31/12/2025
Սիրելի՛ հայենակիցներ,
Ամանորի այս կախարդական գիշերը, երբ բոլորս ամփոփում ենք անցյալն ու նոր հույսերով նայում ապագային, ՀՅԴ Արցախի երիտասարդական միությունը սիրով շնորհավորում է ձեզ 2026 թվականի առթիվ։
Թող այս նոր տարին յուրաքանչյուրիս օջախ բերի խաղաղություն, լույս և անսպառ ջերմություն:
Մեր մաղթանքն է, որ 2026-ը դառնա մեր միասնության տարին։ Թող մեր միջև եղած հեռավորությունները հալվեն, իսկ կապերն ավելի ամրանան։ Մենք հավատում ենք, որ հենց երիտասարդության կրակն ու անսպառ եռանդն են լինելու այն ուժը, որը մեզ կառաջնորդի դեպի մեր նվիրական նպատակը։
Մաղթում ենք բոլորիս՝
🔴 ամուր կամք, որպեսզի երբեք չնահանջեք ձեր երազանքներից և միշտ բարձր պահեք մեր անկոտրում տեսակը։
🔴 միասնականություն, որպեսզի աշխարհի որ ծայրում էլ լինենք, զգանք միմյանց թիկունքն ու զորակցությունը։
🔴 վերադարձի տեսլական։ Թող 2026-ի յուրաքանչյուր օրը մեզ մի քայլ ավելի մոտեցնի մեր հավաքական երազանքին՝ արժանապատիվ վերադարձին դեպի մեր հայկական Արցախ։
«Ամանորի ամենակարևոր բարեմաղթանքը թող լինի մեր տունդարձի ճանապարհը հարթելը։ Թող մեր հավատքն ավելի հզոր լինի, քան ցանկացած փորձություն»։
Թող 2026 թվականը լինի բարի լուրերի, վերածննդի և հաղթանակների տարի։
Շնորհավոր Ամանոր և Սուրբ Ծնունդ։
Լույս ու սեր ձեր օջախներին։✨
