Parcem Burundi

Parcem Burundi PARCEM est une ONG des droits
Burundais œuvrant dans le domaine de gouvernance et droits humains

🇧🇮 Mw’isasa ry'Inama nshingamateka yabaye ku wa 28 Rusama 2026, abashingamateka barashikirije icegeranyo c'ingendo bagiz...
01/06/2026

🇧🇮 Mw’isasa ry'Inama nshingamateka yabaye ku wa 28 Rusama 2026, abashingamateka barashikirije icegeranyo c'ingendo bagize mu ntara zose z'igihugu kugira bumvirize ibibazo bihanze abenegihugu ndetse bikanabangamira ishirwa mu ngiro ry'imigambi y'iterambere ry'igihugu.

🗣️ Ibibazo vyashikirijwe ni bimwe Parcem Burundi isanzwe yama ivuga mu bikorwa vyayo, harimwo : ugutevya gushikana ifumbire ku barimyi ; ukubura imiti mu mavuriro ; uguta akazi kw'abakozi b'abahinga mu gisata c'amagara y'abantu no mu gisata c'indero ; uguteba kw'imanza hamwe n'ukudaca imanza zibereye; ukubura ibikoresho vy'inyigisho mu mashure ; ubuke bw'amabarabara meza mu makomine amwamwe ; ukubura ibitoro bituma ibiciro vy'ibidandazwa biduga ; ubukene bw’umuyagankuba mu bice bimwebimwe vy'igihugu ; inyubakwa z'ibiro vy’ama zone zitararangira kwubakwa hamwe n'ikena ry'amazi meza.

✍️Ku bwa Parcem Burundi, abashingamateka bakwiye guhamagaza inzego zifise mu mabanga yazo gutorera umuti ivyo bibazo kugira zishikirize ingamba n'imigambi zitegekanya gufata mu kubitorera inyishu. Bokwongera bagashiraho amakomisiyo ahurikiyemwo impande zitandukanye, ajejwe gukurikirana no gusuzuma ishirwa mu ngiro ry'izo nyishu. Magazine Jimbere

📸: Inama nshingamateka,

🙌Mwiriwe, Itariki ya 25 Rusama n'umunsi mpuz'amakungu wahariwe Afrika. Kuri uyu munsi Parcem Burundi yasohoye umwihwezo ...
25/05/2026

🙌Mwiriwe, Itariki ya 25 Rusama n'umunsi mpuz'amakungu wahariwe Afrika. Kuri uyu munsi Parcem Burundi yasohoye umwihwezo kubijanye n'uwo munsi.

🗣️ Turavye ukwo iyindi migabane ibayeho , biraboneka neza ko Afrika iri mu migabane igifise ibibazo bimwe bimwe womenga irisangije nk’ingwano , inryane z’amoko niza politike, inzara, ibura ry’akazi , itera bwoba, ubukene ndetse bamwe bamwe mu rwaruka bama baburiye ubuzima mu nyanja ya mediteranné bariko bahiga ukwo bova muri afrika.

✍️ Kw’isi afrika ni umugabane ufise ubutunzi k**a bwinshi , gusumvya ndetse n’iyindi migabane nk’inzahabu , petrole, ndetse n’ayandi mabuye y’agaciro aho ntituvuze n’amashamba cimeza menshi arimwo ibiti vy’agaciro.

🎯 Uyu munsi rero ush*tse mugihe amashirahamwe ahuriza hamwe ibihugu vya afrika ari mu ngorane , uravye nko muri CEDEAO iri mu bibazo , EAC naho nyene harimwo ibitameze neza , SADEC na SAHEL hakiyongerako n’ibiriko biraba muri afriko y’epfo ucubona neza ko hakiri igihaze mw’iterambere rya Afrika.

📍Ivyo bica biza vyiyongera ku migambi imwe imwe iteba gushirwa mu ngiro nk’umugambi NEPAD wari kwubaka inyubako nyinshi zigezweho ndetse na Agenda 2063 ubona ko ibihugu bitarayitwararika ubiravye ucubona neza ko muri Afrika uburongozi bugifise agahaze aho ntitwibagiye wa mugambi wo guhanahana ibidandazwa wazingamye aho kwiyunguruza bikigoye cane muri Afrika aho kuja mugihugu co muri afrika biruta kuja kuwundi mugabane.

📌Ubiravye womenga ibihugu vyinshi vyo muri afrika vyama vyiteze imfashanyo bica bituma ubona neza ko tugikeneye intunganyo nziza mu Burongozi.

⚠️Ikindi gituma afrika idashikira iterambere ni iguturire cabaye ndanse , mubihugu vyo muri afrika kuva hasi gushika hejuru aho afrika ariwo mugabane wa mbere ujana kubitsa amafaranga muyindi migabane ayo aba yavuye mu biturire no kunyonora amatungo y’Igihugu.

✅ Kubwa Parcem Burundi uwu munsi wari ukwiye kubera akanya keza indongozi zo muri Afrika ko kwicara bakirimbura bakabwizanya ukuri mu gufata ingendo n’ingingo nshasha zoteza imbere uyu mugabane.

13/05/2026

🙌Mwaramutse, kuri uyu wa 13 Rusama 2026, Parcem Burundi yashikirije ikiganiro kubanditsi n'abamenyeshamakuru aho yashize ahabona icegeranyo co kurabira hamwe iyo turiko turaja (Turiko tuja he?) dufatiye kubimaze kurangurwa mubisata bigize ubuzima bw'Igihugu muri aya mezi ane yambere ya 2026.

👇 Kurikira ico kiganiro

🙌Mwiriwe ? iranegura ingendo y’abategetsi bamwe bamwe bagipfunga abanegihugu igihe kirenga icategekanijwe n'amategeko....
12/05/2026

🙌Mwiriwe ? iranegura ingendo y’abategetsi bamwe bamwe bagipfunga abanegihugu igihe kirenga icategekanijwe n'amategeko. Ivyo bica bituma haba igitigiri c’umurengera c'imfungwa nkuko bikunda kwibonekeza mu m’abohero amwe amwe nko mw’ibohero rya zone muri komine Cibitoke intara ya Bujumbura nikwo bimeze.

📌Twagomba twibutse ko igitigiri kinini c’abanyororo gitwara uburyo bwinshi reta ndetse n’inguvu zabo zategerezwa kuba ziriko zisahiriza mu bikorwa vy’imiryango yabo no mw’iterambere ry’Igihugu.

🗣️Parcem Burundi yagomba ivunire akagohe abategetsi bamwe bamwe bafashe inzira itariyo yo gupfunga abenegihugu bishimikije ivyubahiro vyabo ko iyo ngendo boyihagarika.

🔐Kugira ico gisata gitunganywe neza Parcem Burundi isaba ibi bikurikia :

1⃣Iyubahirizwa ry'amatego mukurungika abagiriwe n’icaha imbere y’ubucamanza mukiringo gitegekanijwe.

2⃣Inyamiramabi zobanza gusuzuma neza ko umuntu yahagaritswe akwiye gupfungwa canke yoburana yidegemvya.

3⃣Reta ikwiye kuza irahana yivuye inyuma abo bose biha ububasha bwogupfungira abanegihugu ubusa.

11/05/2026

🇧🇮 Mwiriwe, kw’itariki ya 08/05/2026, hari hatunganijwe inama yo kurabira hamwe aho igikorwa co gutunganya amatora yimirije kigeze. Parcem Burundi yagize ico ishikiriza ku vyavugiwe muri iyo nama ndetse n’igikorwa c’umurwi muri rusangi.

05/05/2026

🇧🇮 Mwiriwe? kw'itariki ya 6/03/2026 Parcem Burundi yari yatunganije ikiganiro aho yasohora umwihwezo kubijanye n'icegeranyo ku vy'ubutunzi mu kiringo c'amezi atatu yanyuma ya 2025 cari cashizwe ahabona n'ibanki nkuru y'Igihugu kuwa 26/02/2026.

🗣️Kuri uyu munsi twifuje kugaruka kuri bimwe muvyo twashikirije muri ico kiganiro. 👇

Parcem Burundi irakeje abacamanza ba sentare ijejwe kwubahirizwa amatungo ya Reta (Cour des comptes) barahira uyu musi. ...
30/04/2026

Parcem Burundi irakeje abacamanza ba sentare ijejwe kwubahirizwa amatungo ya Reta (Cour des comptes) barahira uyu musi. Ariko rero, urwo rwego ruhambaye cane mu ntwaro ibereye ruracugarijwe n’ibibazo bikomeye bituma rudashobora kurangura neza imirimo yarwo.

📸: Ifoto niyakera

🇧🇮 Ejo haheze niho abashikiranganji bashasha barahira mu mabanga bajejwe. Kubwa Parcem Burundi , vyari vyiza ko bukeye b...
30/04/2026

🇧🇮 Ejo haheze niho abashikiranganji bashasha barahira mu mabanga bajejwe. Kubwa Parcem Burundi , vyari vyiza ko bukeye bw’izo ndahiro baca berekana ivyo batunze nk’uko ibwirizwa nshingiro ribitegeka, ariko ikibabaje n’uko ivyo bitubahirizwa. Ibi birerekana neza ko hakiriho ikibazo gikomeye mubijanye n’intwaro ibereye mu nzego zo hejuru z'igihugu.

🗣️ Igihugu kiri mu bihe bitoroshe bitewe n’ikena ry’igitoro ririko riratuma ukwiyunguruza kw’abantu n’ibintu kugenda nab...
29/04/2026

🗣️ Igihugu kiri mu bihe bitoroshe bitewe n’ikena ry’igitoro ririko riratuma ukwiyunguruza kw’abantu n’ibintu kugenda nabi. Mu bihe nk’ibi, agacerere Reta irimwo ndetse n’ubushikiranganji bubijejwe, bituma haba amakenga, ukwihebura no kwibaza ibitarivyo ku benegihugu.

🎤 Reta yategerezwa kwerekana ko ifise ubushobozi n’inyishu zihuta kandi zifadika zituma ico kibazo gitorerwa umuti, ikongera ikamenyesha abanegihugu ukuntu bovyifatamwo muri ibi bihe bikomeye.

🔑 Ishirahamwe Parcem Burundi ntiryigeze rihengeshanya kwerekana inzira ndetse n’ivyiyumviro vyofasha mu gutorera umuti iki kibazo kiriko kirabangamira ubuzima bw’abenegihugu.

📌 Kubwa Parcem Burundi igihe tugezemwo s’igihe co kudatanga inyishu zitomoye, guhunga ibibazo canke kwiyobagiza. Iki n’igihe co gukora kuko Igihugu kiri mu bihe bigoye!

📢 Bitandukanye n'ivyashikirijwe i Gitega mu gihe hatanguzwa inyigisho zo kwitegurira amatora y'Umukuru w'Igihugu yo mu m...
23/04/2026

📢 Bitandukanye n'ivyashikirijwe i Gitega mu gihe hatanguzwa inyigisho zo kwitegurira amatora y'Umukuru w'Igihugu yo mu mwaka wa 2027, Parcem Burundi iributsa ibisabwa kugira umuntu yitoze mu mabanga y’Umukuru w'Igihugu, nk’uko bitegekanijwe n'ingingo y'98 y'Ibwirizwa Shingiro rya Repubulika y'Uburundi.
----------------
Ingingo ya 98

📜Uwitoza mu mabanga y'Umukuru w'Igihugu ategerezwa :

1️⃣Kuba afise uburenganzira bwo gutora nk'uko bitegekanijwe n'Ibwirizwa rigenga amatora ;

2️⃣Kuba afise gusa ubwenegihugu bw'umurundi yavukanye ;

3️⃣Kuba akwije imyaka mirongo ine igihe c'amatora ;

4️⃣Kuba aba mu Burundi igihe yiyandikisha ngo yitoze ;

5️⃣Kuba ata kimubuza kurangura amabanga y'igihugu n'ayaporitike ;

6️⃣Kwemeza mu rwandiko ko azokwisunga Ibwirizwa Shingiro n'Amasezerano y'Ubumwe bw'Abarundi.

🚫Vyongeye, uwitoza mu mabanga y'Umukuru w'Igihugu ategerezwa kuba atigeze yagira icaha gikomeye canke gisanzwe co mu mategeko rusangi gihanishwa igihano gitegekanywa n'ibwirizwa rigenga amatora.

⚖️Ibwirizwa rigenga amatora ni ryo ritomora ikiringo uwitoza mu kibanza c'Umukuru w'Igihugu azoba amaze kuva ahejeje igihano kugira ngo yemererwe kwitoza.

📌✊ Parcem Burundi iboneyeho akaryo ko kwibutsa ko ata muntu n’umwe ari hejuru y’Ibwirizwa Shingiro rya Repubulika y’Uburundi. Naho yoba afise amabanga akomeye, umurundi wese ari munsi y’amategeko. »

📸:

Address

ROHERO I, Avenue MUYINGA N°1
Bujumbura

Opening Hours

Monday 07:30 - 17:00
Tuesday 07:30 - 17:30
Wednesday 07:30 - 17:30
Thursday 07:30 - 17:30
Friday 07:30 - 17:30

Telephone

+25722278300

Website

Alerts

Be the first to know and let us send you an email when Parcem Burundi posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Parcem Burundi:

Shortcuts

Share

Category