K.V. Rabbedabbers Kinrooi

Startpagina
België
Kinrooi
K.V. Rabbedabbers Kinrooi

K.V. Rabbedabbers Kinrooi is de officiële karnavalsvereniging van oud-Kinrooi. Ze is gesticht op 11/11/1976 om 11:11 u.

14/06/2026

Drökke daag gister! Mèt ei deil wuilesse op ‘t Sjmaal Festival, get luj op eine vriejgezelle en nog ei paar kuukes mèt famieljaal verplichtinge, ginge wae mèt eine oëtgedundje groep pingponge en beugele in Bieësel.

Veural biej het beugele woor het al snel duidelik det ‘t ei spel is boë d’n eine d’n angere baeter eine kloeët aaftrèktj, den zelf te skore. Heerlikke sport. Wae gaon massaal aansloëte!

Oppe pingpong speuldje wae ei tornooi. Tösse eeder matsj de kantien in en op het inj wôn Juca. Waas hum gegundj!

Saoves slote de vroluuj en nog get neet-sportieve sjörgers aan veur ei kulinaer festijn. Barbekjoew en drank en alles!

De Vorst deej nao het aete al fluitendj d’n aafwas, mèt hulp van Inge, Marijke en Monik. Het môt gezagdj det Monik veur heure laeftiëd nog aardig ônger de puuëj oët kintj inne keuke. Det is nateurlik ei bitje geliëk fitse. Det verliërse neet.

Kort gezag: eine topdaag!!! 🤘

Volgendje aktiviteite: oëtstap jeugdraod in juli en fitstocht/barbekjoew op 15 augustus. 🥳

05/06/2026

Profiesiejat Beppie! En tot oppe Prinsezitting van 9 janewariej 2027!!! 🎉🎉🎉

31/05/2026

't Is nog vreug, mer biej deze wètj g*e al op waat daag det g*e niks môt plenne of op vakansie môtj gaon.

Wae Rabbedabbers gaon de kômendje maondje alvas vanne zomer geneete, mèt ouch 2 sjikke vereinigingsaktiviteite. Dao waere den de zäödjes geplandj veur weer ei nòw sezoen. ;)

22/04/2026

🥔Belsj zitj allewiel op eine berg petatte diej de boore neet aane straotstein kwiët kinne gerake. Dao is mer leefst 860.000 tôn aerpelle euver dit jaor! Het zou neet allein zunj zeen ôm det good en voedzaam materjaol te laote verlore gaon, de landjbòwwers in kwestie môtte leefst ouch get mieë es allein mer het zaot op heur petatte verdeene. Veur niks geit allein de zôn op!

🫵Jo Brouns, minister van boorderieje en omg*eving, heet gelökkig alweer mèt ziën kabinèt ein oplossing op maot oëtgewirktj.

☝️Jo: “In feite is het simpel. Laot mich efkes eine raekensôm make!”
- 1 tôn is 1.000 kilo.
- Het geit dus euver 860.000.000 kilo aerpel.
- Ein gooj porsie frit is 400 gram.
- Det wiltj dus zègke desse 2,15 miljaard porsies frit kins snieje.
- In Belsj zeen wae mèt 11,7 miljoen luj.
- Det is dus ôngeviër 184 porsies frit veur eedere Belsj.
- Esse eedere vriedig fritte its, kumse 3,5 jaor tòw.
- Es eedere Belsj 73,5 kilo petatte geit hole (veur gezinne effe de kinjer mèttèlle en veur de aoj van dage môtte de rösthoeëze effe get raekene), zeen wae wiëd genôg.
- Petatte jasse kintj bèst ei fijn wirkske zeen, esse det same duis. Radio op, sjolk aan en juu!
- Nao het veurbakke (5 menuute op 140 graode in het vèt), leutse de frit röstig aafkeule op get keukepepeer.
- De kins det perfekt invreeze. Blieftj hiël lank good.

🍟Jo: “Belangriëk ouch ôm efkes te ôngerstrepe det het hiej euver ein ekstra fritmomentj môt gaon. De friture en de rest vanne ekonomiej môt ouch bliëve wiejer dreije. Dus neet oëtsloëtendj aane zelfgesneeje frit gaon!”

🤝“Ich raeken oppet gezôndj booreverstandj van eedere Vlaoming, eedere Belsj. Effe geine riëst of pasta oppe menuj: det zègk ich uch! Es wae effe same pin haoje, gerake wae door dae berg petatte haer. Ich bèn alvast zelf begôs mèt sjèlle!”

21/04/2026

😡Ouch Gin D'erin is het käök! 🤬 Ze höbbe het gaar-oët hiël g'hadj mèt diej beergoëjers allewiel. Op heur vraog publiesere wae ein offiesjeel steetmentj van heur mennedjzment.

ℹ️ Names heure mennedzjer Gaëlle Ooms leutj de dialektbend Gin D'erin weite det ouch zië neet opgezat zeen esse mèt beer waere bekogeldj ônger optreejes. Het môt gedaon zeen daomèt. ℹ️

🤔Wae vanne Rabbedabber ginge biej Christoph en Bart langs veur get ekstra duiding biej dit korte steetmentj.

🍺Christoph: "Loëster. Wae zeen eine nog jônge dialektj- en karnavalsbend oët Kinder, en wae tummere aardig hel aane waeg nao d'n top. Mèt optreejes in As, Bree en Kinder höbbe wae al ein aardig palmares det wae kinne veurlègke. Ein groeëte hit skore is - in tegestèlling tot Boëswildj, Van Alles Get of de Rabbedabbers zelf - nog neet gelöktj, mer det wiltj neet zègke det wae diej bekers beer nao ôzze kop verdeene! Ein sjanj is het!"

🍻Bart: "Zoëp het beer go*******me gewuuën op, leefst es het kaod is! Eine dae beer weg goejdj, det is eine sjaele wikser, eine sjörger, ei w***e!"

🥂Christoph: "Zoeë is det! Wae höbbe ôs alzelaeve ingehaoje es ter weer ein klats beer euver ôs haer ging, mer sins veurig wiekendj weite wae det wae ôs neet hove te sjame ôm eemes oppe bühn te trèkke ôm dae ins flink sjoor te g*eve! Zjus wiej Gerard Jolink, ôzze kollega-artiest van oppe Hollenjer."

🍾Bart: "Es ter dus nog eine dörftj ôm ôs ei bekerke beer nao ôs bakkes te goëje, doon ich mich de pruuëk aaf, sleip ich dae aan z'n kloeëte het podium op en den g*ef ich dae ze gereete det 'r neet mieë wètj boë detter stuit."

🖕Christoph: "En zeet mer zeker det het filmke det wae dao den van make op internèt kumptj. Den vils dich voeël en wae kôme ter es winnaar oët!"

👊Bart: "Deh!"

Ooms Gaëlle Christoph Voortmans Bart Kunnen Gin d'erin

16/04/2026

💬Alzo sprach...💬
.. Vic van Orban tege JD Vens op zôndigaovendj laat...

Sjaai môt 'r zeen 🫣🤫

15/04/2026

💪Annick De Ridder zuuët Roubaix-winst van Aert es kroeën op mobiliteitsbeleid: "Hae kintj hiej traene oppe allerslechtste fitsepade!" 🚴‍♀️

😎Vlaoms minister van Sport en Mobiliteit Annick De Ridder zuuët de euverwinning van Wout van Aert inne kasseiklassieker Parijs–Roubaix es het ultiem bewiës det het Vlaomse mobiliteitsbeleid wirktj: “Twieë Vloaminge oppe bühn in Roubaix is absoluut gei tòwval. Dit is het resultaat van jaorelange ôngerinvesteringe in ôzze fitsinfrastruktuur. Wae höbbe hiej de meist erbarmelikke moordstrookskes ligke boë-op fitse zoeë gevaorlik is det allein de allersterkste euverlaeve."

🫵Volges De Ridder zal de Vlaomse regering nóg sterker gaon inzètte oppet verslechtere vanne fitspade: "Wae keeze veur fitsepade van losliggendje kasseie mèt modderig steingruis, gekômbineerdj mèt ônverwachtse deepe pötte mèt sjerpe renj en losliggendj zandj richting ein deepe greppel. In diej ômstandighede höbben fitsers ouch hiël rap ein platte tuup en stimulere wae het talentj ôm zich optimaol veur te bereide op de groeëtste suksesse. Oonlie de strong survaajf!"

🤔Volgens amateurkoeräör Jurge Caris is ter allemaol niks van aan en zulle de maotregele van De Ridder gein vèrf pakke: "Koeräörs rieje noejts op het fitsepaad!”

© Dit artiekel kumptj van de saajt De Cactus, is ômgezat nao het Kinders plat en lichtjes aangepastj. Alle krediet nao de wuilesse van De Cactus! Sjik gemaaktj!

14/04/2026

🩺💊💉 Aod-dokter Fôns Bullen leutj aan ôs redaksie weite det Trump neet gehiël ôngeliëk heet toen dae wuiles zei det de Feek Noets Media hum verkiërdjelik es Jezus aanzaag op dae inmiddels beruchte foto op Troët Sosjal.

☝️Fôns: "In de lèste jaore det ich praktijk haaj, höb ich ouch aaf en tòw de nòw kleijaasj van Domus Medica (zègk mer de Vlaomse vereiniging van hoësartse) gedrage. Eine witte sjolk mèt eine roëje stola. D'n oëtlègk daobiej is det de kleur wit stuit veur 'reinheid', want wae wirke euver 't algemeen redelik steriel en proper. De kleur roëd wiltj den weer zègke det 'r ouch waal ins get blood biej te pas zal kôme. Det kinse noëjts volledig oëtsloeëte, zeker neet es ter gesneeje môt waere."

🤷‍♂️ "Al biej al eine gemekkelikke outfit, dao neet van, mer ich wis toen al: hiej geit nog ins gezeik van kôme es de verkiërdje ter mèt oetpaktj. De luj zeen allewiel snel op heure p*k getrooje", aldus Fôns.

🤝 Wae vanne redaksiej wille dokter-op-röst Bullen bedanke veur d'n heldere oëtlègk. Sjik det wae hum nog alzelaeve moge benadere veur advies op maot of gewuuën eine helder kiëk op de zaak. Fôns: bedanktj! 🫶

09/04/2026

👑 Wistj g*e det breeve tösse Keuning Filip en ôs vereiniging gewuuën vieja de post gaon?!

🍾 Dus neet mèt flessepost,
🕊️ neet mèt ein doëf van Mao van ‘t Klumpke,
🔥 en ouch neet mèt rouksienjale…

📮 Gewuuën eine breef haer en eine breef trögk. En den höbse ‘old skool’ kônversasiej. Sumpel!

Dus de innigste vraog diej tèltj: höbse al gesjreeve? 🤔

05/04/2026

⏳De Prinsezittinge van lang geleeje… 🎞️
🤔 Wètj g*e nog, die Prinsezitting van 2019❓

🎉 Toen stinge dees wuilesse oppe bühn:
👉 Z.H. De Lustige Blaozers veur ambiejaos en op- en aafmarse
👉 De Raod van Èllef mèt eine ekt mèt kikkers en ballerina's, det waas begaajdj!
👉 The All-Stars
👉 Be Urban
👉 De Jeugdraod
👉 De Aod-Prinsesse
👉 Twan & Mark zônge euver d'n Euverkant van de Nacht
👉 De Aod-Prinse leete doëj artieste weer tot laeve kôme...
👉 De Goortse Vrouwen
👉 De Dames vanne RvE
👉 De Sjaaimakers
👉 2 Dikke Vriendinne (Margot Janssen & Nathalie Gerits)
👉 Maurice & Mark
👉 Double DJ’s
👉 Joe Hardy

😢 Aan het inj van d’n aovendj ginge Prins Hendrik I Neyens en Prinses Kim I Brouns aaf…
🥳 mer kwaame Prins Bart III Kunnen en Prinses Gaëlle I Ooms oët‼️

🎖 Keuniklikke Sjötteriej St. Servatius Raam kreeg de ieër Ridder te waere.
🏅Marc Meurs (RVE) woor tot Kroeënridders geslage ⚔️

🌈 Het waer in Kinder dae daag: bewolktj mèt lichte raege en zoeën 5 °C euverdaag, eine tiepisse vochtige wintjerdaag.

🎭 Missjien woors dich dao biej, op diej Prinsezitting van lang geleeje❓
📸 G*e moogtj inne kômmentaar op dit berich geröst anekdotes of foto’s van toen poste👍

🕰️ Het kômendj jaor gaon wae regelmaotig op dees pagina trögk in d’n tiëd. Nao diej zittinge van lang geleeje. Tot 'r weer ein nòw Prinsezitting is, op 9 janewariej 2027...❤️💛💚

Adres

Kinrooi
3640

Website

http://www.rabbedabbers.be/

Meldingen

Wees de eerste die het weet en laat ons u een e-mail sturen wanneer K.V. Rabbedabbers Kinrooi nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.