Zaqatala Qadın Resurs Mərkəzi

06/03/2025

04/03/2025

26/12/2024

12/08/2024

12 avqust Beynəlxalq Gənclər Günüdür.

Bu münasibətlə Zaqatala Qadın Resurs mərkəzinin bir qrup gənc üzvləri ilə qörüş keçirildi. Tədbir zamanı mərkəzin psixoloqu Nərmin xanım gənclərin ümümi aktivliyi , inkişafı barədə məlumat verdi. Fiziki və mənəvi cəhətdən sağlam olan , dünyada gedən prosesləri qavrayan, müasir texnologiyalarla işləməyi bacaran , əqidəli, milli-mənəvi dəyərlərə malik gənclər Vətənimizi uğurlu gələcəyə aparmaq üçün böyük qüvvə olduğunu bildirdi.

Beynalxalq Gənclər Günü münasibəti ilə Mərkəzimiz adından gəncləri təbrik edir, gənclik illərini mənalı keçirməyi və bu illəri dəyərləndirməyi diləyirik.
Zaqatala Qadın Resurs Mərkəzi

26/07/2024

Siz də öz icmanızda müsbət dəyişikliklər etmək istəyirsinizmi?

Öz icmanızda ən fəal və məlumatlı sizsiz və ətrafda hamıya müxtəlif sosial xidmətlərə çıxış əldə etməyə kömək edirsinizsə bunu daha peşəkar formada edə bilərsiniz.

Bunun üçün sizə 20 günlük təlimdə iştirak etməyi təklif edirik:
• 10 gün əyani təlimlər (5 günlük təlim 2 dəfə)
• 10 gün online təlimlər
• Müntəzəm görüşlər vasitəsilə yerli dəstək şəbəkəsinin
gücləndirilməsi
• Bilik və bacarıqların artırılması

Təlimlərdə ünsiyyət, müsahibə, məsləhət və təmsilçilik bacarıqlarının inkişafı, rəsmi məktub, iddia ərizəsi və hesabatların hazırlanmasının tədris olunması nəzərdə tutulur.

Təlim keçmiş şəxslərə hüquqi məsələlər ilə bağlı müraciətlərin hazırlanması, sosial-psixoloji dəstəyin alınması, aztəminatlı ailələrə sosial müavinat, işsizlik müavinatı, əlilliyə görə müavinatın ayrılmasına dair səlahiyyətli dövlət orqanlarına müraciət və s. sahələrdə əhaliyə xidmət göstərilməsi öyrədiləcək.

Əsas məqsəd yerli icmaların daxili imkanlarının və məsləhət xidmətlərinə əlçatımlıqlarının gücləndirilməsidir. Eyni zamanda təlimdə iştirak edənlərin maarifləndirilməsi nəticəsində icma nümayəndələrinin məlumatlığının artırılması, ictimai xidmətlərə çıxış imkanlarının yaxşılaşdırılması və inklüziv iştirakın təşviqi nəzərdə tutulur.
Tələblər:
• Yaş: 18 – 45 yaş arası Azərbaycan Respublikasının vətəndaşı olan
qızlar və oğlanlar, qadınlar və kişilər. Əlilliyi olan şəxslərə üstünlük
verilir.
• Təhsil: Peşə məktəbi və ya bakalavr pilləsini bitirmiş və ya hazırda
təhsil alan şəxslər.
• İxtisas: - Hüquqşünas və humanitar elmlər sahəsində ixtisasa malik
olan (tarixçi, müəllim, jurnalist və s.) şəxslərə üstünlük verilir.
• Sosial aktivlik: Qadın Resurs Mərkəzlərinin fəaliyyətində, yerli
icmalarda aktiv olan, liderlik qabiliyyəti və təlimi bitirdikdən sonra
əhaliyə daha keyfiyyətli xidmət göstərmək həvəsi və planı olan
şəxslərə üstünlük verilir.
• Dil bacarıqları: Azərbaycan dilində sərbəst danışmaq, oxumaq və
yazmaq mütləqdir. İngilis dilini bilmək arzuolunandır.
• Kompüter bacarıqları: MS Office proqramlarını (Word və Excel),
xüsusilə Word-də sərbəst işləmək bacarığı olmalıdır. İnternetdən
istifadə, o cümlədən axtarış bacarığının olması arzuolunandır.

Əlaqə nömrəsi: 051-517-21-85 Tamella Mirzəyeva
Ünvan: Zaqatala şəhəri, Heydər Əliyev Mərkəzi II mərtəbə.
Zaqatala Qadın Resurs Mərkəzi

27/06/2024

27 iyun dünyada mikro, kiçik və orta sahibkarlar günüdür.

2018-ci ilin oktyabr ayından Ailə, Qadın və Uşaq Problemləri üzrə Dövlət Komitəsi və beynəlxalq donorların dəstəyi ilə yaradılan Zaqatala Qadın Resurs Mərkəzi vasitəsilə qadınlara həm sahibkarlıq bacarıqları öyrədilir, həm də onlara öz bizneslərini qurmağa dəstək oluruq.

Bu günə qədər 79 nəfərdən çox qadına kiçik biznes fəaliyyətinə başlamaları üçün dəstək göstərilib.
Biznes təlimlərin qalibi olan xanımlar böyük uğurlar əldə ediblər. Qeyd edək ki, Mərkəzdə həyata keçirilən təlimlərdə gözəl nəticə əldə edən xanımlar gələcəkdə daha yaxşı iş imkanları tapa bilirlər.

Dəyərli Sahibkar Qadınlar! Bayramınız mübarək!

Zaqatala Qadın Resurs Mərkəzi

14/06/2024

Ödənişsiz hüquqi və psixoloji xidmətlərdən sən də yararlan!

Mərkəzimizdə ödənişsiz hüquqi və psixoloji xidmət göstərilir. Xidmət "İqtisadi və sosial iştirakın artmasına mane olan əngəlləri aradan qaldırmaq üçün Azərbaycanda münaqişədən təsirlənmiş həssas qruplara daxil olan qadınların səlahiyyətlərinin artırılması və onlar üçün bərabər imkanların yaradılması (SABİY)" layihəsi çərçivəsində icra olunur.

Layihə Britaniya Hökumətinin maliyyə dəstəyi ilə Ailə, Qadın və Uşaq Problemləri üzrə Dövlət Komitəsi və BMT-nin İnkişaf Proqramı tərəfindən birgə həyata keçirilir.

Ailə, Qadın və Uşaq Problemləri üzrə Dövlət Komitəsi
UNDP Azerbaijan
Zaqatala Qadın Resurs Mərkəzi

14/06/2024

20 may-11 iyun 2024-cü il tarixlərində Ailə, Qadın və Uşaq Problemləri üzrə Dövlət Komitəsi tərəfindən Bakı və Sumqayıt şəhəri, Xəzər, Masallı, Bərdə, Füz...