Xaçmaz rayon Mərkəzləşdirilmiş Kitabxana Sistemi

18/06/2026

"Vurğun poeziyasına ehtiram" adlı tədbir keçirilib
İyunun 18-də Quba-Xaçmaz Regional Mədəniyyət İdarəsi Xaçmaz rayon Mərkəzi Kitabxanasında "İlham Çeşməsi" elmi-ədəbi məclisinin üzvlərinin iştirakı ilə Xalq şairi Səməd Vurğunun 120 illiyinə həsr olunmuş "Vurğun poeziyasına ehtiram" adlı dəyirmi masa təşkil edilib.Tədbirdə böyük Azərbaycan şairinin zəngin ədəbi irsi və milli ədəbiyyatımızın inkişafındakı xidmətləri geniş şəkildə qeyd edilib. İştirakçılar şairin həyat və yaradıcılığı haqqında ətraflı məlumat verib, onun vətənpərvərlik və humanizm ruhunda qələmə aldığı əsərlərin bu gün də aktuallığını qoruyub saxladığını vurğulayıblar.Tədbir zamanı Səməd Vurğunun şeirlərindən nümunələr səsləndirilib. Çıxış edənlər Azərbaycan ədəbiyyatının görkəmli nümayəndələrindən biri olan Səməd Vurğunun xalqımızın mədəni yaddaşında xüsusi yer tutduğunu qeyd edib, onun əsərlərinin gələcək nəsillər üçün də qiymətli mənəvi irs kimi qalacağını bildiriblər.Daha sonra iştirakçılar şairin həyat və yaradıcılığını əks etdirən sərgiyə baxış keçirib, sonda isə xatirə şəkilləri çəkilib.

16/06/2026

16 Iyunda Quba-Xaçmaz Regional Mədəniyyət Idarəsi Xaçmaz rayon Mərkəzləșdirilmiṣ kitabxana sisteminin Köhnə Xaçmaz kənd kitabxana filialı kiçik yașlı oxucular üçün "Nağıl saatı " təşkil edib.

15/06/2026

12/06/2026

15 İyun:-Qurtuluşdan inkişafa aparan yol adlı məlumat günü keçirilib.
İyunun 12-də Quba-Xaçmaz Regional Mədəniyyət İdarəsi Xaçmaz rayon Mərkəzləşdirilmiş Kitabxana Sisteminin Arzu kənd kitabxana filialının əməkdaşları Arzu kənd tam orta məktəbində 15 İyun Milli Qurtuluş Günü ilə əlaqədar olaraq “15 İyun: Qurtuluşdan inkişafa aparan yol” adlı məlumat günü keçirib. Kitabxana filialının müdiri Xudaverdiyeva Səidə məlumat verərək bildirib ki, Azərbaycan xalqının taleyində böyük əhəmiyyət daşıyan elə günlər var ki, həmin günlərdə onun gələcək həyatını müəyyən edən mühüm başlanğıcların əsası qoyulub. Vurğulanıb ki belə günlərdən ən önəmlisi tariximizə qızıl hərflərlə yazılmış 15 iyun Milli Qurtuluş Günüdür. Milli Qurtuluş Günü Azərbaycan xalqı üçün böyük ictimai-siyasi və tarixi əhəmiyyətə malik bir gündür. İyunun 15-i xalqımız üçün əsl qurtuluş tarixidir.

12/06/2026

15 İyun – Milli Qurtuluş Günü ilə əlaqədar məlumat saatı təşkil olunub

İyunun 12-də Quba-Xaçmaz Regional Mədəniyyət İdarəsi Xaçmaz rayon Mərkəzləşdirilmiş Kitabxana Sisteminin Əhmədoba kənd kitabxana filialı və Hacıəhmədoba kənd Folklor klubunun əməkdaşları kitabxanada 15 İyun – Milli Qurtuluş Günü ilə əlaqədar “Millətin xilaskarı Heydər Əliyev” adlı məlumat saatı keçiriblər. Tədbiri giriş sözü ilə kitabxana filialının müdiri O. Gülnarə açaraq mövzu haqqında ətraflı məlumat verib.

12/06/2026

“Qurtuluşdan Zəfərə uzanan yol” adlı tədbir təşkil olunub.

İyunun 12-də Quba–Xaçmaz Regional Mədəniyyət İdarəsi Xaçmaz Rayon Mərkəzi Kitabxanasında 15 İyun – Milli Qurtuluş Gününə həsr olunmuş “Qurtuluşdan Zəfərə uzanan yol” adlı tədbir keçirilib.

Tədbir Ümummilli Lider Heydər Əliyevin və Azərbaycanın ərazi bütövlüyü uğrunda canlarından keçmiş şəhidlərin əziz xatirəsinin bir dəqiqəlik sükutla yad edilməsi ilə başlayıb.

Tədbirdə çıxış edənlər 15 İyun – Milli Qurtuluş Gününün Azərbaycan xalqının tarixində mühüm dönüş nöqtəsi olduğunu vurğulayıblar. Qeyd olunub ki, 1993-cü ildə ölkədə yaranmış mürəkkəb ictimai-siyasi vəziyyət və dövlət müstəqilliyinə yönəlmiş ciddi təhlükələr Ümummilli Lider Heydər Əliyevin uzaqgörən siyasəti və qətiyyətli fəaliyyəti nəticəsində aradan qaldırılıb.

Bildirilib ki, xalqın təkidli tələbi ilə siyasi hakimiyyətə qayıdan Heydər Əliyev ölkədə ictimai-siyasi sabitliyin bərpasına, dövlətçilik ənənələrinin möhkəmləndirilməsinə və Azərbaycanın davamlı inkişaf yoluna çıxmasına nail olub. Çıxışlarda Ümummilli Liderin müasir Azərbaycan dövlətinin qurulması, milli həmrəyliyin gücləndirilməsi və ölkənin beynəlxalq nüfuzunun artırılması istiqamətində göstərdiyi misilsiz xidmətlərdən geniş bəhs edilib.

Tədbir çərçivəsində Milli Qurtuluş Gününün tarixi əhəmiyyətini əks etdirən kitab sərgisinə baxış keçirilib. İştirakçılara bu əlamətdar günün Azərbaycanın inkişafında, dövlət müstəqilliyinin möhkəmləndirilməsində və əldə olunan uğurların təməlində dayanan mühüm amillərdən biri olduğu diqqətə çatdırılıb.

Sonda Milli Qurtuluş Gününün Azərbaycan xalqının taleyində xüsusi yer tutduğu, ölkənin bu günkü inkişafı və qazanılmış Zəfər yolunun əsasını təşkil etdiyi vurğulanıb.

11/06/2026

Azərbaycan ədəbiyyatının görkəmli nümayəndəsi, Xalq şairi Səməd Vurğunun anadan olmasının 120 illik yubileyi ilə əlaqədar informasiya günü keçirilib.

İyunun 11-də Quba-Xaçmaz Regional Mədəniyyət İdarəsi Xaçmaz rayon Mərkəzləşdirilmiş Kitabxana Sisteminin Çiləgir kənd kitabxana filialında "Azərbaycan poeziyasının zirvəsi Səməd Vurğun" adlı informasiya günü təşkil olunub. Kitabxana filialının müdiri Yusifova Əminə şairin Azərbaycan ədəbiyyatının inkişafında müstəsna xidmətlərindən, onun zəngin bədii irsinin milli-mənəvi dəyərlərimizin qorunması və təbliğindəki rolundan bəhs edib. Bildirib ki, şairin yaradıcılığı vətənpərvərlik, insanpərvərlik və yüksək mənəvi keyfiyyətlərin təbliği baxımından bu gün də öz aktuallığını qoruyub saxlayır.

11/06/2026

15 İyun Milli Qurtuluş Günü ilə əlaqədar informasiya günü keçirilib.

İyunun 11-də Quba-Xaçmaz Regional Mədəniyyət İdarəsi Xaçmaz rayon Mərkəzləşdirilmiş Kitabxana Sisteminin Padar kənd kitabxana filialında 15 İyun Milli Qurtuluş Günü ilə əlaqədar olaraq "15 İyun Milli Qurtuluş Günü Azərbaycanın xilasının başlanğıcı oldu" adlı informasiya günü təşkil edilib. Tədbirdə çıxış edən filial müdiri Aysənəm Məmmədova bildirib ki, Milli Qurtuluş Günü Azərbaycan tarixinin ən əlamətdar günlərindən biridir. Ulu Öndər Heydər Əliyevin xalqın tələbi ilə hakimiyyətə qayıdışı ölkəmizdə sabitliyin, inkişafın və tərəqqinin əsasını qoyub.Qeyd olunub ki, 15 İyun Azərbaycan xalqının taleyində mühüm dönüş nöqtəsi olmaqla yanaşı, dövlət müstəqilliyimizin qorunması və möhkəmləndirilməsi baxımından xüsusi əhəmiyyət daşıyır.