20/04/2025
19/04/2025 Leuven Belgium
Jaaliyada Maakhir ee dalka Belgium waxay kulankoodii sanad laha ahaa ku yeesheen Magaalada Leuven, kulanka waxa kasoo qaybgalay gudoonka, gudida joogtada ah, aqoonyahanka, waxgaradka, haweenka iyo dhalinyarada reer Maakhir ee dalka Belgium.
Sanadkan waxa kulan jaaliyada kala soo qaybgalay dhalinyaro aqoonyahano ah oo ka kala socda jaaliyadaha Maakhir ee dalalka Germany, France, Canada , USA, Italy , Nederland iyo dalalka Scandinavianka, isbarasho kadib kulanka, aqoon iyo aragtiba waa la isku weydaarsaday.
Is-xogwaraysi iyo qiimayn waxyaabihii jaaliyada u qabsoomay sanadkii lasoo dhaafay kadib, kulanka waxa lagu soo bandhigay dastuurka cusub ee ay yeelandoonto jaaliyadu, sharaxaad iyo gorfayn kadib si guul iyo wadarguud ah ayaa loo ansixiyey, intii uu kulanku socday waxa lagu guulaystey dhismaha garabka haweenka jaaliyada, iyadoo sidoo kale dib u casriyeyn heersare ah lagu sameeyey hanaanka bixinta lacagta khidmada jaaliyada.
Ugu danbayntii kulanka waxa la gudo galay qodobka labaad ee ajandaha shirka oo ahaa in si qoto dheer wax la isaga waydiiyo xaaladaha gudaha wadankii deegaanka Maakhir, waxgaradka iyo aqoonyahanka jaaliyadu waxay si adag oo aan gabasho la ahayn ugu hadleen xaaladaha colaadeed ee deegaanka gaar ahaan Ceerigaabo, Calmadow iyo Calmiskaat, waxay jaaliydu si heersare ah u bogaadisay dadaalada nabadeed ee deegaanka Dureera ee gobolka Sanaag iyadoo si weyna loogu mahadceliyey waxgaradka iyo cuqaasha arintan gacanta ku haya.
Arimaha xaladaha wadankii jaaliyadu waxay kasoo saartay bayaan ka kooban 10qodob goordhow lasocon
