa yote.
K**a aliweza kufufua watu ambao walikuwa wameoza tayari k**a Lazaro atashindwa Nini kuponya ugonjwa wowote.

Yohana 11:39-40 " YESU akasema, Liondoeni jiwe. Martha, dada yake yule aliyefariki, akamwambia, Bwana, ananuka sasa; maana amekuwa maiti siku nne. YESU akamwambia, Mimi sikukuambia ya kwamba ukiamini utauona utukufu wa MUNGU?"

➡️Changamoto ya watu wengi ni Imani ndogo na kutokufanyia kazi Neno la MUNGU la Ufunuo wa ROHO MTAKATIFU.

◼️Hebu Leo Ndugu ongeza Imani Yako na fanyia kazi maelekezo yote ya MUNGU kwenye ujumbe huu.

Mambo 7 ya kufanya Ukitaka kupona ugonjwa wowote.

1. Kwa Maombi ya Imani mwambie YESU KRISTO akuponye utapona.

◼️Neno lake linathibitisha anaponya magonjwa yote.

Mathayo 4:23 "Naye alikuwa akizunguka katika Galilaya yote, akifundisha katika masinagogi yao, na kuihubiri Habari Njema ya ufalme, na kuponya ugonjwa na udhaifu wa kila namna katika watu."

2. Dai Baraka ya Uponyaji kwa Maombi ya Imani maana kifo cha YESU kilileta Baraka ya Uponyaji.

Isaya 53:5 "Bali alijeruhiwa kwa makosa yetu, Alichubuliwa kwa maovu yetu; Adhabu ya amani yetu ilikuwa juu yake, Na kwa kupigwa kwake sisi tumepona."

3. Tambua YESU KRISTO anaponya hivyo mfuate aliko akuponye.

Mathayo 9:35 "Naye YESU alikuwa akizunguka katika miji yote na vijiji, akifundisha katika masinagogi yao, na kuihubiri habari njema ya ufalme, na kuponya magonjwa yote na udhaifu wa kila aina."

◼️Mfuate YESU Kanisani, kwenye semina za Neno la MUNGU, kwenye mikutano ya Injili na kule waliko Watumishi waaminifu wa Bwana YESU KRISTO utapona.

◼️ YESU KRISTO yuko Kanisani.

◼️ YESU KRISTO yuko kwenye semina za Neno la MUNGU.

◼️YESU KRISTO yuko mahali Watumishi wake Wanahubiri Injili yake.

◼️ YESU KRISTO yuko kwenye Maombi.

4. Kwa Maombi mwambiye MUNGU ahamishe ugonjwa kutoka ndani yako.

Kumbu 7:15 "Na BWANA atakuondolea ugonjwa wote; wala hatatia juu yako maradhi yo yote mabaya uyajuayo ya Misri, lakini atayaweka juu ya wote wakuchukiao."

◼️Ni Ahadi yake ataondoa ugonjwa au atahamisha magonjwa kutoka ndani ya Wateule wake, utaje huo ugonjwa ukimwambia MUNGU Kwa Imani auhamishe utoke ndani Yako, kwenye damu Yako, kwenye Moyo wako n.k

5. Kwa Maombi ukiwa mtu wa haki dai Uponyaji.

Ayubu 33:26 "Yeye humwomba MUNGU, naye akamtakabalia; Hata auone uso wake kwa furaha; Naye humrejezea mtu haki yake."

◼️Kuna Uponyaji huwafuata watu wa haki tu.
➡️Mfano hai Hezekiah alipona kwa sababu alitaja Maisha yake ya haki.

Isaya 38:2-5 " Basi Hezekia akajigeuza, akaelekeza uso wake ukutani, akamwomba BWANA, akasema, Ee BWANA, kumbuka haya, nakusihi, kwamba nimekwenda mbele zako katika kweli na kwa moyo mkamilifu, na kutenda yaliyo mema machoni pako. Hezekia akalia sana sana. Ikawa, neno la BWANA likamjia Isaya, kusema, Enenda ukamwambie Hezekia, BWANA, Mungu wa Daudi, baba yako, asema hivi, Mimi nimeyasikia maombi yako, nimeyaona machozi yako; tazama, nitaziongeza siku zako, kiasi cha miaka kumi na mitano."

➡️Mfano Mwingine Nuhu alipona na kifo Cha gharika kwa sababu alikuwa mwenye haki.

Mwanzo 6:9 "Hivi ndivyo vizazi vya Nuhu. Nuhu alikuwa mtu wa haki, mkamilifu katika vizazi vyake; Nuhu alikwenda pamoja na MUNGU."

◼️Uwe Mtu wa haki ili ukidai Uponyaji utapona kwa sababu Wewe ni Mtu wa haki.

◼️Haki ya Mtu inaanza na kuokoka Kisha kuishi maisha ya Haki yaani bila kuonea Mtu, nyanyasa Mtu au kumwibia Mtu.

6. Mwambie Mtumishi wa MUNGU katika KRISTO YESU akuombee utapona.

Yakobo 5:16 "Ungameni dhambi zenu ninyi kwa ninyi, na kuombeana, mpate kuponywa. Kuomba kwake mwenye haki kwafaa sana, akiomba kwa bidii."

◼️Mweleze Mtumishi wa kweli wa Bwana YESU KRISTO atakuombea nawe utapona.
K**a ni Ndugu Yako ndio anaumwa mshauri aende Kanisani kwenye Maombi atapona.

➡️Kumbuka Kuna magonjwa ni ya kiroho na sio kimwili hivyo hata uponyaji wake ni wa kiroho na sio wa hospitalini, Mfano magonjwa ya kurogwa, mizimu, mapepo n.k

7. Kwa Maombi omba au ombewa kuondoa nguvu za giza ndani yako.

Luka 6:18 "na wale waliosumbuliwa na pepo wachafu; waliponywa."

◼️Nguvu za giza ndio chanzo kimojawapo Cha magonjwa yanayotesa wengi, hivyo pambana na nguvu za giza kwenye Maombi na magonjwa yataondoka ndani Yako.

➡️najua Kuna magonjwa ya kimwili na magonjwa ya Kiroho, ugonjwa wa kimwili hospitalini ukienda unapona lakini yapo magonjwa chanzo chake ni ulimwengu wa roho hivyo yanatakiwa kushughulikiwa kiroho ili kupona, Mfano ni kurogwa n.k

➡️Lakini pia yapo magonjwa ya kimwili tu lakini chanzo chake ni ulimwengu wa roho wa giza, ndio maana katika magonjwa yote unamhitaji MUNGU Kwa uponyaji.

◼️Nenda hata kwenye Maombezi Watumishi wa MUNGU katika KRISTO YESU watakuombea utapona.

Luka 8:2 "na wanawake kadha wa kadha ambao walikuwa na pepo wabaya na magonjwa wakaponywa; nao ni Mariamu aitwaye Magdalene aliyetokwa na pepo saba,"

Asante kwa kujifunza Neno la MUNGU .

22/08/2026

MAENEO 7 AMBAYO MUNGU ANAWEZA KUSEMA NA WEWE KUTOKEA HUKO.

Bwana YESU KRISTO Mwokozi atukuzwe rafiki.
Karibu Tujifunze Neno la MUNGU wa Mbinguni.

◼️MUNGU wetu wa Mbinguni huwa anazungumza na Wanadamu ukiwemo Wewe na Mimi.

Ezekieli 12:25 "Maana mimi ni BWANA; mimi nitanena, na neno lile nitakalolinena litatimizwa; wala halitakawilishwa tena; maana katika siku zenu, Ewe nyumba iliyoasi, nitalinena neno hilo na kulitimiza, asema Bwana MUNGU."

◼️Ulishawahi kujiuliza MUNGU anaweza kusema na Wewe kutokea wapi?
Watu wengi wamekariri Maeneo labda Moja au mawili tu ambayo wanajua MUNGU katika KRISTO YESU anaweza kusema nao, k**a MUNGU akitumia eneo lingine tofauti na wanalolijua hawatajua k**a ni MUNGU anasema nao.
Mimi Niko hapa Leo kukuletea Maeneo Saba ambayo MUNGU anaweza kuzungumza na Wewe kutokea huko.

◾Maeneo 7 ambayo MUNGU anaweza kusema na Wewe kutokea huko.

1. MUNGU anaweza kusema na wewe kutoka Mbinguni Moja kwa Moja .

◼️Mfano hai ni huu.
Mathayo 3:17 "na tazama, sauti kutoka mbinguni ikisema, Huyu ni Mwanangu, mpendwa wangu, ninayependezwa naye."

◼️Katika andiko hili Sauti ya MUNGU ilisikika kutokea Mbinguni na watu wakaisikia, hivyo MUNGU anaweza kuzungumza nasi kutokea Mbinguni Moja kwa Moja.

✔️✔️Wako watu wengi MUNGU alizungumza nao kutokea Mbinguni, na kwako anaweza akazungumza na Wewe Moja kwa Moja kutokea Mbinguni.

Kutoka 20:22 "BWANA akamwambia Musa, Waambie wana wa Israeli hivi, Ninyi wenyewe mmeona ya kuwa nimenena nanyi kutoka mbinguni."

◼️Endelea tu kumcha MUNGU katika KRISTO YESU na atasema na Wewe mambo mengi sana.

2. MUNGU anaweza akasema na Wewe kupitia Mtumishi wake.

Zekaria 7:7 "Je! Hayo siyo maneno aliyoyasema BWANA kwa vinywa vya manabii wa zamani, wakati Yerusalemu ulipokaliwa na watu na kufanikiwa, na miji yake iliyokuwa ikiuzunguka; na wakati ule ambao nchi ya Negebu na Shefela ilipokuwa ikikaliwa na watu?"

➡️Hapa watu wengi sana wamepishana na kusudi la MUNGU Kwa sababu hawakuwaamini Watumishi wa Bwana YESU KRISTO waliosema nao, na kumbe ni MUNGU alitumia Vinywa vya Watumishi hao kusema nao.

◼️ Ndugu jiwekee utaratibu wa kuwasikiliza Watumishi waaminifu wa Bwana YESU KRISTO wanapokupa ujumbe wa Neno la MUNGU, MUNGU anaweza kusema na Wewe kutokea kwenye Vinywa vyao.

2 Wakorintho 5:20 "Basi tu wajumbe kwa ajili ya KRISTO, kana kwamba MUNGU anasihi kwa vinywa vyetu; twawaomba ninyi kwa ajili ya KRISTO mpatanishwe na MUNGU."

➡️Inawezekana Mchungaji wako kwa sababu unamzidi elimu au uchumi hivyo unamdharau, Ndugu ni hasara kuu kwako k**a MUNGU ataamua kusema na Wewe kupitia Mchungaji huyo na Wewe ukapuuzia kwa sababu unamwangalia Mchungaji kimwili na sio kiroho.

3. MUNGU anaweza kusema na wewe akiwa hapa hapa Duniani.
◼️Mfano hai ni Ibrahimu ambaye alipata Neema hiyo ya MUNGU kusema nae hapa hapa Duniani kwenye mazingira ya nyumbani kwake Ibrahimu.

Mwanzo 17:22 "MUNGU akaacha kusema naye, akapanda kutoka kwa Ibrahimu."

◼️Biblia inaposema kwamba MUNGU alipomaliza kusema nae akapanda kwenda Mbinguni, hiyo maana yake wakati anazungumza alikuwa hapa hapa Duniani.

◼️Hata Wewe unaweza ukapata Neema hiyo, Ishi tu Maisha Matakatifu ya Wokovu wa Bwana YESU KRISTO na MUNGU ipo siku atasema na Wewe.

◼️Hata Yakobo alipata Neema hiyo, ya MUNGU kusema nae kutokea hapa hapa Duniani.

Mwanzo 35:13" MUNGU akakwea juu kutoka kwake mahali hapo aliposema naye."

◼️Hata Musa alipata Neema hiyo.

Kutoka 19:20-21 " BWANA akaushukia mlima, juu ya kilele cha mlima; BWANA akamwita Musa aende hata kilele cha mlima; Musa akapanda juu. Ndipo BWANA akamwambia Musa, Shuka chini, uwaonye watu wasije wakapasua njia waje kwa BWANA kutazama, kisha wengi miongoni mwao wakaangamia."

4. MUNGU anaweza kusema na wewe kutokea Kanisani, Ibadani, Madhabahuni.

◼️Mfano hai ni huu.

Mambo ya Walawi 1:1" BWANA akamwita Musa, na kusema naye kutoka katika hema ya kukutania, akamwambia,"

◼️Kumbe MUNGU anaweza kuzungumza na Wewe kutokea Ibadani, Kanisani, madhabahu au kule unakomfanyia Ibada.

◼️Ndugu kamwe usiache kwenye Ibadani kule ambako MUNGU Baba anaabudiwa katika ROHO MTAKATIFU ndani ya KRISTO YESU Mwokozi, k**a unahitaji MUNGU azungumze na Wewe.

5. MUNGU anaweza kusema na wewe kutokea kwenye ndoto au Maono anayokupa.

Ayubu 33:14-16 " Kwa kuwa MUNGU hunena mara moja, Naam, hata mara ya pili, ajapokuwa mtu hajali. Katika ndoto, katika maono ya usiku, Usingizi mzito uwajiliapo watu, Katika usingizi kitandani; Ndipo huyafunua masikio ya watu, Na kuyatia muhuri mafundisho yao,"

◼️Hata baadhi ya Watumishi wake MUNGU husema nao kupitia Ndoto na Maono, hata Wewe k**a umeokoka ni Mtumishi wa MUNGU na MUNGU anaweza kusema na Wewe kutokea kwenye Ndoto au Maono.

Hesabu 12:6 "Kisha akawaambia,Sikizeni basi maneno yangu;Akiwapo nabii kati yenu,Mimi, BWANA,nitajifunua kwake katika maono,Nitasema naye katika ndoto."

6. MUNGU anaweza kusema na wewe kutokea ndani ya Malaika.

◼️Mfano hai ni huu ambapo anapoanza kuzungumza ni Malaika ila baadae Biblia inaonyesha ni MUNGU anazungumza kutoka ndani ya Malaika.

Mwanzo 31:11-13 " Na malaika wa MUNGU akaniambia katika ndoto, Yakobo! Nikasema, Mimi hapa. Akasema, Inua, basi, macho yako, ukaone; mabeberu wote wanaopanda wanyama wana milia, na madoadoa, na marakaraka; maana nimeona yote aliyokutendea Labani. Mimi ni MUNGU wa Betheli, huko ulikotia mafuta nguzo, na kuniwekea nadhiri. Sasa ondoka, toka katika nchi hii, urudi mpaka nchi ile uliyozaliwa."

◼️Hata kwako MUNGU wa Mbinguni anaweza kuzungumza na Wewe kutokea ndani ya Malaika wake, Hakikisha tu unajifunza Biblia ili uwe na Ufahamu wa kujua "Hapa anazungumza Malaika k**a Malaika na hapa anazungumza MUNGU kutokea ndani ya Malaika"

7. MUNGU anaweza kusema na wewe kutokea sehemu maalumu aliyoipanga yeye wakati huo.

◼️Mfano hai MUNGU alimwambia Ezekieli aende uwandani na huko atazungumza nae.

Ezekieli 3:22 "Na mkono wa BWANA ulikuwako juu yangu huko; akaniambia, Ondoka, enenda uwandani; nami nitasema nawe huko."

◼️Kumbe MUNGU anaweza kuchagua sehemu ambayo atasema na Wewe, hivyo uwe mtii sana kwa ROHO MTAKATIFU ili akupe kufika sehemu ambayo MUNGU atapanga kusema na Wewe.
Mfano Unaweza ukashangaa rohoni Mwako unasikia Kufunga na kuomba na ukapata msukumo wa kwenda porini ili ufunge siku tatu Kisha urudi, kumbe huko unakoenda kufanyia Maombi ndio sehemu MUNGU amepanga kusema na Wewe, unashangaa Ukiwa huko unapata mafunuo mengi ya MUNGU na kumbe MUNGU aliandaa eneo hilo ili aseme na Wewe.

Siku Moja Mimi nilipata msukumo wa Kufunga siku 3 nikamuomba Mchungaji mmoja kwamba niwe pale Kanisani siku 3 katika ya wiki kwa sababu siku hizo hakuna Ibada Kanisani akanikubalia.
Nikaamua Maombi yangu niyafanyie madhabahu, usiku baada ya Maombi siku ya kwanza tu nikajipumzisha MUNGU alisema na Mimi kwa ndoto na maono jumla k**a 7 na kitu Cha ajabu nilipoamka sikusahau hata ndoto Moja, na ujumbe ule aliosema nami niliufanyia kazi.

◼️MUNGU anaweza kuchagua eneo akasema na Wewe Kwa muda huo Ukiwa katika eneo hilo.
Hata MUNGU kuzungumza na Musa kwenye kijiti haikuwa bahati tu Bali ulikuwa mpango kamili wa MUNGU kuzungumza na Musa eneo hilo siku hiyo.

Kutoka 3:3-4 " Musa akasema, Nitageuka sasa, niyaone maono haya makubwa, na sababu kijiti hiki hakiteketei. BWANA alipoona ya kuwa amegeuka ili atazame, Mungu akamwita kutoka katikati ya kile kijiti, akasema, Musa! Musa! Akasema, Mimi hapa."

◼️ Ndugu fuata sana maelekezo sana ya ROHO MTAKATIFU maana kuna sehemu anaweza kukupa msukumo wa kwenda mahali fulani kumbe MUNGU anataka kusema na wewe huko.
Asante kwa kujifunza Neno la siku.

Ubarikiwe sans.

14/08/2026

MAMBO 7 KUHUSU MACHO YA MUNGU.

Bwana YESU KRISTO Mwokozi atukuzwe Ndugu.
Karibu Tujifunze Neno la MUNGU.

◼️Leo tunajifunza kuhusu Macho ya MUNGU.

➡️Ukisoma 2 Nyakati 16:9 unaona kwamba Macho ya MUNGU huona Duniani mwote, Biblia inasema "Kwa maana macho ya BWANA hukimbia-kimbia duniani mwote, ili ajionyeshe mwenye nguvu kwa ajili ya hao, waliokamilika moyo kuelekea kwake. Kwa hayo umetenda upumbavu; kwani tangu sasa utakuwa na vita."

➡️Na hata Mtu anayefanya dhambi MUNGU humuona.

Waamuzi 13:1 "Wana wa Israeli wakafanya tena yaliyo mabaya mbele za macho ya BWANA, BWANA akawatia katika mikono ya Wafilisti, muda wa miaka arobaini."

◾Mambo Saba Kuhusu macho ya MUNGU.

1. Macho ya MUNGU yapo kila mahali yakichunguza Mtu mbaya na Mtu mwema.

Mithali 15:3 "Macho ya BWANA yako kila mahali; Yakimchunguza mbaya na mwema."

◼️Hivyo Mwanadamu yeyote huwezi kumkwepa MUNGU Kwa namna yeyote ile, hivyo ni heri tu kumcha MUNGU katika KRISTO YESU Kwa utakatifu na uaminifu huku ukiishi Maisha safi yanayompendeza MUNGU wa Mbinguni daima.

2. Macho ya MUNGU huelekea wenye haki na kusikiliza Maombi yao.

1 Petro 3:12 "Kwa kuwa macho ya Bwana huwaelekea wenye haki, Na masikio yake husikiliza maombi yao; Bali uso wa Bwana ni juu ya watenda mabaya."

◼️Kuna faida kubwa kuishi maisha ya haki, Maisha ya haki yatamfanya MUNGU akuangalie Kila Wakati na kusikiliza Maombi Yako.

◾Maisha ya haki ni Maisha gani?

➡️Maisha ya haki Kibiblia yamebeba maana tatu.

◼️Kwanza Maisha ya haki ni Maisha ya Wokovu katika KRISTO YESU Mwokozi.

Warumi 3:21-22 " Lakini sasa, haki ya MUNGU imedhihirika pasipo sheria; inashuhudiwa na torati na manabii; ni haki ya MUNGU iliyo kwa njia ya imani katika YESU KRISTO kwa wote waaminio. Maana hakuna tofauti;"

◼️Pili ni Maisha ya haki ni Maisha ya Mtu aliyetubu na kuacha dhambi akaambatana na KRISTO YESU.

1 Yohana 2:28-29 " Na sasa, watoto wadogo, kaeni ndani yake, ili kusudi, atakapofunuliwa, mwe na ujasiri, wala msiaibike mbele zake katika kuja kwake. K**a mkijua ya kuwa yeye ni mwenye haki, jueni ya kuwa kila atendaye haki amezaliwa na yeye."

◼️Maisha ya haki pia ni Maisha Ukiwa ndani ya KRISTO usionee Mtu, usimchokoze Mtu na usitende mabaya kwa Mtu.

1 Yohana 3:10 "Katika hili watoto wa MUNGU ni dhahiri, na watoto wa Ibilisi nao. Mtu ye yote asiyetenda haki hatokani na MUNGU, wala yeye asiyempenda ndugu yake."

3. Macho ya MUNGU yako kwa wamchao katika KRISTO YESU wanaongojea Fadhili zake.

Zaburi 33:18 "Tazama, jicho la BWANA li kwao wamchao, Wazingojeao fadhili zake."

◼️Ingawa MUNGU anaweza kuwaangalia watu wote ila Kuna Kundi la watu huwazingatia ili awape msaada wake pale wanapouhitaji.
Watu hao ambao MUNGU huwazingatia ni wale wamchao katika KRISTO YESU huku wakingojea msaada wake.

◼️Ukitaka MUNGU akuzingatie na kukusaidia Kila Wakati basi Mche yeye katika KRISTO YESU Mwokozi.

4. Macho ya MUNGU huangalia utawala wenye dhambi ili kuwaondoa duniani.

Amosi 9:8 "Angalieni, macho ya Bwana MUNGU yanauangalia ufalme wenye dhambi, nami nitauangamiza utoke juu ya uso wa dunia; lakini sitaiangamiza kabisa nyumba ya Yakobo, asema BWANA."

◼️Falme zote Zenye dhambi MUNGU huziangalia na baada ya muda huziangamiza.
Wapo maelfu ya watawala wadhalimu MUNGU aliwaondoa katika madaraka maana ni tabia yake kuangalia utawala wenye dhambi ili kuuangamiza.

5. Macho ya MUNGU humhifadhi mwenye maarifa yake.

Mithali 22:12 "Macho ya BWANA humhifadhi mwenye maarifa; Bali huyapindua maneno ya mtu haini."

◼️Maarifa haya ni maarifa sahihi ya Neno la MUNGU la kuwasaidia watu wengi, Mtu wa namna hiyo anaweza kuhifadhiwa na MUNGU.
Tunayo mifano baadhi ni K**a Mtume Yohana ambaye aliishi miaka mingi sana ili maarifa ya MUNGU awape Vijana au kizazi Cha Vijana, Yohana hakuuishi tu muda mrefu Bali alikuwa na maarifa ya MUNGU Kwa faida ya Kanisa Zima la KRISTO Duniani.
Wako na Watumishi wengine wengi ambao waliishi miaka mingi wakilindwa na macho ya MUNGU ili maarifa ya ki MUNGU waliyoyabeba wanapatia Vijana.

◼️Kuna Mtu anaweza akalindwa sana na macho ya MUNGU Kwa sababu Mtu huyo ana maarifa ya ki MUNGU yatakayoisaidia jamii kubwa.

6. Macho ya MUNGU yapo mbele ya mwanadamu ili kumfanya MUNGU atafakari njia za wanadamu.

Mithali 5:21 "Kwa maana njia za mwanadamu zi mbele za macho ya BWANA, Na mienendo yake yote huitafakari."

◼️Wakati Mwingine MUNGU hutukagua mienendo yetu kwa kututazama.

◼️Wakati Mwingine MUNGU hutuangalia ili ajiridhishe k**a kweli tunamcha Yeye.

7. Kuna eneo macho ya MUNGU yanaweza kuwako eneo hilo mwaka mzima .

Kumbu 11:12 "nayo ni nchi itunzwayo na BWANA, Mungu wako; macho ya BWANA Mungu wako, ya juu yake, tangu mwanzo wa mwaka hata mwisho wa mwaka."

➡️hii inaweza kuwa Kanisani kwenye madhabahu takatifu ya MUNGU ambayo watenda kazi wake hawaruhusu dhambi au uovu na wanamwabudu MUNGU katika ROHO MTAKATIFU na kweli.

◼️Pia eneo hili linaweza kuwa ni ardhi yoyote au eneo lolote atakalopenda MUNGU macho yake yawe huko mwaka mzima.

Asante kwa kujifunza Neno la siku ya leo,

Ubarikiwe na Bwana Yesu Kristo.

11/08/2026

MATUKIO NA NYAKATI ZA AJABU ZILIZOWAHI KUTOKEA DUNIANI.

Bwana YESU KRISTO Mwokozi atukuzwe rafiki.
Karibu Tujifunze kitu kupitia ujumbe huu mfupi.

◼️Kuna Matukio ya ajabu na Nyakati nyingi za ajabu zimewahi kutokea Duniani, hapa nimekuletea Chache katika ya nyingi.

➡️Nyakati hizi ziliambatana na matukio mbalimbali mbalimbali ya ajabu.

Mhubiri 3:1 "Kwa kila jambo kuna majira yake, Na wakati kwa kila kusudi chini ya mbingu."

◾ Matukio na Nyakati 5 za ajabu zilizowahi kutokea Duniani.

1. Neno la kweli la MUNGU kuwa adimu na kutokuwepo kwa Ufunuo wa MUNGU.

1 Samweli 3:1 "Basi, mtoto Samweli akamtumikia BWANA mbele ya Eli. Na neno la BWANA lilikuwa adimu siku zile; hapakuwa na mafunuo dhahiri."

✔️Huu ni wakati ambao MUNGU alikuwa amewanyamazia Wanadamu kwa muda mrefu.

◼️Wakati huu Neno la MUNGU lilikuwa adimu sana yaani lilikuwa haipatikani kwa sababu Wahubiri walikuwa hamna, labda Mhubiri alibaki Kuhani Elly na wenzake Wachache sana, Hata kuhani Elly naye alikuwa na udhaifu wa kutokukemea Dhambi hivyo Neno halisi la MUNGU lilikuwa Adimu sana.

1 Samweli 3:12-13 " Siku hiyo nitayatimiza maneno yale yote niliyoyasema juu ya Eli katika habari za nyumba yake, tangu mwanzo hata mwisho. Kwa maana nimemwambia ya kwamba nitaihukumu nyumba yake milele, kwa ajili ya ule uovu alioujua; kwa kuwa wanawe walijiletea laana, wala yeye hakuwazuia."

➡️Nyakati hizi ilikuwa Nyakati ngumu sana kwa sababu Neno la MUNGU lilikuwa adimu.

◼️Ukijua faida za Neno la MUNGU katika KRISTO YESU hutafurahi Neno hilo likiwa adimu kwa Wanadamu.

◾Hii ikufundishe Nini?

◼️Ikufundishe kwamba hata Wakati Wahubiri wa kweli wa Injili ya KRISTO katika Maeneo Yako hawapo au ni wachache Wewe hifadhi Neno la KRISTO hata k**a Wengine hawafanyi hivyo, Mimi nimewahi kukaa eneo ambalo asilimia 98 sio Wakristo na hairuhusiwi hata kuwasha kwa Sauti kubwa redio inayopiga nyimbo za Injili, na wakati huo Mtumishi wa MUNGU Rose Muhando alikuwa ametoa albamu yake ya YESU Nibebe, nyimbo nyingi zinamtaja YESU hivyo watu wa jamii ile isiyo na YESU hawakutaka kusikia Jina YESU KRISTO, na siku Moja wakati nafua nguo nilifungulia nyimbo za Injili nzuri zinazomhubiri YESU mwenye nyumba nilipokuwa nimepanga akaniambia nihame kwenye Nyumba yake nikahama.
Na katika mazingira yake yale MUNGU alisema na Mimi kwamba nitajenga nyumba kiajabu sana na ikaja kuwa hivyo.
Lakini hata katika wakati huo ambao Neno la MUNGU lilikuwa adimu katika wilaya hiyo niliyokuwepo nilibaki na Neno la KRISTO kwa spidi ya ajabu zaidi.

✓✓Hata wewe lijue hili ya kwamba hata k**a utakuwa sehemu ambayo Neno la kweli la MUNGU katika KRISTO YESU ni adimu Wewe uwe k**a Samweli ambaye alibaki na MUNGU akiwa Mtoto Mdogo kipindi Neno la MUNGU ni Adimu k**a andiko linavyosema hapo juu kwamba "Basi, mtoto Samweli akamtumikia BWANA mbele ya Eli."

2. Kila familia nchi nzima kufa Mtu Mmoja kwa usiku mmoja.

Kutoka 12:30 "Farao akaondoka usiku, yeye na watumishi wake wote, na Wamisri wote; pakawa na kilio kikuu katika Misri; maana hapakuwa na nyumba hata moja asimokufa mtu."

➡️Nyakati hii ngumu sana iliwakuta Taifa Zima la Misri, yaani Kila familia Mtu mmoja alikufa usiku Mmoja.

➡️Pata picha familia Moja waamka asubuhi Mtoto wa kwanza amefariki wanapokwenda kwa jirani kualika watu waje msibani wakifika hiyo nyumba wanakuta msiba au wakiwa wanaenda kwa jirani wanakutana njiani na majirani 5 na Kila mmoja anakuja kuita watu msibani kwake.

➡️Yaani ingekuwa kuna vikundi vya waombolezaji wa kuigiza k**a ilivyo Leo siku hiyo hata waombolezaji hao wangeomboleza kiukweli ukweli Tena Kila mmoja na familia yake tu.

➡️Yaani k**a familia ilikuwa ya Mtu mmoja tu naye kwa wazazi wake alizaliwa peke yake akiwa Mtoto wa kwanza na huku mama yake naye ni Mtoto wa kwanza na Baba yake naye ni Mtoto wa kwanza wangekufa wote asiwepo wa kuwazika k**a majirani hawatajua.

➡️Nyakati hii ilikuwa ngumu kuliko kawaida kwa Taifa Zima.
Na ilitokea kwa sababu MUNGU alikuwa analipizia Waisraeli kisasi Cha utumwa wa miaka 400 na pia MUNGU alikuwa anajilipizia kisasi kwa miungu ya Misri.

Kutoka 12:12 "Maana nitapita kati ya nchi ya Misri usiku huo, nami nitawapiga wazaliwa wa kwanza wote katika nchi ya Misri, wa mwanadamu na wa mnyama; nami nitafanya hukumu juu ya miungu yote ya Misri; Mimi ndimi BWANA."

◾Hii ikufundishe Nini?

◼️MUNGU anaweza kukulipizia kisasi kibaya kwa adui zako waliokutesa muda mrefu k**a Wewe ni Mteule wa KRISTO unayeishi Maisha Matakatifu.

◼️Hii ikufundishe kwamba usimfanye mtumwa Mtu mwenye Agano na MUNGU maana ukiendelea kumfanya mtumwa na kumuonea ipo siku MUNGU atakuadhibu.

◼️Hii ikufundishe kwamba usimtese Mtu anayemwabudiwa MUNGU wa Mbinguni k**a Wewe unaabudu miungu na uko kinyume na KRISTO YESU.

3. Jua na mwezi kusimama kwa Maombi ya Joshua

Yoshua 10:12-14 " Ndipo Yoshua akanena na BWANA katika siku hiyo ambayo BWANA aliwatoa Waamori mbele ya wana wa Israeli; akasema mbele ya macho ya Israeli, Wewe Jua, simama kimya juu ya Gibeoni; Na wewe Mwezi, simama katika bonde la Aiyaloni. Ndipo jua likasimama, na mwezi ukatulia, Hata hilo taifa lilipokuwa limekwisha jipatiliza juu ya adui zao. Haikuwapo siku nyingine mfano wa siku hiyo katika siku zilizotangulia mbele yake wala katika hizo zilizoandama baada yake, hata ikawa yeye BWANA kuisikia sauti ya binadamu; kwa kuwa BWANA alipiga vita kwa ajili ya Israeli."

➡️Hii ilikuwa kubwa kuliko, yaani jua kusimama kusimama ili Israeli ashinde.

Dunia nzima Wanadamu wote Nina hakika walikuwa wanashangaa jua haliendi huku masaa yanaenda na ilipofika usiku wa mwezi kuonekana na mwezi nao ukasimama hivyo Wanadamu wakawa wanashangaa mwezi na jua vimesimama vikiendelea kuwaka kwa wakati mmoja, yalikuwa ni Maajabu ya Dunia, ingekuwa Leo kipindi Cha internet na mitandao ya kijamii sijui ingekuaje.

◾Ikufundishe Nini hii?

◼️Ikufundishe kwamba Maombi ya Mtu mmoja yanaweza kutenda kazi hata Dunia nzima.
Maombi ya Joshua ya kusimamisha jua yalifanya jua lisimame kwa watu wote Duniani.

◼️Wewe uliyeokoka Maombi Yako yanaweza kutenda kazi hata kwa Taifa Zima hivyo maadamu una YESU KRISTO usijidharau.

◼️Wewe unaweza usisimamishe jua ila unaweza ukasimamishi ajali au mauaji au mambo mabaya kwa Maombi Yako, hata k**a Ndugu zako wako mbali Maombi Yako yanaweza kutenda kazi huko huko mbali waliko.

◼️Omba katika Jina la YESU KRISTO utamuona MUNGU wa Mbinguni.

4. Makaburi kufunuka waliozikwa humo kufufuka.

Mathayo 27:50-53 " Naye YESU akiisha kupaza sauti tena kwa nguvu, akaitoa roho yake. Na tazama, pazia la hekalu likapasuka vipande viwili toka juu hata chini; nchi ikatetemeka; miamba ikapasuka; makaburi yakafunuka; ikainuka miili mingi ya watakatifu waliolala; nao wakiisha kutoka makaburini mwao, baada ya kufufuka kwake, wakauingia mji mtakatifu, wakawatokea wengi."

◼️Hili ndio Nyakati kubwa kuliko zote zilizowahi kutokea, hili ndilo tukio kubwa kupita yote yaani Watakatifu wote ambao walishafariki zamani wanahamia makazi mazuri ya Mbinguni yaani wanaenda Paradiso au pema peponi.

◼️Na tangu siku hiyo Mteule wa KRISTO pekee aliyeokoka anayeishi Maisha Matakatifu akifa huenda huko.

➡️Ila Mtu aliyemkataa YESU k**a Mwokozi akifa huenda kuzimu akisubiri jehanamu.
Ndio maana tajiri mtenda dhambi alikuwa kuzimu na huku masikini Mcha MUNGU akiwa paradiso.

Luka 16:22-23 " Ikawa yule maskini alikufa, akachukuliwa na malaika mpaka kifuani kwa Ibrahimu. Yule tajiri naye akafa, akazikwa. Basi, kule kuzimu aliyainua macho yake, alipokuwa katika mateso, akamwona Ibrahimu kwa mbali, na Lazaro kifuani mwake."

◼️Hii ikufundishe kwamba ukifa Ukiwa unaishi Maisha Matakatifu ya Wokovu wa KRISTO utaenda paradiso.

◼️Hii ikufundishe kwamba Bwana YESU Alipokuja kazi yake mojawapo ilikuwa ni kuwatengenezea makazi mazuri Watakatifu wa kabla hajaja na Watakatifu watakaoliishi Neno lake baada ya wao kumpokea yeye k**a Mwokozi wao baadae.

➡️K**a huna YESU KRISTO ukifa huwezi kwenda pema peponi hata k**a watu watakupamba kwamba uende pema peponi.

◼️Bila YESU KRISTO hakuna Uzima wa Milele hivyo mpokee Leo YESU KRISTO awe Mwokozi wako, usije ukasahau kamwe Wokovu wa KRISTO YESU.

5. ROHO MTAKATIFU kuwashukia Watu wakaanza kuongea lugha za mataifa mengine, lugha ambazo bila ROHO MTAKATIFU wasingeweza kuongea .

Matendo 2:5-12 " Na walikuwako Yerusalemu Wayahudi wakikaa, watu watauwa, watu wa kila taifa chini ya mbingu. Basi sauti hii iliposikiwa makutano walikutanika, wakashikwa na fadhaa, kwa kuwa kila mmoja aliwasikia wakisema kwa lugha yake mwenyewe. Wakashangaa wote, wakastaajabu wakiambiana, Tazama, hawa wote wasemao si Wagalilaya? Imekuwaje basi sisi kusikia kila mtu lugha yetu tuliyozaliwa nayo? Warparthi na Wamedi na Waelami, nao wakaao Mesopotamia, Uyahudi na Kapadokia, Ponto na Asia, Frigia na Pamfilia, Misri na pande za Libia karibu na Kirene, na wageni watokao Rumi, Wayahudi na waongofu, Wakrete na Waarabu; tunawasikia hawa wakisema kwa lugha zetu matendo makuu ya MUNGU. Wakashangaa wote wakaingiwa na shaka, wakiambiana, Maana yake nini mambo haya?"

◼️Hili ni tukio kubwa sana na la ajabu sana yaani Mtu hujui lugha fulani lakini katika ROHO MTAKATIFU unaiongea wakati wa kunena kwa lugha.
Nyakati hii ilikuwa wakati wa ujio wa ROHO MTAKATIFU.

◼️Hii ikufundishe kwamba katika Maisha Yako ya Wokovu unamhitaji sana ROHO MTAKATIFU.
Kila Mkristo anatakiwa ahakikishe anampokea ROHO MTAKATIFU.
Kila mkristo anataikiwa kuwa na Roho mtakatifu ili uwe na maarifa zaidi.

Barikiwa na neno hilo
Amen

Address

Muhuta

Website

Alerts

Be the first to know and let us send you an email when Neema ya Kristo ya tosha posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Neema ya Kristo ya tosha:

Shortcuts

Share

Category