05/06/2026
NI KANGAHE UMWOROZI AKWIYE GUSUKURA INZU Y’INKOKO?
Inzu y’inkoko ikwiye gusukurwa kenshi kugira ngo inkoko zame zifise amagara meza kandi zitange umwimbu mwiza.
Ehe ingene bikorwa:
Buri musi:
Hindura ivyo wazisasiye iyo vyatose canke vyanduye, cane cane ahari amazi.
Gusukura neza ivyo inkoko ziriramo n'ivyo zinweramo.
Kwegeranya amagi kugira ntameneke canke ngo yandure.
Buri ndwi:
Kuvanga canke guhindura ivyo wasasiye kugira bigume vyumye kandi ntihaze umunuko.
Gusukura aho inkoko ziryama n’aho zitera amagi igihe handuye.
Gukubura hasi no gukuramwo amababa n’amase ari ahabona.
Buri kwezi:
Gukora isuku yimbitse y’inzu yose: gukuramwo ivyo wazisasiye vyose, gukubura no koza neza hasi, inkuta, ivyo ziriramwo, ivyo zinweramo n’ivyari vy’amagi, hanyuma ugakoresha umuti wica imigera (Desinfectant).
Gusuzuma ko hatarimwo utunyugunyugu, imiswa, ibitabgurigwa canke izindi parazite.
Hanze y’inzu y'inkoko:
Gukora isuku ikwiye no gupompa imiti yica imigera mu nzu yose no hanze yayo.
Bishobotse, gusiga inzu idafise inkoko mu kiringo c’indwi 1 gushika kuri 2 kugira iruhuke neza imbere yo kwinjizamwo izindi nkoko.
👉 Kwama usukura neza inzu y’inkoko birafasha gukingira indwara, kugabanya impfu no guteza imbere umwimbu mwiza. 🐔🏡
#
