10/06/2026
Kara literaturamanto,
Delonge ne aperis novaĵletero pri novaj libroj, do ni volas prezenti al vi la lastajn eldonojn kiuj intertempe aperis:
1. La vendisto de feliĉo (Julian Modest)
La vendisto de feliĉo estas kolekto de 22 rakontoj. Per siaj rakontoj Julian Modest instigas nin kredi je mirakloj, ĉar sen la mirakloj nia vivo estos griza kaj enuiga. Liaj etaj rakontoj similas al sunradioj, lumigantaj detalojn el la vivo, kiujn ni ne rimarkas aŭ ne deziras rimarki. La verkisto posedas la neordinaran talenton rakonti simple, klare, sincere. En liaj noveloj ne aperas grandaj vortoj, pseŭdofilozofiaj konkludoj, tutmondaj konfliktoj. Li rakontas ordinarajn historiojn pri ordinaraj homoj, sed historioj, kiuj provokas nin, profunde emocias nin kaj ne hazarde ni ne povas forgesi la bonkorajn, karajn, modestajn heroojn. La libron per koloraj pentraĵoj ilustris la filo de la verkisto: Ferenc Mihalkov.
Jen la ligilo: https://retbutiko.be/eo/ero/vfel
2. Ĉio estas politika (Trevor Steele)
Ĉio estas politika estas kolekto de artikoloj kaj prelegoj kiujn Trevor Steele faris dum la pasintaj 20 jaroj kaj kiuj pritraktas mondajn eventojn. Inter la temoj, kiuj bedaŭrinde daŭre restas aktualaj, ni trovas pacifismon, militon kaj militkrimojn, aborigenojn, Amnestio Internacia, sed ankaŭ plurajn kiuj rilatas al Esperanto. La artikoloj aperis i.a. en Aŭstraliaj Esperantistoj, Esperanto sub La Suda Kruco, Beletra Almanako kaj Monato.
Jen la ligilo: https://retbutiko.be/eo/ero/cxpo
3. Du libroj de Louis Beaucaire
Fabeloj de la verda pigo kaj El la vivo de Bervala sentaŭgulo
FEL reeldonis du klasikaĵojn el la humura, Esperanta literaturo, nome: "Fabeloj de la verda pigo" kaj "El la vivo de Bervala sentaŭgulo", de Louis Beaucaire. La unua libro prezentas absurdajn, humurajn rakontojn, kiuj ĉefe rilatas al la Esperanto-movado, la dua libro estas konata ankaŭ kiel la "maldeceta epizodaro". En ĝi, la protagonistoj travivas pli tiklajn travivaĵoj dum sia "esperanta" vivo.
La du libroj aĉeteblas kune kontraŭ rabato de po 2 eŭroj, do entute 27 eŭroj + nur unufoja afranko por la presitaj libroj; 15 eŭroj por la 2 bitaj libroj.
Jen la ligilo: https://retbutiko.be/eo/ero/lbcr2
Ili aĉeteblas ankaŭ aparte:
Fabeloj de la verda pigo: https://retbutiko.be/eo/ero/fvpig.2
kaj El la vivo de Bervala sentaŭgulo: https://retbutiko.be/eo/ero/berva.2
4. La ogro kiu faris orajn fekaĵojn (Alice Antigone)
Humura, bele ilustrita fabelo por etuloj kaj granduloj. Ĝi traktas kapitalismon sen rekte nomi ĝin. Temoj: esplorado, socia rezisto, medio. De 6 ĝis 107 jaroj.
Jen la ligilo: https://retbutiko.be/eo/ero/ogro
5. (Re)aperis novaj libroj de aliaj eldonejo:
- Ĉashundo de la Baskerviloj (Arthur Conan Doyle), reeldono: https://retbutiko.be/eo/ero/cbas.2
- Domo ĉe Pu-Angulo (A. A. Milne): https://retbutiko.be/eo/ero/dcpa
- Edzino de l' tempvojaĝanto (Audrey Niffenegger): https://retbutiko.be/eo/ero/edlt
- Legu min ie ajn (Laure Patas d'Illiers): https://retbutiko.be/eo/ero/lmia
- Jam 6 libroj pri Muminvalo (Tove Jansson): https://www.esperanto.be/cgi-bin/mal/Web_store/web_storeeo.cgi?verkinto=Tove%20Jansson
- Paradizo (Said Baluĉi): https://retbutiko.be/eo/ero/prdz
- Rebecca (Daphne du Maurier): https://retbutiko.be/eo/ero/rbcc
- Stig de la ŝutloko (Clive King): https://retbutiko.be/eo/ero/sdls
- Sutro de cent paraboloj (Sangasena): https://retbutiko.be/eo/ero/strc
- Toto la pinta hundo (Catherine Rayner): https://retbutiko.be/eo/ero/toto
6. Du multlingvaj kaj multkoloraj afiŝoj:
La afiŝoj havas la formaton A3, unu kun la vorto "amo" en iom pli ol 40 lingvoj, la alia kun la vorto "paco".
Jen la ligiloj https://retbutiko.be/eo/ero/afam kaj https://retbutiko.be/eo/ero/afpc
