MİHİ - Şabran Rayon Komitəsi

17/10/2025

16 oktyabr 2025-ci il tarixində Mədəniyyət İşçiləri Həmkarlar İttifaqı Şabran rayon komitəsi, Şabran rayon Heydər Əliyev Mərkəzində “M.Ə.Rəsulzadə küçəsi 37” (Mədəniyyət şöbəsi) və “Zərifə Əliyeva küçəsi 1” (Mərkəzləşdirilmiş Kitabxana Sistemi) Ərazi Partiya Təşkilatlarının birgə təşkilatçılığı ilə "Müstəqilliyin Bərpası Günü"-nə həsr olunmuş tədbir kecirilib.
Tədbirdə Şabran rayon Heydər Əliyev Mərkəzinin, Mərkəzləşdirilmiş Kitabxana Sisteminin, Uşaq Gənclər İnkişaf Mərkəzinin, Çıraqqala Şabran Dövlət Tarixi Mədəniyyət Qoruğunun kollektivləri iştirak etmişdir.
YAP Şabran rayon təşkilatı “M.Ə.Rəsulzadə küçəsi 37” (Mədəniyyət şöbəsi) Ərazi Partiya Təşkilatının sədri Təvəkgül Əliyev tədbiri açıq elan edərək mövzu ətrafında qonaqlara ətraflı məlumat vermiş və daha sonra çıxış edən natiqlər qeyd etmişlər ki, ötən əsrin sonunda yaranmış tarixi şərait Azərbaycana dövlət müstəqilliyini yenidən bərpa etmək imkanı verdi. Azərbaycanın dövlət müstəqilliyi haqqında Konstitusiya Aktının qəbul edilməsindən artıq 34 il ötür. Azərbaycanı müstəqilliyə aparan yolda qəbul olunan ilk rəsmi sənəd 1991-ci il avqustun 30-na təsadüf edir ki, məhz həmin gün Azərbaycan Respublikası Ali Sovetinin xalqın tələbi ilə çağırılmış növbədənkənar sessiyasında “Azərbaycan Respublikasının Dövlət müstəqilliyini bərpa etmək haqqında” bəyannamə qəbul olunmuşdur. Bunun ardınca Azərbaycan Respublikası Ali Sovetinin həmin ilin 18 oktyabr tarixli sessiyasında “Azərbaycan Respublikasının Dövlət müstəqilliyi haqqında” Konstitusiya Aktı yekdilliklə qəbul edilməklə Azərbaycan yenidən müstəqilliyinə qovuşmuşdur.

07/10/2025

27/09/2025

Mədəniyyət İşçiləri Həmkarlar İttifaqı Şabran rayon komitəsinin sədri və üzvləri 27 Sentyabr-Anım Günü ilə əlaqədar Şabran rayon Şəhidlər Xiyabanını ziyarət ediblər. Onlar Vətən müharibəsində canlarını qurban vermiş qəhrəman şəhidlərimizin xatirəsini ehtiramla yad edib, məzarları üzərinə qərənfillər düzüblər.

26/09/2025

Mədəniyyət İşçiləri Həmkarlar İttifaqı Şabran rayon komitəsinin təşkilatçılığı ilə “Gənclərin Liderlik Akademiyası – 4” düşərgəsinin gediş və gəlişi təşkil edilib.
Sentyabrın 17-dən 21-dək Quba Olimpiya İdman Kompleksində Gənclər və İdman Nazirliyi, Gənclər Fondunun dəstəyi və “Gənclərin Maarifləndirilməsinə Dəstək” İB-in təşkilatçılığı ilə “Gənclərin Liderlik Akademiyası – 4” düşərgəsi keçirilib.
Beş gün davam edən düşərgə çərçivəsində gənclər “Sosial təşəbbüskarlıq və ictimai liderlik”, “Effektiv ünsiyyət və konfliktlərin idarə olunması” mövzularında təlimlərdə, eləcə də vəkillərin iştirakı ilə keçirilən “Gənclər üçün hüquqi savadlılıq – Liderliyin təməli” adlı panel müzakirədə iştirak ediblər. Proqram çərçivəsində həmçinin “Parkur Challenge”, “Xəzinə axtarışı”, “Spagetti Qalası”, “Breyn Rinq” kimi komanda oyunları, idman yarışları və müxtəlif konseptli əyləncə proqramları təşkil olunub. Düşərgənin sonunda iştirakçılara sertifikatlar təqdim edilib.

09/09/2025

“Birlikdə hərəkət edək, sağlam olaq!” şüarı altında Mədəniyyət İşçiləri Həmkarlar İttifaqı tərəfindən icra edilən “Sağlam Həmkar” layihəsinə start verilmişdir. Layihənin məqsədi üzvlər arasında sağlam həyat tərzinin təşviqi, ekoloji təmiz nəqliyyat vasitəsi kimi velosiped istifadəsinin genişləndirilməsi və paytaxtda salınan yeni velosiped yollarından səmərəli istifadənin dəstəklənməsidir.

Layihə çərçivəsində üzvlərə bir ay müddətində gündə 1 saat olmaqla “APAR” velosiped kirayəsi xidməti vasitəsilə ödənişsiz velosiped istifadəsi imkanı təqdim olunur.

Layihə yalnız Bakı şəhərində keçirilir və fürsət yalnız ilk 100 nəfər üçün nəzərdə tutulub.

Qeydiyyat üçün linkə daxil olun: https://forms.gle/n1Roafy2EMYcqwBj9

04/09/2025

03.09.2025-ci il tarixində Mədəniyyət İşçiləri Həmkarlar İttifaqı Şabran rayon komitəsinin və Şabran rayon Mədəniyyət Mərkəzinin təşkilatçılığı ilə Şabran Xalq Teatrının mərhum direktoru və yaradıcısı, rejissoru olan Cabir Əmrahovun 70 illik yubileyi təntənəli şəkildə qeyd edildi. Əvvəl Şabran Xalq Teatrının heyəti ilə birlikdə Cabir müəllimin məzarı ziyarət edilərək məzarı üzərinə tər qərənfillər düzüldü. Daha sonra Şabran rayon Mədəniyyət Mərkəzində təntənəli tədbir ilə davam etdirildi. Tədbirdə Şabran rayon İcra Hakimiyyətinin nümayəndələri, Şabran rayon Heydər Əliyev Mərkəzinin direktoru və kollektivi, Şabran rayon UGİM-in direktoru və kollektivi, Şabran Tarix Diyarşünaslıq Muzeyinin direktoru və əməkdaşları, Pirəbədil Tarix Muzeyinin direktoru, Çıraqqala-Şabran Dövlət Tarix-Mədəniyyət Qoruğunun direktoru və əməkdaşları, Şabran rayon məktəblərinin kollektivləri və digər qoruqlar iştirak edirdi.

01/09/2025

Azərbaycan Həmkarlar İttifaqları Konfederasiyası və Mədəniyyət İşçiləri Həmkarlar İttifaqı Respublika Komitəsi tərəfindən “Kiçik əllərə böyük ümidlər daşıyırıq” şüarı altında “Balaca Həmkarlara" göndərilən məktəb ləvazimatları, MİHİ Şabran rayon Komitəsinin üzv təşkilatlarında çalışan üzvlərimizin 2025/2026-cı tədris ilində 1-ci sinifə gedən övladlarına paylanılıb.

21/08/2025

19/08/2025

19/08/2025

13-15 avqust 2025-ci il tarixlərində MİHİ Şabran rayon komitəsi tərəfindən ilk təşkilat olan Quba-Xaçmaz Regional Gənclər və İdman İdarəsi fəal könüllü gənclərlə birlikdə Mingəçevir şəhərində “Dostluq körpüsü” adlı düşərgə keçirilmişdir.
Düşərgə çərçivəsində gənclər Mingəçevir şəhərində Şəhidlər Xiyabanını ziyarət etmiş, vətənimizin müstəqilliyi uğrunda canlarından keçmiş şəhidlərimizin əziz xatirəsini ehtiramla yad ediblər.
Düşərgədə gənclər Mingəçevir şəhər Gənclər evini, həmçinin, şəhərin gəzməli-görməli yerlərini ziyarət etmiş, onlara bölgənin tarixi, mədəni irsi haqqında geniş məlumat verilmişdir.
Gənclər asudə vaxtlarında dənizkənarı bulvarda istirahət edib, müxtəlif interaktiv əyləncəli oyunlar təşkil edilmişdir.
Düşərgə gənclərin xatirində xoş təəssürat yaratmışdır. Düşərgədə gənclərlə birlikdə xatirə şəkilləri çəkdirilmişdir.

16/08/2025

Hörmətli xanımlar və cənablar,
19 sentyabr 2025-ci il tarixindən etibarən Azərbaycan Respublikası Qeyri-Hökumət Təşkilatlarına Dövlət Dəstəyi Agentliyi, Azərbaycan Həmkarlar Konfederasiyası, Mədəniyyət İşçiləri Həmkarlar İttifaqı və Hemofiliyalı Xəstələr İctimai Birliyinin təşkilatçılığı ilə ANA & BALA 7 Sağlamlıq Yay Düşərgəsi keçiriləcək.
Düşərgə daxili qanın laxtalanma pozğunluğundan əziyyət çəkən uşaqlara və onların ailə üzvlərinə tibbi mütəxəssislər tərəfindən təlimlər keçirməyi nəzərdə tutur.
Təlimlərə daxili fizioterapevtik müayinələr və məşqlər, hematoloq tərəfindən təlimlər, damar daxili inyeksiya təlimləri, sağlam qidalanma üzrə təlimlər, həmçinin uşaqların istirahəti və əyləncəli vaxt keçirməsi daxil olacaq.
Məqsədimiz biliklərimizi paylaşaraq uşaqların sağlam böyüməsinə dəstək olmaqdır!

16/08/2025

16.08.2025-ci il tarixində Mədəniyyət İşçiləri Həmkarlar İttifaqı Şabran rayon komitəsinin təşkilatçılığı ilə Şabran rayon Mərkəzi Kitabxanasının İşçiləri olan ittifaq üzvlərinin Quba rayonunda yerləşən "Şah əsəri " istirahət düşərgəsində bir günlük gəzintisi təşkil edildi.