İntellektual İnkişaf Naminə İctimai Birliyi

16/04/2026

Qəbələ regional “ASAN xidmət” mərkəzində 21 aprel – Ümumdünya Yaradıcılıq və İnnovasiya Günü münasibətilə İntellektual İnkişaf Naminə İctimai Birliyinin əməkdaşı Ayaz Məmmədov tərəfindən müxtəlif innovativ qurğu və ixtiraların təqdimatı keçirilib.

Təqdimat zamanı əməkdaşlar və könüllülər nümayiş olunan layihələrlə yaxından tanış olub, onları maraqlandıran suallara ətraflı cavablar əldə ediblər. Eyni zamanda texnika və texnologiya sahəsindəki son yeniliklər, eləcə də ölkəmizdə bu istiqamətdə fəaliyyət göstərən mütəxəssislərin gələcək planları barədə məlumat verilib.

Bu cür təşəbbüslər gənclərin innovativ düşüncəsinin inkişafına töhfə verməklə yanaşı, yaradıcılıq mühitinin genişlənməsinə dəstək olur

12/04/2026

Robotexnika dərslərimiz davam edir! 🤖✨
Kurs dinləyiciləri bu gün həm proqramlaşdırma, həm də texniki bacarıqlarını inkişaf etdirərək maraqlı layihələr üzərində çalışdılar.
Gələcəyin mühəndisləri burada yetişir! 🚀

02/04/2026

Zəfər yolumuzun başlanğıcı sayılan Aprel döyüşləri xalqımızın qəhrəmanlıq salnaməsində xüsusi yer tutur. Bu şanlı tarix, Vətən uğrunda canından keçən igidlərimizin əzmi, cəsarəti və sarsılmaz ruhunun təcəssümüdür.

Bütün şəhidlərimizi dərin ehtiram və minnətdarlıqla yad edirik. Onların müqəddəs xatirəsi daim qəlbimizdə yaşayacaq.

Şəhidlər ölməz, Vətən bölünməz!

30/03/2026

19/03/2026

"İntellektual İnkişaf Naminə" İctimai Birliyi Ramazan ayında şəhid ailələri və qazilər üçün iftar süfrəsi təşkil edib.

Ramazan ayının mənəvi dəyərlərini yaşatmaq və sosial həmrəyliyi gücləndirmək məqsədilə “İntellektual İnkişaf Naminə” İctimai Birliyi tərəfindən şəhid ailələri və ehtiyac sahibləri üçün silsilə iftar süfrələri təşkil olunmuşdur.

Bu təşəbbüs çərçivəsində növbəti iftar süfrəsi 18 mart tarixində şəhid ailələri və qazilərin iştirakı ilə baş tutmuşdur. Tədbirdə şəhidlərimizin əziz xatirəsi dərin ehtiramla yad edilmişdir.

İftar proqramı zamanı birlik nümayəndələri çıxış edərək bildirmişlər ki, belə tədbirlərin keçirilməsində əsas məqsəd cəmiyyətin həssas təbəqələrinə diqqət və qayğı göstərmək, milli-mənəvi dəyərləri təşviq etmək və birlik ruhunu daha da möhkəmləndirməkdir.

Tədbir səmimi ab-hava şəraitində keçmiş, iştirakçılar göstərilən diqqət və qayğıya görə təşkilatçılara minnətdarlıqlarını ifadə etmişlər.

“İntellektual İnkişaf Naminə” İctimai Birliyi gələcəkdə də bu kimi sosial yönümlü layihələri davam etdirməyi planlaşdırır.

08/11/2025

Şəhidlər xiyabanı ziyarəti