Qazax Gənclər Evi

12/06/2026

11/06/2026

"Tarix danışır" layihəsi çərçivəsində 15 İyun - Milli Qurtuluş Gününə həsr olunmuş "Milli birliyin zəfəri" başlığı altında tədbir keçirildi. Tarixin yaddaşına həkk olunan 15 İyun - Milli Qurtuluş Günü Azərbaycan xalqının taleyində dönüş nöqtəsi olmuşdur. Bu gün yalnız bir təqvim tarixi deyil, həm də azadlıq, dirçəliş və milli birliyin rəmzidir.

11/06/2026

📚 I Qazax Kitab Sərgisi

İyunun 20-21-də Qazax şəhəri, Mədəniyyət Mərkəzində Azərbaycan Nəşriyyatları Assosiasiyasının təşkilatçılığı, Gənclər və İdman Nazirliyinin, Mədəniyyət Nazirliyinin və Qazax Rayon İcra Hakimiyyətinin tərəfdaşlığı ilə Səməd Vurğunun 120 illik yubileyinə həsr olunmuş I Qazax Kitab Sərgisi baş tutacaq. ✨

"BP"nin dəstəyi ilə keçirilən sərgi iki gün boyunca Qazax bölgəsinin kitabsevərləri üçün görüş nöqtəsinə çevriləcək. Müəlliflər, nəşriyyatlar, oxucular və uşaqlar eyni məkanda bir araya gələcək, kitabların yaratdığı xüsusi ab-havanı birlikdə yaşayacaqlar.💚

Çünki bəzi şəhərlərin ruhu küçələrində yox, oxunan kitablarında yaşayır…

🕙 10:00-19:00
📍 Qazax şəhəri, Mədəniyyət Mərkəzi

01/06/2026

Qazaxda səyyar “Sağlam həyat” layihəsi keçirilib

01 iyun 2026-cı il tarixdə Qazax şəhər Heydər Əliyev adına mədəniyyət və istirahət parkında Azərbaycan Respublikasının Gənclər və İdman Nazirliyi tərəfindən səyyar “Sağlam həyat” layihəsi keçirilib.

Tədbirdə Azərbaycan Respublikasının Gənclər və İdman Nazirliyinin sektor müdiri Elçin Qasımov iştirak edib.

Layihənin əsas məqsədi vətəndaşlar arasında sağlam həyat tərzinin təbliği, fiziki fəallığın artırılması, sağlamlığın qorunması istiqamətində maarifləndirmə işinin aparılması və əhalinin idmana marağının artırılması olub.

Layihə çərçivəsində müxtəlif idman növləri üzrə kütləvi idman oyunları və əyləncəli yarışlar təşkil edilib, iştirakçılat müxtəlif fiziki aktivliklərə cəlb olunublar.

Keçirilən layihədə ümumilikdə 114 nəfər iştirak edib. Tədbir iştirakçılar tərəfindən böyük maraqla qarşılanıb və xüsusilə uşaqların və gənclərin fəallığı ilə yadda qalıb.
Layihədə fərqlənən uşaqlar Azərbaycan Respublikasının Gənclər və İdman Nazirliyi tərəfindən sertifikatlarla təltif olunublar.

̇N

01/06/2026

1 İyun – Uşaqların Beynəlxalq Müdafiəsi Günüdür.

29/05/2026

28/05/2026

28 May - Müstəqillik Gününüz Mübarək! 🇦🇿

26/05/2026

Qurban bayramınız mübarək!

25/05/2026

Dəyərli proqram iştirakçıları,

Bu məsuliyyətli yolda sizə uğurlar arzulayırıq.

Əməkdaşlarımız "Asılılıqlara qarşı mübarizə: tətbiqedici təlim proqramı"nda əldə etdikləri bilik və bacarıqları regionlarda tətbiq edəcəklər. Onlar gənclərimizin asılılıqlardan və zərərli vərdişlərdən qorunması, sağlam həyat tərzinin təşviqi istiqamətində dəstək olacaqlar.

İnanırıq ki, bu layihə gələcək fəaliyyətinizdə faydalı olacaq, peşəkar fəaliyyətinizə töhfə verəcək və cəmiyyətimiz üçün mühüm nəticələr yaradacaq.

21/05/2026

"Qazax Gənclər evi" sosial xidmət müəssisəsi və Qazax Rayon İcra Hakimiyyəti yanında Gənclərin Yerli Məşvərət Şurasının birgə təşkilatçılığı ilə keçirilən “Mən konsepsiyası” adlı təlim uğurla başa çatdı.

Təlimçi Kənan Abbasov tərəfindən iştirakçılarla özünü tanıma, fərdi inkişaf, daxili potensialın kəşfi və şəxsiyyətin formalaşması mövzularında maraqlı müzakirələr aparıldı. İnteraktiv formada keçən görüş gənclər tərəfindən böyük maraqla qarşılandı.

Təlim müddətində iştirakçılar həm yeni biliklər qazandı, həm də öz fikir və baxışlarını bölüşmək imkanı əldə etdilər. Səmimi və faydalı atmosferdə keçən görüş hər kəs üçün dəyərli təcrübə oldu.